ಮತ್ತಾಯ 4:23 - ದೇವ್ನಿ ಖ್ಹಾಚಿ ವಚನ್

²³ ಬಾದ್‌ಮ ಯೇಸು ಗಲಿಲಾಯ ಅಖ್ಖೂಸ್ ಫರೀನ್, ಹಿಜ್ಜಾ಼ನು ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ದೇವ್ನಿ ರಾಜ್ಯನಿ ಬಾರೇಮನು ಅಛ್ಛಿ ಖಬರ್‌ನ ಬೋಲ್ತೊಹುಯಿನ್‌, ಅದ್ಮಿಮ ಥೂತೆ ಖ್ಹಾರೀಸ್‍ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ.

ಮತ್ತಾಯ 4:23 ပူးပေါင်းရင်းမြစ်များ

ಮತ್ತಾಯ 11:5

ಕಾಣಾವ್ನ ಡೋಳಾ ಆವ್‌ಶೆ, ಲಂಗ್ಡು ಖ್ಹಾರು ಚಾ಼ಲ್‌ಷೆ, ಖೋಡ್‍ ರ‍್ಹವಾಳು ಪಾಕ್‌ ಉಶೆ, ಭೈರಾವ್‍ನ ಖ್ಹಮ್‌ಜಾ಼ವ್‌ಶೆ, ಮರಿಗಯುಹುಯು ಜಿವ್ತು ಉಟ್‌ಶೆ, ಅಜು಼ ಗರೀಬ್‌ನ ಸುವಾರ್ತೆ ಬೋಲಾವ್‌ಶೆ.

ಮತ್ತಾಯ 12:9

ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಗಯೊ.

ಮತ್ತಾಯ 13:19

ಪರ್‌ಲೋಕ್ ರಾಜ್ಯನಿ ಖಬರ್‌ನ ಖ್ಹಮ್‌ಜಿನ್‌, ಪರ್ಖಿ ನಾಲಿದುತೊ, ಶೈತಾನ್‍ ಆಯಿನ್, ಯೋ ಅದ್ಮಿನ ಮನ್‌ಮ ಪಡ್ಯುತೆ ಇನ ಕಾಡಿನಾಖಸ್‌, ಆ ಅದ್ಮಿಸ್‌ ಪಂಡಾ ಪಡ್ಯುತೆ ವಾಟ್ನಿ ಶೇಡೆನು ಝ಼ಗೊ ಹುಯಿರ‍್ಹುಸ್‍.

ಮತ್ತಾಯ 13:54

ಇನ ಶೊಂತ್‌ ಗಾಮೆ ಗಯೊ. ಹಿಜ್ಜಾ಼ ಯೇಸು ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಅದ್ಮಿನ ಬೋಲಿವತಾಳ್ಯೊ, ತದೆ ಅದ್ಮಿಖ್ಹಾರು ಇನ ಖ್ಹಮ್‌ಜಿನ್‌, ಆಶ್ಚರ್ಯಖೈನ್, “ಅನ ಅಮ್ನಿ ಗ್ಯಾನ್ ಅಜು಼ ಅಮ್ನು ಅದ್ಭುತ್‌ಕಾಮ್‌ಖ್ಹಾರು ಕರಾನು ಕಿಜ್ಜಾ಼ಥು ಮಳ್ಯು?

ಮತ್ತಾಯ 14:14

ಯೇಸು ಡೋಣ್‌ಮಾಥು ಭಾರ್‌ ಆಯಿನ್, ಅದ್ಮಿನಿ ಘಣಿ ಮೋಟಿ ಭೀಡ್‌ಣ ದೇಖಿನ್‌, ಇವ್ಣಾಪರ್ ಗೋರ್‌ಖೈನ್, ರೋಗ್‌ಮ ರ‍್ಹವಾಳಾನ ಖ್ಹಾರು ಅಛ್ಛು಼ ಕರ‍್ಯೊ.

