ಮತ್ತಾಯ 2:11 - ದೇವ್ನಿ ಖ್ಹಾಚಿ ವಚನ್

¹¹ ತದೆ ಇವ್ಣೆ ಯೋ ಘರ್‌ಮ ಜೈ಼ನ್, ಯೋ ಲಡ್ಕಾನ ಇನಿ ಆಯ ಮರಿಯನ ದೇಖಿನ್, ಇನ ಆಡ್‍ಪಡಿನ್ ಆರಾದನೆ ಕರ‍್ಯು. ಅಜು಼ ಇವ್ಣೆ ಲೈರಾಖ್ಯುಥೂತೆ ಇನಾಮ್ನ ಬುತ್ತಾವ್‍ನ ಛೋ಼ಡಿನ್ ಇನಾಮಾಥು ಖ್ಹೊನ್ನು, ಖ್ಹಾಲರ‍್ಯೊ ಅಜು಼ ರಕ್ತಬೋಳನ ಕಾಡಿನ್ ಇನ ಕಾಣ್ಕೆ ದಿದು.

ಮತ್ತಾಯ 2:11 ပူးပေါင်းရင်းမြစ်များ

ಮತ್ತಾಯ 1:18

ಯೇಸು ಕ್ರಿಸ್ತ ಪೈದಹುಯೊತೆ ಕಿಮ್‌ಕತೊ; ಇನಿ ಆಯ ಮರಿಯನ ಯೋಸೇಫ್‌ಥಿ ಖ್ಹಗೈ ನಾಖಿರಾಖ್ಯೂಥು, ಕತೋಬಿ ಇವ್ಣೊ ವ್ಯಹಾ ಹುವಾನ ಅಗಾಡಿಸ್, ಯೋ ಪವಿತ್ರಾತ್ಮಾಥಿ ಬೇಜೂನಿ ಹುಯಿರ‍್ಹೀಥೀತೆ ಇನ ಮಾಲುಮ್‌ಪಡ್ಯು.

ಮತ್ತಾಯ 12:46

ಯೇಸು ಅದ್ಮಿನಿ ಝೂ಼ಂಡ್‌ನ ಜೋ಼ಡೆ ಬಿಜೂ಼ಬಿ ವಾತೆ ಬೋಲುಕರಾನಿ ವಖ್ಹತ್‌ಮ, ಇನಿ ಆಯಾಬಿ ಇನ ಭೈಯೇ ಅಯಿನ್, ಇನಜೋ಼ಡೆ ವಾತೆ ಬೋಲ್‌ನು ಕರಿ ಭಾರ್‌ಭೀರ‍್ಯು.

ಮತ್ತಾಯ 14:33

ತದೆ ಡೋಣ್‌ಮ ಥಾತೆ ಶಿಷ್ಯರ್‌ನೆ, “ಖ್ಹಾಚ಼ಮಾಬಿ ತೂ ದೇವ್‌ನೊ ಛಿಯ್ಯೊ” ಕರಿ ಬೋಲಿನ್, ಯೇಸುನ ಆರಾದನೆ ಕರ‍್ಯಾ.

ಮತ್ತಾಯ 2:2

“ಯೆಹೂದ್ಯರ್‌ನೊ ರಾಜಾ಼ ಹುಯಿನ್ ಪೈದಹುಯುತೆ ಲಡ್ಕು ಕಿಜ಼್ಜಾ ಛಾ಼? ಯೋ ಪೈದಾಹುಯು ಕರಿ ಖ್ಹಣೇದ್ ವತಾಳಸ್ತೆ ಶುಕ್ಕರ್‌ನ, ಹಮೆ ಪೂರಬ್ ದಿಕ್‍ಥು ದೇಖಿನ್, ಇನ ಆಡ್‍ಪಡಿನ್ ಖ್ಹಲಾಮ್ ಕರಾನ ಐರ‍್ಹಾಸ್” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:16

