ಮಾರ್ಕ 10:52 - ದೇವ್ನಿ ಖ್ಹಾಚಿ ವಚನ್

⁵² ಯೇಸುನೆ ಇನ, “ಜಾ಼, ತಾರಿ ವಿಶ್ವಾಸ್‌ಥೀಸ್ ತುನ ಅಛ್ಛು಼ ಹುಯಿಗಯು” ಕರಿ ಬೋಲ್ಯೊ. ಅಮ್ ಬೋಲ್ತಾಸ್‌ನ ಇನ ದೆಖಾವಲಗ್ಯು ಅಜು಼ ಯೋ ಮಾರಗ್‌ವಾಟೆ ಕರಿ ಯೇಸುನ ಪೀಠೆ ಗಯೊ.

ಮಾರ್ಕ 10:52 ပူးပေါင်းရင်းမြစ်များ

ಮತ್ತಾಯ 11:5

ಕಾಣಾವ್ನ ಡೋಳಾ ಆವ್‌ಶೆ, ಲಂಗ್ಡು ಖ್ಹಾರು ಚಾ಼ಲ್‌ಷೆ, ಖೋಡ್‍ ರ‍್ಹವಾಳು ಪಾಕ್‌ ಉಶೆ, ಭೈರಾವ್‍ನ ಖ್ಹಮ್‌ಜಾ಼ವ್‌ಶೆ, ಮರಿಗಯುಹುಯು ಜಿವ್ತು ಉಟ್‌ಶೆ, ಅಜು಼ ಗರೀಬ್‌ನ ಸುವಾರ್ತೆ ಬೋಲಾವ್‌ಶೆ.

ಮತ್ತಾಯ 12:22

ಭೂತ್‌ ಧರಿರಾಖ್ಯುಥೂತೆ ಇನಖ್ಹಾಜೇಥಿ ಕಾಣು ಅಜು಼ ಮುಕ್ಕು ಹುಯಿರ‍್ಹುಥೂತೆ ಏಕ್‌ ಜ಼ಣಾನ ಯೇಸುಕನ ಲಾಯು. ಇನೆ ಇನ ಅಛ್ಛು಼ ಕರ್ತಾನ, ಇನ ಡೋಳಾ ಅಜು಼ ವಾತೆ ಆಯು.

ಮತ್ತಾಯ 15:28

ತದೆ ಯೇಸುನೆ ಇನ, “ಬಾಯಿ, ತಾರಿ ವಿಶ್ವಾಸ್ ಘಣಿ ಮೋಟಿ! ತಾರ ಮನ್‌ಮ ಛಾ಼ತೆ ಇಮ್ಮಸ್ ತುನ ಹುವಾದೆ” ಕರಿ ಜವಾಬ್‌ ದಿದೊ. ಯೋಸ್ ವಖ್ಹತ್‌ಮ ಇನಿ ಛೋ಼ರಿನ ಅಛ಼್ಛುಹುಯು.

ಮತ್ತಾಯ 21:14

ತದೆ ಕಾಣು ಅಜು಼ ಲಂಗ್ಡುಖ್ಹಾರು ಮಂದಿರ್‌ಮ ಇನಾಕನ ಆಯು, ಯೇಸುನೆ ಇವ್ಣುನ ಅಛ್ಛು಼ ಕರ‍್ಯೊ.

ಮತ್ತಾಯ 8:3

ಯೇಸುನೆ ಹಾತ್‌ ಖ್ಹಾಮ್ಣೆ ಕರೀನ್, ಇನ ಛೀಮಿನ್‌, “ಮನ ಮನ್ ಛಾ಼, ಶುದ್ದಿ ಹೂ” ಕರಿ ಬೋಲ್ಯೊ. ತದ್‌ನು-ತದ್ದೇಸ್ ಯೋ ಅದ್ಮಿನ ಖೋಡ್‍ ಅಛ್ಛು಼ ಹುಯಿಗಯು.

ಮತ್ತಾಯ 9:22

ತದೆ ಯೇಸುನೆ ಫರೀನ್, ಇನಾಭಣಿ ದೇಖಿನ್‌, “ಛೋ಼ರಿ ಧಿಲ್‌ಪತ್‌ಥಿ ರ‍್ಹೇ! ತಾರಿ ವಿಶ್ವಾಸ್‌ಥೀಸ್‌ ತುನ ಅಛ಼್ಛುಹುಯು” ಕರಿ ಬೋಲ್ಯೊ. ಯೋಸ್‌ ವಖ್ಹತ್‌ಮ ಯೋ ತಯೇಡಾನ ಗುಣ್‌ಹುಯು.