ಮತ್ತಾಯ 24:14

ರಾಜ್ಯನು ಆ ಅಛ್ಛಿ ಸಮಾಚಾರ್ ಜಗತ್‌ನು ತಮಾಮ್‌ ದೇಖ್ಹ್‌ವಾಳ ಅದ್ಮಿನ ಸಾಕ್ಷಿನಟೇಕೆ ಬೋಲಾವ್‌ಶೆ; ತದೆ ಖ್ಹರ್ತಿನದನ್‍ ಆವ್‌ಶೆ.

ಮತ್ತಾಯ 3:2

“ಪಾಪ್‌ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗೈ!” ಕರಿ ಬೋಲ್ತೊನಿಕ್‌ಳ್ಯೊ.

ಮತ್ತಾಯ 9:35

ಯೇಸು ಖ್ಹಾರ ಖ್ಹಯೇರ್‌ಮ ಅಜು಼ ಗಾಮ್ಮ ಕರಿ ಫರ್ತೊಹುಯಿನ್, ಇವ್ಣಿ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ರಾಜ್ಯನಿ ಅಛ್ಛಿ ಖಬರ್‌ನ ಬೋಲ್ತೊಹುಯಿನ್, ಖ್ಹಾರಿಸ್ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ.

ಮಾರ್ಕ 1:14

ಯೋಹಾ‍ನನ ಜೇಲ್‌ಮ ಕೋಂಡಿನ್‌ ಘಾಲಿದೆವಾನ ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನ ಆಯಿನ್ ದೇವ್ನಿ ಸುವಾರ್ತೆನ ಅಮ್ ಬೋಲಿ ಒತಾಳ್ಯೊಕಿ,

ಮಾರ್ಕ 1:21

ಬಾದ್‌ಮ ಯೇಸುಬಿ ಇನು ಶಿಷ್ಯರ್‌ ಕಪೆರ್ನೌಮ್ ಕರಿ ಗಾಮ್‌ನ ಗಯ, ಹಿಜ್ಜಾ಼ ಸಬ್ಬತ್‌ ದನ್ನೆ ಯೇಸು ಸಬೆ ಭರಾವಾನು ಮಂದಿರ್‌ಮ ಜೈ಼ನ್ ವಚನ್ ಬೋಲಿದೆವಾನಿಕ್‍ಳ್ಯೊ.

ಮಾರ್ಕ 1:39

ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನು ಖ್ಹಾರಿ ಬಾಜು಼ಮ ಜೈ಼ನ್, ಸಬೆ ಭರಾವಾನು ಮಂದಿರ್‌ಮ ದೇವ್ನಿ ಅಛ್ಛಿ ಖಬರ್‌ನ ಬೋಲ್ತೊಹುಯಿನ್, ಭೂತ್‌ಖ್ಹಾರು ಕಾಡುಕರ್ತೊಥೊ.

ಮಾರ್ಕ 3:10

ಶನಕತೊ ಯೇಸುನೆ ಘಣ ಅದ್ಮಿನು ರೋಗ್‌ ಅಛ್ಛು಼ ಕರ‍್ಯೊಥೋತೆ ದೇಖಿನ್, ರೋಗ್‌ಮ ರ‍್ಹವಾಳು ಖ್ಹಾರು ಇನ ಛೀಮ್‌ನು ಕರಿ ಧಕೇಲ-ಧಕೇಲಿ ಕರ್ತುಥು.

