ಮತ್ತಾಯ 6:2 - ದೇವ್ನಿ ಖ್ಹಾಚಿ ವಚನ್

² ಇನಖ್ಹಾಜೇಸ್ ತು ಧರಮ್ ದ್ಯವಾನಿ ವಖ್ಹತ್‌ಮ, ನಕೊ ಫೂಕಿಲೇವೊ. ಅದ್ಮಿಥಿ ಖ್ಹರಾವ್ಣಿ ಕರಿಲೇವ್ಣುಕರಿ ಖೋಟ್ ದಿಲ್‌ವಾಳು ಯೆಹೂದ್ಯರ್‌ಬಿ ಸಬೆ ಭರಾವಾನು ಮಂದಿರ್‌ಮ ಅಜು಼ ಗಲ್ಲಿಯೇಮ ಅಮ್ಮಸ್ ಕರಾಸ್. ಮೇ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಧನ್ಯವಾದ್ ತದೇಸ್‌ ಮಳಿಗಯು.

ಮತ್ತಾಯ 6:2 ပူးပေါင်းရင်းမြစ်များ

ಮತ್ತಾಯ 15:7

ತುಮೆ ಖೋಟ್ ದಿಲ್‌ವಾಳ! ಯೆಶಾಯನೆ ತುಮಾರಿ ಬಾರೇಮ ಬರೊಬರ್‌ಥೀಸ್‌ ಪ್ರವಾದ್‌ನೆ ಕರಿರಾಖ್ಯೋಸ್! ಯೋ ಶಾತ್‌ಕತೊ: ದೇವ್ನೆ ಬೋಲ್ಯೋಕಿ,

ಮತ್ತಾಯ 16:3

ವ್ಹಾಣಾನು ಆಬ್‍ ವಾದ್‍ಳೇಥಿ ಢಪೈನ್ ಕಾಳೊ ಅಜು಼ ಲಾಲ್ ಹುಯಿರ‍್ಹೋತೊ, ‘ಆಜ಼್ ಪಾಣಿ ವರಖ್ಹ್‌ಶೆ’ ಕರಿ ಬೋಲೋಸ್ ಕಾಹೆಕಿ ಶು? ದನ್ನಿ ಹಾಲ್-ಚಾ಼ಲ್ ದೇಖಿನ್, ಆ ಅಮ್, ಯೋ ಇಮ್‌ ಕರಿ ಖ್ಹಣೇದ್ ಕರಾನ ತುಮೂನ ಮಾಲುಮ್; ಕತೋಬಿ ಆ ವಖ್ಹತ್‌ನಿ ಖ್ಹಣೇದ್‍ನಿ ಮತ್‌ಲಬ್ ತುಮೂನ ಮಾಲುಮ್ ಕೊಯ್ನಿಕಿಶು?

ಮತ್ತಾಯ 22:18

ಯೇಸುನೆ ಇವ್ಣಿ ಖರಾಬ್ ಚಾ಼ಲ್‌ನ ಮಾಲುಮ್‌ ಕರಿಲೀನ್, “ತುಮೆ ಖೋಟ್ ದಿಲ್‌ವಾಳ! ತುಮೆ ಮನ ಖ್ಹಪ್‌ಡಾವ್ಣು ಕರಿ ಶನ ದೇಖೋಸ್ತೆ?

ಮತ್ತಾಯ 23:5

ಇವ್ಣೆ ಅದ್ಮಿನ ಖ್ಹಾರು ದೆಖಾವಾದೆ ಕರಿ ಇವ್ಣು ಕಾಮ್ನ ಕರಾಸ್. ವಚನ್ ಲೀಖೈರ‍್ಹೂತೆ ಪಟ್ಟಿಯೇನ ತಾಳ್ವಪರ್ ಅಜು಼ ಡಂಟ್‌ಪರ್ ಭಾಂದಿರಾಖಾಸ್ತೆ ದೇಖೊ. ಇವ್ಣೆ ಪೇರ‍್ಹಾಸ್ತೆ ಝ಼ಗ್ಗಾವ್‍ನ ಗೊಂಡಾನ ಲಾಂಬು ಕರಿಲೇಸ್!

