ಮತ್ತಾಯ 7:22 - ದೇವ್ನಿ ಖ್ಹಾಚಿ ವಚನ್

²² ನ್ಯಾವ್‍ನಿ ತೀರ್ಪ್‌ನ ದನ್ಮ ಕೈಯೆಕ್ಕಿ ಅದ್ಮಿ ಮನ, ‘ಪ್ರಭು, ಪ್ರಭು’ ತಾರ ನಾಮ್‌ಪರ್‌ ಹಮೆ ಪ್ರವಾದ್‌ನೆ ಬೋಲ್ಯ, ತಾರ ನಾಮ್‍ಪರ್ ಹಮೆ ಭೂತ್‌ನ ಖ್ಹಾರು ಕಾಡ್ಯ ಅಜು಼ ಕೈಯೆಕ್ಕಿ ಮಹಾನ್ ಕಾಮ್ನ ಕರ‍್ಯಾ, ಕರಿ ಬೋಲ್‌ಶೆ.

ಮತ್ತಾಯ 7:22 ပူးပေါင်းရင်းမြစ်များ

ಮತ್ತಾಯ 10:15

ನ್ಯಾವ್‍ನಿ ತೀರ್ಪ್‌ನ ದನ್ಮ ಇಮ್ನ ಗಾಮ್‌ನಿ ಹಾಲ್‌ ಸೊದೋಮ್ ಅಜು಼ ಗೊಮೋರ್‌ ತಬರ್‌ಖಾನಿ ಹಾಲ್‌ಥೀಬಿ ಖರಾಬ್ ರ‍್ಹಿಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್” ಕರಿ ಬೋಲ್ಯೊ.

ಮತ್ತಾಯ 24:36

ಎತ್ರೇಸ್ ಕಾಹೆತೆ, ಯೋ ದನ್ನಿ ಬಾರೇಮ ರ‍್ಹವೊ, ಯೋ ವಖ್ಹತ್‌ನಿ ಬಾರೇಮ ರ‍್ಹವೊ, ಮಾರ ಬಾನ ಮಾಲುಮ್ ಪಣ್ಕಿ ಬಿಜು಼ ಕಿನಾಬಿ ಮಾಲುಮ್‌ಕೊಯ್ನಿ; ಪರ್‌ಲೋಕ್‌ಮ ಛಾ಼ತೆ ದೇವ್‌ನು ದೂತರ್‌ನಾಬಿ ಮಾಲುಮ್‌ಕೊಯ್ನಿ; ಛಿಯ್ಯಾನಾಬಿ ಮಾಲುಮ್‌ಕೊಯ್ನಿ.

ಮತ್ತಾಯ 25:11

ಅನ ಬಾದ್‌ಮ ಯೋ ಬುಧ್ಧು ಕವಾರಿಯೆ ಆಯಿನ್, ‘ಪ್ರಭು, ಪ್ರಭು ಮಹಿ ಆವಾನ ಬಾಕಲ್ ಕಾಡ್’ ಕರಿ ಚಿಕ್ರಿಲಿದಿಯೆ

ಮತ್ತಾಯ 7:21

“ಮನ, ‘ಪ್ರಭು, ಪ್ರಭು’ ಕರಿ ಬೋಲವಾಳು ಖ್ಹಾರು ಸೊರ್ಗ ರಾಜ್ಯಮ ಜಾ಼ಶೆಕರಿ ನಕೊಲ್ಹಾವೊ. ಕತೋಬಿ ಸೊರ್ಗಾಮ ಛಾ಼ತೆ ಮಾರ ಬಾನಿ ಮರ್ಜಿನಿಘೋಣಿ ಚಾ಼ಲವಾಳುಸ್ ಸೊರ್ಗ ರಾಜ್ಯಮ ಜಾ಼ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:12

ಮೇ ತುಮೂನ ಬೋಲುಸ್ಕಿ, ನ್ಯಾವ್‍ನಿ ತೀರ್ಪ್‌ನ ದನ್ಮ ಯೋ ಗಾಮ್‌ನಿ ಹಾಲ್‌, ಸೊದೋಮ್ ಗಾಮ್‌ನಿ ಹಾಲ್‌ಥೀಬಿ ಖರಾಬ್ ರ‍್ಹಿಶೆ.

