ಮತ್ತಾಯ 8:3 - ದೇವ್ನಿ ಖ್ಹಾಚಿ ವಚನ್

³ ಯೇಸುನೆ ಹಾತ್‌ ಖ್ಹಾಮ್ಣೆ ಕರೀನ್, ಇನ ಛೀಮಿನ್‌, “ಮನ ಮನ್ ಛಾ಼, ಶುದ್ದಿ ಹೂ” ಕರಿ ಬೋಲ್ಯೊ. ತದ್‌ನು-ತದ್ದೇಸ್ ಯೋ ಅದ್ಮಿನ ಖೋಡ್‍ ಅಛ್ಛು಼ ಹುಯಿಗಯು.

ಮತ್ತಾಯ 8:3 ပူးပေါင်းရင်းမြစ်များ

ಮತ್ತಾಯ 12:13

ಅನಕೇಡೆಥು ಯೇಸುನೆ ಯೋ ಹಾತ್‌ ಝೂ಼ಟೊ ಪಡಿಹುಯು ಅದ್ಮಿನ, “ತಾರೊ ಹಾತ್‌ ಖ್ಹಾಮ್ಣೆ ಕರ್‌” ಕರಿ ಬೋಲ್ಯೊ; ಇನೆ ಖ್ಹಾಮ್ಣೆ ಕರ‍್ಯೊ. ತದೆ ಇನೊ ಹಾತ್‌ ಅಛ್ಛು಼ ಹುಯಿನ್, ಬಿಜ್ಜೇಕ್‌ ಹಾತ್ನಿ ಘೋಣಿ ಹುಯಿಗಯು.

ಮಾರ್ಕ 1:41

ತದೆ ಯೇಸುನೆ ಇನಾಪರ್ ಘಣು ಗೋರ್‌ಖೈನ್, ಇನ ಹಾತೇಖ್ಹು ಛೀಮಿನ್‌, “ಮನ ಮನ್ ಛಾ಼; ಶುದ್ದಿ ಹೂ” ಕರಿ ಬೋಲ್ಯೊ.

ಮಾರ್ಕ 4:39

ತದೆ ಯೇಸುನೆ ಉಠೀನ್ ಯೋ ವಹಿರಾನ, “ಖ್ಹೊಪ್‌ ರ‍್ಹೆ!” ಅಜು಼ ದರ‍್ಯಾವ್ನ “ಶೊಪೊ ಹುಯಿಜಾ಼!” ಕರಿ ಹುಕುಮ್‌ದಿದೊ. ಅಮ್ ಬೋಲ್ತಾಸ್‌ನ ವಹಿರೊ ಖ್ಹೊಪೊ ಪಡಿಗಯು, ಅಜು಼ ಖ್ಹಾರು ಖ್ಹೊಪೊ ಪಡಿಗಯು.

ಮಾರ್ಕ 5:41

ಯೇಸುನೆ ಯೋ ಛೋ಼ಕ್ರಿನೊ ಹಾತ್ ಧರೀನ್, “ತಲಿಥಾಕೂಮ್” ಕರಿ ಬೋಲ್ಯೊ. ಇಮ್‌ ಕತೊ “ಅಡ್ಡಾಣಿ ಛೋ಼ಕ್ರಿ, ಮೇ ತುನ ಬೋಲುಕರುಸ್ ಉಪ್ಪರ್ ಉಟ್” ಕರಿ.

ಮಾರ್ಕ 7:34

ಉಪ್ಪರ್ ಆಕಾಶ್‌ಭಣಿ ದೇಖಿನ್‌, ಜೋ಼ರೇಥಿ ದಮ್‌ ಲೀಮ್ಹೇಲಿನ್‌, ಇನ ‘ಎಪ್ಫಥಾ’ ಕರಿ ಬೋಲ್ಯೊ, ಅಮ್‌ಕತೊ “ಉಖ್‌ಡೈ ಜಾ಼!” ಕರಿ.

