ಮಾರ್ಕ 10:14 - ದೇವ್ನಿ ಖ್ಹಾಚಿ ವಚನ್

¹⁴ ಯೇಸುನೆ ಅನ ದೇಖಿನ್‌, ಖೀಜ಼್ ಖೈನ್, ಇನ ಶಿಷ್ಯರ್‌ನ, “ಅಡ್ಡಾಣಿ ಲಡ್ಕಾವ್ನ ಮಾರ ಖನ್ನೆ ಆವಾನ ಮ್ಹೇಲೊ; ಇವ್ಣುನ ಭೀರಾಕೊ ನಕೊ, ಶನಕತೊ ದೇವ್‌ನು ರಾಜ್ಯ ಅಮ್‌ನಾಸ್‌ವಾಳಾನು.

ಮಾರ್ಕ 10:14 ပူးပေါင်းရင်းမြစ်များ

ಮತ್ತಾಯ 18:10

ಆ ನ್ಹಾನಾವ್‍ಮ ಏಕ್‌ನಾಬಿ ಕಡ್‌ತೆಲ್ ಕರಿ ನಕೊ ಸೋಚ಼್‌ಶು. ಸೊರ್ಗಾಮ ಅವ್ಣು ದೂತರ್ ಸೊರ್ಗಾಮ ಛಾ಼ತೆ ಮಾರ ಬಾನು ಮ್ಹೋಡಾನ ಹಮೇಶ ದೇಕ್ತುರ‍್ಹೇಸ್ ಕರಿ ಮೇ ತುಮೂನ ಬೋಲುಸ್.

ಮತ್ತಾಯ 18:4

ಕೋಣ್ ಅಡ್ಡಾಣಿ ಲಡ್ಕಾನಿಘೊಣಿ ಇನು ಯೋ ಝು಼ಕೈಲೇಸ್ಕಿ, ಯೋಸ್ ಸೊರ್ಗಾನು ರಾಜ್ಯಮ ಖ್ಹಾರೇಥಿ ಮೋಟೊ.

ಮತ್ತಾಯ 19:14

ತದೆ ಯೇಸುನೆ, “ಅಡ್ಡಾಣಿ ಲಡ್ಕಾವ್‍ನ ಮ್ಹೇಲೊ, ಮಾರಕನ ಆವಾನ ಇವ್ಣುನ ಭೀರಾಖೊ ನಕೊ, ಶನಕತೊ ಸೊರ್ಗಾನು ರಾಜ್ಯ ಇಮ್‌ವಾಳನೂಸ್” ಕರಿ ಬೋಲಿನ್,

ಮತ್ತಾಯ 5:10

ಕೋಣ್ ದೇವ್ನಿ ಮರ್ಜಿನಿಘೋಣಿ ರ‍್ಹವಾನಖ್ಹಾಜೆ ಖ್ಹತಾಪ್ಣಿನ ಖ್ಹಮಾಳಿಲೇಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್‍. ಸೊರ್ಗ ರಾಜ್ಯ ಇವ್ಣುಸ್‌ ಹುಯಿರ‍್ಹುಸ್‍!

ಮತ್ತಾಯ 5:3

“ಕೋಣ್ ಆತ್ಮಮ ಗರೀಬ್ ಹುಯಿರ‍್ಹವಾಳ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್; ಸೊರ್ಗ ರಾಜ್ಯ ಇವ್ಣುಸ್‌ ಹುಯಿರ‍್ಹುಸ್‍!

ಮಾರ್ಕ 3:5

ತದೆ ಯೇಸು ಖೀಜ಼್‌ಥಿ ಚಾರ‍್ಹೆ ಬಾಜು಼ ದೇಖಿನ್‌, ಇವ್ಣೊ ದಿಲ್‌ ಬಂಡಾನಿ ಘೋಣಿ ಹುಯಿರ‍್ಹೋತೆ ಇನಾಖ್ಹಾಜೆ ಇನ ಘಣು ದುಖ್ ಹುಯು. ತದೆ ಯೋ ಹಾತ್ ಝೂ಼ಟೊ ಪಡ್ಯೊಹುಯೊ ಅದ್ಮಿನ, “ತಾರೊ ಹಾತ್ ಖ್ಹಾಮ್ಣೆ ಕರ್‌” ಕರಿ ಬೋಲ್ಯೊ. ಯೋ ಖ್ಹಾಮ್ಣೆ ಹಾತ್ ಕಾಡ್ತಾ, ಇನೊ ಹಾತ್ ಅಛ್ಛೊ಼ ಹುಯಿಗಯೊ.

