ಮತ್ತಾಯ 7:7 - ದೇವ್ನಿ ಖ್ಹಾಚಿ ವಚನ್

⁷ “ಮಾಂಗಿಲೇವೊ, ತದೆ ತುಮೂನ ದೇವಾವ್‌ಶೆ; ಢೂಂಡೊ, ತದೆ ತುಮೂನ ಮಳ್‌ಶೆ; ಖಟ್‌ಖಟಾವೊ, ತುಮುನ ಬಾಕಲ್‌ ನಿಕಳ್‌ಶೆ,

ಮತ್ತಾಯ 7:7 ပူးပေါင်းရင်းမြစ်များ

ಮತ್ತಾಯ 18:19

ಎತ್ರೇಸ್ ಕಾಹೆತೆ, ತುಮಾರಾಮ ಬೇ ಜ಼ಣು ಆ ಧರ್ತಿಪರ್ ಎಕ್ಕಸ್ ಮನ್‌ಥಿ ಶಾತ್‌ ಮಾಂಗಿಲಿದುತೋಬಿ ಸೊರ್ಗಾಮ ಛಾ಼ತೆ ಮಾರೊ ಬಾ ಇವ್ಣುನ ದಿಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್.

ಮತ್ತಾಯ 21:22

ತುಮೆ ನಂಬಿನ್, ಪ್ರಾರ್ಥನೆಮ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳ್‌ಶೆ” ಕರಿ ಬೋಲ್ಯೊ.

ಮತ್ತಾಯ 6:33

ಅನಬದಲ್, ತುಮೆ ಪಹಿಲೆ ದೇವ್ನು ರಾಜ್ಯನಖ್ಹಾಜೆ ಅಜು಼ ಇನಿ ನೀತಿನ ಖ್ಹಾಜೇಬಿ ತರ್ಖ್ಹೊ. ತದೆ ಅನಜೋ಼ಡೆ ಯೋ ಖ್ಹಾರೂಸ್ ಮಳ್‌ಶೆ.

ಮತ್ತಾಯ 7:11

ಇಮ್‍ಕತೊ ಖರಾಬ್ ಹುಯಿರ‍್ಹಾತೆ ತುಮೇಸ್ ತುಮಾರ ಲಡ್ಕಾವ್‍ನ ಅಛ್ಛು಼ ರಾಛ಼ವ್‌ನ ದೆವಾಪರ್, ಪರಲೋಕ್‌ನೊ ತುಮಾರೊ ಬಾ, ಇನಾಕನ ಮಾಂಗವಾಳನ ಕೆತ್ರೇಕ್ಕಿ ಅಛ್ಛು಼ ರಾಛ಼ವ್‍ನ ದಿಶೆಕೊಯ್ನಿಕಿ ಶು?

ಮತ್ತಾಯ 7:8

ಶನಕತೊ ಮಾಂಗವಾಳ ಹರೇಕ್‌ನ ದೆವಾವ್‌ಶೆ, ಅಜು಼ ಢೂಂಡವಾಳನ ಮಳ್‌ಶೆ, ಕೋಣ್ ಖಟ್‌ಖಟಾವಸ್ಕಿ ಇನ ಬಾಕಲ್ ಕಡಾವ್‌ಶೆ.

ಮಾರ್ಕ 11:24

ಇನಾಖ್ಹಾಜೆಸ್ ಮೇ ತುಮೂನ ಬೋಲುಸ್ಕಿ: ತುಮೆ ಪ್ರಾರ್ಥನೆ ಕರಿನ್‌ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳೀರ‍್ಹುಸ್ ಕರಿ ನಂಬೊ, ತದೆ ತುಮೆ ಶಶ್ಶಾತ್ ಮಾಂಗಿಲಿದಾಕಿ ಯೋ ತುಮುನ ಮಳ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:25

ಘರ್‌ನೊ ಯಜಮಾನ್ ಉಠೀನ್, ಬಾಕಲ್‌ ಮೂಚಾ಼ನ ಬಾದ್‌ಮ, ತುಮೆ ಭಾರ್‌ಭೀರಿನ್, ಬಾಕಲ್‌ಪರ್ ಮಾರಿನ್, ‘ಪ್ರಭು, ಮಹಿ ಆವಾನ ಬಾಕಲ್ ಕಾಡ್! ಕರಿ ಬೋಲ್‌ಶು”. ತದೆ ಯೋ, ತುಮೆ ಕಿಜ್ಜಾ಼ವಾಳ ಕರಿ ಮನ ಮಾಲುಮ್ ಕೊಯ್ನಿ! ಕರಿ ಜವಾಬ್‌ ದಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:1