ಮತ್ತಾಯ 23:6

ಅತ್ರೇಸ್ ಕಾಹೆತೆ, ಮಾನ್-ಮಿಝ್‍಼ವಾನೇನಿ ಝ಼ಗೋಮ ಖ್ಹಾರು ಖ್ಹಾರೇಥಿ ಖ್ಹಾಮ್ಣೆ, ಅಜು಼ ಸಬೆ ಭರಾವಾನು ಮಂದಿರ್‌ಮ ಖ್ಹಾರು ಅಖ್ಖಾನ ದೆಖಾವಾನಿಘೋಣಿ ಖ್ಹಾಮ್ಣೆ ಬೇಖ್ಹ್‌ಣು ಕರಿ ಇವ್ಣೆ ಆಖ್ಹ್‌ ಕರಾಸ್.

ಮತ್ತಾಯ 24:51

ಇನ ಕತ್ರೀನ್, ಟುಕ್‌ಡಾ-ಟುಕ್‌ಡಾ ಕರೀನ್, ಖೋಟ್ ದಿಲ್‌ವಾಳಾನ ನಾಖಾಸ್ತೆ ಝ಼ಗೋಪರ್ ಇನ ನಾಕ್‌ಶೆ. ಹಿಜ್ಜಾ಼ ಯೋ ರೋವ್‌ತೊ ಹುಯಿನ್, ಕರ್‌-ಕರ್‌ ದಾತ್‌ ಚಾ಼ವ್‌ಶೆ.

ಮತ್ತಾಯ 5:18

ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಆಬ್ಬಿ ಧರ್ತಿ ಮಟಿಜಾ಼ಶೆ, ಧರ್ಮಶಾಸ್ತ್ರಮ ಛಾ಼ತೆ ಖ್ಹಾರುಸ್ ಚಾ಼ಲಾಲಗುಬಿ ಇನಮಾನು ಏಕ್‌ ನ್ಹಾನು ಲಿಖ್ಯೂಬಿ ರ‍್ಹವೊ, ನಾತೊ ಏಕ್‌ ಟಿಪ್‌ಕ್ಯುಬಿ ಮಟ್‌ಶೆ ಕೊಯ್ನಿ.

ಮತ್ತಾಯ 6:16

“ತುಮೆ ಉಪವಾಸ್ ಕರಾನಿ ವಖ್ಹತ್‌ಮ, ಖೋಟ್ ದಿಲ್‌ವಾಳನಿಘೋಣಿ ಮ್ಹೋಡು ನಾ ಮುರ್‌ಝೈ಼ಲೇಣು. ಇವ್ಣೆ ಉಪವಾಸ್ ಛಾ಼ ಕರಿ ಅದ್ಮಿಯೇನ ವತಾಳಿಲೆವಾನಖ್ಹಾಜೆ ಇವ್ಣು ಮ್ಹೋಡಾನ ಇಮ್‌ ಕರಿಲೇಸ್, ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಇನಾಮ್ ತದೇಸ್‌ ಮಳಿಗಯು.

ಮತ್ತಾಯ 6:3

ಕತೋಬಿ ತುಮೆ ಧರಮ್ ದ್ಯವಾನಿ ವಖ್ಹತ್‌ಮ, ತಾರೊ ಖಾವಹಾತೆ ದಿದೋತೆ ಧರಮ್, ತಾರೊ ಡಾವ ಹಾತ್‌ನಾಬಿ ನಾ ಮಾಲುಮ್‌ ಪಡ್‌ಣೂತೆ ಇಮ್‌ ದೇ.

ಮತ್ತಾಯ 6:5

“ತುಮೆ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ಖೋಟ್ ದಿಲ್‌ವಳಾನಿಮತ್‌ ನಕೊ ಪ್ರಾರ್ಥನೆ ಕರ್‌; ಅದ್ಮಿಖ್ಹಾರು ದೇಖಾದೆಕರಿ ಇವ್ಣೆ ಸಬೇನು ಮಂದಿರ್‌ಮ ಅಜು಼ ಗಲ್ಲಿಯೇನು ಚೌ಼ಕ್‌ಮ ಭೀರಿನ್‌, ಪ್ರಾರ್ಥನೆ ಕರಾನ ಆಖ್ಹ್‌ಕರಾಸ್‌. ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಇನಾಮ್ ತದ್ದೇಸ್ ಮಳಿಗಯು.

