ಮತ್ತಾಯ 24:5 - ದೇವ್ನಿ ಖ್ಹಾಚಿ ವಚನ್

⁵ ಶನಕತೊ, ಕೈಯೆಕ್ಕಿ ಜ಼ಣು ಆಯಿನ್, ಮಾರು ನಾಮ್‌ಲೀನ್, ‘ಮೇ ಕ್ರಿಸ್ತ, ಮೇ ಕ್ರಿಸ್ತ’ ಕರಿ ಬೋಲಿನ್, ಘಣ ಅದ್ಮಿನ ವಾಟ್‌ ಭೈಕಾವ್‌ಶೆ.

ಮತ್ತಾಯ 24:5 ပူးပေါင်းရင်းမြစ်များ

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮತ್ತಾಯ 24:11

ಘಣು ಜ಼ಣು ಝೂ಼ಟುಪ್ರವಾದಿ ಖ್ಹಾರು ಆಯಿನ್, ಕೈಯೆಕ್ಕಿ ಅದ್ಮಿನ ಖ್ಹಾರು ಠಗಾವ್‌ಶೆ.

1 ಯೋಹಾನ 2:18

ಪ್ಯಾರ್‌ನ ಲಡ್ಕಾವೊ, ಹೈರುತೆ ಖ್ಹರ್ತಿನು ಹಗಾಮ್ ಹುಯಿರ‍್ಹುಸ್. ಕ್ರಿಸ್ತ ವಿರೋದಿ ಆವ್‍ಶೆಕರಿ ತುಮೆ ಖ್ಹಮ್‌ಜಿರಾಖ್ಯಾಸ್‌. ಹಮ್ಕೇಸ್ ಕೆತ್ರೂಕಿ ಕ್ರಿಸ್ತವಿರೋದಿ ಛಾ಼. ಇನಖ್ಹಾಜೆ ಹಮ್ಕೆ ಖ್ಹರ್ತಿನ ಹಗಾಮ್ ಹುಯಿರ‍್ಹುಸ್‌ಕರಿ ಅಪ್ಣುನ ಮಾಲುಮ್ ಛಾ಼.

ಯೋಹಾನ 5:43

ಮೇ ಮಾರ ಬಾನ ನಾಮ್‍ಥಿ; ಕತೋಬಿ ಮನ ತುಮೆ ಸ್ವೀಕಾರ್ ಕರಕೊಯ್ನಿ, ಕತೋಬಿ ಕೋಣ್‌ತೋಬಿ ಶೊಂತ್ ಅದಿಕಾರ್‌ಥಿ ಆಯೂತೆ ತುಮೆ ಇನ ಸ್ವೀಕಾರ್ ಕರಿಲೆವೊಸ್.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಯೋಹಾನ 8:24

ಇನಖ್ಹಾಜೇಸ್ ತುಮೆ ತುಮಾರ ಪಾಪ್‍ಮಾಸ್‌ ಮರ್‌ಶು ಕರಿ ಮೇ ಬೋಲ್ಯೋತೆ. ಮೇ ಕೋಣ್ ಕರಿ ತುಮೆ ವಿಶ್ವಾಸ್‌ ನಾ ಕರ‍್ಯಾತೊ ತುಮಾರ ಪಾಪ್‌ಮ ತುಮೇಸ್ ಮರ್‌ಶು” ಕರಿ ಬೋಲ್ಯೊ.

ಯೋಹಾನ 8:28

ಕತೋಬಿ ಇನೆ ಇವ್ಣುನ, “ತುಮೆ ಅದ್ಮಿನ ಛಿಯ್ಯಾನ ಉಪ್ಪರ್ ಪಾಡ್‌ಶುಕಿ, ತದೆ ‘ಮೇಸ್ ಯೋ’ ಕರಿ,ತುಮುನ ಮಾಲುಮ್ ಪಡ್‌ಶೆ. ಮೆ ಕರುಸ್ತೆ ಮಾರಿ ಶೊಂತ್ ಆಖ್ಹ್‌ಥಿ ಕಾಹೆ ಪಣ್ಕಿ, ಮಾರೊ ಬಾ ಬೋಲಾತೆ ಇಮ್ಮಸ್ ಶಿಕಾಡುಕರೂಸ್.

1 ಯೋಹಾನ 2:22

ಝೂ಼ಟಿಖೋರ್ ಕೋಣ್? ಯೇಸುನ ಪ್ರಭು ಕಾಹೆಕರಿ ಕೋಣ್ ಝಿಟ್ಕಾರಸ್ಕಿ ಯೋಸ್‍ ಝೂ಼ಟಿಖೋರ್ ಹುಯಿರಾಸ್‍, ಯೋ ಕ್ರಿಸ್ತವಿರೋದಿ, ಯೊ ಬಾನಾಬಿ ಅಜು಼ ಛಿಯ್ಯಾನಾಬಿ ಝಿಟ್ಕಾರವಾಳೊ ಹುಯಿರ‍್ಹೊಸ್.

1 ಯೋಹಾನ 4:3

ಯೇಸುನ ಮಾನಿಲೇಯಿಕೊಂತೆ ಆತ್ಮ ದೇವ್‍ಥಿ ಆಯುತೆಕಾಹೆ. ಯೋ ಕ್ರಿಸ್ತವಿರೋದಿ ಆತ್ಮ ಹುಯಿರ‍್ಹುಸ್. ಯೋ ಆವ್‍ಶೆಕರಿ ತುಮೆ ಖ್ಹಮ್‍ಜಿರಾಖ್ಯಸ್‍ನಿ; ಹಮ್ಕೆ ತದೇಸ್‌ ಯೋ ಜಗತ್‌ಮ ಅಯಿಗು.