ಮತ್ತಾಯ 4:3 - ದೇವ್ನಿ ಖ್ಹಾಚಿ ವಚನ್

³ ತದೆ ಶೈತಾನ್‍ ಯೇಸುಕನ ಆಯಿನ್, “ತೂ ದೇವ್‌ನೊ ಛಿಯ್ಯೊ ಉಶೇತೊ, ಆ ಬಂಡಾವ್‍ನ ರೋಟೊ ಹುವಾನಿಘೊಣಿ ಹುಕುಮ್‌ ದೇ” ಕರಿ ಬೋಲ್ಯೊ.

ಮತ್ತಾಯ 4:3 ပူးပေါင်းရင်းမြစ်များ

ಮತ್ತಾಯ 14:33

ತದೆ ಡೋಣ್‌ಮ ಥಾತೆ ಶಿಷ್ಯರ್‌ನೆ, “ಖ್ಹಾಚ಼ಮಾಬಿ ತೂ ದೇವ್‌ನೊ ಛಿಯ್ಯೊ” ಕರಿ ಬೋಲಿನ್, ಯೇಸುನ ಆರಾದನೆ ಕರ‍್ಯಾ.

ಮತ್ತಾಯ 16:16

ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.

ಮತ್ತಾಯ 26:63

ಕತೋಬಿ ಯೇಸು ಖ್ಹೊಪ್ ಥೊ. ತದೆ ಮಹಾಯಾಜಕ್‌ನೆ ಪಾಛೊ಼, “ತುನ ಜಿವ್ತೊ ದೇವ್ನ ನಾಮ್‌ಪರ್‌ ಆಣ್‍ಲೀನ್, ಪುಛಾ಼ವುಸ್, ತೂ ದೇವ್‌ನೊ ಛಿಯ್ಯೊ ಕ್ರಿಸ್ತಸ್‌ಕಿಶು? ಹಮೂನ ಬೋಲ್” ಕರಿ ಬೋಲ್ಯೊ.

ಮತ್ತಾಯ 3:17

ತದೆ ಪರಲೋಕ್‌ಮಾಥು ಏಕ್‌ ಅವಾಜ಼್ ಹುಯು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼” ಕರಿ ಠವ್‌ಕೊ ಖ್ಹಮಜ್‍ಪಡ್ಯು.

ಮಾರ್ಕ 1:1

ದೇವ್‌ನೊ ಛಿಯ್ಯೊ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಬಾರೇಮ, ಅಛ್ಛಿ ಸಮಾಚಾರ್‌ನಿ ಶುರುವಾತ್.

ಮಾರ್ಕ 3:11

ಅಜು಼ ಭೂತ್ ಧರೀರಾಖ್ಯುಹುಯು ಅದ್ಮಿಖ್ಹಾರು ಯೇಸುನ ದೇಖಾತೋಡಿ ಇನ ಗೋಡಾಪರ್ ಪಡ್‌ತೂಥು; ಇವ್ಣಮಾನು ಭೂತ್‌ಖ್ಹಾರು, “ತೂ ದೇವ್‌ನೊ ಛಿಯ್ಯೊ!” ಕರಿ ಚಿಕರ್ತುಥು”.

ಮಾರ್ಕ 5:7

ಊಚಿ ಆವಾಜ಼್‌ಮ ಚಿಕ್ರಿನ್, “ಪರಮಂಡಲ್‌ನೊ ದೇವ್ನ ಛಿಯ್ಯಾ ಯೇಸು, ಮಾರೇಥಿ ತುನ ಶಾತ್‌ ಛಾ಼? ದೇವ್ನ ಖ್ಹಾಮ್‌ಬಿ, ಮನ ಖ್ಹತಾವ್ ನಕೊ” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:35