ಮಾರ್ಕ 8:33

ತದೆ ಯೇಸುನೆ ಪೀಠೆ ಫರೀನ್, ಇನ ಶಿಷ್ಯರ್‌ನ ದೇಖಿನ್‌, ಪೇತ್ರನ ಗುರ್‌ಕೈನ್, “ಶೈತಾನ್, ಮಾರ ಖ್ಹಾಮ್ಣೇಥೊ ಹಟಿಜಾ಼, ತಾರಿ ಸೋಚ್ ಅದ್ಮಿನಿ ಸೋಚಸ್‌ ಪಣ್ಕಿ ದೇವ್ನಿ ಸೋಚ಼್ ಕಾಹೆ” ಕರಿ ಬೋಲ್ಯೊ.

ಯೋಹಾನ 3:3

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಿ ರಾಜ್ಯಮ ಪಾಛು಼ ಪೈದಾ ನಾ ಹುಯೂತೊ, ದೇವ್‌ನು ರಾಜ಼್‌ನ ದೇಖಾನ ಕೋ ಹುವಾನಿ?” ಕರಿ ಬೋಲ್ಯೊ.

ಯೋಹಾನ 3:5

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಏಕ್‌ ಅದ್ಮಿ ಪಾಣಿಥೀಬಿ, ಆತ್ಮಥಿ ಪೈದಾ ನಾ ಹುಯೂತೊ, ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:39

ಆ ವಾಗ್ದಾನ್ ತುಮೂನಾಬಿ ತುಮಾರ ಲಡ್ಕಾವ್‍ನಾಬಿ ಘಣ ದೂರ‍್ಮಛಾ಼ತೆ ಅದ್ಮಿವೊನಾಬಿ ದೆವೈರ‍್ಹೂಸ್. ಅಪ್ಣೊ ದೇವ್ ಹುಯಿರೋತೆ ಪ್ರಭು ಇನಕನ ಖುಷಿ ಲ್ಯವಾಳ ಹರೇಕ್ ಜ಼ಣಾನಾಬಿ ಆ ವಾಗ್ದಾನ ದೀರಾಖ್ಯೊಸ್ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:25

ಯೊ ಪ್ರವಾದಿಖ್ಹಾರು ಬೋಲ್ಯಾತೆ ವಾತೆನ ತುಮೆ ಖ್ಹಮ್‍ಜಿಲಿದ. ದೇವ್ ತುಮಾರ ಗುರುಗುರಬ್‍ಲ್ಯಾನಿ ಜೋ಼ಡ್ಮ ಕರ‍್ಯೊತೆ ಒಪ್ಪಂದಾನನ ತುಮೆ ಸ್ವೀಕಾರ್ ಕರೀಲಿದಾ. ದೇವ್ ತುಮಾರೊ ಗುರು ಹುಯಿರೋತೆ ಅಬ್ರಹಾಮ್‌ನ, ‘ತಾರಿ ಖಾನ್‍ಧಾನ್‍ಥಿ ಜ಼ಮೀನ್‌ಪರ್ ಛಾ಼ತೆ ಅದ್ಮಿಖ್ಹಾರು ವಾರ್‌ಖ್ಹೊ ಲೀಲಿಶೆ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:16

ರೋಟಾನು ಫೈಲ ಟುಕ್ಡಾನ ದೇವ್ನ ದಿದೋತೊ, ಯೊ ಅಖ್ಖೋ ಏಕ್‍ರೋಟೊಸ್ ಇನುಸ್ ಹುಯಿಗು. ಝಾ಼ಡ್‌ನಿ ಜ಼ಡ್‌ ಪವಿತ್ರ ಹುಯಿರ‍್ಹುತೊ ಝಾ಼ಡ್‌ನಿ ಡಾಳಿಯೇಬಿ ಇನೀಸ್‍ ಹುಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:28

ಶನಖ್ಹಾಜೆಕತೊ ಇವ್ಣೆ ಸುವಾರ್ತೆನ ಝಿಟ್ಕಾರ‍್ಯು, ಅಜು಼ ಯೆಹೂದ್ಯರ್ ಕೊಂತೆ ಇವ್ಣೆ ತುಮಾರೇಥಿ ದೇವ್ನ ವಿರೋದಿಹುಯು. ಕತೋಬಿ ದೇವ್ನಿ ಚು಼ನಾವ್ಣಿನಿ ಕಾರಣ್‍ಥಿ ಇವ್ಣೆ ಇನ ಪ್ಯಾರ್‌ವಾಳ ಹುಯಿರಾಸ್,ಇನ ಪಿಳ್ಗಿವಾಳು ಕಾರಣ್‍ಹುಯಿರ‍್ಹುಸ್.

