ಮತ್ತಾಯ 18:3 - ದೇವ್ನಿ ಖ್ಹಾಚಿ ವಚನ್

³ “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಪಾಛು಼ ಫರೀನ್, ಆ ಅಡ್ಡಾಣಿ ಲಡ್ಕಾನಿ ಘೋಣಿ ನಾ ಹುಯಾತೊ, ತುಮೆ ಸೊರ್ಗಾನು ರಾಜ್ಯಮ ಜಾ಼ಶುಸ್ ಕೊಯ್ನಿ.

ಮತ್ತಾಯ 18:3 ပူးပေါင်းရင်းမြစ်များ

ಮತ್ತಾಯ 13:15

ಆ ಅದ್ಮಿ ಖ್ಹಾರಾನೊ ದಿಲ್‌ ಬಂಡೊ ಹುಯಿರ‍್ಹೋಸ್, ಅಜು಼ ಅವ್ಣ ಡೋಳಾ ಮೂಚೈ಼ರ‍್ಹಾಸ್, ಅವ್ಣೆ ಡೋಳಾಥಿ ದೇಖಿನ್‌, ಕಾನ್‍ಥಿ ಖ್ಹಮ್‌ಜಿನ್‌, ದಿಲ್‌ಥಿ ಪರ್ಖಿನ್, ಮಾರಭಣಿ ಫರಿಜೈ಼ನ್‌ ಮಾರೇಥಿ ಅಛ್ಛು಼ ನಾಹೊಣುಕರಿ ತೀರ್ಮಾನ್‌ ಕರಿರಾಖ್ಯುಸ್‌ಕರಿ ಬೋಲಾನುಸ್‌ ಯೋ ಪ್ರವಾದ್‌ನೆ.

ಮತ್ತಾಯ 18:2

ಇನಖ್ಹಾಜೆ ಯೇಸುನೆ ಏಕ್‌ ಅಡ್ಡಾಣಿ ಲಡ್ಕಾನ ಬುಲೈನ್, ಶಿಷ್ಯರ್‌ನ ಖ್ಹಾಮ್ಣೆ ಭಿರಾಖಿನ್,

ಮತ್ತಾಯ 18:4

ಕೋಣ್ ಅಡ್ಡಾಣಿ ಲಡ್ಕಾನಿಘೊಣಿ ಇನು ಯೋ ಝು಼ಕೈಲೇಸ್ಕಿ, ಯೋಸ್ ಸೊರ್ಗಾನು ರಾಜ್ಯಮ ಖ್ಹಾರೇಥಿ ಮೋಟೊ.

ಮತ್ತಾಯ 19:14

ತದೆ ಯೇಸುನೆ, “ಅಡ್ಡಾಣಿ ಲಡ್ಕಾವ್‍ನ ಮ್ಹೇಲೊ, ಮಾರಕನ ಆವಾನ ಇವ್ಣುನ ಭೀರಾಖೊ ನಕೊ, ಶನಕತೊ ಸೊರ್ಗಾನು ರಾಜ್ಯ ಇಮ್‌ವಾಳನೂಸ್” ಕರಿ ಬೋಲಿನ್,

ಮತ್ತಾಯ 19:23

ತದೆ ಯೇಸುನೆ ಇನ ಶಿಷ್ಯರ್‌ನ, “ಮೇ ತುಮೂನ ಖ್ಹಾಚ ಬೋಲುಸ್: ಶೌಕಾರ್ ಅದ್ಮಿ ಸೊರ್ಗಾನು ರಾಜ್ಯಮ ಜಾ಼ವಾನು ಘಣು ಮುಶ್ಕಿಲ್.

ಮತ್ತಾಯ 5:18

ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಆಬ್ಬಿ ಧರ್ತಿ ಮಟಿಜಾ಼ಶೆ, ಧರ್ಮಶಾಸ್ತ್ರಮ ಛಾ಼ತೆ ಖ್ಹಾರುಸ್ ಚಾ಼ಲಾಲಗುಬಿ ಇನಮಾನು ಏಕ್‌ ನ್ಹಾನು ಲಿಖ್ಯೂಬಿ ರ‍್ಹವೊ, ನಾತೊ ಏಕ್‌ ಟಿಪ್‌ಕ್ಯುಬಿ ಮಟ್‌ಶೆ ಕೊಯ್ನಿ.

