ಮಾರ್ಕ 10:48 - ದೇವ್ನಿ ಖ್ಹಾಚಿ ವಚನ್

⁴⁸ ಕೈಯೆಕ್ಕಿ ಅದ್ಮಿ, “ಖ್ಹೊಪೇಥಿ ರ‍್ಹೇ!” ಕರಿ ಇನ ಗುರ್‌ಕಾಯು. ತೋಬಿ ಯೋ, “ದಾವೀದ್‌ನ ಛಿಯ್ಯಾ, ಮಾರಪರ್ ಗೋರ್‌ಕರ್‌!” ಕರಿ ಬಿಜೂ಼ಬಿ ಜಾ಼ಖ್ಹತ್ ಚಿಕ್ರಿಲಿದೊ.

ಮಾರ್ಕ 10:48 ပူးပေါင်းရင်းမြစ်များ

ಇಬ್ರಿ 5:7

ಕ್ರಿಸ್ತ ಯೋಸ್ ಜಗತ್‌ಮ ಅದ್ಮಿಹುಯಿನ್ ಜಿವ್ಣು ಕರ‍್ಯೊತೆ ಹಗಾಮ್ಮ ಮರಣ್‍ಥಿ ಛು಼ಕೈನ್ ಬಚಾ಼ಡನು ಶಕತ್‍ವಾಳನ ಘಟ್‍ಥಿ ಪ್ರಾರ್ಥನೆ ಕರ್ತೊಹುಯಿನ್ ಡೋಳಾನ ಆಂಝೇ಼ಥಿ ಪ್ರಾಥರ್ನೆನಿ ಬಿಂತಿ ಕರ‍್ಯೊ. ಇನಖ್ಹಾಜೆ ದೇವ್ನ ಉಪ್ಪರ್‌ಥೀತೆ ಡರ್‌-ಭಕ್ತಿನಖ್ಹಾಜೆ ಇನಿ ಪ್ರಾರ್ಥನೆನ ದೇವ್ನೆ ಖ್ಹಮ್‍ಜ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:39

ಖ್ಹಾಮ್ಣೆ ವಳ್ಯುಜಾ಼ತುಥೂತೆ ಅದ್ಮಿ ಇನ, “ಖ್ಹೊಪ್‌ ರ‍್ಹೆ” ಕರಿ ಬೋಲಿನ್ ಗುರ್‌ಕಾಯು. ಕತೋಬಿ ಯೋ ಬಿಜೂ಼ಬಿ ಜೋ಼ರೇಥಿ ಚಿಕ್ರಿನ್, “ದಾವೀದ್‌ನ ಛಿಯ್ಯಾ! ಮಾರಪರ್ ಗೋರ್‌ ಕರ್‌” ಕರಿ ಬೋಲ್ಯೊ.

ಮಾರ್ಕ 5:35

ಯೇಸು ಹಿಜ್ಜಾ಼ ಬಿಜೂ಼ಬಿ ವಾತೆ ಬೋಲುಕರ್ತೊಥೋತೆ, ಎತ್ರಾಮ ಮಂದಿರ್‌ನು ಅದಿಕಾರಿ ಭಣಿವಾಳು ಹಿಜ್ಜಾ಼ ಐನ್, “ತಾರಿ ಛೋ಼ರಿ ಮರಿಗೈ. ಅಜು಼ ಗುರುನ ಖ್ಹತಾವ್ ನಕೊ?” ಕರಿ ಬೋಲ್ಯು.

ಮತ್ತಾಯ 20:31

ಯೋ ಭೀಡ್‌ಮ ಥೂತೆ ಅದ್ಮಿಖ್ಹಾರು ಇವ್ಣುನ ಗುರ್‌ಕೈನ್, “ಖ್ಹೊಪೇಥಿರ‍್ಹವೊ” ಕರಿ ಬೋಲ್ಯು. ತೋಬಿ ಭೇ ಕಾಣಾವ್ನೆ ಬಿಜೂ಼ಬಿ ಜೋ಼ರೇಖ್ಹು ಚಿಕ್ರಿನ್, “ಪ್ರಭು, ದಾವೀದ್‌ನ ಛಿಯ್ಯಾ! ಹಮಾರಪರ್ ಗೋರ್‌ ಕರ್‌” ಕರಿ ಬೋಲ್ಯ.

ಮತ್ತಾಯ 19:13

ಥೋಡು ಜ಼ಣು ಇವ್ಣ ಅಡ್ಡಾಣಿ ಲಡ್ಕಾವ್‍ನ ಯೇಸುಕನ ಲೈನ್‌, ಇವ್ಣಾಪರ್ ಹಾತ್ ಮ್ಹೇಲಿನ್, ಪ್ರಾರ್ಥನೆ ಕರ‍್ನು ಕರಿ ಬೋಲಿಲಿದು, ಕತೋಬಿ ಶಿಷ್ಯರ್‌ನೆ ಇವ್ಣುನ ಗುರ್‌ಕಾಯು.

ಎಫೆಸ 6:18

ತುಮೆ ಪವಿತ್ರಾತ್ಮಥಿ ಭರೈನ್ ಖ್ಹಾರಿ ವಖ್ಹತ್‌ಮ ಹರೇಕ್ ತರಿಕಾನಿ ಪ್ರಾರ್ಥನೆಥಿಬಿ ಬಿಂತೀನಿವ್ಹಾರ್ಥೀಬಿ ದೇವ್ನ ಪ್ರಾರ್ಥನೆ ಕರೊ. ಅನಾಮ ಏಕ್‌ ಖ್ಹಯಾಲ್‌ವಾಳು ಹುಯಿನ್ ದೇವ್ನ ಅದ್ಮಿ ಖ್ಹಾರಾನಿ ಬಾರೇಮ ಬಿಂತಿಕರ‍್ತಹುಯಿನ್ ಜ಼ತನ್‌ಥಿ ರ‍್ಹವೊ. ಅಖ್ಖಾಸ್ ಅದ್ಮಿನಖ್ಹಾಜೆ ಹಮೇಶ ಪ್ರಾರ್ಥನೆ ಕರಾನು ನಕೊ ಮ್ಹೇಲೊ.

ಮತ್ತಾಯ 9:27

ಯೇಸು ಹಿಜ್ಜಾ಼ಥೊ ಜಾ಼ವಾನಿ ವಖ್ಹತ್‌ಮ, ಬೇ ಜ಼ಣು ಕಾಣು, “ದಾವೀದ್‌ನ ಛಿಯ್ಯಾ, ಹಮಾರಪರ್‌ ಗೋರ್‌ ಕರ್‌!” ಕರಿ ಜೋ಼ರೇಖ್ಹು ಚಿಕರ್ತು ಹುಯಿನ್, ಇನ ಪೀಠೆ ಗಯ.

ಮಾರ್ಕ 10:13

ಬಾದ್‌ಮ ಥೋಡು ಜ಼ಣು ಅಡ್ಡಾಣಿ ಲಾಡ್ಕಾವ್‍ಪರ್‌ ಯೇಸುನೊ ಹಾತ್ ಮ್ಹೆಲಾವ್ಣು ಕರಿ ಇನಾಕನ ಲಾಯು, ತದೆ ಇನ ಶಿಷ್ಯರ್‌ನೆ ಇವ್ಣುನ ಗುರ್‌ಕಾಯು.