ಮಾರ್ಕ 6:2

ಸಬ್ಬತ್‌ ದನ್ ಆವಾದಿನ್ ಯೇಸು ಸಬೆ ಭರಾವಾನು ಮಂದಿರ್‌ಮ ಜೈ಼ನ್‌, ದೇವ್ನಿ ವಚನ್ ಬೋಲಿ ದೆವಾನಿಕ್‌ಳ್ಯೊ. ಹಿಜ್ಜಾ಼ ಘಣು ಅದ್ಮಿಥು; ಇವ್ಣೆ ಇನಿ ವಾತೆ ಖ್ಹಮ್‌ಜಿನ್‌ ಘಣು ಆಶ್ಚರ್ಯಹುಯಿನ್, “ಆ ಖ್ಹಾರಿ ವಾತೆ ಅನ ಕಿಜ್ಜಾ಼ಥಿ ಮಳಿ? ಅನ ಅಮ್ನಿ ಗ್ಯಾನ್ ಕಿಜ್ಜಾ಼ಥಿ ಮಳಿ? ಅನ ಅದ್ಭುತ್‌ಖ್ಹಾರು ಕರಾನ ಶಕತ್ ಕಿಜ್ಜಾ಼ಥಿ ಆಯಿ?”

ಮಾರ್ಕ 6:6

ಹಿಜ಼್ಜಾನ ಅದ್ಮಿಮ ವಿಶ್ವಾಸ್‌ಕೊಂತೆ ದೇಖಿನ್‌, ಯೇಸುನೆ ಘಣು ಆಶ್ಚರ್ಯಖಾದೊ. ಬಾದ್‌ಮ ಯೇಸು ಅಶ್‌ಪೀಶ್‌ನ ಗಾಮೆ ಜೈ಼ನ್, ದೇವ್ನಿ ವಚನ್ ಬೋಲಿದೆವಾನಿಕ್‍ಳ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:9

ಹಿಜ್ಜಾ಼ ರೋಗ್-ರಾಯಮ ರ‍್ಹೇಸ್ತೆ ಇವ್ಣ ಅಛ್ಛು಼ಕರೊ, ಅಜು಼ ಹಿಜ್ಜಾ಼ನು ಅದ್ಮಿಖ್ಹಾರಾನ ದೇವ್ನಿ ರಾಜ್ಯ ತುಮಾರ ಖನ್ನೆ ಐರ‍್ಹೀಸ್ ಕರಿ ಬೋಲೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:10

ಏಕ್‌ ದನ್ನೆ ಸಬ್ಬತ್‌ಮ ಯೇಸು ಸಬೆ ಭರಾವಾನು ಮಂದಿರ್‌ಮ ವಚನ್ ಬೋಲಿದೆವ್‍ಕರ್ತೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:16

ಮೋಶೇನು ಧರ್ಮಶಾಸ್ತ್ರ ಅಜು಼ ಪ್ರವಾದಿಯೇನೆ ಲೀಖ್ಯೂತೆ ಯೋ ಖ್ಹಾರು ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನತೋಡಿಸ್. ಅನ ಬಾದ್‌ಮ, ದೇವ್ನ ರಾಜ್ಯನಿ ಸುವಾರ್ತೆ ಬೋಲಾವ್‍ಕರಾಸ್. ಅನಾಮ ತಮಾಮ್‌ ಅದ್ಮಿಖ್ಹಾರು ಜು಼ಲಮ್‌ಥಿ ಪೇಖ್ಹ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:1

ಏಕ್‌ ದನ್ನೆ ಯೇಸು ಮಂದಿರ್‌ಮ ಅದ್ಮಿನ ವಚನ್ನ ಬೊಲಿದೇತೊಹುಯಿನ್‌, ಸುವಾರ್ತೆನ ಬೋಲುಕರ್ತೊಥೋತೆ ತದೆ, ಮಹಾಯಾಜಕ, ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಶಾಣುಖ್ಹಾರು ಮಳಿನ್ ಯೇಸುಕನ ಆಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:14

ಅನ ಬಾದ್‌ಮ ಯೇಸು ಪವಿತ್ರಾತ್ಮನಿ ಶಕತ್‍ಥಿ ಭರೈನ್, ಪಾಛೊ಼ಫರಿ ಗಲಿಲಾಯ ತಬರ್‌ಖಾನ ಗಯೊ. ಯೋ ತಬರ್‌ಖಾನು ಖ್ಹಾರಿ ಬಾಜು಼ಮ ಯೇಸುನಿ ಬಾರೇಮಾನು ಖಬರ್ ಫೈಲಿಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:17

