ಮತ್ತಾಯ 7:25 - ದೇವ್ನಿ ಖ್ಹಾಚಿ ವಚನ್

²⁵ ಭಾಂದಾನ ಬಾದ್ಮ ಅಪಟ್-ಜ಼ಪಟ್‌ನೊ ಪಾಣಿ ವರ್ಶೀನ್, ನದ್ದಿಯೆ ಭರೈನ್ ಆಯು, ಅಜು಼ ಚಾರ‍್ಹೆ ಆಡಿಥು ವ್ಹಾಯಿರೊ ವಾಗಿನ್ ಯೋ ಘರ್‌ನ ಮಾರ್ ಪಡ್ಯು. ಕತೋಬಿ ಯೋ ಘರ್ ಬಂಡಾಪರ್ ಭಂದೈರ‍್ಹೂಥೂತೆ ಇನಖ್ಹಾಜೆ, ಯೋ ರಡ್‍ಕ್ಯು ಕೊಯ್ನಿ.

ಮತ್ತಾಯ 7:25 ပူးပေါင်းရင်းမြစ်များ

ಮತ್ತಾಯ 16:18

ಅಜು಼ ಮೇ ತುನ ಶಾತ್ ಬೋಲಸ್‍ಕತೊ, ಪೇತ್ರ, ತೂ ಬಂಡೊ, ಅಜು಼ ಆ ಬಂಡಾಪರ್ ಮೇ ಮಾರಿ ಸಬೆನ ಭಾಂದೀಶ್, ಪಾತಾಳ್ನಿ ಶಕತ್‌ಬಿ ಇನ ಕದೇಬಿ ಹರಾವನ ಕೋ ಉಶೇನಿ.

ಮತ್ತಾಯ 7:24

“ಇನಖ್ಹಾಜೇಸ್, ಆ ಮಾರಿ ವಾತೇನ ಖ್ಹಮ್‌ಜಿನ್‌, ಅನೀನಿಘೋಣಿ ಚಾ಼ಲವಾಳು ಹರೇಕ್ ಜ಼ಣು ಬಂಡಾಪರ್ ಘರ್ ಭಾಂದಿಲೇಸ್ತೆ ಅಕ್ಲಿ ಅದ್ಮಿನಿಘೋಣಿ ಹುಯಿರ‍್ಹೂಸ್.

ಮತ್ತಾಯ 7:26

ಕತೋಬಿ ಆ ಮಾರಿ ವಾತೇನ ಖ್ಹಮ್‌ಜಿನ್‌ಬಿ, ಇನೀನಿಘೋಣಿ ಚಾ಼ಲಕೊಂತೆ ಹರೇಕ್ ಜ಼ಣು ರೇತಿಪರ್ ಘರ್ ಭಾಂದಿಲೇಸ್ತೆ ಬುಧ್ಧು ಅದ್ಮಿನಿಘೋಣಿ ಹುಯಿರ‍್ಹೂಸ್.

ಮತ್ತಾಯ 7:27

ಭಾಂದಾನ ಬಾದ್‌ಮ, ಅಪಟ್‌ಝ಼ಪಟ್‌ನೊ ಪಾಣಿ ವರ್ಶೀನ್, ನದ್ದಿಯೆ ಭರೈನ್ ಆಯು, ಅಜು಼ ಚಾರ‍್ಹೆ ಆಡಿಥು ವಹಿರೊ ವಾಗಿನ್, ಯೋ ಘರ್‌ನ ಮಾರ್ ಪಡ್ಯು. ತದೆ ಯೋ ಘರ್ ಧಡಮ್‌ ಕರಿ ರಡ್ಕಿ ಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಎಫೆಸ 3:17

ಕ್ರಿಸ್ತ ತುಮಾರ ವಿಶ್ವಾಸ್‍ಥಿ ತುಮಾರ ದಿಲ್ಮ ಜಿವಾದೆಕರಿಬಿ, ಯೊ ಇನಿ ಮಹಿಮೆನಿ ಶಕತ್ ದ್ಯವಾದೆ.