ಮತ್ತಾಯ 7:5

ಅಲಾ ಠಗಾರ! ತಾರ ಡೋಳಾಮ ಛಾ಼ತೆ ಪೇದಡ್‌ನ ಪಹಿಲೆ ಕಾಡ್, ತದೆ ತಾರ ಭೈನ ಡೋಳಾಮ ಛಾ಼ತೆ ಕಾಕ್ರಿ ತುನ ಅಛ್ಛಿನಿತರ ದೆಖಾವ್‌ಶೆ.

ಮಾರ್ಕ 12:39

ಅಜು಼ ಸಬೆ ಭರಾವಾನು ಮಂದಿರ್‌ಮ ಅಖ್ಖಾನ ಖ್ಹಾಮೆ ಬೇಖ್ಹ್‌ಣು ಕರಿ, ಮಾನ್-ಮಿಝ಼್‌ವಾನೇನಿ ಝ಼ಗೋಮ ಅಖ್ಖಾನ ದೆಖಾವಾನಿ ಘೋಣಿ ಖ್ಹಾಮೆ ಬೇಖ್ಹ್‌ಣು ಕರಿ ಖಲಿ ಅಮ್ಮಸ್ ಆಖ್ಹ್ ಕರ್ತುರ‍್ಹೇಸ್‌.

ಮಾರ್ಕ 7:6

ಇಮ್‌ ಬೋಲ್ತಾನ ಯೇಸುನೆ, “ತುಮೆ ಠಗಾರು, ತುಮಾರಿ ಬಾರೇಮ ಯೆಶಾಯ ಪ್ರವಾದಿನೆ ಬರೊಬರ್‌ಥೀಸ್‌ ಪ್ರವಾದ್‌ನೆ ಕರಿರಾಖ್ಯೋಸ್. ಯೋ ಶಾತ್‌ಕತೊ, ‘ದೇವ್ನೆ ಬೋಲ್ಯೋಕಿ, ‘ಆ ಅದ್ಮಿಖ್ಹಾರು ವಾತೇಥಿ ಮನ ಖ್ಹರಾವಸ್‌, ಕತೋಬಿ ಅವ್ಣೊ ದಿಲ್‌ ಮಾರೇಥಿ ದೂರ್ ಛಾ಼’

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:41

ಅನಖ್ಹಾಜೆಸ್ ಮಹಿ ಛಾ಼ತೆ ಇನ ಗೋರ್‌ಗರೀಬ್‌ನ ದೆವೊ, ತದೆ ತಮಾಮ್‌ ರಾಛು಼ ತುಮಾರಖ್ಹಾಜೆ ಪಾಕ್‌ ಹುಯಿಜಾ಼ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:43

“ಫರಿಸಾಯರ್‌ವಾಳ, ತುಮಾರಿ ಹಾಲ್ನ ಶಾತ್‌ ಬೋಲು! ಸಬೆ ಭರಾವನು ಮಂದಿರ್‌ಮ ಪಹಿಲಿ ಝ಼ಗೊ ದ್ಯವಾನುಸ್ ತುಮೂನ ಪ್ಯಾರ್, ಅಜು಼ ದುಕಾನೇನಿ ಗಲ್ಲಿಯೇಮ ತುಮೂನ ಖ್ಹಲಾಮ್ ಕರ‍್ನು ಕರಿ ಬೋಲನುಸ್ ತುಮಾರಿ ಆಖ್ಹ್!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:33

ತುಮಾರಕನ ಛಾ಼ತೆ ಖ್ಹಾರುಸ್‌ ವೇಚಿನ್, ಆವಸ್ತೆ ಪೈಶಾನ ಗೋರ್‌-ಗರೀಬ್‌ನ ದೇವೊ. ತುಮಾರಕನ ಫಾಟಕೊಂತೆ ಚ಼ಂಚಿಯೇನ ಕರಿಲೆವೊ, ಪರ್‌ಲೋಕ್‌ಮ ಕಮ್ ಹುವಾಕೊಂತೆ ಶೊತ್ನ ಜ಼ಮಕರಿಲೇವೊ, ಕೆಹೊ ಚೋ಼ರ್‌ಬಿ ಇನ ಖನ್ನೆ ಆವಾನ ಕೋ ಆವಾನಿ ಅಜು಼ ಇನ ಕೋರ‍್ಹ ಖೈನ್‌ ಬರ್ಬಾತ್ ಕೋ ಉಶೇನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:56