ತದೆ ದೇವ್‌ನೊ ದೂತನೆ ಮರಿಯನ, “ತಾರಪರ್ ಪವಿತ್ರಾತ್ಮ ಆವ್‌ಶೆ ಅಜು಼ ದೇವ್ನಿ ಶಕತ್‍ ಆಯಿನ್ ತಾರಪರ್ ಢಪಾವ್‌ಶೆ, ಅನಖ್ಹಾಜೆಸ್ ಪೈದಾ ಉಷೇತೆ ಯೋ ಪವಿತ್ರ ಲಡ್ಕು ದೇವ್‌ನೊ ಛಿಯ್ಯೊ ಕರಿ ಬೋಲೈಲಿಶೆ” ಕರಿ ಜವಾಬ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:70

ಇವ್ಣೆ ಖ್ಹಾರೂಸ್, “ಇಮ್‍ಕತೊ, ತೂ ದೇವ್‌ನೊ ಛಿಯ್ಯೊಕಿ ಶು?” ಕರಿ ಪುಛಾ಼ಯು. ತದೆ ಯೇಸುನೆ ಇವ್ಣುನ, “ಮೇ ಯೋಸ್ ಕರಿ ತುಮೇಸ್ ಬೋಲ್ಯಾನಿ” ಕರಿ ಜವಾಬ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:3

ತದೆ ಶೈತಾನ್ನೆ ಯೇಸುನ, “ತೂ ದೇವ್‌ನೊ ಛಿಯ್ಯೊ ಉಶೇತೊ, ಆ ಬಂಡಾನ ರೋಟೊ ಹುವಾನಿಘೊಣಿ ಹುಕುಮ್‌ ದೇ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:41

ಭೂತ್‌ಖ್ಹಾರು ಜಿನುಕು, “ತೂ ದೇವ್‌ನೊ ಛಿಯ್ಯೊ” ಕರಿ ಬಳೆಳ್ಹಾಟ್ ಮ್ಹೇಲ್ತುಹುಯಿನ್, ಕೈಯೆಕ್ಕಿ ಅದ್ಮಿನ ಮಹಿತು ನಿಕ್ಳಿಗಯು. ಯೋ ಕ್ರಿಸ್ತ ಕರಿ ಭೂತ್‌ ಖ್ಹಾರಾನ ಮಾಲುಮ್‍ಥೂತೆ ಇನಟೇಕೆ, ಯೇಸುನೆ ಇವ್ಣುನ ವಾತೆ ನಾ ಬೋಲ್‌ನು ಕರಿ ಹುಕುಮ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:9

ಅನ ಬಾದ್‌ಮ ಶೈತಾನ್ನೆ ಯೇಸುನ ಯೆರೂಸಲೇಮ್‌ನ ಬುಲೈಲಿಜೈ಼ನ್ ಮಂದಿರ್‌ನ ಉಪ್ಪರ್‌ಲಿ ಟೇಕ್‌ಡಿನಿ ಝ಼ಗೋಪರ್ ಭೀರಾಖಿನ್, “ತೂ ದೇವ್‌ನೊ ಛಿಯ್ಯೊ ಉಶೇತೊ ಹಜ್ಜಾ಼ಥೊ ಹೇಟ್ ಕೂದ್,

ಯೋಹಾನ 1:34

“ಮೇ ಇನ ದೇಖ್ಯೊ, ಅಜು಼ ಯೋಸ್ ದೇವ್‌ನೊ ಛಿಯ್ಯೊ ಕರಿ ಮೇ ಸಾಕ್ಷಿ ದೆವ್‍ಕರೂಸ್” ಕರಿ ಬೋಲ್ಯೊ.

ಯೋಹಾನ 1:49

ತದೆ ನತಾನಿಯೇಲನೆ ಇನ, “ಗುರು, ತೂ ದೇವ್‌ನೊ ಛಿಯ್ಯೊ! ತೂಸ್ ಇಸ್ರಾಯೇಲ್‌ನೊ ರಾಜ಼!” ಕರಿ ಬೋಲ್ಯೊ.