ಕೊಲೊಸ್ಸೆ 2:7

ಇನಾಮಸ್ ಘಣು ಜ಼ಡ್‌ಗಾಠಿನ್, ಇನಾಮ ಭಂದೈಜೈ಼ನ್ ಅಜು಼ ತುಮುನ ಬೊಲಾಯುತೆ ಭೋದನ್ನಿ ಪರಕ್ಮಸ್ ಕ್ರಿಸ್ತನಿ ವಿಶ್ವಾಸ್ಮ ಘಟ್‌ಭೀರಿನ್ ಘಣೇಥಿ ಧನ್ಯವಾದ್ ಕರಾವಾಳ ಹುಯಿ‍ರ‍್ಹೆವೊ.

ಯಾಕೋಬ 1:12

ಕೋಣ್ ತರೀಪ್ಷನ ಖ್ಹಮಾಳಿಲೇಸ್ಕಿ ಯೋ ಧನ್ಯ. ಯೋ ಇನಿ ಶೋದನೆನ ಜುತಿಲಿದೊತೊ ಪ್ರಭು ಇನ ಪ್ಯಾರ್‌ಕರಾವಾಳನ ವಾಗ್ದಾನ್ ಕರ‍್ಯೊತೆ, ಜಾನ್ನು ಕಿರೀಟ್‍ನ ಲೀಲಿಶೆ.

1 ಪೇತ್ರ 1:5

ಕಡ್‍ಶೀನ ದನ್ಮ ಮಾಲುಮ್‌ ಹುವಾನ ತಯ್ಯಾರ್‌ಹುಯಿರ‍್ಹುತೆ ರಕ್ಷಣೆ ವಿಶ್ವಾಸ್ ಕರಾವಾಳ ತುಮುನ ಮಳ್‌ಣುಕರಿ ದೇವ್ ತುಮುನ ಇನಿ ಶಕಥ್ಥಿ ಬಚಾ಼ಡಸ್.

1 ಪೇತ್ರ 1:7

ನಾಶಹುಯಿಜಾ಼ವಾನುಬಿ, ಆಗ್‌ಥಿ ಛ಼ಣೈನ್ ಹುಯಿರ‍್ಹುತೆ ಖ್ಹೋನ್ನೇಥಿಬಿ ಘಣು ಮೋಲ್ನು ಹುಯಿರ‍್ಹುತೆ ತುಮಾರಿ ವಿಶ್ವಾಸ್ ಆ ವದೇಖ್ಹ್‌ಥಿ ತರೀಪ್‌ಶ ಹುಯಿನ್ ಯೇಸುಕ್ರಿಸ್ತ ಆವಾನಿ ವಖ್ಹತ್ ತುಮುನ ಕೀರ್ತಿ, ಮಾನ್, ಮಹಿಮೆ ಅಖ್ಖು ಉಬ್ಜಿ ಆವಾನಿತರಾನು ಹುಯಿರ‍್ಹುಸ್.

1 ಯೋಹಾನ 2:19

ಇವ್ಣೆಅಖ್ಖು ಅಪ್ಣ ಖನ್ನೆಥಿ ನಿಕ್ಳಿ ಚ಼ಲೀಗು. ಶನಕತೊ ಇವ್ಣೆ ಖ್ಹಾಚಮಾಬಿ ಅಪ್ಣವಾಳು ಕಾಹೆ. ಇವ್ಣೆ ಅಪ್ಣವಾಳು ರ‍್ಹಿಯುಹೊತ್ತೊ, ಅಪ್ಣಿಜೋಡ್ಮಾಸ್ ರ‍್ಹಿಯುಹೊತ್. ಕತೋಬಿ ಇವ್ಣೆ ಅಪ್ಣೇಥಿ ನಿಕ್ಳಿಗಯುತೆ ಇನಖ್ಹಾಜೆ ಇವ್ಣೆಅಖ್ಖು ಅಪ್ಣವಾಳು ಕಾಹೆಕರಿ ಖ್ಹಾಚೇಥಿ ಮಾಲುಮ್‍ಪಡಸ್.