ಠಗಾರ‍್ಯ, ತುಮೆ ಆಬ್‍ ಧರ್ತಿನ ದೇಖಿನ್, ಇನು ಮೋಸಮ್‌ನ ತುಮೆ ಮಾಲುಮ್ ಕರಿಲೆವೋಸ್‌ನಿ, ಇಮ್‌ ರ‍್ಹವಾಪರ್, ಆ ವಖ್ಹತ್‌ನ ಪರ್ಖಾನ ತುಮೂನ ಕೋ ಹುವ್ವಾನಿಕಿ ಶು?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:15

ಯೋ ವಾತೇನ ಖ್ಹಮ್‌ಜಿನ್‌ ಪ್ರಭುನೆ ಇನ, “ತುಮೆ ಠಗಾರು ತುಮಾರಾಮ ಹರೇಕ್ ಜ಼ಣು ಸಬ್ಬತ್‌ ದನ್‌ಮಾಬಿ, ಇವ್ಣು ಢಾಂಡೊ ರ‍್ಹವೊ, ಗಧೇಡಾನ ರ‍್ಹವೊ ಕೋಠಾಮಾಥು ಛೋ಼ಡಿನ್, ಪಾಣಿ ಪಿಡಾವಾನಟೇಕೆ ಧರ್‌ಲಿ ಜಾ಼ಸ್‌ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:46

ಮೋಶೇನು ವಚನ್ ಶಿಕಾಡವಾಳು ಶಾಸ್ತ್ರಿಯೇನಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಲಾಂಬೊ ಝ಼ಗ್ಗೊ ಪೇರ‍್ಹಿಲೀನ್‌ ಹೈಕಡ್‌ ಹೀಕಡ್‌ ಫರಾವಾಳು, ದುಕಾನೇನಿ ಗಲ್ಲಿಮ ಅದ್ಮಿಖ್ಹಾರು ಇವ್ಣ ಖ್ಹರಾವ್ಣಿ ಕರ‍್ನು ಕರಿ ಅಜು಼ ಸಭೆ ಭರಾವನು ಮಂದಿರ್‌ಮ ಪಹಿಲಿ ಝ಼ಗೋಪರ್‌ ಅಜು಼ ಮಿಝ್‍಼ವಾನೇನಿ ಝ಼ಗೋಮ ಅಛ್ಛಿ ಝ಼ಗೋಪರ್‌ ಬೇಖ್ಹ್‌ಣು ಕರಿ ಖಲಿ ಅಮ್ನಿಸ್ ಅಖ್ಹ್‌ ಕರಾವಾಳು ಹುಯಿರ‍್ಹುಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:24

ಕತೋಬಿ ಹಮ್ಕೆ ಶೌಕಾರ್ ರ‍್ಹವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಅರಾಮ್‍ನಿ ಜಿ಼ಂದ್‌ಗಿ ಚ಼ಲೈಲಿದ!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:42

ತಾರ ಡೋಳಾಮ ಛಾ಼ತೆ ಪೇದಡಸ್‌ ತುನ ದೆಖಾವ ಕೊಯ್ನಿನಿ. ಅಮ್ ರ‍್ಹಾವಪರ್, ತೂ ತಾರ ಭೈನ, ‘ಭೈ ತಾರ ಡೋಳಾಮ ಛಾ಼ತೆ ಕಾಕ್ರಿನ ಕಾಡುಸ್‌ ಆವ್’ ಕರಿ ಕಿಮ್ ಬೋಲಾಸ್? ಅಲ ಠಗಾರು ಪಹಿಲೆ ತಾರ ಡೋಳಾಮಾನು ಪೇದಡ್‌ನ ಕಾಡ್, ಬಾದ್‌ಮ ತಾರ ಭೈನ ಡೋಳಾಮಾನು ಕಾಕ್ರಿನ ಕಾಡಾನ ತುನ ಅಛ್ಛಿನಿತರ ದೆಖಾವ್‌ಶೆ.

ಯೋಹಾನ 13:29

ಇವ್ಣಾಮ ಥೋಡಾನೆ, ಯೂದಾನ ಹಾತ್‌ಮ ಪೈಶಾನಿ ಚ಼ಂಚಿಥೀತೆ ಇನಖ್ಹಾಜೆ ಯೇಸು ಇನ ಪೂಜಾ಼ನ ಅಪ್ಣುನ ಹೋಣುತೆ ಅಖ್ಖು ಲೀಲೆವೊ ಕರೀಕಿ, ನತರ್‌ಕಿ ಗರೀಬ್‌ನ ಶಾತ್‌ತೋಬಿ ದೇ ಕರಿ ಶುಕಿ, ಯೇಸುನೆ ಬೋಲ್ಯೊ ಕರಿ ಲ್ಹಾಯು.

