ಮತ್ತಾಯ 3:12 - ದೇವ್ನಿ ಖ್ಹಾಚಿ ವಚನ್

¹² “ಇನ ಹಾತ್‌ಮ ಖ್ಹುಪ್‌ಡು ಧರಿರಾಖ್ಯೋಸ್‌, ಇನ ಖಳಾಮಾನು ರಾಶ್‌ನ ತೂರಿನ್‌, ಅಛ಼್ಛ ಕರೀನ್, ಘವ್‌ನ ಕಣ್ಗಿಮ ಭರಿಲೀನ್‌ ಪೊಟ್ಟಾನ ಉಝಾ಼ವಕೊಂತೆ ಆಗ್‌ಮ ಬಾಳಿನಾಕ್‌ಷೆ” ಕರಿ ಬೋಲ್ಯೊ.

ಮತ್ತಾಯ 3:12 ပူးပေါင်းရင်းမြစ်များ

ಮತ್ತಾಯ 13:30

ಇನಖ್ಹಾಜೇಸ್ ಖ್ಹುಗ್ಗೀನು ದನ್ ಆವಾತೋಡಿ ಭೇಬಿ ಜೋ಼ಡ್ಮಾಸ್ ಫುಟಾದೆ. ಖ್ಹುಗ್ಗೀನ ದನ್ಮ ಮೇ ವ್ಹಾಡವಾಳನ, ‘ಪಹಿಲೆ ಶತ್ತೇನ ಉಖ್ಡಿನಾಖಿನ್‌, ಇನ ಭಾರೊ ಭಾಂದಿ ಬಾಳಿನಾಖೊ, ಅಜು಼ ಘವ್‌ನ ಎಕ್ಟು ಕರೀನ್, ಮಾರಿ ಕಣ್ಗಿಮ ಭರೊ’ ಕರಿ ಬೋಲಿಶ್” ಕರಿ ಬೋಲ್ಯೊ.

ಮತ್ತಾಯ 13:41

ಅದ್ಮಿನೊ ಛಿಯ್ಯೊ ಇನ ದೂತರ್‌ನ ಮೋಕ್ಲಿನ್, ಇವ್ಣೆ ಇನ ರಾಜ್ಯಮ ಕೋಣ್ ಪಾಪ್ ಅಜು಼ ಖರಾಬ್‌ಕರಾನಿತರ ಕರ‍್ಯುಕೀ ಇಮ್ನ ಅದ್ಮಿಖ್ಹಾರನ ಎಕ್ಟು ಕರೀನ್‌,

ಮತ್ತಾಯ 13:42

ಅಜು಼ ಇನಿ ರಾಜ್ಯಮಾಥು ಭಾರ್‌ ಕಾಡಿನ್ ಆಗ್‌ನ ಕುಂಡಾಮ ನಾಕ್‌ಶೆ. ಹಿಜ್ಜಾ಼ ಇವ್ಣೆ ರೊವ್‌ಶೆ ಅಜು಼ ಕರ್‌-ಕರ್‌ ದಾತ್‍ಚಾ಼ವ್‍ಶೆ

ಮತ್ತಾಯ 13:43

ತದೆ ನೀತಿವಾಳು ಅದ್ಮಿಖ್ಹಾರು ಚಾ಼ಂದ್‍ನಿಘೋಣಿ ಚ಼ಮಕ್‌ತುಹುಯಿನ್ ಇವ್ಣ ಬಾನಿ ರಾಜ್ಯಮ ರ‍್ಹಿಶೆ. ಖ್ಹಮ್‌ಜಾ಼ನ ಕಾನ್‌ ರ‍್ಹವಾಳು ಖ್ಹಮ್‌ಜಾ಼ದೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:16

ತದೆ ಯೋಹಾನನೆ ಇವ್ಣುನ, “ಮೇತೊ ತುಮೂನ ಪಾಣಿಥಿ ಬ್ಯಾಪ್ತಿಸ್ಮ ದೆವ್‍ಕರೂಸ್; ಕತೋಬಿ ಮಾರೇಥಿಬಿ ಶಕತ್‌ವಾಳೊ ವಳ್ಯಾವಸ್, ಇನಿ ಖೋಖ್ಹ್‌ಡಾನಿ ಡೋರಿ ಛೋ಼ಡಾನಾಬಿ ಮೇ ಲ್ಹಾಯೇಕ್‍ಕೊಯ್ನಿ. ಯೋ ತುಮೂನ ಪವಿತ್ರಾತ್ಮಥಿಬಿ ಅಗ್‌ಥೀಬಿ ಬ್ಯಾಪ್ತಿಸ್ಮ ದಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:17

ಇನ ಹಾತ್‌ಮ ಖ್ಹುಪ್‌ಡು ಧರಿರಾಖ್ಯೋಸ್‌, ಇನ ಖಳಾಮಾನು ಘವ್‌ನಿ ರಾಶ್‌ನ ತೂರಿನ್‌, ಅಛ಼್ಛ ಕರೀನ್, ಘವ್‌ನ ಕಣ್ಗಿಮ ಭರಿಲಿಶೆ, ಕತೋಬಿ ಪೊಟ್ಟಾನ ಉಝಾ಼ವಕೊಂತೆ ಆಗ್‌ಮ ಬಾಳಿನಾಕ್‌ಷೆ” ಕರಿ ಜವಾಬ್‌ ದಿದೊ.

ಯೋಹಾನ 15:2

ಮಾರಾಮ ರ‍್ಹೀನ್, ಪಂಡು ದೇಯಿಕೊಂತೆ ಹರೇಕ್ ಡಾಳಿನ ಯೋ ಕತ್ರಿನಾಖಸ್‌; ಅಜು಼ ಪಂಡು ದೇಸ್ತೆ ಹರೇಕ್ ಡಾಳಿನ ಬಿಜೂ಼ಬಿ ಜಾ಼ಖ್ಹತ್ ಪಂಡು ದ್ಯವಾನಿಘೋಣಿ ಇನ ಛಾ಼ಟಿನ್ ಪಾಕ್‍ಕರಾಸ್.