ತದೆ ಇವ್ಣೆ ಒಗ್ಗಿಸ್‌ಮ ಜೈ಼ನ್, ಮರಿಯನಾಬಿ ಯೋಸೇಫ್‌ನಾಬಿ ಅಜು಼ ಗೋದ್‌ಡಿಮ ಖ್ಹುತೂಥೂತೆ ಲಡ್ಕಾನಾಬಿ ದೇಖ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:38

ಯೋಸ್ ವಖ್ಹತ್‌ಮ, ಅನ್ನ ಯೋ ಲಡ್ಕಾನ ಆಯ-ಬಾಕನ ಅಯಿನ್, ದೇವ್ನ ಧನ್ಯವಾದ್‌ಕರಿ ಕರಿ ಅಜು಼ ಯೆರೂಸಲೇಮ್‌ನಿ ಛುಟ್ಕಾರ್‌ನಿ ಬಾರೇಮ ಟಿವವ್‍ಕರ್ತುಥೂತೆ ಖ್ಹಾರಾವ್‌ನ, ಯೋ ಲಡ್ಕಾನಿ ಬಾರೇಮ ಬೋಲಿ.

ಯೋಹಾನ 19:39

ಪಹಿಲೆ ಏಕ್‌ಹಲ್ಲ ರಾತ್ನಿ ವಖ್ಹತ್‌ಮ, ಯೇಸುಕನ ಆಯೊಥೋತೆ ನಿಕೊದೇಮನೆ ಕಮ್‍ಶಿಕಮ್ ಡೋಡಿಖ್ಹ್‌ ಶೇರ್ ರಕ್ತಬೋಳ ಅಜು಼ ವಾನು ಜ಼ಡಿಬೂಠಿ ಮಳಾಯುಹುಯು ಟುಕ್ಡಾವ್‍ನ ಲೀನ್, ಯೋಸೇಫ್‌ನ ಜೋ಼ಡೆ ಗಯೊ.

ಪ್ರಕಾಶಿತ್ 19:10

ತದೆ ಮೇ ಇನ ಆರಾದನೆ ಕರ್ನುಕರಿ ಇನ ಪಗ್‍ಪರ್ ಅಡ್‌ಪಡ್ಯೊ. ಕತೋಬಿ ದೇವ್ನ ದೂತಾನೆ, ಮನ ಅಮ್ ಆರಾದನೆ ನಕೊಕರ್. ಯೇಸುನ ಖ್ಹಾಚ಼ನ ಲೀರಾಖ್ಯಾಸ್ತೆ ತಾರಿನಿತರಾಬಿ ತಾರ ಭೈಯೇನಿತರಬಿ ಮೇಬಿ ಏಕ್‌ ಚಾ಼ಕ್ರಿವಾಳೊ. ಇನಖ್ಹಾಜೆ ದೇವ್ನ ಆರಾದನೆಕರ್, ಯೇಸುನಿ ಸಾಕ್ಷಿಸ್‌ ಪ್ರವಾದನೆನು ಆತ್ಮಕರಿ ಬೋಲ್ಯೊ.

ಪ್ರಕಾಶಿತ್ 5:8

ಪುಂಗ್‌ಳಿನ ಮಾಂಗಿಲ್ಯವಾನಿ ವಖ್ಹ್‌ತೆ ಯೋ ಚಾರ್ ಜೀವಿ 24 ಜ಼ಣು ಶಾಣುಖ್ಹಾರು ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ಪಗ್‍ಪರ್ ಆಡ್‌ಪಡ್ಯು. ಹರೇಕ್‌ಜ಼ಣಕನ ಹಾತ್ಮ ಖ್ಹಾರಂಗೊಬಿ ಖ್ಹಾಲರ‍್ಯಾನು ಢಪ್ಕಾರ್‌ಥಿ ಭರೈರ‍್ಹುಥೂತೆ ಖ್ಹೊನ್ನಾನಿ ಢಾಕ್ಣಿಬಿ ಥು. ಯೊ ದೇವ್ನು ಅದ್ಮಿನು ಪ್ರಾರ್ಥನೆ ಹುಯಿರ‍್ಹುಥು