ಏಕ್‌ ದನ್ನೆ ಯೇಸು ವಚನ್‍ ಬೋಲಿ ದೆವ್‍ಕರ್‌ತೋಥೊ. ಗಲಿಲಾಯ ಅಜು಼ ಯೂದಾಯ ತಬರ್‌ಖಾನು ತಮಾಮ್‌ ಗಾಮ್‌ಥು ಅಜು಼ ಯೆರೂಸಲೇಮ್‌ಥು ಆಯುಹುಯು ಫರಿಸಾಯರ್‌ಬಿ, ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಹಿಜ್ಜಾ಼ ಬೆಠೂಥು. ರೋಗ್‌-ರಾಯೊ ಅಛ್ಛು಼ ಕರಾನವಾಖ್ಹ್‌ತೆ ಪ್ರಭುನಿ ಶಕತ್ ಯೇಸುಮ ಥೀ.‌

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:17

ಅನ ಬಾದ್‌ಮ ಯೇಸುನೆ ಇನ ಅಪೊಸ್ತಲರ‍್ನ ಜೋ಼ಡೆ ಪಹಾಡ್ ಉತ್ರಿ ಹೇಟ್‌ ಆಯಿನ್, ಇನ ಬಿಜಾ಼ಖ್ಹಾರ ಶಿಷ್ಯರ್‌ನಿ ಮೋಟಿ ಝೂ಼ಂಡ್‌ನ ಜೋ಼ಡೆ ಶದ್ದರ್ ಜ಼ಮೀನ್‌ಪರ್ ಭೀರಿಗಯೊ. ಯೂದಾಯ ತಬರ್‌ಖಾಥು, ಯೆರೂಸಲೇಮ್‌ ಖ್ಹಯೇರ್‌ಭಣಿಥುಬಿ, ದರ‍್ಯಾವ್‍ನ ಖನ್ನೆ ಛಾ಼ತೆ ತೂರ್ ಅಜು಼ ಸೀದೋನ್ ಖ್ಹಯೇರ್‌ಥು ಆಯುಹುಯು ಅದ್ಮಿನಿ ಮೋಟಿ ಭೀಡ್ ಹಿಜ್ಜಾ಼ ಥೂ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:6

ಬಿಜೇಕ್ ಸಬ್ಬತ್‌ ದನ್ನೆ ಯೇಸು ಸಬೆ ಭರಾವಾನು ಮಂದಿರ್‌ಮ ಜೈ಼ನ್, ವಚನ್ ಬೋಲಿ ದೆವ್‍ಕರ್ತೋಥೊ. ಖಾವೊ ಹಾತ್‌ ಝೂ಼ಟೊ ಪಡೆಹುಯೊ ಏಕ್‌ ಜ಼ಣೊ ಹಿಜ್ಜಾ಼ ಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:21

ಯೋಸ್‌ ವಖ್ಹತ್‌ಮ, ಯೇಸುನೆ ಕೈಯೆಕ್ಕಿ ಅದ್ಮಿನು ರೋಗ್‌ರಾಯೊನ ಅಛ್ಛು಼ ಕರ‍್ಯೊ, ಅಜು಼ ಭೂತ್‌ ಧರಿರಾಖವಾಳನ ಛೋ಼ಡಾಯೊ. ಅತ್ರೇಸ್ ಕಾಹೆತೆ ಘಣ ಕಾಣ ಅದ್ಮಿನ ಡೋಳಾನ ಜೋ಼ತ್ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:22

