ಮತ್ತಾಯ 5:10 - ದೇವ್ನಿ ಖ್ಹಾಚಿ ವಚನ್

¹⁰ ಕೋಣ್ ದೇವ್ನಿ ಮರ್ಜಿನಿಘೋಣಿ ರ‍್ಹವಾನಖ್ಹಾಜೆ ಖ್ಹತಾಪ್ಣಿನ ಖ್ಹಮಾಳಿಲೇಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್‍. ಸೊರ್ಗ ರಾಜ್ಯ ಇವ್ಣುಸ್‌ ಹುಯಿರ‍್ಹುಸ್‍!

ಮತ್ತಾಯ 5:10 ပူးပေါင်းရင်းမြစ်များ

ಮತ್ತಾಯ 10:23

ಏಕ್‌ ಗಾಮ್ಮ ತುಮೂನ ಖ್ಹತಾಯೂತೊ, ಬಿಜ್ಜೇಕ್‌ ಗಾಮ್‌ನ ಮಿಲೈ ಜಾ಼ವೊ, ಅದ್ಮಿನೊ ಛಿಯ್ಯೊ ಆವಾನಮಹಿ ತುಮೆ ಇಸ್ರಾಯೇಲ್‌ ಅದ್ಮಿನು ಖ್ಹಾರಸ್ ಗಾಮ್ಮ ಫರೀನ್, ತುಮಾರು ಕಾಮ್ ಖತಮ್ ಕೊಕರಿರಾಕ್‌ಶುನಿ ಕರಿ ಮೇ ತುಮೂನ ಖ್ಹಾಚಾಮಬಿ ಬೋಲುಸ್.

ಮತ್ತಾಯ 19:14

ತದೆ ಯೇಸುನೆ, “ಅಡ್ಡಾಣಿ ಲಡ್ಕಾವ್‍ನ ಮ್ಹೇಲೊ, ಮಾರಕನ ಆವಾನ ಇವ್ಣುನ ಭೀರಾಖೊ ನಕೊ, ಶನಕತೊ ಸೊರ್ಗಾನು ರಾಜ್ಯ ಇಮ್‌ವಾಳನೂಸ್” ಕರಿ ಬೋಲಿನ್,

ಮತ್ತಾಯ 25:34

ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ.

ಮತ್ತಾಯ 5:3

“ಕೋಣ್ ಆತ್ಮಮ ಗರೀಬ್ ಹುಯಿರ‍್ಹವಾಳ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್; ಸೊರ್ಗ ರಾಜ್ಯ ಇವ್ಣುಸ್‌ ಹುಯಿರ‍್ಹುಸ್‍!

ಮಾರ್ಕ 10:14

ಯೇಸುನೆ ಅನ ದೇಖಿನ್‌, ಖೀಜ಼್ ಖೈನ್, ಇನ ಶಿಷ್ಯರ್‌ನ, “ಅಡ್ಡಾಣಿ ಲಡ್ಕಾವ್ನ ಮಾರ ಖನ್ನೆ ಆವಾನ ಮ್ಹೇಲೊ; ಇವ್ಣುನ ಭೀರಾಕೊ ನಕೊ, ಶನಕತೊ ದೇವ್‌ನು ರಾಜ್ಯ ಅಮ್‌ನಾಸ್‌ವಾಳಾನು.

ಮಾರ್ಕ 10:30

ಇನ ಜ಼ಮೀನ್‌ಪರ್ ರ‍್ಹವಾನಿ ವಖ್ಹತ್‌ಮ ಖ್ಹೋ ಪಟ್‌ ಜಾ಼ಖ್ಹತ್ ಕೈಯೆಕ್ಕಿ ಘರ್, ಭೇನೆ, ಭೈಯೇ, ಆಯ, ಲಡ್ಕಾ, ಖೇತರ್‌ ಅಜು಼ ಅದ್ಮಿಥಿ ಲತಾಡಾಬಿ ಮಳ್‌ಶೆಸ್‌ ಮಳ್‌ಶೆ. ಅಜು಼ ವಳ್ಯಾವಾತೆ ಜಂಗ್‌ಮ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗಿ ಮಳ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:12

ಕತೋಬಿ ಆ ಖ್ಹಾರು ಚಾ಼ಲಾನ ಅಗಾಡಿ, ಇವ್ಣೆ ತುಮೂನ ಧರೀನ್, ಖ್ಹತಾವ್‌ಶೆ; ತುಮೂನ ಸಬೆ ಭರಾವನು ಮಂದಿರ್‌ಮ ಜೇಲ್‌ನ ಅದಿಕಾರಿನ ದೀನ್ ಮಾರ ನಾಮ್ನಖ್ಹಾಜೆ, ರಾಜಾ಼ವ್‌ನ ಖ್ಹಾಮ್ಣೆ ಅಜು಼ ರಾಜ಼್‌ಭಾರ್ ಚ಼ಲಾವವಾಳಾನ ಖ್ಹಾಮ್ಣೆ ತುಮೂನ ಭೀರಾಕ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:29

