ಮತ್ತಾಯ 7:11 - ದೇವ್ನಿ ಖ್ಹಾಚಿ ವಚನ್

¹¹ ಇಮ್‍ಕತೊ ಖರಾಬ್ ಹುಯಿರ‍್ಹಾತೆ ತುಮೇಸ್ ತುಮಾರ ಲಡ್ಕಾವ್‍ನ ಅಛ್ಛು಼ ರಾಛ಼ವ್‌ನ ದೆವಾಪರ್, ಪರಲೋಕ್‌ನೊ ತುಮಾರೊ ಬಾ, ಇನಾಕನ ಮಾಂಗವಾಳನ ಕೆತ್ರೇಕ್ಕಿ ಅಛ್ಛು಼ ರಾಛ಼ವ್‍ನ ದಿಶೆಕೊಯ್ನಿಕಿ ಶು?

ಮತ್ತಾಯ 7:11 ပူးပေါင်းရင်းမြစ်များ

ಮತ್ತಾಯ 23:9

ಆ ಧರ್ತಿಪರ್ ತುಮೆ ಕಿನಾಬಿ ‘ಬಾ’ ಕರಿ ನಕೊ ಚಿಕರ್‌ಶು, ಶನಕತೊ ಸೊರ್ಗಾಮ ಛಾ಼ತೆ ಎಕ್ಕಸ್ ಜ಼ಣೊ ತುಮಾರೊ ಬಾ ಹುಯಿರ‍್ಹೂಸ್.

ಮತ್ತಾಯ 7:10

ನತರ್‌ಕಿ ಮಾಛ಼್‌ಲು ಮಾಂಗ್ಯೊತೊ, ಖ್ಹಾಪ್‍ನ ದಿಶೆ!

ಯೋಹಾನ 3:16

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:19

ಧರ್ಮಶಾಸ್ತ್ರ ಶಾತಸ್ ಬೋಲ್ಯುತೋಬಿ ಧರ್ಮಶಾಸ್ತ್ರನ ಮಹಿರ‍್ಹಾವಾಳನಸ್ ಸಂಬಂದ್‍ಪಡಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಮ್ ಖ್ಹಾರಾಸ್‍ನು ಮ್ಹೋಡು ಖ್ಹೊಪೊ ಹುಯಿಜಾ಼ಶೆ. ಅಜು಼ ಜಗತ್‍ಖ್ಹಾರು ದೇವ್ನ ನ್ಯಾವ್‍ನತೀರ್ಪ್‌ನ ದನ್ಮ ಗಣ್ತಿದೆವ್ಣು ಪಡ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:9

ಇಮ್‍ಕತೊ ಶಾತ್? ಅಪ್ಣೆ ಯೆಹೂದ್ಯಕಾಹೇತೆ ಇವ್ಣೆಥಿಬಿ ಊಚಾ಼ಕಿ ಶು? ಕದೇಬಿ ಕೊಯ್ನಿನಿ! ಮೇ ತದೇಸ್‌ ಯೆಹೂದ್ಯರ್‌ರ‍್ಹವೊ ಯೆಹೂದ್ಯಕಾಹೆತೆ ರ‍್ಹವೊ ಖ್ಹಾರೂಸ್ ಪಾಪ್ನ ಮಹಿರ‍್ಹಾವಳು ಕರಿ ಮೇ ಪಹಿಲೇಸ್ ದೆಖಾಡಿರಾಖ್ಯೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:32

ಇನ ಶೊಂತ್ ಛಿಯ್ಯಾನಸ್ ಬಚಾ಼ಯೊಕೊಂತೆ ಅಪ್ಣಖ್ಹಾರಾನಖ್ಹಾಜೆ ಇನ ದಿದೊಹುಯೊ, ಅಮ್‌ರ‍್ಹವಾಪರ್ ಖ್ಹಾರುಸ್‌ಬಿ ಇನಜೋ಼ಡ್ಮ ದಿಶೆಕೊಂತೆ ರ‍್ಹಿಶೇಕಿ ಶು?

ಗಲಾತ್ಯ 3:22

ಹಿಡಿ ಜಗತ್‌ ಪಾಪ್ನ ಅಧೀನ್ ಹುಯ್ಗಕರಿ ಪವಿತ್ರ ದಪ್ತರ್‌ ಬರೋಬರ್‌ಥಿ ವತಾಳಸ್‍. ಅಮ್‌ರ‍್ಹವಾಪರ್ ವಾಗ್ದಾನ್ನ ಫಲ್ನ ಯೇಸುಮ ನಂಬಾವಳನ ಇವ್ಣ ವಿಶ್ವಾಸ್ ಆಧಾರ್‌ಪರ್ ದೆವಾವಸ್.

ಯಾಕೋಬ 1:17

ಖ್ಹಾರೂಸ್ ಅಛ಼್ಛು ತೋಫಬಿ, ಪೂರಹುಯುತೆ ಖ್ಹಾರೂಸ್ ವರಾಬಿ ಉಪ್ಪರ್‌ಥು ಆಯು ಹುಯುಸ್, ಯೋಖ್ಹಾರು ಪರಲೋಕನೊ ಉಜಾ಼ಳನೊ ಬಾಥೀಸ್ ಉತ್ರಿಆವಸ್. ದೇವ್ ಛಾ಼ಳನಿತರ ಬದ್ಲಿಜಾವಾಳೊಬಿ ಕಾಹೆ, ಚ಼ಲ್‍ಪ್ಲಾಟಿನೊ ಖ್ಹಾಯಲ್‍ನೋಬಿ ಕಾಹೆ.

1 ಯೋಹಾನ 3:1

ಅಪ್ಣೆ ದೇವ್ನ ಲಡ್ಕಾ ಕರಿ ಬೋಲೈಲೇವ್ಣುಕತೊ ಬಾ ಅಪ್ಣುನ ಕೆಥ್ರಾನಿ ಪ್ಯಾರ್ ಕರಿರಾಖ್ಯೊಸ್ ದೇಖೊ; ಖ್ಹಚಂಬಿ ಅಪ್ಣೆ ದೇವ್ನ ಲಡ್ಕಾ ಹುಯಿರಾಸ್. ಆ ಜಗತ್‌ ಇನ ಮಾಲುಮ್‌ಕರ‍್ಲಿದುಕೊಂತೆ ಇನಾಖ್ಹಾಜೆ ಅಪ್ಣುನಾಬಿ ಮಾಲುಮ್‌ ಕರ‍್ಲೆಯ್‍ಕೊಯ್ನಿ.

1 ಯೋಹಾನ 4:10

ಅಪ್ಣೆ ದೇವ್ನ ಪ್ಯಾರ್ ಕರ‍್ಯಕೊಯ್ನಿ, ಕತೋಬಿ ಯೋ ಅಪ್ಣುನ ಪ್ಯಾರ್ ಕರೀನ್ ಅಜು಼ ಅಪ್ಣ ಪಾಪ್ನ ಪರಿಹಾರ‍್ನಖ್ಹಾಜೆ ಇನ ಛಿಯ್ಯಾನ ಮೋಕ್‍ಲ್ಯೊತೆ ಇನಾಮಸ್ ಪ್ಯಾರ್‌ನಿ ಖ್ಹಾಚಿಗುಣ್‍ ದೆಖೈಜಾ಼ಸ್.