ಯೋಹಾನ 5:41

“ಮನ ಅದ್ಮಿನಿ ಖ್ಹರಾವ್ಣಿ ಹೋಣು ಕೊಯ್ನಿ.

ಯೋಹಾನ 5:44

ತುಮೆ ಏಕ್‌ಥಿ ಏಕ್‌ ಮಾನ್-ಮರ‍್ಯಾದಿನ ಆಖ್ಹ್ ಕರೋಸ್, ಕತೋಬಿ ಏಕ್‍ನೊ ಎಕ್ಕಸ್ ದೇವ್‍ಥಿ ಆವಸ್ತೆ ಖ್ಹರಾವ್ಣಿನ ತುಮೆ ಹೋಣು ಕರಿ ಆಖ್ಹ್ ಕೋ ಕರೋನಿ. ಅಮ್ ರ‍್ಹವಾಪರ್ ತುಮೆ ಮನ ಕಿಮ್ ನಂಬ್‌ಶು?

ಯೋಹಾನ 7:18

ಕೋಣ್ ಇನುಯೋಸ್ ವಾತೆಬೋಲಿಲೇಸ್ಕಿ ಇನಿ ಶೊಂತ್ ಇಜ಼್ಜತ್‌ನ ಢೂಂಡಸ್. ಇನುಯೋಸ್ ಖ್ಹಾಚ಼ನ ಲೀಲಾವನ ಕೋಶಿಶ್ ಕರಾಸ್, ಕತೋಬಿ ಕೋಣ್‌ಇನ ಮೋಕ್‌ಲ್ಯೊತೆ ಇನಿ ಇಜ್ಜತ್‍ನ ಢೂಂಡಾವಾಳೊ ಅದ್ಮಿಸ್‌ ಖ್ಹಾಚೊ಼; ಇನಾಮ ಶನೀಶ್ ಗಲತ್‌ ಕೊ ರ‍್ಹೇಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:2

ಯೊ, ಇನು ಕುಟುಂಬ್‍ವಾಳು ದೇವ್‌ಮ ಡರ್‌ ಭಕ್ತಿಥೀಬಿ ರ‍್ಹೀನ್ ಜಿವ್ಣು ಕರುಕರ್ತುಥು. ಅಜು಼ ಗರೀಬ್‌ನ ಜಾ಼ಖ್ಹತ್ ದಾನಧರಮ್‍ ಕರಾವಾಳೊ, ಕದೇಬಿ ದೇವ್ನ ಪ್ರಾರ್ಥನೆ ಕರಾವಾಳೊ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:31

ಇನೆ ಬೋಲ್ಯೊ, ಕೊರ್ನೆಲ್ಯ, ದೇವ್ನೆ ತಾರಿ ಪ್ರಾರ್ಥನೆನ ಖ್ಹಮ್‍ಜಿರಾಖ್ಯೊಸ್. ತೂ ಗರೀಬ್‌ನ ದಾನ್‌ ಧರಮ್‌ ಕರಾನು ದೇಖಿನ್ ತುನ ಪಸಂದ್ ಕರಿರಾಖ್ಯೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:4

ಕೊರ್ನೆಲ್ಯ ಡರಿನ್ ದೇವ್ನದೂತನ ಠರ್‌ಕೈನ್ ದೇಕ್ತೊ ಹುಯಿನ್ “ಪ್ರಭು ಆ ಶಾತ್?” ಕರಿ ಬೋಲ್ಯೊ. ತದೆ ದೇವ್‌ನೊ ದೂತನೆ ಇನ, ತಾರಿ ಪ್ರಾರ್ಥನೆಬಿ, ತಾರಿ ದಾನ್ ಧರಮ್ ಅಖ್ಖು ದೇವ್ನಿ ಸನ್ನಿಧಿಮ ಖ್ಹಯಾಲ್‌ಥಿ ಪೊಚಿರ‍್ಹುಸ್;