ಮಾರೊ ಬಾ, ಮನ ರಾಜ್ಯನ ಚ಼ಲಾವಾನ ಹಕ್‌ ದಿದೋತೆ ಇಮ್ಮಸ್, ಮೇಬಿ ತುಮೂನ ಅದಿಕಾರ್ ಚ಼ಲಾವಾನ ಹಕ್‌ ದೆವುಸ್‌.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:20

ಯೇಸುನೆ ಇನ ಶಿಷ್ಯರ್‌ ಭಣಿ ದೇಖಿನ್ ಬೋಲ್ಯೋಕಿ, “ಗರೀಬ್ ಹುಯಿರ‍್ಹವಾಳ ತುಮೆ ಖ್ಹುಶಾಲಿವಾಳು ಹುಯಿರ‍್ಹುಸ್, ದೇವ್‌ನು ರಾಜ್ಯ ತುಮಾರುಸ್!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:22

ಅದ್ಮಿನ ಛಿಯ್ಯಾನ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್‌ ಕಾಡಿನ್, ದಾವೊ ಕರೀನ್, ಭಾರ್ ಕಾಡಿನಾಖಿನ್, ತುಮಾರು ನಾಮ್ ಬೋಲಾನುಬಿ ಖರಾಬ್‌ಕರಿ ಝಿಟ್ಕಾರ‍್ಯುತೊ, ತುಮೆ ಧನ್ಯ ಹುಯಿರ‍್ಹಾಸ್.

ಯೋಹಾನ 15:20

ಯಾದ್ ಕರಿಲೆವೊ ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ’ ಕರಿ ಮೇ ಬೋಲ್ಯೋತೆ ವಾತೆ ಶಾತ್‍ಕತೊ ಇವ್ಣೆ ಮನ ಖ್ಹತಾಯೂತೊ, ತುಮೂನಾಬಿ ಖ್ಹತಾವ್‌ಶೆ; ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್ಯುತೊ, ತುಮಾರಿ ವಾತೆನಾಬಿ ಪಾಡಿ ಚಾ಼ಲ್‌ಷೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:40

ಅಪೊಸ್ತಲರ‍್ನ ಬುಲೈಮಂಗೈನ್‌, ಮಾರ್‌ಖಡೈನ್‌, ಯೇಸುನು ನಾಮ್‍ಲೀನ್ ವಾತೆ ನಕೊಬೋಲ್‍ಶು ಕರಿ ಹುಕುಮ್‌ ದೀನ್ ಇವ್ಣುನ ಮ್ಹೇಲಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:1

ಸ್ತೆಫನನ ಮಾರಿನಾಖನ ಸೌಲನ ಒಪ್ಪಿಕೆಥು. ಯೊ ದನ್ಮ ಯೆರೂಸಲೇಮಥೂತೆ ಸಬೆವಾಳನ ಮೋಟಿ ಖ್ಹತಾಪ್ಣಿ ಪಡ್ಯು. ಅಪೊಸ್ತಲರ್ ನಾಹುಯಿನ್ ಖ್ಹಾರೂಸ್, ಯೂದಾಯ ಸಮಾರ್ಯ ತಬರ್‌ಖಾಮ ಛಿಡ್‍ಕೈಗಯು.

2 ಕೊರಿಂಥ 4:17

ಥೋಡ ದನ್‌ಲಗು ಹಮೂನ ನ್ಹಾನಿಮೋಟಿ ಖ್ಹತಾಪ್ಣಿ ರ‍್ಹಿಶೆ. ಕತೋಬಿ ಹರ್‌ಹಮೇಶಾನಿ ಮಹಿಮೆನ ಲೀಲ್ಯಾವಾನ ಯೋ, ಅಪ್ಣುನ ಮದತ್ಉಶೇ. ಯೊ ಮಹಿಮೆ ಹಮ್ಕೇನಿ ಖ್ಹತಾಪ್ಣಿಥೀಬಿ ಮಹಾನ್ ಹುಯಿರ‍್ಹಿಶೆ.

ಫಿಲಿಪ್ಪಿ 1:28

ತುಮೆ ತುಮಾರ ವಹೇರ‍್ಯಾಥಿ ನಕೊ ಡರೊ ಕೆದೇಬಿ ಭಾಲ್‌ಥಿ ರ‍್ಹವೊ, ಅಜು಼ ಅನ ಸಬೂತ್ ಕರೂಸ್ಕಿ ವಿರೋದಿನ ನಾಶ್‌ ಅಜು಼ ತುಮುನ ರಕ್ಷಣೆ. ಶನಕತೊ ಆ ದೇವ್‍ಥಿಸ್ ಹುಯಿರ‍್ಹುಸ್.

