ಮತ್ತಾಯ 18:7 - ದೇವ್ನಿ ಖ್ಹಾಚಿ ವಚನ್

⁷ ಜಗತ್ನಿ ಹಾಲ್ನ ಶಾತ್ ಬೋಲು! ಶನಕತೊ, ಅದ್ಮಿನ ಪಾಪ್‌ಮ ಚ಼ಲಾವವಾಳು ರಾಛು಼ಖ್ಹಾರು ಛಾ಼! ಇಮ್ನು ರಾಛು಼ಖ್ಹಾರು ಕದೇಬಿ ಚಾ಼ಲ್‌ಷೆ. ಕತೋಬಿ ಇಮ್‌ ಹುವ್ವಾನಿಘೋಣಿ ಕರಾಸ್ತೆ ಯೋ ಅದ್ಮಿನಿ ಹಾಲ್ನ ಶಾತ್ ಬೋಲು!

ಮತ್ತಾಯ 18:7 ပူးပေါင်းရင်းမြစ်များ

ಮತ್ತಾಯ 16:23

ತದೆ ಯೇಸುನೆ ಫರೀನ್, ಪೇತ್ರನ, “ಏ ಶೈತಾನ್, ಮಾರ ಖ್ಹಾಮ್ಣೇಥೊ ಹಟಿಜಾ಼! ತೂ ಮಾರ ಕಾಮ್ನ ಅಡ್ಡಿ ಹುಯಿರ‍್ಹೋಸ್! ತಾರಿ ಆ ಸೋಚ್ ಅದ್ಮಿನಿ ಸೋಚಸ್‌ ಪಣ್ಕಿ ದೇವ್ನಿ ಸೋಚ಼್ ಕಾಹೆ” ಕರಿ ಬೋಲ್ಯೊ.

ಮತ್ತಾಯ 26:24

ವಚನ್‌ಮ ಲೀಖೈರ‍್ಹೂತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಮರ್‌ಶೆ, ಕತೋಬಿ ಕೋಣ್ ಅದ್ಮಿನೊ ಛಿಯ್ಯಾನ ಧರಿದಿಶೇಕಿ, ಇನಿ ಹಾಲ್ನ ಶಾತ್‌ ಬೋಲು! ಯೋ ಅದ್ಮಿ ಪೈದಾ ನಾಸ್ ಹುಯುಹೊತ್ತೊ ಇನ ಅಛ್ಛು಼ ಥೂ.

ಮಾರ್ಕ 13:7

ಅತ್ರೇಸ್ ಕಾಹೆತೆ ತುಮೆ, ಖನ್ನೆ ಜಂಗ್ ಭೀಡುಕರಾತೆ ಅವಾಜ಼್ ಅಜು಼ ದೂರ್ ಜಂಗ್ ಭೀಡುಕರಾತೆ ಖಬರ್‌ನ ಖ್ಹಮ್‌ಜ್ಯಾತೊ ಘಬ್ರಾವೊ ನಕೊ. ಅಮ್ನು ಖ್ಹಾರು ಚಾ಼ಲ್ನುಸ್ ಚಾ಼ಲ್ನು. ಕತೋಬಿ ಅನಿ ಮತ್‌ಲಬ್ ಜಗತ್‌ ಖತಮ್ ಹುಯಿಜಾ಼ವಾನ ಆಯುಕರಿ ಕಾಹೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:1

ಯೇಸುನೆ ಇನ ಶಿಷ್ಯರ್‌ನ ಬೋಲ್ಯೋಕಿ, “ಅದ್ಮಿನ ಪಾಪ್‌ಮ ಚ಼ಲಾವವಾಳು ರಾಛು಼ ಆವ್‌ಶೆಸ್‌ ಆವ್‌ಶೆ, ಕತೋಬಿ ಇಮ್‌ ಹುವ್ವಾನಿಘೋಣಿ ಕರಾಸ್ತೆ, ಯೋ ಅದ್ಮಿನಿ ಹಾಲ್ನ ಶಾತ್ ಬೋಲು!