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:29

ಯೂದಾಯಮ ರ‍್ಹವಾಳು ಭೈಯೇ ಭೇನೆವೊನ ಮದತ್‌ಕರಾನ ಶಿಷ್ಯರ್‌ನೆ ನಿರ್ಧಾರ್ ಕರ‍್ಯು. ವಿಶ್ವಾಸಿಮ ಹರೇಕ್ ಜ಼ಣುಬಿ ಇವ್ಣೇಥಿ ಕೆತ್ರುಹುಯೂಕಿ ಇವ್ಣುನ ಬೋಲಿ ಮೋಕ್ಲಿನ್ ಖ್ಹಯಾಲ್ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:17

“ಥೋಡ ವರಖ್ಹ್‌ನ ವಾರ್ ಮೆ, ಮಾರ ಶೊಂತ್‌ ದೇಖ್ಹ್‌ವಾಳಾನ ಪೈಶಾ, ಕಾಣ್ಕೆ ಅಜು಼ ಮುಡಪ್‍ ದ್ಯಾವಾನ ಆಯೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:36

ಯೊಪ್ಪ ಖ್ಹಯೇರ್‌ಮ ತಬಿಥಾಬಿ ಯೇಸುನಿ ಏಕ್‌ ಶಿಷ್ಯೇ ಥಿ. ಗ್ರೀಕ್‍ನಿ ಬೋಲಿಮ ಇನು ನಾಮ್ ‘ದೊರ್ಕ’ ಇನಿ ಮತ್‌ಲಬ್ ‘ಚೀತಳ್‌ಕರಿ’ ಯೋ ಕದೇಬಿ ಅಛ಼್ಛುಕಾಮ್ ಕರಾವಳಿ ಅಜು಼ ದಾನಧರಮ್‍ ದ್ಯವಾಳಿ ಹುಯಿರ‍್ಹಿಥಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:8

ಯೊ ಹುಮ್ಮಖ್ಹ್‌ ದೆವಾಳೊ ಉಷೇತೆ, ಹುಮ್ಮಖ್ಹ್‌ ದ್ಯವಾದೆ. ಧರಮ್ ದ್ಯವಾನು ವರ ಉಷೇತೊ ಯೋ ಛು಼ಟಾದಿಲ್‍ಥಿ ದ್ಯವಾದೆ. ಅದಿಕಾರಿ ಉಶೇತೊ, ಯೋ ನಿಯ್ಯಥ್ಥಿ ಚಾ಼ಲದೆ, ಗೋರ್‌ ವತಾಳವಾಳೊ, ಇನ ಖುಷಿಥಿಬಿ ಕರಾದೆ.

1 ಕೊರಿಂಥ 13:3

ಮೇ ಮಾರಿ ಖ್ಹಾರಿಶೊತ್ತ್‌ನ ಧರಮ್ ದೀನಾಖ್ಯೊತೋಬಿ, ಮಾರ ಶರೀರ್‌ನ ಬಾಳಿನಾಖನ ದೀನಾಖ್ಯೊತೋಬಿ, ಪ್ಯಾರ್ ಮನ ನಾರ‍್ಹಯುತೊ ಮನ ಶನೊ ಫಾಯಿದೊಬಿ ಕೊಯ್ನಿ.

ಗಲಾತ್ಯ 2:10

ಕತೋಬಿ ತುಮೆ ಹಮಾರಮ ಛಾ಼ತೆ ದಿಕ್‌ದೆಶಾರ್‌ ಕೊಂತೆ ಇವ್ಣುನ ಖ್ಹಯಾಲ್ಮ ರಾಕ್ಣು ಕರಿ ಎಕ್ಕಸ್ ವಾತೆ ಮನ ಬೋಲ್ಯು. ಇಮ್‌ ಕರಾಮ ಮೇಬಿ ದಿಲ್‌ಲಗಾಡವಾಳೊ ಹುಯಿರ‍್ಹೊಥೊ.

ಎಫೆಸ 4:28

ಚೋ಼ರಿ ಕರಾವಾಳೊ ಚೋ಼ರ್ ಕರಾನು ಮ್ಹೆಂದಿನ್ ರಾಬಿನ್ ಮಿನಥ್ಥಿ ಅಛ಼್ಛು ಕಮೈಕರೀನ್ ಜಿವ್ಣು ಕರಾದೆ, ತದೆ ಗರೀಬ್ ಅದ್ಮಿನ ದ್ಯಾವಾನ ಇನ ಹಾತೆ ಉಶೆ.

