ಮತ್ತಾಯ 17:3 - ದೇವ್ನಿ ಖ್ಹಾಚಿ ವಚನ್

³ ಎತ್ರೇಸ್ ಕಾಹೆತೆ ಮೋಶೇಬಿ, ಎಲೀಯ ಯೇಸುನ ಜೋ಼ಡೆ ವಾತೆ ಬೋಲುಕರಾತೆ ಯೋ ತೀನ್ ಶಿಷ್ಯರ್‌ನೆ ದೇಖ್ಯ.

ಮತ್ತಾಯ 17:3 ပူးပေါင်းရင်းမြစ်များ

ಮತ್ತಾಯ 17:2

ಹಿಜ್ಜಾ಼ ಇವ್ಣ ಡೋಳಾನ ಖ್ಹಾಮ್ಣೇಸ್, ಯೇಸುನು ರೂಪ್ ಬದ್ಲಿಗಯು: ಇನು ಮ್ಹೋಡು ಚಾ಼ಂದ್‍ನಿಘೋಣಿ ಝ಼ಮ್‌ಕಾಲಗ್ಯು ಅಜು಼ ಇನ ಲುಂಗ್ಡ ಉಜಾ಼ಳಾನಿಘೋಣಿ ಧೋಳುಫಟ್ ಹುಯಿಗಯು.

ಮತ್ತಾಯ 17:4

ತದೆ ಪೇತ್ರನೆ ಯೇಸುನ, “ಪ್ರಭು, ಹಮೆ ಹಜ಼್ಜಸ್ ರ‍್ಹವಾನು ಕೆತ್ರೇಕ್ಕಿ ಅಛ್ಛು಼ ಹುಯಿರ‍್ಹೂಸ್! ತೂ ಬೋಲ್ತೊ ಉಶೇತೊ, ಮೇ ಹಜ್ಜಾ಼ ತೀನ್ ಡೇರಾ ಠೋಕೆಸ್, ಏಕ್‌ ತುನ, ಏಕ್‌ ಮೋಶೇನ ಅಜು಼ ಏಕ್‌ ಎಲೀಯನ” ಕರಿ ಬೋಲ್ಯೊ.

ಮಾರ್ಕ 9:4

ತದೆ ಎಲೀಯಬಿ ಮೋಶೆ ಯೇಸುನ ಜೋ಼ಡೆ ವಾತೆ ಬೋಲುಕರಾನು ಯೋ ತೀನ್ ಶಿಷ್ಯರ್‌ನೆ ದೇಖ್ಯ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:17

ಯೋ ಪ್ರಭುನ ಅಗಾಡಿ ಜೈ಼ನ್, ಪ್ರವಾದಿ ಎಲೀಯನಿಘೋಣಿ ಮಹಿಮೆಮಾಬಿ ಶಕತ್‍ಮಾಬಿ ಭರೈನ್, ಬಾನ ದಿಲ್ನ ಲಡ್ಕಾವ್‌ಭಣಿ ಫರಾವ್‌ಶೆ, ಅಜು಼ ಮೊಂಡಿ ಖ್ಹಾರಾನ ನೀತಿನಿ ವಾಟ್‌ಭಣಿ ಫರಾವ್‌ಶೆ. ಅಮ್‍ ಪ್ರಭುನ ಅಛ಼್ಛ ಅದ್ಮಿನ ತೈಯಾರ್ ಕರ್ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:16

ಮೋಶೇನು ಧರ್ಮಶಾಸ್ತ್ರ ಅಜು಼ ಪ್ರವಾದಿಯೇನೆ ಲೀಖ್ಯೂತೆ ಯೋ ಖ್ಹಾರು ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನತೋಡಿಸ್. ಅನ ಬಾದ್‌ಮ, ದೇವ್ನ ರಾಜ್ಯನಿ ಸುವಾರ್ತೆ ಬೋಲಾವ್‍ಕರಾಸ್. ಅನಾಮ ತಮಾಮ್‌ ಅದ್ಮಿಖ್ಹಾರು ಜು಼ಲಮ್‌ಥಿ ಪೇಖ್ಹ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:27

ಮೋಶೆಥು ಧರೀನ್, ಖ್ಹಾರ ಪ್ರವಾದಿಯೇನು ಅಖ್ಖ ಪವಿತ್ರ ದಪ್ತರ್‌ಮ, ಇವ್ಣಿ ಬಾರೇಮ ಲೀಖೈರ‍್ಹೂತೆ ಖ್ಹಾರನ ಇವ್ಣುನ ಬೋಲಿವತಾಳ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44

ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:33

ಮೋಶೆ ಅಜು಼ ಎಲೀಯ ಯೇಸುನ ಮ್ಹೆಂದಿನ್, ಜಾ಼ವಾನಿ ವಖ್ಹತ್‌ಮ, ಪೇತ್ರನೆ ಯೇಸುನ, “ಗುರು, ಹಮೆ ಹಜ಼್ಜಸ್ ರ‍್ಹವಾನು ಕೆತ್ರೇಕ್ಕಿ ಅಛ್ಛು಼! ಹಮೆ ಹಜ಼್ಜಾ ತೀನ್ ಡೇರಾ ಠೋಕೆಸ್, ಏಕ್‌ ತುನ , ಏಕ್‌ ಮೋಶೇನ ಅಜು಼ ಏಕ್‌ ಎಲೀಯನ ” ಕರಿ ಬೋಲ್ಯೊ. ಪೇತ್ರನ, ಯೋ ಶಾತ್ ಬೋಲುಕರಾಸ್‌ ಕರಿ ಇನಾಸ್ ಮಾಲುಮ್ ಕೋ ಥೂನಿ.

ಯೋಹಾನ 1:17

ಧರ್ಮಶಾಸ್ತ್ರ ಮೋಶೆಥಿ ದೇವೈರ‍್ಹುಸ್ ಕತೋಬಿ ವಾರ್‌ಖ್ಹೊಬಿ ಖ್ಹಾಚ಼ಬಿ ಕ್ರಿಸ್ತಥಿ ಆಯುತೆ.