ಮತ್ತಾಯ 5:1 - ದೇವ್ನಿ ಖ್ಹಾಚಿ ವಚನ್

¹ ಯೇಸುನೆ ಅದ್ಮಿನಿ ಝೂ಼ಂಡೆನ ದೇಖಿನ್‌, ಪಹಾಡ್‌ಪರ್ ಚ಼ಢೀನ್‌ ಬೆಶಿಗಯೊ. ತದೆ ಇನ ಶಿಷ್ಯರ್‌ ಆಯಿನ್, ಇನ ಅಶ್‌ಪಿಶ್‌ ಭರಾಯ,

ಮತ್ತಾಯ 5:1 ပူးပေါင်းရင်းမြစ်များ

ಮತ್ತಾಯ 13:2

ಘಣು ಅದ್ಮಿ ಇನಾಕನ ಎಕ್ಟುಹುಯಿನ್ ಆಯೂತೆ ಇನಖ್ಹಾಜೆ ಯೇಸು ಡೋಣ್‌ಮ ಚ಼ಢೀನ್‌, ಬೇಶಿಗಯೊ ಯೋ ಅದ್ಮಿಖ್ಹಾರು ಕನಾರಿಕನ ಭೀಯೂಥು.

ಮತ್ತಾಯ 15:29

ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಗಲಿಲಾಯ ದರ‍್ಯಾವ್‌ಕನ ಆಯಿನ್, ಪಹಾಡ್‌ಪರ್ ಚ಼ಢೀನ್ ಬೇಶಿಗಯೊ.

ಮತ್ತಾಯ 4:25

ಗಲಿಲಾಯ, ದೆಕಪೊಲಿ, ಯೆರೂಸಲೇಮ್‌, ಯೂದಾಯ ತಬರ್‌ಖಾಥು, ಅಜು಼ ಯೊರ್ದನ್‌ ನದ್ದಿನು ಪಾರ್ಲಿ ಬಾಜು಼ಥು, ಆದ್ಮಿಖ್ಹಾರು ಝೂ಼ಂಡೆ-ಝೂ಼ಂಡೆ ಹುಯಿನ್, ಯೇಸುನ ಪೀಠೆ ಗಯು.

ಮತ್ತಾಯ 5:2

ತದೆ ಯೇಸುನೆ ಇವ್ಣುನ ಶಾತ್‌ ಬೋಲಿಶಿಕಾಡ್ಯೊಕತೊ,

ಮಾರ್ಕ 3:13

ಬಾದ್‌ಮ ಯೇಸು ಏಕ್‌ ಪಹಡ್‌ಪರ್ ಚ಼ಢೀನ್, ಇನ ಕೋಣ್-ಕೋಣ್ ಹೋಣುಕಿ ಇವ್ಣುನ ಬುಲಾಯೊ. ತದೆ ಇವ್ಣೆ ಇನಾಕನ ಆಯು.

ಮಾರ್ಕ 3:20

ಅನ ಬಾದ್‌ಮ ಯೇಸು ಘರೆ ಆವಾದಿನ್, ಪಾಛು಼ ಅದ್ಮಿ ಭರೈಗಯು, ಅನೇಥಿ ಯೇಸುನಾಬಿ ಇನ ಶಿಷ್ಯರ್‌ನ ಖಾಣುಬಿ ಖಾವಾನ ವಖ್ಹತ್ ಕೋ ಥೀನಿ.

