ಮತ್ತಾಯ 6:6 - ದೇವ್ನಿ ಖ್ಹಾಚಿ ವಚನ್

⁶ ಕತೋಬಿ ತೂ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ತಾರ ಮಹಿನಕೋಣಾಮ ಜೈ಼ನ್, ಬಾಕಲ್‌ ಲಗಾಡಿನ್, ದಿಲ್ಮ ಛಾ಼ತೆ ತಾರ ಬಾನ ಪ್ರಾರ್ಥನೆ ಕರ್‌. ತದೆ ದಿಲ್ಮ ಚಾ಼ಲಾಸ್ತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.

ಮತ್ತಾಯ 6:6 ပူးပေါင်းရင်းမြစ်များ

ಮತ್ತಾಯ 14:23

ಅದ್ಮಿನಿ ಭೀಡ್‌ಣ ಮೋಕ್ಲಾನ ಬಾದ್‌ಮ, ಪ್ರಾರ್ಥನೆ ಕರಾನಖ್ಹಾಜೆ ಯೋ ಎಕ್ಲೋಸ್ ಪಹಾಡ್‌ಪರ್ ಗಯೊ. ದನ್ ಡುಬಾನ ಬಾದ್‌ಮ, ಯೇಸು ಎಕ್ಲೋಸ್ ಹಿಜ್ಜಾ಼ ಥೊ.

ಮತ್ತಾಯ 6:18

ಅಮ್ ಕರ‍್ಯೋತೊ, ತೂ ಉಪವಾಸ್ ಛಾ಼ ಕರಿ ಅದ್ಮಿಯೇನ ಮಾಲುಮ್‌ ಕೋ ಪಡ್‌ಶೇನಿ, ಕತೋಬಿ ದಿಲ್ಮ ರ‍್ಹವಾಳ ತಾರ ಬಾನ ಯೋ ಮಾಲುಮ್‌ಪಡ್‍ಶೆ. ದಿಲ್ಮ ಚಾ಼ಲಸ್ತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.

ಮತ್ತಾಯ 6:4

ಅಜು಼ ದಿಲ್ಮ ಚಾ಼ಲಾತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.

ಯೋಹಾನ 1:48

ಇನ ನತಾನಿಯೇಲನೆ ತೂ ಮನ ಕಿಮ್ ಮಾಲುಮ್ ಕರ‍್ಯೊ? ಕರಿ ಯೇಸುನ ಬೋಲಖ್ಹತರ್ ಇನೆ ಫಿಲಿಪ್ಪನೆ ತುನ ಬುಲಾವನ ಅಗಾಡಿಸ್ ತು ಯೋ ಅಂಜೀರ್‌ನ ಝಾ಼ಡ್‌ ಹೇಟ್ ಮೇ ದೇಖ್ಯೊ ಕರಿ ಬೋಲ್ಯೊ.

ಯೋಹಾನ 20:17

ಯೇಸುನೆ ಇನ, “ಮನ ಧರ್‌ನಕೊ, ಶನಕತೊ ಮೇ ಬಿಜೂ಼ಬಿ ಬಾಕನ ಕೋ ಜೈ಼ರ‍್ಹೋನಿ. ಕತೋಬಿ ತೂ ಮಾರ ಭೈಯೇಕನ ಜೈ಼ನ್‌, “ಮೇ ಮಾರೊ ಬಾ ಅಜು಼ ಇವ್ಣೊ ಬಾ, ಮಾರೊ ದೇವ್ ಅಜು಼ ಇವ್ಣೊ ದೇವ್ ಹುಯಿರ‍್ಹೋತೆ ಇನಕನ ಪಾಛೊ಼ ವಳ್ಯೊಜ಼ವುಸ್‌ ಕರಿ ಬೋಲ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:30

ತದೆ ಕೊರ್ನೆಲ್ಯನೆ, “ತೀನ್ ಚಾರ್ ದನ್ನ ಅಗ್ಗಳ್ ಮೇ ಮಾರ ಘರ್‌ಮ ಪ್ರಾರ್ಥನೆ ಕರಾನ ಧೋಪಾರ‍್ನ ತೀನ್ ಘಂಟಾನ ಅಪ್‍ಗುಪ್‍ಥೀಸ್ ಉಜಾ಼ಖ್ಹ್‌ನು ಲುಂಗ್ಡು ಫೇರಿರಾಖ್ಯೊಥೋತೆ ಏಕ್‍ಜ಼ಣೊ ಮಾರ ಖ್ಹಾಮ್ಣೆ ಭೀರಿಗೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:9

ಇನ ಅಗಲ್ಯದನ್ನೆ ಯೊ ಅದ್ಮಿಖ್ಹಾರು ಯೊಪ್ಪನ ಚ಼ಲ್ಯಾವದಿನ್ ತದೆ ದೊಫಾರ್ನಿ ವೇಳ್ಮ ಪೇತ್ರ ಪ್ರಾರ್ಥನೆ ಕರಾನ ಘರ್‌ನ ಉಪ್‌ಲ್ಯ ಛ಼ತ್‍ಪರ್‌ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:40

ಅಜು಼ ಪೇತ್ರನೆ ಅದ್ಮಿಖ್ಹಾರಾನ ಭಾರ್‌ ಮೋಕ್ಲಿನ್ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆ ಕರೀ ಶರೀರ್‌ಭಣಿ ಫರೀನ್, “ತಬಿಥಾ, ಉಪ್ಪರ್ ಉಟ್” ಕರಿಬೋಲ್ಯೊ. ಯೋ ಡೋಳಪಾಡಿನ್ ಪೇತ್ರನ ದೇಕ್‍ಥೀಸ್ ಉಠಿ ಭೀರಿಗಯಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:5

ಶರೀರ್‌ನಿ ಖ್ಹಯಾಲ್‍ವಾಳ ಹುಯಿನ್ ಚಾ಼ಲವಾಳು ಶರೀರ್‌ನ ಸಂಬಂದ್ ರ‍್ಹೆಯಿತೆ ವಾತೆವ್ಮ ಮಘನ್‌ ರ‍್ಹೇಸ್. ಕತೋಬಿ ಪವಿತ್ರಾತ್ಮನ ಪೀಛೆ ಚಾ಼ಲಿಲ್ಯಾವಾಳನು ದಿಲ್‌ ಪವಿತ್ರಾತ್ಮನ ಸಂಬಂಧ ಹುವಾತೆ ತಿನಪರ್‌ ರ‍್ಹೇಸ್.

ಎಫೆಸ 3:14

ಅನಖ್ಹಾಜೆ ಬಾನ ಖ್ಹಾಮ್ಣೆ ಮೆ ಗುಡ್‍ಘ್ಯ ಟೇಕ್ಯೊ.