ಮಾರ್ಕ 10:43 - ದೇವ್ನಿ ಖ್ಹಾಚಿ ವಚನ್

⁴³ ಕತೋಬಿ ತುಮಾರಮ ಇಮ್‌ ನಾರ‍್ಹೇವ್ಣು. ತುಮಾರಮ ಕೋಣ್‌ತೋಬಿ ಮೋಟು ಹೋಣುಕರಿ ಉಶೇತೊ; ಯೋ ಬಿಜ಼ ಖ್ಹಾರಾನಿ ಸೇವಕ್ ಹುಯಿರ‍್ಹೇವ್ಣು.

ಮಾರ್ಕ 10:43 ပူးပေါင်းရင်းမြစ်များ

ಮಾರ್ಕ 10:42

ತದೆ ಯೇಸುನೆ ಖ್ಹಾರಾನ ಎಕ್ಕದಮ್ ಬುಲೈನ್ ಇವ್ಣುನ, “ಯೆಹೂದ್ಯರ್‌ಕಾಹೆತೆ ಅದ್ಮಿಮ, ಅದಿಕಾರ್‌ಮ ರ‍್ಹವಾಳು ಇವ್ಣಾಪರ್ ಹಂಕಾರ್‌ಥಿ ಅದಿಕಾರ್ ಚ಼ಲಾವಸ್. ಅಜು಼ ಇವ್ಣಾಮ ಮೋಟು ಖ್ಹಾರು ಜು಼ಲಮ್ಜ಼ಸ್ತಿಥಿ ಅದಿಕಾರ್ ಚ಼ಲಾವಸ್ ಕರಿ ಬೋಲಾನು ತುಮುನ ಮಾಲುಮ್‌ ಛಾ಼.

ಮಾರ್ಕ 10:44

ತುಮಾರಾಮ ಕೋಣ್‌ತೋಬಿ ಅಖ್ಖೇಥಿ ಖ್ಹಾಮ್ಣೆ ರ‍್ಹೇವ್ಣುಕರಿ ಉಶೇತೊ, ಯೋ ಅಖ್ಖಾನೊ ಗುಲಾಮ್ ಹುಯಿರ‍್ಹೇಣು.

ಮಾರ್ಕ 9:35

ಯೇಸು ಬೇಶಿನ್, ಇನ ಭಾರ‍ಜ಼ಣ ಶಿಷ್ಯರ್‌ನ ಬುಲೈನ್ ಇವ್ಣುನ, “ತುಮಾರಮ ಕೋಣ್‌ತೋಬಿ ಅಖ್ಖಾಮ ಅಗಾಡಿ ರ‍್ಹೇವ್ಣುಕರಿ ಉಶೇತೊ ಇನು ಯೋ ಅಖ್ಖೇಥಿ ಪಾಛ಼್‌ಲ್ಯೊ ಹೋಣು ಅಜು಼ ಅಖ್ಖಾನೊ ಸೇವಕ್ ಹುಯಿರ‍್ಹೇವ್ಣು” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:11

ಶನಕತೊ ಕೋಣ್ ಇನುಯೋಸ್ ಮೋಟೊಕರಿ ಬೋಲೈಲ್ಯವಾಳೊ ಹರೇಕ್‌ಜ಼ಣೊ ಹೇಟು ಹುಯಿಜಾ಼ಶೆ, ಅಜು಼ ಇನುಯೋಸ್ ಹೇಟುಕರಿ ಬೋಲೈಲ್ಯವಾಳೊ ಯೋ ಮೋಟೊ ಹುಯಿಜಾ಼ಶೆ ಕರಿಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:14

ಮೇ ತುಮೂನ ಬೋಲುಸ್ಕಿ, ಆ ಶುಂಕ ವಶೂಲ್ ಕರಾವಾಳುಸ್ ದೇವ್ನ ಡೋಳಾಮ ಬರೊಬರ್‌ ಕರಿ ಬೋಲೈಲಿನ್, ಘರೆ ಗಯೊ. ಕತೋಬಿ ಯೋ ಪರಿಸಾಯವಾಳೊ ಇಮ್‌ ಕೊಗಯೋನಿ. ಇನುಯೋಸ್ ಮೋಟೊಕರಿ ಬೋಲೈಲ್ಯವಾಳೊ ಹರೇಕ್‌ಜ಼ಣೊ ಹೇಟು ಹುಯಿಜಾ಼ಶೆ, ಇನುಯೋಸ್ ಹೇಟುಕರಿ ಬೋಲೈಲ್ಯವಾಳೊ ಯೋ ಮೋಟೊ ಹುಯಿಜಾ಼ಶೆ ಕರಿಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:26

