ಮಾರ್ಕ 10:19 - ದೇವ್ನಿ ಖ್ಹಾಚಿ ವಚನ್

¹⁹ ‘ಖೂನಿ ನಾಹೋಣು; ವ್ಯಬಿಚಾರ್ ನಾ ಕರ‍್ನು; ಚೋ಼ರಿ ನಾ ಕರ‍್ನು; ಬಿಜಾ಼ಪರ್ ಝೂ಼ಟಿ ಇಂಜಾ಼ಮ್ ನಾ ಲಗಾಡ್‌ಣು; ಕಿನಾಬಿ ಠಗಾವ಼್ಣು ನಾ; ಆಯ-ಬಾನ ಮರ್ಯಾದಿ ದೇವ್ಣು ಕರಿ ದೇವ್ನಿ ಹುಕುಮ್‌ ಖ್ಹಾರಿ ತುನ ಮಾಲುಮ್‌ ಛಾ಼ನಿ” ಕರಿ ಬೋಲ್ಯೊ.

ಮಾರ್ಕ 10:19 ပူးပေါင်းရင်းမြစ်များ

ಮಾರ್ಕ 10:18

ತದೆ ಯೇಸುನೆ ಇನ, “ಮನ ಅಛ್ಛೊ಼ಕರಿ ಶನ ಬೋಲಾಸ್ತೆ? ದೇವ್ನ ಮ್ಹೇಲೀನ್‌ ಬಿಜು಼ ಕೋಣ್‌ಬಿ ಅಛ್ಛು಼ ಕಾಹೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:20

ವ್ಯಬಿಚಾರ್ ನಾ ಕರ‍್ನು, ಖೂನಿ ನಾಹೋಣು, ಚೋ಼ರಿ ನಾ ಕರ‍್ನು, ಝೂ಼ಟಿ ಇಂಜಾ಼ಮ್ ನಾ ಲಗಾಡ್‌ಣು, ತಾರ ಆಯ ಬಾನ ಮರ್ಯಾದಿ ದೇವ್ಣು ಕರಿ ಛಾ಼ತೆ ದೇವ್ನಿ ಹುಕುಮ್‌ ಖ್ಹಾರಿ ತುನ ಮಾಲುಮ್‌ ಛಾ಼ನಿ.” ಕರಿ ಬೋಲ್ಯೊ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:9

ಶನಕತೊ “ವ್ಯಬಿಚಾರ್‌ನಾಕರ‍್ನು, ಖೂನ್‌ನಾಕರ‍್ನು, ಚೋ಼ರ್‌ನಾಕರ‍್ನು, ಬಿಜೇಕ್‌ಜ಼ಣಾನಿ ಶೊತ್ನ ಆಖ್ಹ್‌ನಾಕರ‍್ನು” ಆ ಅಖ್ಖಿ ಹುಕುಮ್ ಅಖ್ಖು, “ತಾರ ಭೀಡೆವಾಳಾನ ತಾರಿನಿತರಸ್‍ ಪ್ಯಾರ್ ಕರ‍್ನು!” ಕರಿ ಬೋಲಾನಿ ಎಕ್ಕಸ್ ಹುಕುಮ್ಮ ಲಪಿರ‍್ಹೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:20

ಶನಕತೊ ಖಿವು ಅದ್ಮಿ ರ‍್ಹಿಯೊತೋಬಿ ದೇವ್ನಿ ನಿಯಮ್ಮ ಧರ್ಮಶಾಸ್ತ್ರನ ಪಾಡಿಚ಼ಲಾಥಿ ನೀತಿವಾಳೊಕರಿ ಹುವಾನ ಕಿನೇಥೀಬಿ ಉಶೆಕೊಯ್ನಿ. ಧರ್ಮಶಾಸ್ತ್ರ ಅಪ್ಣಿ ಪಾಪ್ನಖಲಿ ವತಾಳಸ್‍ ಎತ್ರೇಸ್.

ಗಲಾತ್ಯ 4:21

ಧರ್ಮಶಾಸ್ತ್ರನ ಹೇಟಹುಯಿನ್ ಚಾ಼ಲಾನ ಹರ್ಖ್ಹವಾಳ, ಧರ್ಮಶಾಸ್ತ್ರ ಶಾತ್‌ ಬೋಲುಕರಸ್ ಕರಿ ತುಮೆ ಖ್ಹಮ್‌ಜ್ಯ ಕೊಯ್ನಿಕಿಶು? ಮನ ಜ಼ವಾಬ್ ದೇವೊ.

ಗಲಾತ್ಯ 5:14

ತಾರ ಭೀಡೆವಾಳನ ತಾರಿನಿತರಾಸ್ ಪ್ಯಾರ್ ಕರ್ನುಕರಿ ಎಕ್ಕಸ್ ಹುಕುಮ್ಮ ಧರ್ಮಶಾಸ್ತ್ರಸ್ ಲಪಿರ‍್ಹುಸ್.

1 ಥೆಸ 4:6

ಅಜು಼ ಆ ಬಾರೇಮ ಜಿನುಕು ಕೋಣ್‌ಬಿ ಕ್ರಿಸ್ತನ ಮಹಿ ಇವ್ಣ ಭೈಯೇ ಹುಯಿರ‍್ಹಾತೆ ಅದ್ಮಿನ ಠಗಾವ್ಣುಕರಿ ಝೇತೈನ್‌, ಖರಾಬ್ ನಾ ಕರ‍್ನು. ಆ ಖ್ಹಾರಿ ಬಾರೇಮ ಪ್ರಭು ನಿಶತ್ ದಿಶೆಕರಿ ಹಮೆ ತುಮುನ ಬೋಲಿರಾಖ್ಯಾಸ್.

ಯಾಕೋಬ 2:11

ಶನಕತೊ ವ್ಯಬಿಚಾರ್ ನಕೊಕರ್ ಕರಿ ಬೋಲ್ಯೊ ಹುಯೊ ದೇವಸ್ ಅದ್ಮಿನ ಖೂನಿ ನಕೊಹು ಕರೀಬಿ ಬೋಲ್ಯೊ. ಇನಖ್ಹಾಜೆ ತೂ ವ್ಯಬಿಚಾರ್ ನಾ ಕರ‍್ಯೊತೋಬಿ ಖೂನ್ ಕರಿನಾಖ್ಯೊತೊ ಧರ್ಮಶಾಸ್ತ್ರನ ಮೀರಿನ್ ಚಾ಼ಲವಾಳೊ ಹುಯೊ.