ಯೋಹಾನ 11:51

ಆ ವಾತೆ ಕಾಯಫಾನಿ ಶೊಂತ್ ಸೋಚ್ ಕೋ ಹುಯಿರ‍್ಹೀಥೀನಿ. ಯೋ ವರಖ್ಹ್‌ಮ ಯೋ ಗಲ್‌ಢೊಯಾಜಕ್‌ ಹುಯಿರ‍್ಹೊಥೋತೆ ಇನಖ್ಹಾಜೆ, ಯೇಸು ಯೆಹುದ್ಯರ್‌ ಅದ್ಮಿವೊನಖ್ಹಾಜೆ ಮರ್‌ಶೆ ಕರಿ ಪ್ರವಾದ್‌ನೆ ಬೋಲ್ಯೊತೆ.

1 ಥೆಸ 5:4

ಕತೋಬಿ ಹಮಾರ ಭೈಯೇ, ಯೋ ದನ್ ಚೋ಼ರ್ ಆವಾನಿಘೋಣಿ ತುಮಾರಪರ್ ಕೋ ಆವ್‌ಶೇನಿ, ಶನಕತೊ ತುಮೆ ಅಂಧಾರಾಮ ಕೋ ಜಿವ್‌ಕರಾನಿ.

2 ಥೆಸ 1:10

ಇನೆ ಯೋ ದನ್ಮ ಇನ ಪರಿಶುದ್ ಅದ್ಮಿವ್‌ಥಿ ಮಹಿಮೆಬಿ ಅಜು಼ ವಿಶ್ವಾಸ್‌ಮ ರ‍್ಹೇಯ್ತೆ ಇವ್ಣೇಥಿ ಮರ‍್ಯಾದಿಲೀನ್ ಆವಾಸ್ಕಿ ಯೊ ಅದ್ಮಿನಿ ಬೀಚ್ಮ ತುಮೇಬಿ ರ‍್ಹಿಶು. ಶನಕತೊ ಹಮೆ ತುಮುನ ಬೋಲ್ಯಾತೆ ಸಾಕ್ಷಿನ ತುಮೆ ನಂಬಿರಾಖ್ಯಾಸ್.

2 ತಿಮೊ 1:12

ಅನಖ್ಹಾಜೆಸ್ ಮೇ ಆ ಖ್ಹಾರು ಖ್ಹಮಾಳುಕರುಸ್ತೆ. ತೋಬಿ ಮೇ ಖ್ಹರ್‌ಮಾವ್‍ಕೊಯ್ನಿ. ಶನಕತೊ ಮೇ ಕಿನಾಪರ್ ಭರೋಖ್ಹೊ ಕರಿರಾಖ್ಯೋಸ್‌ಕಿ ಯೊ ಮನ ಮಾಲುಮ್‌ ಕರಿರಾಖ್ಯೋಸ್. ಅಜು಼ ಮನ ಅಛ್ಛಿನಿತರ ಮಾಲುಮ್‍ಕಿ ಯೋ ಮಾರ ಹಾತ್ಮ ಶಾತ್ ದೀರಾಖ್ಯೋಸ್ತೆ ಇನ, ಪ್ರಭು ಆವಾನು ಯೊ ದನ್ ಆವಾತೋಡಿ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೋಸ್.

2 ತಿಮೊ 1:18

ಪ್ರಭು ಇವ್ಣುನ ಯೋ ದನ್ಮ ಇನಿ ಗೋರ್‌ ಮಳಾದೆ. ಯೊ ಎಫೆಸಮ ಇನೆ ಖಿವಿಖಿವಿ ಪರಕ್ಮ ಸೇವೆ ಕರ‍್ಯೋಥೋಕಿ ಯೊ ತುನ ಅಛ್ಛಿನಿತರ ಮಾಲುಮ್ ಛಾ಼.

2 ತಿಮೊ 4:8

ದೇವ್ನ ಖ್ಹಾಜಾ಼ನಿಮತ್ ಜಿವವಾಳಾನ ಮಳಾಸ್ತೆ ಜಯಾನಿ ಹಾರ್ ಹಮ್ಕೆ ಮಾರಖ್ಹಾಜೆ ತೈಯಾರ್ ಛಾ಼. ಯೋ ನೀತಿವಾಳೊ ನ್ಯಾವ್‍ನೊ ಅದಿಪತಿ ಹುಯಿರ‍್ಹೋತೆ ಪ್ರಭು, ಯೋ ದನ್ಮ ಮನ ದಿಶೆ, ಮನಾಸ್ ಕಾಹೆತೆ, ಯೋ ಆವ್‌ಶೇತೆ ದೇಕ್ಣು ಕರಿ ಪ್ಯಾರ್‌ಥಿ ಜ಼ಪಿರ‍್ಹೂತೆ ಇವ್ಣುನಾಬಿ ದಿಶೆ.