ಯೋಹಾನ 17:12

ಮೇ ಅವ್ಣ ಜೋ಼ಡೆ ಥೋತೆ ತದೆ ತುನೆ ಮನ ದಿದೋತೆ, ತಾರ ನಾಮ್ನಿ ಶಕಥ್ಥಿ ಅವ್ಣುನ ಜ಼ತನ್ ರಾಖ್ಯೊ. ಧರ್ಮಶಾಸ್ತ್ರನಿ ವಾತೆ ಪೂರಹುವಾನಿಘೊಣಿ, ನಾಶನಖ್ಹಾಜೆಸ್‌ ಕರಿ ಚೂ಼ಣಾಯೋತೆ ಯೋ ಏಕ್‌ ಅದ್ಮಿ ಮ್ಹೆಂದಿನ್, ಅವ್ಣಾಮ ಕೋಣ್‌ಬಿ ನಾಶ ಕೊಹುವಾನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:16

“ಭೈಯೇಭೇನೆವೊ, ಯೇಸುನ ಧರಿದ್ಯವಾಳನ ವಾಟ್‌ ವತಾಳ್ಯೊತೆ ಯೂದನಿ ಬಾರೇಮ ಪವಿತ್ರಾತ್ಮನೆ ದಾವೀದ್‍ಥಿ ಪವಿತ್ರ ಪುಸ್ತಕ್‌ಮ ಬೋಲೈರ‍್ಹುತೆ ವಾತೆ ಪೂರಹೋಣುಸ್‌ಪಡ್ಯುಥು,

1 ಕೊರಿಂಥ 11:19

ಥೋಡುಜ಼ಣು ದೇವ್‍ಥಿ ಯೋಗ್ಯಕರಿ ಬೋಲೈಲ್ಯವಾಳು ಛಾ಼ಕರಿ ದೆಖಾವನಖ್ಹಾಜೆ ತುಮಾರಮ ಬೇಭಾಗ್‌ ಹುವಾನು ಜ಼ರೂರತ್ ಅನೇಥಿ ಕೋಣ್ ಬರಬ್ಬರ್‌ ಛಾ಼ಕರಿ ಮಾಲುಮ್ ಪಡಾಸ್‌.

1 ತಿಮೊ 6:1

ಗುಲಾಮ್‌ನ ನೊಗಾಮ ಖ್ಹಪ್‌ಡಿರ‍್ಹವಾಳು ಇವ್ಣ ಯಜಮಾನ್ನ ಬರಾಬರ್‌ಥಿ ಮರ್ಯಾದಿ ದೇವ್ಣು, ಅನೇಥಿ ದೇವ್‌ನು ನಾಮ್ ಅಜು಼ ಅಪ್ಣೆ ಬೋಲಿದಿಯೇತೆ ವಚನ್ನಿ ವಿರೋದ್ ಕೋಣ್‌ಬಿ ಗಲತ್‌ ಬೋಲಾನ ಕೋ ಉಶೇನಿ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:5

ಇವ್ಣೆ ಶೊಂತ್‌ ಘರ್ನಖ್ಹಾಜೆ ಅಛ಼್ಛುಕಾಮ್ ಕರಾವಾಳಿಯೇಬಿ, ಗ್ರಿಸ್ತಿಥಿ, ಇವ್ಣ ಇವ್ಣ ಬಾವ್ರಿನ ದಾಬುಕ್ಮ ರ‍್ಹೀನ್ ಜಿವ್ಣುಕರಾನ ಬುಢಿಯ ಬಾಯ್ಕೆಥಿ ಶಿಕಿಲ್ಯವಾದೆ. ಇಮ್ಮಸ್ ದೇವ್ನಿ ವಚನ್ನ ಕೋಣ್‌ಬಿ ಚಿಂಘಾವ್ಣಿ ನಾ ಕಾಡ್ನುತೆ ತಿಮ್ ಚಾ಼ಲಿಲ್ಯವಾದೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:8

ಶಿಕಾಡನಿ ವಖ್ಹ್‌ತೆ ಅಛ್ಛಿವಾತೆ ಶಾತ್ಕಿ ಯೋಸ್ ಬೋಲಿದೆ.ಅಮ್ ರ‍್ಹವಾನಿವಖ್ಹ್‌ತೆ ತಾರಪರ್ ವಿರೋದ್ ರ‍್ಹವಾಳನ, ತಾರಿ ವಿರುದ್ಧವಾತೆಬೋಲಾನ ಶಾತ್‍ಬಿಕೊಂತೆ ಇವ್ಣು ಇವ್ಣೇಸ್ ಖ್ಹರ್‌ಮಾವನಿಘೋಣಿ ಹುಯಿಜಾ಼ಶೆ.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.