1 ಕೊರಿಂಥ 14:20

ಭೇನೆ ಭೈಯೇವೊ ಲಡ್ಕವ್ನಿತರ ಸೋಚಾನು ಮ್ಹೇಲಿದೆವೊ. ಖರಾಬ್‌ನಿ ಬಾರೇಮ ಅಡ್ಡಾಣಿನಿತರ ರ‍್ಹಿಯತೋಬಿ, ತುಮಾರಿ ಖ್ಹೂಜ಼್‌ಮ ಸಮಜ್‌ಧಾರ್‌ ಹುಯಿರ‍್ಹೇವೊ.

1 ಕೊರಿಂಥ 7:14

ಶನಕತೊ ಕ್ರಿಸ್ತಮ ವಿಶ್ವಾಸ್‌ಕೊಂತೆ ಬಾವ್ರಿ ಇನಿ ಬಾವಣ್ಣಖ್ಹಾಜೇಥಿ ಸಮರ್ಪಣ್‌ ಹುವಾನಿಘೊಣಿ ಹುಯೊ. ಇಮ್ನಿಸ್ ಪರಕ್ಮ ವಿಶ್ವಾಸ್‍ಕೊಂತೆ ಬಾವಣ್‍ ಇನ ಬಾವ್ರಿನಖ್ಹಾಜೇಥಿ ಸಮರ್ಪಣ್‌ ಹುವಾನಿಘೊಣಿ ಹುಯಿ. ಇಮ್‌ ನಾ ರ‍್ಹಿಯುಹೊತ್ತೊ ತುಮಾರ ಲಡ್ಕಖ್ಹಾರು ಅಪವಿತ್ರಸ್ ಹುಯಿರ‍್ಹುಹೊತ್. ಕತೋಬಿ ಇವ್ಣೆ ಪವಿತ್ರ ಹುಯಿರ‍್ಹೂಸ್.

ಎಫೆಸ 4:26

ಇರಾದೊ ಕರ‍್ಯತೋಬಿ ಪಾಪ್ ನಕೊಕರ್ಶು, ದನ್ ಡುಬಾಥಿ ಪಹಿಲೆಸ್ ತುಮಾರೊ ಇರಾದೊ ಖ್ಹರ್ತಿ ಹುಯಿಜಾ಼ವದೆ.

2 ತಿಮೊ 1:5

ತಾರಿ ಶುದ್ಧಮನ್‌ಥಿ ಛಾ಼ತೆ ವಿಶ್ವಾಸ್‌ ಮಾರಿ ಯಾದ್ಮ ಛಾ಼, ಇಮ್ನಿ ವಿಶ್ವಾಸ್‌ ತಾರಿ ನಾನಿ ಲೋವಿಮಾಬಿ ಅಜು಼ ತಾರಿ ಆಯ ಯೂನಿಕೇಮಾಬಿ ಥಿ. ಯೋಸ್ ವಿಶ್ವಾಸ್‌ ತಾರಮಾಬಿ ಛಾ಼ಕರಿ ಮನ ಅಛ್ಛಿನಿತರ ಮಾಲುಮ್.

2 ತಿಮೊ 3:15

ಅಡ್ಡಾಣಿಪರ್‌ಥೂಸ್ ತುನ ಪರಿಶುದ್ದ ದಪ್ತರ್‌ಮ ಲೀಖೈರ‍್ಹುತೆ ಮಾಲುಮ್‌ ಛಾ಼ನಿ, ಯೋ ದಪ್ತರ್‌ಖ್ಹಾರು ಕ್ರಿಸ್ತಯೇಸುಮ ಛಾ಼ತೆ ಭರೋಖ್ಹಾಥಿ ರಕ್ಷಣೆಲ್ಯವಾನಿ ಗ್ಯಾನ್ನ ತುನ ದ್ಯವಾನ ತಾಖತ್ನು ಹುಯಿರ‍್ಹುಸ್.

1 ಪೇತ್ರ 2:2

ನವೇಥಿ ಪೈದಾಹುವಾತೆ ಲಡ್ಕನಿತರ ಛಾ಼ತೆತುಮೆ ಮೋಟ ಹುವಾನಿತರ ವಚನ್‍ಕರಿ ಆತ್ಮೀಕ್‌ದೂದ್ನ ತರ್ಖ್ಹೊ. ಯೊ ಪಿದಾತೊ ರಕ್ಷಣೆ ಲಿಶು.

ಪ್ರಕಾಶಿತ್ 14:5

ಅವ್ಣ ಮ್ಹೋಡಾಮ ಝೂ಼ಟಿ ಕೋಸ್‌ಥೂನಿ. ಅವ್ಣೆ ನಿರ್ದೋಷ್ ಹುಯಿರ‍್ಹಾಸ್.