ಮತ್ತಾಯ 7:13 - ದೇವ್ನಿ ಖ್ಹಾಚಿ ವಚನ್

¹³ ನ್ಹಾನ ಬಾಕಲ್ ವಾಟೆಕರಿ ಮಹಿ ಜಾ಼ವೊ, ಶನಕತೊ ನರಕ್‌ನ ಜಾ಼ವಾನು ಬಾಕಲ್ ಝಾ಼ಲು ಅಜು಼ ಇನಾಮ ಚಾ಼ಲಿ ಜಾ಼ವಾನು ಶುಲ್ಬ, ಅಜು಼ ಇನಾಮ ಜಾ಼ವಾಳು ಅದ್ಮಿ ಘಣು.

ಮತ್ತಾಯ 7:13 ပူးပေါင်းရင်းမြစ်များ

ಮತ್ತಾಯ 23:13

“ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ಅದ್ಮಿಖ್ಹಾರು ಸೊರ್ಗಾನು ರಾಜ್ಯಮ ಜಾ಼ವಾನು ಬಾಕಲ್‌ನ ತುಮೆ ಖ್ಹಾಮ್ಣೆ ಮೂಚಿನಾಖೋಸ್, ತುಮೇಬಿ ಮಹಿ ಕೋಜಾ಼ಯ್ನಿ ಅಜು಼ ಮಹಿ ಜಾ಼ವ್ಣುಕರಿ ಕರಾವಾಳಾನಾಬಿ ಕೋ ಮ್ಹೇಲೋನಿ.

ಮತ್ತಾಯ 25:41

ಅನಕೇಡೆಥು ಯೋ ರಾಜ಼ ಇನಿ ಡಾವಿ ಬಾಜೂ಼ಮ ಭೀರ‍್ಯೂತೆ ಅದ್ಮಿಖ್ಹಾರಾನ, ‘ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ದೇವ್ನಿ ಶಾಪ್ನ ಹೇಟ್ ಛಾ಼! ಮನ ಮ್ಹೆಂದಿನ್, ಶೈತಾನ್ನ ಅಜು಼ ಇನ ದೂತರ್‌ನಖ್ಹಾಜೆ ತೈಯಾರ್ ಹುಯಿರ‍್ಹೂತೆ ಹರ್‌ಹಮೇಶಾನಿ ಆಗ್‌ಮ ಜೈ಼ನ್, ಪಡೊ!

ಮತ್ತಾಯ 25:46

ತದೆ ಖರಾಬ್ ಅದ್ಮಿ ಖ್ಹಾರಾನ ಹರ್‌ಹಮೇಶಾನಖ್ಹಾಜೆ ಡಂಡ್ ಉಶೆ ಅಜು಼ ಧರ್ಮಿ ಖ್ಹಾರಾನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಶೆ.

ಮತ್ತಾಯ 3:2

“ಪಾಪ್‌ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗೈ!” ಕರಿ ಬೋಲ್ತೊನಿಕ್‌ಳ್ಯೊ.

ಮತ್ತಾಯ 3:8

ಇಮ್‍ಕತೊ, ತುಮೆ ಪಾಪ್ನ ಮ್ಹೇಲಿನ್ ಫರಿಗಯಕರಿ ವತಾಳನಖ್ಹಾಜೆ ಬರೋಬರ್‌ಥಿ ಚಾ಼ಲ್‌ಮ ವತಾಳೊ.

ಮತ್ತಾಯ 7:14

ಕತೋಬಿ ಹಮೇಶಾನಿ ಜಿ಼ಂದ್‌ಗೀಮ ಜಾ಼ವಾನು ಬಾಕಲ್‌ ನ್ಹಾನು ಅಜು಼ ಇನಾಮ ಜಾ಼ವಾನ ಮುಶ್ಕಿಲ್, ಯೋ ಮಾರಗ್‌ನ ಢೂಂಡಿಲ್ಯವಾಳು ಥೋಡುಸ್ ಅದ್ಮಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:33

ಇಮ್ಮಸ್, ತುಮಾರಮ ಕೋಣ್‌ಬಿ ರ‍್ಹವೊ, ಇನಛಾ಼ತೆ ಖ್ಹಾರಸ್ನ ನಾ ಮ್ಹೇಲ್ಯೂತೊ, ಯೋ ಮಾರೊ ಶಿಷ್ಯ ಹುಯಿರ‍್ಹೇವಾನ ಕೋ ಹುವಾನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:33

ಮೋಶೆ ಅಜು಼ ಎಲೀಯ ಯೇಸುನ ಮ್ಹೆಂದಿನ್, ಜಾ಼ವಾನಿ ವಖ್ಹತ್‌ಮ, ಪೇತ್ರನೆ ಯೇಸುನ, “ಗುರು, ಹಮೆ ಹಜ಼್ಜಸ್ ರ‍್ಹವಾನು ಕೆತ್ರೇಕ್ಕಿ ಅಛ್ಛು಼! ಹಮೆ ಹಜ಼್ಜಾ ತೀನ್ ಡೇರಾ ಠೋಕೆಸ್, ಏಕ್‌ ತುನ , ಏಕ್‌ ಮೋಶೇನ ಅಜು಼ ಏಕ್‌ ಎಲೀಯನ ” ಕರಿ ಬೋಲ್ಯೊ. ಪೇತ್ರನ, ಯೋ ಶಾತ್ ಬೋಲುಕರಾಸ್‌ ಕರಿ ಇನಾಸ್ ಮಾಲುಮ್ ಕೋ ಥೂನಿ.

