ಮಾರ್ಕ 1:43 - ದೇವ್ನಿ ಖ್ಹಾಚಿ ವಚನ್

^43-44 ತದೆ ಯೇಸುನೆ ಇನ ಝೇತೈನ್‌, “ಹಂದೇಕ್, ಮೇ ತುನ ಅಛ್ಛು಼ ಕರ‍್ಯೊ ಕರಿ ಕಿನಾಬಿ ನಕೊ ಬೋಲೀಶ್‌; ಕತೋಬಿ ತು ಯಾಜಕಕನ ಜೈ಼ನ್ ತಾರು ಆಂಗ್‌ತನ್‌ ವತಾಳಿನ್ ಮೋಶೇನೆ ಶುದ್ದಿನಖ್ಹಾಜೆ ಹುಕುಮ್‌ ದೀರಾಖ್ಯೋತೆ ಇಮ್‌, ಕಾಣ್ಕೆ ಖ್ಹಾರು ಲೀಜೈ಼ನ್ ದೇ. ಯೋಅಖ್ಖು ಅದ್ಮಿವೋನ ಸಾಕ್ಷಿ ಹುಯಿರ‍್ಹವಾದೆ ಅಮ್ ಕರಿ ಬೋಲಿನ್ ಇನ ಒಗ್ಗಿಸ್ ಮೋಕ್ಲಿದಿದೊ.

ಮಾರ್ಕ 1:43 ပူးပေါင်းရင်းမြစ်များ

ಮತ್ತಾಯ 9:30

ತದೆ ಇವ್ಣ ಡೋಳಾ ದೆಖಾವಲಗ್ಯ. ಅಜು಼ ಯೇಸುನೆ ಇವ್ಣುನ, “ಆ ಬಾರೇಮ ಕಿನಾಬಿ ನಾ ಬೋಲ್‌ನು!” ಕರಿ ಇವ್ಣುನ ಝೇತಾಯೊ.

ಮಾರ್ಕ 1:42

ಅಮ್ ಬೋಲ್ತಾಸ್‌ನ ಇನು ಖೋಡ್‌ಖ್ಹಾರು ನಿಕ್ಳಿಜೈ಼ನ್, ಯೋ ಪಾಕ್‌ ಹುಯಿಗೊ.

ಮಾರ್ಕ 3:12

ಕತೋಬಿ ಯೇಸುನೆ ಯೋ ಕೋಣ್ ಕರಿ, ಅದ್ಮಿನ ಖ್ಹಾಮೆ ನಾ ಬೋಲ್‌ನು ಕರಿ ಭೂತ್‌ನ ಖ್ಹಾರು ಝೇತಾಯೊ.

ಮಾರ್ಕ 5:43

ಯೇಸುನೆ ಇವ್ಣುನ, ಆ ಕಿನಾಬಿ ನಾ ಮಾಲುಮ್ ಪಡ್ಣು ಕರಿ ಘಣು ಝೇತೈನ್‌, “ಆ ಛೋ಼ಕ್ರಿನ ಖಾಣು ಖಡಾವೊ” ಕರಿ ಬೋಲ್ಯೊ.

ಮಾರ್ಕ 7:36

ತದೆ ಯೇಸುನೆ ಇವ್ಣುನ, “ಹಾ ಚಾ಼ಲ್ಯುತೆ ಬಾರೇಮ ಕಿನಾಬಿ ನಾ ಬೋಲ್‌ನು” ಕರಿ ಝೇತೈನ್‌ ಬೋಲ್ಯೊ; ತೋಬಿ ಇನೆ ಎತ್ರೆ ಝೇತೈನ್‌ ಬೋಲ್ಯೊತೋಬಿ, ಇನೇಥಿಬಿ ಜಾ಼ಖ್ಹತ್ ಇವ್ಣೆ ಫೈಲೈದಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:56

ಯೋ ಛೋ಼ಕ್ರಿನ ಆಯ-ಬಾನೆ ಆಶ್ಚರ್ಯಖಾದು, ಕತೋಬಿ ಯೇಸುನೆ ಅನಿ ಬಾರೇಮ ಕಿನಾಬಿ ನಾ ಬೋಲ್‌ನು ಕರಿ ಇವ್ಣುನ ಹುಕುಮ್ ದಿದೊ