ಮತ್ತಾಯ 17:18 - ದೇವ್ನಿ ಖ್ಹಾಚಿ ವಚನ್

¹⁸ ಯೇಸುನೆ ಯೋ ಛೋ಼ಕ್ರಮ ಥೂತೆ ಭೂತ್‌ನ ಗುರ್‌ಕಾವಖ್ಹತರ್, ಯೋ ಭೂತ್ ಇನ ಮ್ಹೆಂದಿನ್ ನಿಕ್ಳಿಗಯು. ಯೋಸ್ ವಖ್ಹತ್‌ಮ ಇನ ಅಛ್ಛು಼ ಹುಯಿಗಯು.

ಮತ್ತಾಯ 17:18 ပူးပေါင်းရင်းမြစ်များ

ಮತ್ತಾಯ 12:22

ಭೂತ್‌ ಧರಿರಾಖ್ಯುಥೂತೆ ಇನಖ್ಹಾಜೇಥಿ ಕಾಣು ಅಜು಼ ಮುಕ್ಕು ಹುಯಿರ‍್ಹುಥೂತೆ ಏಕ್‌ ಜ಼ಣಾನ ಯೇಸುಕನ ಲಾಯು. ಇನೆ ಇನ ಅಛ್ಛು಼ ಕರ್ತಾನ, ಇನ ಡೋಳಾ ಅಜು಼ ವಾತೆ ಆಯು.

ಮತ್ತಾಯ 15:28

ತದೆ ಯೇಸುನೆ ಇನ, “ಬಾಯಿ, ತಾರಿ ವಿಶ್ವಾಸ್ ಘಣಿ ಮೋಟಿ! ತಾರ ಮನ್‌ಮ ಛಾ಼ತೆ ಇಮ್ಮಸ್ ತುನ ಹುವಾದೆ” ಕರಿ ಜವಾಬ್‌ ದಿದೊ. ಯೋಸ್ ವಖ್ಹತ್‌ಮ ಇನಿ ಛೋ಼ರಿನ ಅಛ಼್ಛುಹುಯು.

ಮತ್ತಾಯ 17:17

ಯೇಸುನೆ, “ಏ, ವಿಶ್ವಾಸ್‌ಕೊಂತೆ ಬುಧ್ಧು ಖಾಂದಾನ್‌ವಾಳ! ಬಿಜು಼ ಕೆತ್ರ ದನ್ ಮೇ ತುಮಾರ ಜೋ಼ಡೆ ರ‍್ಹೇಣು? ಬಿಜು಼ ಕೆತ್ರ ದನ್ ತುಮೂನ ಖ್ಹಮಾಳ್‌ಣು? ಯೋ ಛೋ಼ಕ್ರಾನ ಹಜ್ಜಾ಼ ಮಾರಕನ ಬುಲೈಲಿ ಆವೊ!” ಕರಿ ಬೋಲ್ಯೊ.

ಮತ್ತಾಯ 17:19

ಅನಕೇಡೆಥು ಯೇಸು ಎಕ್ಲೋಸ್ ರ‍್ಹವಾನಿ ವಖ್ಹತ್‌ಮ, ಇನ ಶಿಷ್ಯರ್‌ ಇನಾಕನ ಆಯಿನ್, “ಯೋ ಭೂತ್‌ನ ಕಾಡಾನ ಹಮಾರೇಥಿ ಶನ ಕೋ ಹುಯೂನಿತೆ?” ಕರಿ ಪುಛಾ಼ಯ.

ಮತ್ತಾಯ 9:22

ತದೆ ಯೇಸುನೆ ಫರೀನ್, ಇನಾಭಣಿ ದೇಖಿನ್‌, “ಛೋ಼ರಿ ಧಿಲ್‌ಪತ್‌ಥಿ ರ‍್ಹೇ! ತಾರಿ ವಿಶ್ವಾಸ್‌ಥೀಸ್‌ ತುನ ಅಛ಼್ಛುಹುಯು” ಕರಿ ಬೋಲ್ಯೊ. ಯೋಸ್‌ ವಖ್ಹತ್‌ಮ ಯೋ ತಯೇಡಾನ ಗುಣ್‌ಹುಯು.

ಮಾರ್ಕ 1:34

ತದೆ ಯೇಸು ಖ್ಹಾರಿ ತರ‍್ಹಾನು ರೋಗ್‍ವಾಳ ಘಣ ಅದ್ಮಿನ ಅಛ್ಛು಼ ಕರ‍್ಯೊ. ಅಜು಼ ಘಣು ಭೂತ್ ಖ್ಹಾರು ಕಾಡ್ಯೊ, ಯೋ ಭೂತ್ ಖ್ಹಾರಾನ ಯೇಸು ಕೋಣ್‌ಕರಿ ಮಾಲುಮ್ ಥು, ಇನಾಖ್ಹಾಜೆ ಯೋ ಭೂತ್ ಖ್ಹಾರಾನ ವಾತ್ ಬೋಲಾದಿದೊಕೊಯ್ನಿ.