ಕತೋಬಿ ತುಮಾರಮ ಇಮ್‌ ನಾರ‍್ಹೇವ್ಣು. ತುಮಾರಮ ಮಹಾನ್ ಕರಿ ರ‍್ಹೇಸ್ತೆ ಇವ್ಣೆ ನ್ಹಾನಾವ್‍ನಿ ಮತ್‍ ರ‍್ಹೇವ್ಣು, ಶಾಣು ಕರಿ ರ‍್ಹವಾಳು ಸೇವಕನಿ ಘೋಣಿ ರ‍್ಹೇವ್ಣು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:48

ಇವ್ಣುನ ಬೋಲ್ಯೊಕಿ, “ಕೋಣ್‌ತೋಬಿ ಏಕ್‌ ಜ಼ಣು ಮಾರ ನಾಮ್‌ಪರ್‌ ಆ ಅಡ್ಡಾಣಿ ಲಡ್ಕಾನ ಬುಲೈಲೇಸ್ಕಿ, ಇವ್ಣೆ ಮನ ಬುಲೈಲ್ಯವಾದಾಖ್ಹಲ್‌; ಅಜು಼ ಕೋಣ್ ಮನ ಬುಲೈಲೇಸ್ಕಿ, ಯೋ ಮನ ಮೋಕ್‌ಲ್ಯೊತೆ ಇನಾಸ್ ಬುಲೈಲ್ಯವಾದಾಖ್ಹಲ್‌. ಇನಖ್ಹಾಜೇಸ್ ತುಮಾರಾಮ ಕೋಣ್ ನ್ಹಾನೋಕಿ ಯೋಸ್ ಖ್ಹಾರೇಥಿ ಮೋಟೊ ಹುಯಿರ‍್ಹಿಶೆ” ಕರಿ ಬೋಲ್ಯೊ.

ಯೋಹಾನ 18:36

ಯೇಸುನೆ ಇನ, “ಮಾರಿ ರಾಜ಼್ ಆ ಜಗತ್‌ನು ಕಾಹೆ; ಮಾರಿ ರಾಜ್ಯ ಆ ಜಗತ್‌ನು ಹುಯಿರ‍್ಹೊಹೋತ್ತೊ, ಮೇ ಯೆಹೂದ್ಯರ್‌ನ ಹಾತ್‌ಮ ಮಳ್ಣುನಾತೆ ಇಮ್‌ ಮಾರು ಸೇವಕ್‌ಖ್ಹಾರು ಖ್ಹಾರು ಲಡ್ಯುಹೋತ್‌, ಕತೋಬಿ ಮಾರಿ ರಾಜ಼್ ಹಜ಼್ಜಾನು ಕಾಹೆ!” ಕರಿ ಜ಼ವಾಬ್‌ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:2

ಆ ಜಗತ್‌ವಾಳು ಚಾ಼ಲ್ ಚ಼ಲಣ್ಣಾ ನಾ ಪಾಡಿಚಾ಼ಲ್ನುತೆ ನವ ದಿಲ್‌ಥಿ ಬದ್ಲಿನ್ ಪರಲೋಕ್‌ನ ಖ್ಹಯಾಲ್‌ವಾಳ ಹುಯಿ‍ರ‍್ಹೆವೊ. ಅಮ್ ರ‍್ಹಿಯಾತೊ ದೇವ್ನ ಪರ್ಖಿನ್‌ ಅಛ್ಛಾ಼ನಾಬಿ, ಇಷ್ಟರ‍್ಹವಾನುಬಿ ಕಳಂಕ್‌ ಕೊಂತೇಬಿ ಖಿವುಕರಿ ಮಾಲುಮ್‌ ಕರ‍್ಲಿಶು.

ಗಲಾತ್ಯ 5:13

ಭೈಯೇ ಭೇನೆವೊ, ತುಮೆ ಛುಟ್ಕಾರ್‌ಥಿ ರ‍್ಹೇವ್ಣುಸ್‌ಕರಿ ದೇವ್ನೆ ತುಮುನ ಬುಲಾಯೊ. ಕತೋಬಿ ತುಮುನ ಛಾ಼ತೆ ಛುಟ್ಕಾರ್‌ನ ಶರೀರ್‌ನ ಇಛ್ಛಾನಿ ಪರಕ್ಮ ಉಪಯೋಗ್‌ ನಾಕರ‍್ನುತೆ, ಪ್ಯಾರ್‌ಥಿ ಏಕ್‌ಥಿ ಏಕ್‌ ಸೇವೆಕರೊ.