ತದೆ ಯೇಸುನೆ ಖಟು ನಾ ಖಾಣುತೆ, ಹಮೇಶ ಪ್ರಾರ್ಥನೆ ಕರ್ತುರ‍್ಹೇವ್ಣು ಕರಿ ವತಾಳಾನಟೇಕೆ, ಇನ ಶಿಷ್ಯರ್‌ನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ.

ಯೋಹಾನ 15:16

ತುಮೆ ಮನ ಚೂ಼ಣಿನ್ ಕಾಡಿರಾಖ್ಯಕೊಯ್ನಿ; ಮೇ ತುಮೂನ ಚೂ಼ಣಿನ್ ಕಾಡಿರಾಖ್ಯೊಸ್, ತುಮೆ ಜೈ಼ನ್‌, ಪಂಡು ದೇವ್ಣುಕರಿ ಅಜು಼ ಯೋ ಪಂಡು ಕೆದೇಬಿ ದ್ಯವಾನು ಹುಯಿರ‍್ಹೇಣು ಕರಿ, ಮೇ ತುಮೂನ ನೇಮ್‌ಶೈರಾಖ್ಯೋಸ್‌. ಅನಖ್ಹಾಜೆಸ್ ಮಾರ ನಾಮ್‍ಥಿ ತುಮೆ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.

ಯೋಹಾನ 15:7

ತುಮೆ ಮಾರಾಮಬಿ ಮಾರಿ ವಚನ್ ತುಮಾರಾಮ ರ‍್ಹಯೀತೊ, ಶಾತ್‌ ಮಾಂಗಿಲಿದಾತೋಬಿ ಯೋ ತುಮೂನ ಮಳ್‌ಶೆ.

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7

ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:11

ಅಕ್ಲಿ ಏಕ್‍ ಜ಼ಣೂಬಿ ಕೊಯ್ನಿ. ದೇವ್ನ ಢೂಂಡಾವಾಳೊ ಏಕ್‌ಬಿ ಕೊಯ್ನಿ.

ಇಬ್ರಿ 11:6

ಕತೋಬಿ ವಿಶ್ವಾಸ್‍ಕೊಂತೆ ದೇವ್ನ ಲ್ಹಾಯಕ್ ಕರಾವನ ಕೊಹುವಾನಿ. ಶನಕತೊ ದೇವ್‌ಕನ ಆವಾಳೊ ದೇವ್ ಛಾ಼ ಅಜು಼ ಇನ ಢೂಂಡವಾಳನ ಪ್ರತಿಫಲ್ ದೇಸ್‌ಕರಿ ವಿಶ್ವಾಸ್‌ಕರ‍್ನು.

ಯಾಕೋಬ 5:15

ವಿಶ್ವಾಸ್‍ಥಿ ಕರಾತೆ ಪ್ರಾರ್ಥನೆ ರೋಗ್‌ವಾಳನ ಗುಣ್‌ಕರಸ್‌. ಅಜು಼ ಪ್ರಭು ಇನ ಉಠಾಡಸ್, ಯೋ ಪಾಪ್ ಕರಿರಾಖವಾಳೊ ಉಷೇತೊ, ದೇವ್ ಯೋ ಪಾಪ್ ಅಖ್ಖಾನ ಕ್ಷಮಾಕರ್‌ಶೆ.

1 ಯೋಹಾನ 3:22

ಅಪ್ಣೆ ದೇವ್ನಿ ಹುಕುಮ್‌ನ ಅಖ್ಖುಲೀನ್ ಚಾ಼ಲ್ಯಾತೊ ಇನು ಪಸಂದ್‌ನು ಕಾಮ್‍ಕರವಾಳ ಹುಯಿರ‍್ಹಾತೊ ಅಪ್ಣೆ ಶಾತ್ಬಿ ಮಾಂಗಿ ಲಿಯೆಜಾ಼ಯ್‍.