ಯೋಹಾನ 20:31

ಕತೋಬಿ ಯೇಸುಸ್‌ ಕ್ರಿಸ್ತ ಕರೀಬಿ, ದೇವ್‌ನೊ ಛಿಯ್ಯೊ ಕರೀಬಿ ತುಮೆ ನಂಬಿನ್, ಇನ ನಾಮ್‍ಥಿ ತುಮೂನ ಜಾನ್‌ ಮಳಾದೆ ಕರಿ ಅತ್ರುಖ್ಹಾರು ಲೀಖೈರ‍್ಹುಸ್.

ಯೋಹಾನ 9:35

ಯೋ ಅದ್ಮಿನ ಭಾರ್‌ನಾಖ್ಯುಕರಿ ಯೇಸುನೆ ಖ್ಹಮ್‌ಜಿನ್‌, ಇನ ಮಳಿನ್, “ತೂ ಅದ್ಮಿನೊ ಛಿಯ್ಯಾನ ನಂಬಾಸ್ಕಿ ಶು? ಕರಿಪುಛಾ಼ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:20

ಪೌಲ ತದ್ನುತದೇಸ್, “ಯೇಸು ದೇವ್‌ನೊ ಛಿಯ್ಯೊ” ಕರಿ ಸಭೆ ಮಳಾನಿ ಝ಼ಗೋಮ ಬೋಲಾನ ಶುರು ಕರ‍್ಯೊ.

2 ಕೊರಿಂಥ 1:19

ಶನಕತೊ ಸಿಲ್ವಾನಾಬಿ, ತಿಮೊಥೆಬಿ ಬಿಜು಼ ಮೇ ತುಮುನ ಬೋಧನೆ ಕರ‍್ಯೊತೆ ದೇವ್‌ನೊ ಛಿಯ್ಯೊಹುಯಿರ‍್ಹೊತೊ ಯೇಸುಕ್ರಿಸ್ತ ಓಹೊ ಕರಿಬಿ ಕೊಯ್ನಿಕರಿಬಿ ಬೇ ತರ ಕೋಥೂನಿ. ಕ್ರಿಸ್ತಮ ಕದೇಬಿ ರ‍್ಹೇಸ್ತೆ “ಓಹೊ” ಕರೀಸ್.

ಗಲಾತ್ಯ 2:20

ಅಜು಼ ಜಿವ್‌ಕರೂಸ್ತೆ ಮೇಕಾಹೆ, ಕತೋಬಿ ಕ್ರಿಸ್ತ ಮಾರಮಹಿ ಜಿವವಾಳೊ ಹುಯಿರೊಸ್. ಹಮ್ಕೆ ಮೆ ಶರೀರ್‌ಮ ಜಿವ್ಣುಕರಾನು ಕಿಮ್ ಕತೊ ದೇವ್ನ ಛಿಯ್ಯಾಪರ‍್ಲಿ ವಿಶ್ವಾಸ್‌ಥೀಸ್. ಯೋ ಮನ ಪ್ಯಾರ್ ಕರೀನ್ ಮಾರ ಖ್ಹಾಜೇಥಿ ಇನಾಸ್ ದಿನಾಖಿದಿದೊ.

1 ಥೆಸ 3:5

ತಿಮೊಥೆನ ತುಮಾರಿ ವಿಶ್ವಾಸ್‌ನಿ ಬಾರೇಮ ಮಾಲುಮ್ ಕರಿಲ್ಯವಾನಖ್ಹಾಜೆ ಮೇ ತುಮಾರಕನ ಮೋಕ್‌ಲ್ಯೊತೆ. ಬಿಜು಼ ಜಾ಼ಖ್ಹತ್ ಥಾಮಾನ ಕೋ ಉಶೇನಿ ಕರಿ ಸೋಚಿನ್, ಮೇ ಇನ ಮೋಕ್‌ಲ್ಯೊತೆ. ಶನಕತೊ ಶೈತಾನ್ನೆ ತುಮೂನ ಶೋದನೆ ಕರ‍್ಯೊತೆ ಇನೇಥಿ ಹಮಾರಿ ಮ್ಹಿನತ್ ಬಿಣ್‌ಫಾಯಿದಾನು ಹುಯಿಜಾ಼ಶೆ ಕರಿ ಮನ ಧಡೂಕೊ ಥೊ.