ಮಾರ್ಕ 5:8

ಶನಕತೊ, “ಏ ಭೂತ್‌, ಅನ ಮ್ಹೆಂದಿನ್ ಭಾರ್‌ ನಿಕಳ್” ಕರಿ ಯೇಸುನೆ ಅಗಾಡಿಸ್ ಬೋಲಿರಾಖ್ಯೊಥೊ, ಇನಾಖ್ಹಾಜೆ ಇನೆ ಇಮ್‌ ಬೋಲ್ಯುತೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:41

ಭೂತ್‌ಖ್ಹಾರು ಜಿನುಕು, “ತೂ ದೇವ್‌ನೊ ಛಿಯ್ಯೊ” ಕರಿ ಬಳೆಳ್ಹಾಟ್ ಮ್ಹೇಲ್ತುಹುಯಿನ್, ಕೈಯೆಕ್ಕಿ ಅದ್ಮಿನ ಮಹಿತು ನಿಕ್ಳಿಗಯು. ಯೋ ಕ್ರಿಸ್ತ ಕರಿ ಭೂತ್‌ ಖ್ಹಾರಾನ ಮಾಲುಮ್‍ಥೂತೆ ಇನಟೇಕೆ, ಯೇಸುನೆ ಇವ್ಣುನ ವಾತೆ ನಾ ಬೋಲ್‌ನು ಕರಿ ಹುಕುಮ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:29

ಶನಕತೊ, “ಆ ಅದ್ಮಿನ ಮ್ಹೆಂದಿನ್ ಜಾ಼!” ಕರಿ ಯೇಸುನೆ ಯೋ ಭೂತ್‌ನ ಹುಕುಮ್‌ ದಿದೋಥೊ. ಘಣಿ ಹಲ್ಲ ಯೋ ಭೂತ್‌ ಇನ ಧರ್ತುಥು, ಎತ್ರೇಸ್ ಕಾಹೆತೆ ಯೋ ಅದ್ಮಿನ ಕೋಂಡಿಘಾಲಿನ್, ಹಾತ್-ಗೋಡಾನ ಖ್ಹಂಕಳ್‌ಥಿ ಭಾಂದ್ಯುತೋಬಿ, ಯೋ ಖ್ಹಂಕ್‌ಳಿನ ತೋಡಿ ನಾಕ್ತೋಥೊ ಅಜು಼ ಯೋ ಭೂತ್ ಇನ ಉಜ್ಜಾ಼ಡಿ ಝ಼ಗೋಮ ನಖ್ಹಾಡ್‌ತೂಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:42

ಯೋ ಛೋ಼ಕ್ರು ಆವ್‍ಕರಾನಿ ವಖ್ಹತ್‌ಮ, ಯೋ ಭೂತ್‌ ಇನ ಜ಼ಮೀನ್‌ಪರ್ ರಡ್‌ಕೈನ್‌, ಘಣು ಧಡಾಶ ಮರಾಯು. ಕತೋಬಿ ಯೇಸುನೆ ಯೋ ಭೂತ್‌ನ ಗುರ್‌ಕೈನ್, ಯೋ ಛೋ಼ಕ್ರಾನ ಅಛ್ಛು಼ ಕರೀನ್, ಇನ ಬಾನ ಹಾತ್‌ಮ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:18

ಕೈಏಕ್ ದನ್‍ಲಗೂಬಿ ಅಮ್ಮಸ್ ಬೋಲುಕರ್ತಿಥಿ. ಇನಖ್ಹಾಜೆ ಪೌಲ ಬೇಜಾರ್ ಹುಯಿನ್, ಯೊ ತಯೇಡಾಮ ಛಾ಼ತೆ ಖರಾಬ್ಆತ್ಮ, ‘ಮ್ಹೆಂದಿನ್ ನಿಕ್ಳಿಜಾ಼’ ಕರಿ ಯೇಸುಕ್ರಿಸ್ತನ ನಾಮ್‍ಥಿ ಹುಕುಮ್ ದೆವುಸ್ ಕರಿ ಬೋಲ್ಯೊ. ಯೋ ವಖ್ಹತ್‌ಮಾಸ್‌ ಯೋ ಖರಾಬ್ಆತ್ಮ ಇನ ಮ್ಹೇಲಿನ್ ಚ಼ಲಿಗಯು.