ಮತ್ತಾಯ 5:20

ಮೇ ತುಮೂನ ಶಾತ್‌ ಬೋಲುಸ್‌ಕತೊ, ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳು ಪಂಡಿಥ್ಥಿಬಿ ಅಜು಼ ಫರಿಸಾಯರ್‌ನಿ ನೀತಿಥೀಬಿ ತುಮಾರಿ ನೀತಿ ಜಾ಼ಖ್ಹತ್ ನಾ ಹುಯಿರ‍್ಹೀಕತೊ, ತುಮೆ ಸೊರ್ಗ ರಾಜ್ಯಮ ಜಾ಼ಶುಕೊಯ್ನಿ.

ಮತ್ತಾಯ 6:16

“ತುಮೆ ಉಪವಾಸ್ ಕರಾನಿ ವಖ್ಹತ್‌ಮ, ಖೋಟ್ ದಿಲ್‌ವಾಳನಿಘೋಣಿ ಮ್ಹೋಡು ನಾ ಮುರ್‌ಝೈ಼ಲೇಣು. ಇವ್ಣೆ ಉಪವಾಸ್ ಛಾ಼ ಕರಿ ಅದ್ಮಿಯೇನ ವತಾಳಿಲೆವಾನಖ್ಹಾಜೆ ಇವ್ಣು ಮ್ಹೋಡಾನ ಇಮ್‌ ಕರಿಲೇಸ್, ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಇನಾಮ್ ತದೇಸ್‌ ಮಳಿಗಯು.

ಮತ್ತಾಯ 6:2

ಇನಖ್ಹಾಜೇಸ್ ತು ಧರಮ್ ದ್ಯವಾನಿ ವಖ್ಹತ್‌ಮ, ನಕೊ ಫೂಕಿಲೇವೊ. ಅದ್ಮಿಥಿ ಖ್ಹರಾವ್ಣಿ ಕರಿಲೇವ್ಣುಕರಿ ಖೋಟ್ ದಿಲ್‌ವಾಳು ಯೆಹೂದ್ಯರ್‌ಬಿ ಸಬೆ ಭರಾವಾನು ಮಂದಿರ್‌ಮ ಅಜು಼ ಗಲ್ಲಿಯೇಮ ಅಮ್ಮಸ್ ಕರಾಸ್. ಮೇ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಧನ್ಯವಾದ್ ತದೇಸ್‌ ಮಳಿಗಯು.

ಮತ್ತಾಯ 6:5

“ತುಮೆ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ಖೋಟ್ ದಿಲ್‌ವಳಾನಿಮತ್‌ ನಕೊ ಪ್ರಾರ್ಥನೆ ಕರ್‌; ಅದ್ಮಿಖ್ಹಾರು ದೇಖಾದೆಕರಿ ಇವ್ಣೆ ಸಬೇನು ಮಂದಿರ್‌ಮ ಅಜು಼ ಗಲ್ಲಿಯೇನು ಚೌ಼ಕ್‌ಮ ಭೀರಿನ್‌, ಪ್ರಾರ್ಥನೆ ಕರಾನ ಆಖ್ಹ್‌ಕರಾಸ್‌. ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಇನಾಮ್ ತದ್ದೇಸ್ ಮಳಿಗಯು.

ಮಾರ್ಕ 4:12

ಶನಕತೊ, ‘ಇವ್ಣೆ ಡೋಳೆಖ್ಹು ದೇಖ್ಯುತೋಬಿ ದೆಖಾವ್ಣು ನಾ; ಕಾನ್‍ಥಿ ಖ್ಹಮ್‌ಜುತೋಬಿ ಪರಖ್‌ಣು ನಾ. ಇಮ್‌ ಕಾಯಿತೋಬಿ ದೇಖಿ, ಪರ್ಖಿಲಿದುತೊ, ಇವ್ಣೆ ದೇವ್ ಭಣಿ ಫರಿಜಾ಼ಶೆ, ಅಜು಼ ದೇವ್ ಇವ್ಣುನ ಮಾಪ್‌ ಕರಿನಾಕ್‌ಶೆ ಕರೀಸ್, ಯೋ ಖ್ಹಾರಿ ಖ್ಹಾಚಿ ಲಪಡೈರ‍್ಹೀಸ್’.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:24

ಯೇಸುನೆ ಜವಾಬ್‌ ದಿದೋಕಿ, ನ್ಹಾನ ಬಾಕಲ್‌ ವಾಟೆಕರಿ ಮಹಿ ಜಾ಼ವಾನ ಕೋಶಿಶ್‌ ಕರೊ, ಶನಕತೊ ಘಣು ಅದ್ಮಿ ಮಹಿ ಜಾ಼ವ್ಣುಕರಿ ಕರಸ್, ಕತೋಬಿ ಇವ್ಣೊ ಹಾತ್‌ ಕೋಹುಯುನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:32

ಕತೋಬಿ ತಾರಿ ವಿಶ್ವಾಸ್ ಕಮ್ ನಾ ಹೋಣುಕರಿ, ಮೇ ತಾರಿ ಬಾರೇಮ ದೇವ್ನ ಪ್ರಾರ್ಥನೆ ಕರಿರಾಖ್ಯೊಸ್ ಸೀಮೋನ್. ಅಜು಼ ತೂ ಮಾರಭಣಿ ಫರಾನ ಬಾದ್‌ಮ, ತಾರ ಭೈಯೇನ ಭಾಲಿ ದೇವ್ಣು” ಕರಿ ಬೋಲ್ಯೊ.