2 ತಿಮೊ 2:12

ಅಪ್ಣೆ ಕೆದೆಕೆದೇಬಿ ಖ್ಹಮಾಳಿಲಿದಾತೊ, ಇನ ಜೋ಼ಡೆಸ್ ಅದಿಕಾರ್‌ಬಿ ಚ಼ಲಾವ್‌ಶು, ಅಪ್ಣೆ ಇನ ಭಣಿವಾಳ ಕಾಹೆ ಕರಿ ಬೋಲ್ಯಾತೊ, ಯೋಬಿ ಅಪ್ಣೆ ಇನಾಭಣಿವಾಳ ಕಾಹೆ ಕರಿ ಬೋಲ್‌ಶೆ.

2 ತಿಮೊ 3:11

ಮನ ಹುಯೂತೆ ವದೇಖ್ಹೊ ಅಜು಼ ಖ್ಹತಾಪ್ಣಿನಿ ಬಾರೇಮಾಬಿ ತುನ ಮಾಲುಮ್‌ ಛಾ಼. ಅಂತಿಯೋಕ್ಯ, ಇಕೋನ್ಯ ಅಜು಼ ಲುಸ್ತ್ರಾಮ ಮೇ ಕೆತ್ರೆ ಮೋಟಿ ವದೇಖ್ಹೊ ದಿದೂಥು ಇನ ಮೆ ಖ್ಹಮಾಳ್ಯೊ, ಕತೋಬಿ ಪ್ರಭುನೆ ಯೋ ಅಖ್ಖಾಮಾಥು ಬಚಾ಼ಡ್ಯೊ.

ಯಾಕೋಬ 1:12

ಕೋಣ್ ತರೀಪ್ಷನ ಖ್ಹಮಾಳಿಲೇಸ್ಕಿ ಯೋ ಧನ್ಯ. ಯೋ ಇನಿ ಶೋದನೆನ ಜುತಿಲಿದೊತೊ ಪ್ರಭು ಇನ ಪ್ಯಾರ್‌ಕರಾವಾಳನ ವಾಗ್ದಾನ್ ಕರ‍್ಯೊತೆ, ಜಾನ್ನು ಕಿರೀಟ್‍ನ ಲೀಲಿಶೆ.

ಯಾಕೋಬ 5:11

ಹಂದೇಖೊ, ಖ್ಹಮಾಳಿಲ್ಯಾವಾಳನ ಧನ್ಯಕರಿ ಅಪ್ಣೆ ಗಣ್ತಿ ಕರಿಯೇಸ್ ಕೊಯ್ನಿಕಿಶು, ತುಮೆ ಯೋಬಮ ಥೂತೆ ಖ್ಹಮಾಳಿಲ್ಯವಾನಿ ಬಾರೇಮ ಖ್ಹಮ್‍ಜೊ, ಪ್ರಭು ಇನ ಖ್ಹರ್ತಿಮ ಕರ‍್ಯೊತೆ ದೇಖೊ. ಪ್ರಭು ಗೋರ್‌ವಾಳೋಬಿ ಅಜು಼ ದಯಾಕರವಾಳೊಬಿ ಹುಯಿರ್‍ಹೊಸ್ ಕರಿ ಖ್ಹಮ್‌ಜಿರಾಖ್ಯಾಸ್‌.

1 ಯೋಹಾನ 3:12

ಕೇಡ್‍ಕರವಾಳೊ ಹುಯಿರಿನ್ ಇನ ಭೈನಾಸ್‍ ಭೋಕಿ ಮಾರ‍್ಯೋತೆ ಕಾಯಿನನಿಘೋಣಿ ಅಪ್ಣೆ ನಾರ‍್ಹೇವ್ಣು. ಯೋ ಶನ ನ್ಹಾನಭೈನ ಮಾರಿನಾಖಿದಿದೊತೆ? ಇನು ಕಾಮ್‌ಖ್ಹಾರು ಖರಾಬ್ ಅಜು಼ ಇನ ಭೈನು ಕಾಮ್ ನೀತಿನು ಹುಯಿರ‍್ಹುಥೂತೆ ಇನಖ್ಹಾಜೇಸ್.

ಪ್ರಕಾಶಿತ್ 2:10

ತುನ ಹುವಾನು ಖ್ಹತಾಪ್ಣಿನಖ್ಹಾಜೆ ನಕೊ ಡರಿಶ್. ಹಂದೇಕ್ ತುಮುನ ತರೀಪ್ಷಕರಾನ ಶೈತಾನ್ನ ತುಮಾರಮ ಥೋಡಾನ ಜೇಲ್‌ಮ ಘಾಲ್ನು ಕರಿ ಛಾ಼ ಅಜು಼ ದಖ್ಹ್‌ ದನ್‌ಲಗು ತುಮುನ ಖ್ಹತಾಪ್ಣಿರಿಷೆ. ತು ಮರಾಲಗು ವಿಶ್ವಾಸ್‌ನ ಯೋಗ್ಯಹುಯಿರೆ, ಮೇ ತುನ ಜಾನ್ನು ಕಿರೀಟ್‍ನ ದೆವಾಳೊ ಛೂ಼.