ಬಾದ್‌ಮ ಯೇಸುನೆ ಯೋಹಾನ್ನ ಶಿಷ್ಯರ್‌ನ, “ತುಮೆ ಹಜ಼್ಜಾ ದೇಖ್ಯಾತೆ ಅಜು಼ ಖ್ಹಮ್‍ಜ್ಯಾತೆ ಇನಿ ಬಾರೇಮ ಯೋಹಾನ್ನ ಜೈ಼ನ್ ಬೋಲೊ. ಕಾಣು ದೇಕ್‌ಶೆ, ಲಂಗ್ಡು ಚಾ಼ಲ್‌ಷೆ, ಖೋಡ್‍ ರ‍್ಹವಾಳು ಪಾಕ್‌ ಉಶೆ, ಭೈರು ಖ್ಹಮಜ಼್‌ಶೆ, ಮರಿಗಯುಹುಯು ಜಾನ್‌ ಲೀಲಿಶೆ ಅಜು಼ ಗರೀಬ್‌ನ ಸುವಾರ್ತೆ ಬೋಲವ್‍ಕರಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:1

ಅನ ಬಾದ್‌ಮ ಯೇಸು ಖ್ಹಾರ ಖ್ಹಯೇರ್‌ಮ ಅಜು಼ ಗಾಮ್ಮಾಕರಿ ಫರ್ತೊಹುಯಿನ್, ದೇವ್ನಿ ರಾಜ್ಯನಿ ಅಛ್ಛಿ ಖಬರ್‌ನ ಬೋಲ್ತೊನಿಕ್‌ಳ್ಯೊ. ಭಾರ ಜ಼ಣ ಶಿಷ್ಯರ್‌ಬಿ ಇನಜೋ಼ಡೆ ಥಾ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:11

ಅದ್ಮಿನಿ ಭೀಡ್ ಅನ ಖ್ಹಮ್‌ಜಿನ್‌, ಯೇಸುನ ಪೀಠೆ ಗಯು ಯೇಸುನೆ ಇವ್ಣುನ ಬುಲೈಲಿನ್, ಇವ್ಣುನ ದೇವ್ನಿ ರಾಜ್ಯನಿ ಬಾರೇಮ ಬೋಲ್ಯೊ. ಅಜು಼ ಕಿನ-ಕಿನ ರೋಗ್‌ಥಿ ಅಛ್ಛು಼ ಹೋಣುಥೂಕಿ ಇವ್ಣುನ ಅಛ್ಛು಼ ಕರ‍್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:60

ತದೆ ಯೇಸುನೆ ಇನ, “ಮರ‍್ಯಹುಯಾಸ್‌ ಇವ್ಣಮ ಮರಿಗಯೂತೆ ಇನ ಮಾಟಿ ಕರಾದೆ! ತೂ ಜೈ಼ನ್, ದೇವ್ನಿ ರಾಜ್ಯನಿ ಬಾರೇಮ ಬೋಲಿವತಾಳ್” ಕರಿ ಬೋಲ್ಯೊ.

ಯೋಹಾನ 18:20

ತದೆ ಯೇಸುನೆ, “ಮೇ ಕದೇಬಿ ಜಗತ್ನ ಖ್ಹಾಮ್ಣೆಸ್ ವಾತೆ ಬೋಲಿರಾಖ್ಯೊಸ್; ಯೆಹೂದ್ಯ ಅದ್ಮಿಖ್ಹಾರು ಎಕ್ಟು ಹುಯಿನ್ ಆವಸ್ತೆ ಸಭೆ ಭರಾವನು ಮಂದಿರ್‌ಮ ಅಜು಼ ಮೋಟಿ ಮಂದಿರ್‌ಮ ಮೇ ಕದೇಬಿ ಬೋಲಿವತಾಳ್‌ತೊ ಆಯೊ, ಮೇ ಲಪೀನ್ ಕದೇಬಿ ಶಾತ್ಬಿ ಕೋ ಬೋಲಿರಾಖ್ಯೊನಿ.

ಯೋಹಾನ 6:59

ಯೇಸುನೆ ಕಪೆರ್ನೌಮ್‌ನು ಸಭೆ ಭರಾವನು ಮಂದಿರ್‌ಮ ಆ ಖ್ಹಾರು ಬೋಲಿವತಾಳ್ಯೊ.