ಇಬ್ರಿ 12:16

ಖಿವು ಪಾಪೇಲು ರ‍್ಹವೊ, ಕೋಣ್‌ಬಿ ಏಸಾವನಿತರಾನೊ ಲೋಕ್‍ವಾಳನಿತರ ರ‍್ಹವೊ ಧರಮ್‌ಮೀರಿನ್ ಚಾ಼ಲವಾಳು ತುಮಾರಮ ನಾರ‍್ಹೇವ್ಣುತೆ ಜ಼ತನ್‌ಥಿ ರ‍್ಹವೊ. ಯೊ ಏಸಾವನೆ ಏಕ್‌ ವಖ್ಹತ್‌ನ ಖಾಣಾನಖ್ಹಾಜೆ ಇನಿ ಪೈಲ್ಹೊಟಾನಿ ಹಕ್ನ ವೇಚಿನಾಖ್ಯೊ.

ಇಬ್ರಿ 4:14

ಆಬ್‌ಮಾಕರಿ ಗಯೋತೆ ದೇವ್‌ನೊ ಛಿಯ್ಯೊಹುಯಿರೊತೆ ಯೇಸುಸ್ ಅಪ್ಣುನ ಏಕ್‌ ಮಹಾಯಾಜಕ್ ಹುಯಿರ‍್ಹೊಸ್. ಇನಖ್ಹಾಜೆ ಅಪ್ಣೆ ಛಾ಼ತೆ ವಿಶ್ವಾಸ್ ಘಟ್ ಧರಿಲಿಯೆ.

ಇಬ್ರಿ 7:3

ಇನ ಆಯಕೊಯ್ನಿ ಬಾಕೊಯ್ನಿ, ಖಾನ್‍ದಾನ್‍ಬಿ ಕೊಯ್ನಿ, ಪೈದಾಖ್ಹ್‌ಬಿ ಕೊಯ್ನಿ, ಮರಣ್‌ಬಿ ಕೊಯ್ನಿ, ಯೋ ದೇವ್ನ ಛಿಯ್ಯಾನಿತರ ರ‍್ಹೀನ್, ಹಮೇಶಾನೊ ಯಾಜಕ್‍ಹುಯಿರ‍್ಹೊಸ್.

1 ಯೋಹಾನ 3:8

ಪಾಪ್ ಕರಾವಾಳೊ ಶೈತಾನ್‍ನಿ ಪಿಳ್ಗಿವಾಳೊ. ಶೈತಾನ್‍ ಜ಼ಮಾನೇಥುಬಿ ಪಾಪ್ ಕರವಾಳೋಸ್. ಇನಖ್ಹಾಜೆ ಇನು ಖರಾಬ್ ಕಾಮ್‍ಖ್ಹಾರಾನ ನಾಶ್ ಕರ್ನುಸ್ ಕರಿ, ದೇವ್‌ನೊ ಛಿಯ್ಯೊ ಆಯೋತೆ.

ಪ್ರಕಾಶಿತ್ 2:10

ತುನ ಹುವಾನು ಖ್ಹತಾಪ್ಣಿನಖ್ಹಾಜೆ ನಕೊ ಡರಿಶ್. ಹಂದೇಕ್ ತುಮುನ ತರೀಪ್ಷಕರಾನ ಶೈತಾನ್ನ ತುಮಾರಮ ಥೋಡಾನ ಜೇಲ್‌ಮ ಘಾಲ್ನು ಕರಿ ಛಾ಼ ಅಜು಼ ದಖ್ಹ್‌ ದನ್‌ಲಗು ತುಮುನ ಖ್ಹತಾಪ್ಣಿರಿಷೆ. ತು ಮರಾಲಗು ವಿಶ್ವಾಸ್‌ನ ಯೋಗ್ಯಹುಯಿರೆ, ಮೇ ತುನ ಜಾನ್ನು ಕಿರೀಟ್‍ನ ದೆವಾಳೊ ಛೂ಼.