ಯೋಹಾನ 1:51

ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್ಕಿ: ಸೊರ್ಗ ನಿಕ್‌ಳೈರ‍್ಹೀಶೆತೆ ಅಜು಼ ಅದ್ಮಿನೊ ಛಿಯ್ಯಾನ ಉಪ್ಪರ್ ಕರಿ ದೇವ್‌ನು ದೂತರ್ ಉತ್ರಿ ಆವಾನು ಅಜು಼ ಜಾ಼ವಾನು ತುಮೆ ದೇಕ್‌ಶು” ಕರಿ ಬೋಲ್ಯೊ.

ಯೋಹಾನ 3:3

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಿ ರಾಜ್ಯಮ ಪಾಛು಼ ಪೈದಾ ನಾ ಹುಯೂತೊ, ದೇವ್‌ನು ರಾಜ಼್‌ನ ದೇಖಾನ ಕೋ ಹುವಾನಿ?” ಕರಿ ಬೋಲ್ಯೊ.

ಯೋಹಾನ 3:5

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಏಕ್‌ ಅದ್ಮಿ ಪಾಣಿಥೀಬಿ, ಆತ್ಮಥಿ ಪೈದಾ ನಾ ಹುಯೂತೊ, ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:27

ಶನಕತೊ, ಆ ಅದ್ಮಿನು ದಿಲ್‌ ಬಂಡೊ ಹುಯಿಗಯು; ಇವ್ಣು ಕಾನ್‌ ರ‍್ಹಯುತೋಬಿ ಕಾನ್‌ಖ್ಹಾರು ಮೂಚಿರಾಖ್ಯುಸ್ ಖ್ಹಾಚು಼ ರ‍್ಹಯುತೋಬಿ ದೇಖಾನ ಮನ್ ಕರಾಕೊಯ್ನಿ, ನತರ್ ಅವ್ಣೆ ಡೋಳೇಥಿ ದೇಖ್ಯುಹೋತ್ತ್‌, ಕಾನ್‍ಥಿ ಖ್ಹಮ್‍ಜ್ಯುಹೋತ್, ಮನ್‍ಲಗಾಡಿನ್ ಮಾಲುಮ್‌ ಕರ‍್ಯುಹೊತ್, ಮಾರಭಣಿ ಫರಿಗಯುಹೊತ್; ಮಾರೇಥಿ ಅಛ್ಛು಼ ಹುಯಿಗುಹೊತ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

1 ಕೊರಿಂಥ 14:20

ಭೇನೆ ಭೈಯೇವೊ ಲಡ್ಕವ್ನಿತರ ಸೋಚಾನು ಮ್ಹೇಲಿದೆವೊ. ಖರಾಬ್‌ನಿ ಬಾರೇಮ ಅಡ್ಡಾಣಿನಿತರ ರ‍್ಹಿಯತೋಬಿ, ತುಮಾರಿ ಖ್ಹೂಜ಼್‌ಮ ಸಮಜ್‌ಧಾರ್‌ ಹುಯಿರ‍್ಹೇವೊ.

1 ಪೇತ್ರ 2:2

ನವೇಥಿ ಪೈದಾಹುವಾತೆ ಲಡ್ಕನಿತರ ಛಾ಼ತೆತುಮೆ ಮೋಟ ಹುವಾನಿತರ ವಚನ್‍ಕರಿ ಆತ್ಮೀಕ್‌ದೂದ್ನ ತರ್ಖ್ಹೊ. ಯೊ ಪಿದಾತೊ ರಕ್ಷಣೆ ಲಿಶು.

2 ಪೇತ್ರ 1:11

ಅನೇಥಿ ಅಪ್ಣೊ ಪ್ರಭು ಅಜು಼ ರಕ್ಷಕ್ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಹಮೇಶಾನ ರಾಜ್ಯಮ ಜಾ಼ವಾನಿಮತ್‌, ತುಮುನ ಅರಾಮ್‌ಥಿ ಜಾ಼ವಖ್ಹರ್ಕು ಉಷೆ.