ಮಾರ್ಕ 10:38 - ದೇವ್ನಿ ಖ್ಹಾಚಿ ವಚನ್

³⁸ ಕತೋಬಿ ಯೇಸುನೆ ಇವ್ಣುನ, “ತುಮೆ ಶಾತ್‌ ಮಾಂಗಿಲಿದ ಕರಿ ತುಮುನ ಮಾಲುಮ್‌ ಕೊಯ್ನಿ. ಮೇ ಪೀಣುತೆ ವದೇಖ್ಹಾನ ರಾಛ಼ಮ ತುಮೆ ಪಿಯ್ಯಾನ ಉಶೇಕಿ ಶು? ಮನ ಉಷೇತೆ ಬ್ಯಾಪ್ತಿಸ್ಮ ಲ್ಯಾವಾನ ತುಮುನ ಉಶೇಕಿ ಶು?” ಕರಿ ಪುಛಾ಼ವಖ್ಹತರ್,

ಮಾರ್ಕ 10:38 ပူးပေါင်းရင်းမြစ်များ

ಮತ್ತಾಯ 26:39

ಅನಕೇಡೆಥು ಯೋ ಜ಼ರ ಖ್ಹಾಮ್ಣೆ ಜೈ಼ನ್, ಜ಼ಮೀನ್‌ಪರ್ ಆಡೊ ಪಡೀನ್, “ಮಾರೊ ಬಾ, ಹೋತು ಉಶೇತೊ, ಆ ವದೇಖ್ಹಾನಿ ಕಟೋರಿ ಮನ ಮ್ಹೆಂದಿನ್ ಜಾ಼ವಾನಿಘೋಣಿ ಕರ್‌! ತೋಬಿ ಮಾರಿ ಮರ್ಜಿನಿಘೋಣಿ ಕಾಹೆ, ತಾರಿ ಮರ್ಜಿನಿ ಘೊಣಿಸ್ ಹುವಾದೆ” ಕರಿ ಪ್ರಾರ್ಥನೆ ಕರ‍್ಯೊ.

ಮತ್ತಾಯ 3:6

ಇವ್ಣು-ಇವ್ಣು ಪಾಪ್ನ ಕಬೂಲಿಲೀನ್‌, ಯೊರ್ದನ್‌ ನದ್ದಿಮ ಯೋಹಾನಥಿ ಬ್ಯಾಪ್ತಿಸ್ಮ ಕರೈಲೆವ್‌ಕರ್ತುಥು.

ಮಾರ್ಕ 14:36

“ಓ ಬಾ, ಓ ಮಾರೊ ಬಾ! ತಾರೇಥಿ ಖ್ಹಾರುಸ್‌ ಹುವ್ವಾಸ್‌. ಆ ವದೇಖ್ಹಾನ ರಾಛಾ಼ನ ಮಾರೇಥಿ ಹಟಾವ್‌. ತೋಬಿ ಮಾರಿ ಮರ್ಜಿನಿ ಘೋಣಿ ಕಾಹೆತೆ ತಾರಿ ಮರ್ಜಿನಿ ಘೊಣಿಸ್ ಹುವಾದೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:50

ಕತೋಬಿ, ಮನ ಬಿಜೇಕ್ ತರ‍್ಹಾನು ಬ್ಯಾಪ್ತಿಸ್ಮ ಏಕ್‌ ಮಳ್‌ಣು. ಯೋ ಮಳಾತೋಡಿ, ಮೇ ಘಣಿ ಖ್ಹತಾಪ್ಣಿಮ ಛೂ಼.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:42

“ಬಾ, ತಾರಿ ಮರ್ಜಿ ಉಶೇತೊ, ಆ ಖ್ಹತಾಪ್ಣಿನಿ ಕಟೋರಿನ, ಮಾರೇಥಿ ದೂರ್ ಹಟಾವ್‌; ತೋಬಿ, ಮಾರಿ ಮರ್ಜಿ ಕಾಹೆ, ತಾರಿ ಮರ್ಜಿಸ್‌ ಹುವಾದೆ” ಕರಿ ಬೋಲಿನ್ ಪ್ರಾರ್ಥನೆ ಕರ‍್ಯೊ.

ಯೋಹಾನ 18:11

ತದೆ ಯೇಸುನೆ ಪೇತ್ರನ, “ತಾರಿ ತಲ್ವಾರ್‌ನ ಕಷ್‌ಬಂದ್‌ನಿ ಚ಼ಂಚಿಮ ಪಾಛು಼ ಘಾಲ್‌; ತೂ ಸೋಚಕೊಯ್ನಿಕಿ ಶು? ಮಾರ ಬಾನೆ ಮನ ದಿದೋತೆ ಕಟೋರಿಮ ಮೇ ನಾ ಪೀಣು ಕರಿ” ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:26

ಇಮ್ಮಸ್‌ ಪವಿತ್ರಾತ್ಮಬಿ ಅಪ್ಣಿ ಕಮ್‍ಜೋ಼ರ‍್ಮ ಅಪ್ಣುನ ಮದತ್‍ಕರಸ್. ಕಿಮ್‌ಕತೊ ಅಪ್ಣೆ ಕದೆ ಶಾತ್‌ ಮಾಂಗಿಲೇವ್ಣುಕರಿ ಅಪ್ಣುನ ಮಾಲುಮ್‌ಕೊಂತೆ ಇನಖ್ಹಾಜೆ ಪವಿತ್ರಾತ್ಮಸ್ ವಾತ್‍ಕೊಂತೆ ಥರ್‌ಪಡೀನ್ ಅಪ್ಣಖ್ಹಾಜೆ ಗಿಂಗೈಲೇಸ್.

ಯಾಕೋಬ 4:3

ಬಿಂತಿ ಕರಿಲಿದತೋಬಿ ಯೋ ತುಮುನ ಮಳಕೊಯ್ನಿ. ಶನಕತೊ ತುಮಾರಿ ಬಿಂತಿ ಖರಾಬ್ ಖ್ಹೂಜ್‍ನು ಹುಯಿರ‍್ಹೆಸ್. ಭೋಗ್ನಿ ಆಖ್ಹ್‌ನ ಚ಼ಲೈಲ್ಯಾವನು ತುಮಾರಿ ಶುಶತ್ ಹುಯಿರ‍್ಹೆಸ್.