ಮಾರ್ಕ 9:25

ತದೆ ಯೇಸುನೆ ಬಿಜೂ಼ಬಿ ಅದ್ಮಿನಿ ಝೂ಼ಂಡ್‌ ಇವ್ಣ ಭಣಿ ನಾಶಿ ಉಳ್ಯಾವತೆ ದೇಖಿನ್‌, ಯೋ ಭೂತ್‌ನ ಗುರ್‌ಕೈನ್, “ಏಯ್, ಭೈರಾ ಮುಕ್ಕಾಭೂತ್‌, ಅನ ಮ್ಹೆಂದಿನ್ ಭಾರ್‌ನಿಕಳ್‌, ಪಾಛು಼ ಅನ ನಾ ಧರ್‌ನು! ಕರಿ ಮೇ ತುನ ಹುಕುಮ್‌ ದೆವ್‌ಕರುಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:27

ಅಜು಼ ಎಲೀಷ ಕರಿ ಪ್ರವಾದಿನ ಹಗಾಮ್ಮ ಇಸ್ರಾಯೇಲ್ ಅದ್ಮಿಮ ಕೆತ್ರುಕ್ಕಿ ಜ಼ಣಾನ ಖೋಡ್‍ ಲಾಗಿರ‍್ಹೂತು. ಕತೋಬಿ ಇವ್ಣಾಮ ಏಕ್‌ ಜ಼ಣಾನಾಬಿ ಅಛ್ಛು಼ ಕೋ ಹುಯೂನಿತೆ ಸಿರಿಯ ದೇಖ್ಹ್‌ನೊ ನಾಮಾನ್‌ ಕರಿ ಎಕ್ಕಸ್ ಜ಼ಣಾನ ಅಛ್ಛು಼ ಹುಯು” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:13

ಯೇಸುನೆ ಇನೊ ಹಾತ್ನ ಭಡೈನ್, ಇನ ಛೀಮಿನ್‌, “ಮನ ಮನ್ ಛಾ಼, ಶುದ್ದಿ ಹೂ” ಕರಿ ಬೋಲ್ಯೊ. ತದ್‌ನು ತದ್ದೇಸ್ ಯೋ ಅದ್ಮಿನೊ ಖೋಡ್‍ ಖ್ಹಾರು ನಿಕ್ಳಿಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:14

ಅಜು಼ ಖಾಟ್ಲಾಕನ ಜೈ಼ನ್, ಇನ ಛೀಮ್‌ತಖ್ಹತರ್‌, ಪಳ್ಳಿನ್‌ ಜಾ಼ವವಾಳು ಭೀರಿಗಯು. ತದೆ ಯೇಸುನೆ, “ಜಾ಼ನ್ಜ಼ಮಾನ್ ಛೋ಼ಕ್ರಾ ಉಟ್, ಕರಿ ಮೇ ತುನ ಬೋಲುಸ್!” ಕರಿ ಬೋಲ್ಯೊ.

ಯೋಹಾನ 11:43

ಆ ಬೋಲಾನ ಬಾದ್‌ಮ, ಯೇಸುನೆ ಜೋ಼ರೆಥಿ ಚಿಕ್ರಿನ್, “ಲಾಜ಼ರ್‌, ಭಾರ್‌ ಉಠೀನ್ ಆವ್!” ಕರಿ ಬೋಲ್ಯೊ.

ಯೋಹಾನ 15:24

ಏಕ್‍ ವಖ್ಹತ್ ಖ್ಹಾರಕಾಮ್ನ ಮೇ ಇವ್ಣಾಮ ನಾಕರ‍್ಯೊಹೋತ್ತೊ, ಇವ್ಣಾಪರ್ ಪಾಪ್ ಕೋ ರ‍್ಹಯುಹೋತ್ನಿ, ಕತೋಬಿ ಹಮ್ಕೆ ಇವ್ಣೆ ದೇಖಿರಾಖ್ಯೂಸ್‌, ತೋಬಿ ಮಾರಪರ್‌ಬಿ ಮಾರ ಬಾಪರ್‌ಬಿ ವಹೇರ್‌ ಕರಾಸ್.

ಯೋಹಾನ 5:21

ಬಾ ಕಿಮ್ ಮರ‍್ಯಹುಯಾನ ಉಠಾಡಿನ್ ಜಾನ್‌ ದೇಸ್ಕಿ, ಇಮ್ಮಸ್ ಛಿಯ್ಯೋಬಿ ಇನ ಹೋಣುತೆ ಇವ್ಣುನ ಜಾನ್‌ ದೇಸ್.