1 ಥೆಸ 2:6

ಎತ್ರೆಸ್ ಕಾಹೆತೆ ಹಮೆ ಕ್ರಿಸ್ತನು ಅಪೊಸ್ತಲರ್ ಹುಯಿರ‍್ಹಾತೆ ಇನಖ್ಹಾಜೆ, ಹಮೂನ ಮಾನ್-ಮರ್ಯಾದಿನ ವತಾಳ್ಣು ಕರಿ ಬೋಲೆಜಾ಼ಯಿಥು. ತೋಬಿ ಹಮೆ ಅದ್ಮಿಥಿ ಮಳಾಸ್ತೆ ಮಾನ್-ಮರ‍್ಯಾದಿನ ತುಮಾರೇಥಿ ರ‍್ಹವೊ, ಬಿಜಾ಼ಥಿ ರ‍್ಹವೊ ಮಳಾದೆಕರಿ ಆಖ್ಹ್ ಕರ‍್ಯಾಕೊಯ್ನಿ.

1 ತಿಮೊ 6:18

ಇವ್ಣುನ ಹುಕುಮ್ ದೇಕಿ; ಇವ್ಣೆ ಅಛ್ಛು಼ ಕಾಮ್ ಕರ‍್ನು. ಅಜು಼ ಅಛ್ಛು಼ ಕಾಮ್ ಕರಾಮ ಇವ್ಣೆ ಶೌಕಾರಿ ಹುಯಿರ‍್ಹೇಣು, ಧರ್ಮಿ, ಅಜು಼ ಇವ್ಣಾಕನ ಛಾ಼ತೆ ಜಿನಖ್ಹ್‌ನ ವಾಟಪಾಡಿಲ್ಯವಾದೆ.

ಫಿಲೆಮೋನ 1:7

ಪ್ಯಾರ‍್ನೊ ಭೈ, ತಾರೇಥಿ ದೇವ್ನ ಅದ್ಮೆವ್‍ನ ದಿಲ್ನ ಖ್ಹುಶಿಬಿ ಹುಮ್ಮಖ್ಹ್‌ ಹುಯೂತೆಖ್ಹಾಜೆ ಇವ್ಣಿ ಬಾರೇಮ ಛಾ಼ತೆ ಪ್ಯಾರ್‌ಥಿ ಮನ ಘಣು ಖ್ಹುಶಿಬಿ ಸಮಾಧಾನ್‍ಬಿ ಹುಯು.

ಇಬ್ರಿ 13:16

ಆ ನಾಹುಯಿನ್ ಬಿಜೇಕ್‌ನ ಮಳಿನ್ ಅಛ್ಛುಕರಾನ ನಾ ಬೈಕ್‌ಣುತೆ ಮದತ್ ಕರೊ, ಆ ಅಖ್ಖು ದೇವ್ನ ಲ್ಹಾಯಕ್ ಹುವಾನು ಬಲಿಖ್ಹಾರು.

1 ಪೇತ್ರ 4:11

ಏಕ್ಜ಼ಣೊ ಬೋಧನೆಕರಾವಳೊ ರ‍್ಹಯೊತೊ ದೇವ್ನಿ ವಚನ್ನ ಪಾಡಿಬೋಲವಾಳೊ ಹುಯಿನ್ ಬೋಧನೆ ಕರಾದೆ. ಏಕ್‍ಜ಼ಣೊ ಸೇವೆ ಕರಾವಾಳೊ ರ‍್ಹಯೋತೊ ದೇವ್ ದೇಸ್ತೆ ಶಕತ್ನಿಪರಕ್ಮ ಕರಾದೆ. ಆ ಅಖ್ಖೇಥಿಬಿ ಕ್ರಿಸ್ತಯೇಸುಥಿ ದೇವ್ನ ಧನ್ಯವಾದ್ ಹುವಾಸ್. ಕ್ರಿಸ್ತ ಯೇಸುನ ರಾಜ಼್‌ಭಾರ್‌ಬಿ ಮಹಿಮೆಬಿ, ಶಕತ್‌ಬಿ ಜ಼ಗ್‌ಜ಼ಮಾನಮಾಬಿ ಇನಾಸ್ ರ‍್ಹವಾದೆ ಆಮೆನ್.