ಮಾರ್ಕ 1:31

ಯೇಸು ಸೀಮೋನನಿ ಖ್ಹಾಖ್ಹುನ ಖನ್ನೆ ಜೈ಼ನ್, ಇನೊ ಹಾತ್ ಧರೀನ್ ಉಠಾಡ್‌ತಾಖ್ಹತರ್‌, ಇನೊ ತಾವ್ ಉತ್ರಿಗಯೊ. ತದೆ ಯೋ ಉಠೀನ್ ಇವ್ಣಿ ಸೇವಾ-ಚಾ಼ಕ್ರಿ ಕರಿ.

ಮಾರ್ಕ 5:34

ತದೆ ಯೇಸುನೆ ಇನ, “ಛೋ಼ರಿ, ತಾರಿ ವಿಶ್ವಾಸ್‌ಥೀಸ್ ತುನ ಅಛ್ಛು಼ ಹುಯೂತೆ. ಸಮಾಧಾನ್‌ಥಿ ಜಾ಼, ತುನ ಬಿಜು಼ ಪಾಛು಼ ಯೋ ರೋಗ್ ಖ್ಹತಾವ್‌ಶೆ ಕೊಯ್ನಿ” ಕರಿ ಬೋಲ್ಯೊ.

ಮಾರ್ಕ 8:25

ತದೆ ಯೇಸುನೆ ಇನ ಡೋಳಾಪರ್‌ ಫಾಛೊ಼ ಇನೊ ಹಾತ್ ಮ್ಹೇಲ್ಯೊ. ಯೋ ಡೋಳ ಮ್ಹೇಲಿ ದೇಖಾಖ್ಹತರ್ ಇನ ಡೋಳ ಐಗಾಥ, ಅಜು಼ ಇನಅಖ್ಖು ಬರೋಬರ್‌ಥಿ ದೆಖಾಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:50

ಕತೋಬಿ ಯೇಸುನೆ ಯೋ ತಯೇಡಾನ, “ತಾರಿ ವಿಶ್ವಾಸಸ್ ತುನ ಬಚಾ಼ಡ್ಯು; ಶಾಂತಿಥಿ ಜಾ಼” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:48

ಇವ್ಣುನ ಬೋಲ್ಯೊಕಿ, “ಕೋಣ್‌ತೋಬಿ ಏಕ್‌ ಜ಼ಣು ಮಾರ ನಾಮ್‌ಪರ್‌ ಆ ಅಡ್ಡಾಣಿ ಲಡ್ಕಾನ ಬುಲೈಲೇಸ್ಕಿ, ಇವ್ಣೆ ಮನ ಬುಲೈಲ್ಯವಾದಾಖ್ಹಲ್‌; ಅಜು಼ ಕೋಣ್ ಮನ ಬುಲೈಲೇಸ್ಕಿ, ಯೋ ಮನ ಮೋಕ್‌ಲ್ಯೊತೆ ಇನಾಸ್ ಬುಲೈಲ್ಯವಾದಾಖ್ಹಲ್‌. ಇನಖ್ಹಾಜೇಸ್ ತುಮಾರಾಮ ಕೋಣ್ ನ್ಹಾನೋಕಿ ಯೋಸ್ ಖ್ಹಾರೇಥಿ ಮೋಟೊ ಹುಯಿರ‍್ಹಿಶೆ” ಕರಿ ಬೋಲ್ಯೊ.

ಯೋಹಾನ 9:32

ಪೈದಾಖ್ಹ್‌ಥೂಸ್‌ ಕಾಣು ಹುಯಿರ‍್ಹೂತೆ ಏಕ್‌ ಅದ್ಮಿನ ಕೋಣ್‌ತೋಬಿ ಅಛ್ಛು಼ ಕರ‍್ಯುತೆ ಬಾರೇಮ ಜಗತ್‌ ಶುರುವಾತ್‌ಥು ಏಕ್‌ನೇಬಿ ಖ್ಹಮ್‌ಜಿರಾಖ್ಯು ಕೊಯ್ನಿ.

ಯೋಹಾನ 9:39

ಯೇಸುನೆ ಬೋಲ್ಯೊ, “ಮೇ ನ್ಯಾಯತೀರ್ಪ್‌ನ ಖ್ಹಾಜೆ ಆ ಜಗತ್‌ಮ ಐರ‍್ಹೋಸ್ತೆ, ಇನಖ್ಹಾಜೆ ಡೋಳಾಕೊಂತೆ ಇವ್ಣೆ ದೇಕ್‌ಶೆ, ಅಜು಼ ಕಿನ ಡೋಳಾ ಛಾ಼ಕಿ ಇವ್ಣೆ ಕಾಣು ಉಶೆ” ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.