ಯೋಹಾನ 10:9

ಮೇಸ್ ಯೋ ದರ‍್ವಾಜು಼, ಮಾರವಾಟೆ ಕೋಣ್-ಕೋಣ್ ಮಹಿ ಜಾ಼ಸ್ಕಿ ಇವ್ಣೆ ಬಚಿಜಾ಼ಶೆ ಅಜು಼ ಇವ್ಣೆ ಮಹಿ ಜಾ಼ಯೆಜಾ಼ಯ್‌, ಭಾರ್‌ಬಿ ಆಯೆಜಾ಼ಯ್‌, ಇವ್ಣುನ ಚ಼ರಣ್ಣು ಘಾಖ್ಹ್‌ ಮಳ್‌ಶೆ.

ಯೋಹಾನ 14:6

ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:22

ಕತೋಬಿ ದೇವ್ ಇನ ಇರಾದನ ದೆಖಾಡಿನ್ ಇನಿ ಶಕತ್ನ ವತಾಳಿನ್ ಭಡಾವ್‍ಣುಕರಿ ರ‍್ಹಯೊತೋಬಿ, ಇಮ್‌ ಕರ‍್ಯೊಕೊಂತೆ ಇನ ಇರಾದಮ ನಾಶಹುವಾಳನ ಘಣು ಠಂಡೊ ಹುಯಿನ್ ಖ್ಹಮಾಳಿಲ್ಯವಾನ ಆಖ್ಹ್‌ಕರ‍್ಯೊತೊ, ಕೋಣ್ ಶಾತ್‌ ಕರಾನ ಉಶೆ.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಕೊರಿಂಥ 6:17

“ಇನಾಖ್ಹಾಜೆ ಅಲ್ಹಾವ್‌ ಅದ್ಮಿವೋನಿ ಬೀಚ್ಮಾಥ ತುಮೆ ಭಾರ್‌ ಆಯಿನ್ ತನಿಯ ಜಿವ್ಣುಕರೊ, ಕಚಿಂಡ್‌ ರ‍್ಹೆಯಿತೆ ಇನ ಛೀಮ್‍ಶುನಕೊ ಕರಿ ಪ್ರಭು ಬೋಲಸ್, ತದೆ ತುಮೂನ ಮಳೈಲಿಶ್.

ಗಲಾತ್ಯ 5:24

ಕ್ರಿಸ್ತ ಯೇಸುಮ ರ‍್ಹವವಾಳು ಇವ್ಣ ಶರೀರ್‌ನು ಆಖ್ಹ್‌ದಾಖ್ಹ್‌ ಅಜು಼ ಖರಾಬ್ ಆಖ್ಹ್‌ನ ಖ್ಹಮೇದ್ ಶಿಲ್‌ಬೇಪರ್ ನಾಖವಾಳ ಹುಯಿರ‍್ಹುಸ್.

ಫಿಲಿಪ್ಪಿ 3:19

ಪೇಟಸ್ ಇವ್ಣು ದೇವ್, ಖ್ಹರಮ್‌ಕಾಡಾನು ಕಾಮಸ್ ಇವ್ಣುನ ಮರ್ಯಾದಿನು. ಇವ್ಣೆ ಜಗತ್ನಿ ಬಾರೇಮಸ್ ಸೋಚವಾಳು, ಅನಖ್ಹಾಜೆ ವಿನಾಶಥೀಸ್ ಇವ್ಣೆ ಖ್ಹರ್ತಿಉಷೆ.

1 ಯೋಹಾನ 5:19

ಹಿಡಿ ಜಗತ್ತಸ್ ಕೇಡ್‌ ಕರವಾಳನ ಕಬ್‌ಜಾ಼ಮ ರ‍್ಹಯುತೋಬಿ ಅಪ್ಣೆ ದೇವ್ನ ಮಳಿರ‍್ಹವಾಳ ಕರಿ ಅಪ್ಣುನ ಮಾಲುಮ್ ಛಾ಼.

ಪ್ರಕಾಶಿತ್ 12:9

ಯೋ ಅರ್ಝ಼ ಕತೊ ಪಿಶಾಚಿಕರಿಬಿ ಶೈತಾನ್ ಕರೀಬಿ ನಾಮ್‌ರ‍್ಹವಾಳ ಯೊ ಜೂ಼ನೊ ಖ್ಹಾಪ್ ಧರ್ತಿಪರ್ ಧಕೆಲಾಯೊ ಇನೊ ದೂತಬಿ ಇನ ಜೋ಼ಡ್ಮ ಜ಼ಮೀನ್‌ಪರ್ ಫೇಕೈಗಯು.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 20:15

ಯೋ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುನಾಮ್‍ ಲೀಖೈರ‍್ಹಾವನು ದೆಖಾಯು ಕೊಯ್ನಿಕಿ ಇನ ಆಗ್ನ ತಲಾವ್ಮ ಭಿರ್ಕಾಯು.

ಪ್ರಕಾಶಿತ್ 20:3

ಯೋ ಹಜಾ಼ರ್ ವರಖ್ಹ್ ಖತಮ್ ಹುವಾಲಗು ಬಿಜೂ಼ಬಿ ಅದ್ಮಿವ್‌ನ ಠಗಾವ್ಣುನಾತೆಯಿಮ್ ದೇವ್ನ ದೂತಾನೆ ಇನ ಪಾತಾಳ್ಮ ಧಕೇಲಿನ್ ದರ‍್ವಾಜು಼ ಲಗಾಡಿನ್ ಇನ ಮುದ್ರೊಮಾರ‍್ಯೊ ಯೋ ಹಜಾ಼ರ್ ವರಖ್ಹ್ ನಿಕ್ಳಾದಿನ್, ಥೋಡ ಹಗಾಮ್‌ ಇನಛುಟ್ಕಾರ್ ಮಳ್‌ಶೆ.