ಮಾರ್ಕ 4:1

ಯೇಸು ಪಾಛೊ಼ ಗಲಿಲಾಯ ದರ‍್ಯಾವ್‍ನ ಕನಾರೆಕನ ವಚನ್ ಬೋಲಿ ದೆವ್‌ಕರ್ತೋಥೊ. ಘಣು ಅದ್ಮಿ ಇನಾಕನ ಐನ್ ಭರೈರ‍್ಹುಥೂತೆ ಇನಖ್ಹಾಜೆ ಯೇಸುನೆ ಪಾಣಿಮ ಭೀಥಿತೆ ಡೋಣ್‌ಪರ್‌ ಚ಼ಢೀನ್‌ ಬೇಶಿಗಯೊ. ಯೋ ಅದ್ಮಿಖ್ಹಾರು ಭಾರ್‌ ಕನಾರೆಕನ ಭರೈರ‍್ಹೂಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:12

ಬಾದ್‌ಮ ಏಕ್‌ ದನ್ನೆ ಯೇಸು ಪ್ರಾರ್ಥನೆ ಕರಾನಖ್ಹಾಜೆ ಪಹಡ್‌ಪರ್ ಜೈ಼ನ್, ಹಿಡಿ ರಾತ್‌ ಯೋ ದೇವ್ನ ಪ್ರಾರ್ಥನೆ ಕರಾಮಸ್ ಕಾಡ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:17

ಅನ ಬಾದ್‌ಮ ಯೇಸುನೆ ಇನ ಅಪೊಸ್ತಲರ‍್ನ ಜೋ಼ಡೆ ಪಹಾಡ್ ಉತ್ರಿ ಹೇಟ್‌ ಆಯಿನ್, ಇನ ಬಿಜಾ಼ಖ್ಹಾರ ಶಿಷ್ಯರ್‌ನಿ ಮೋಟಿ ಝೂ಼ಂಡ್‌ನ ಜೋ಼ಡೆ ಶದ್ದರ್ ಜ಼ಮೀನ್‌ಪರ್ ಭೀರಿಗಯೊ. ಯೂದಾಯ ತಬರ್‌ಖಾಥು, ಯೆರೂಸಲೇಮ್‌ ಖ್ಹಯೇರ್‌ಭಣಿಥುಬಿ, ದರ‍್ಯಾವ್‍ನ ಖನ್ನೆ ಛಾ಼ತೆ ತೂರ್ ಅಜು಼ ಸೀದೋನ್ ಖ್ಹಯೇರ್‌ಥು ಆಯುಹುಯು ಅದ್ಮಿನಿ ಮೋಟಿ ಭೀಡ್ ಹಿಜ್ಜಾ಼ ಥೂ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:20

ಯೇಸುನೆ ಇನ ಶಿಷ್ಯರ್‌ ಭಣಿ ದೇಖಿನ್ ಬೋಲ್ಯೋಕಿ, “ಗರೀಬ್ ಹುಯಿರ‍್ಹವಾಳ ತುಮೆ ಖ್ಹುಶಾಲಿವಾಳು ಹುಯಿರ‍್ಹುಸ್, ದೇವ್‌ನು ರಾಜ್ಯ ತುಮಾರುಸ್!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:28

ಯೇಸುನೆ ಆ ಖ್ಹಾರಿ ವಾತೇನ ಬೋಲಿನ್, ಆಟ್‍ದನ್ ಹುವಾನ ಬಾದ್‌ಮ, ಪೇತ್ರ, ಯಾಕೋಬ ಅಜು಼ ಯೋಹಾನ್ನ ಬುಲೈಲಿನ್ ಪ್ರಾರ್ಥನೆ ಕರಾನಖ್ಹಾಜೆ, ಪಹಾಡ್‌ಪರ್ ಗಯೊ.

ಯೋಹಾನ 6:15

ಅದ್ಮಿಖ್ಹಾರು ಇನ ಧರೀನ್, ಜು಼ಲಮ್‌ಥಿ ರಾಜ಼ಕರಾನ ಸೋಚುಕರಾಸ್ ಕರಿ ಯೇಸುನೆ ಮಾಲುಮ್‌ ಕರಿಲಿದೊ; ಇನಖ್ಹಾಜೆ ಯೋ ಹಿಜ್ಜಾ಼ಥೊ ಎಕ್ಲೋಸ್ ಪಾಛು಼ ಪಹಾಡ್‌ಪರ್ ಚ಼ಲೆಗಯೊ.