ಯೋಹಾನ 7:1

ಆ ಖ್ಹಾರು ಹುವಾನ ಬಾದ್‌ಮ, ಯೇಸು ಗಲಿಲಾಯಮ ಫರುಕರ್ತೊಥೊ; ಯೆಹೂದ್ಯವಾಳು ಇನ ಮಾರಿನಾಖಾನ ಟಿವವ್‍ಕರ್ತೂಥು ಇನಖ್ಹಾಜೆ, ಯೂದಾಯಮ ಫರಾನ ಇನ ಮನ್ ಕೋ ಥೂನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:38

ದೇವ್ನ ನಜ಼ರೇತ್‌ನ ಯೇಸುನಿ ಬಾರೇಮ ಮಾಲುಮ್. ಇನ ಪವಿತ್ರಾತ್ಮಥಿಬಿ ಶಕಥ್ಥಿ ಅಬಿಷೇಕ್ ಕರ‍್ಯೊ ಯೊ ಅಖ್ಖೀಸ್ ಬಾಜೂ಼ಮ ಫರ್ತೊಹುಯಿನ್ ಅದ್ಮಿಖ್ಹಾರನ ಅಛ್ಛು಼ ಕರ‍್ಯೊ. ಭೂತ್ ಧರಿರ‍್ಹಾವಳನಬಿ ಗುಣ್‌ಕರ‍್ಯೊ. ಶನಕತೊ ದೇವ್ ಇನಿ ಜೋ಼ಡ್ಮ ಛಾ಼ಕರಿ ಬೋಲಾನು ವತಾಳಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:4

ಹರೇಕ್ ಸಬ್ಬತ್ ದನ್ಮ ಯೊ ಸಭೆನಿ ಝ಼ಗೊ ಯೆಹೂದ್ಯರ್‌ನಿ ಜೋ಼ಡೆಬಿ ಗ್ರೀಕ್‍ವಾಳಾನಿ ಜೋ಼ಡೆಬಿ ಚರ್ಚೆಕರೀನ್ ಇವ್ಣುನ ಮಳಾವ್ತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:25

ದೇಖೊ ತುಮಾರಿ ಜೋ಼ಡೆಥೂತೆ ಖ್ಹಾರಿ ವಖ್ಹತ್‌ಮ ದೇವ್ನಿ ರಾಜ್ಯನಿ ಬಾರೇಮಾನಿ ಸುವಾರ್ತೆನ ಮೆ ತುಮೂನ ಬೋಲಿ ಖ್ಹಮ್‌ಜಾ಼ಡ್ಯೊ. ಹಮ್ಕೆ ತುಮಾರಮ ಏಕ್‍ಜ಼ಣೂಬಿ ಮಾರ ಮ್ಹೋಡಾನ ಬಿಜು಼ ಕದೇಬಿ ದೇಕ್‌ಶು ಕೊಯ್ನಿಕರಿ ಮನಮಾಲುಮ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:31

ತದೆ ಇನೆ ಘಣುಭಾಲಿಥಿ ಅಜು಼ ಖಿವಿ ಅಡ್ಡಿಕೊಂತೆ; ದೇವ್ನು ರಾಜ್ಯನಿ ಬಾರೇಮ ಉಪದೇಶ್ ಕರ್ತೊಹುಯಿನ್ ಪ್ರಭು ಯೇಸುಕ್ರಿಸ್ತನಿ ಬಾರೇನಿ ವಾತೇನ ಬೋಧನೆ ಕರ್ತೊರ‍್ಹಿಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:15

ಬೋಧನೆ ಕರವಾಳನ ಮೋಕ್‍ಲ್ಯೊನಾತೊ ಬೋಲ್‌ಶೆ ಕಿಮ್? ಇನಖ್ಹಾಜೇಸ್, “ಅಛ್ಛಿ ಸುವಾರ್ತೆ ಬೋಲವಾಳನು ಪಗ್ ಕೆತ್ರೇಕ್ಕಿ ಶನ್‌ಗಾರ್” ಕರಿ ಪವಿತ್ರದಪ್ತರ್‌ಮ ಲೀಖೈರ‍್ಹುಸ್.