ಮತ್ತಾಯ 16:8 - ದೇವ್ನಿ ಖ್ಹಾಚಿ ವಚನ್

⁸ ಯೇಸುನೆ ಇವ್ಣೆ ಬೋಲಿಲೆವ್‍ಕರಾತೆ ಮಾಲುಮ್‌ಕರಿನ್, ಇವ್ಣುನ, “ಕಮ್‍ವಿಶ್ವಾಸ್‍ವಾಳ! ರೋಟಾ ಕೊಯ್ನಿ ಕರಿ ಬೋಲಾನಿ ಬಾರೇಮ ಶನ ವಾತೆ ಬೋಲಿಲೆವ್‍ಕರಾಸ್ತೆ?

ಮತ್ತಾಯ 16:8 ပူးပေါင်းရင်းမြစ်များ

ಮತ್ತಾಯ 14:31

ಯೋಸ್ ವಖ್ಹತ್‌ಮ ಯೇಸು ಹಾತ್‌ ಖ್ಹಾಮ್ಣೆ ಕರೀನ್, ಇನ ಧರೀನ್, “ಏ ಕಮ್‍ವಿಶ್ವಾಸ್‍ವಾಳ! ತೂ ಶನ ಶಕ್ ಕರ‍್ಯೊ?” ಕರಿ ಬೋಲ್ಯೊ.

ಮತ್ತಾಯ 16:7

ತದೆ ಇವ್ಣೆ, “ಅಪ್ಣೆ ರೋಟಾ ಲಾಯಕೊಂತೆ ಇನಖ್ಹಾಜೆ ಅಮ್ ಬೋಲ್ಯೊಕಿ ಶುಕಿ” ಕರಿ ಇವ್ಣ-ಇವ್ಣಾಮ ಬೋಲಿಲಿದು.

ಮತ್ತಾಯ 6:30

ಅಲಾ, ದರ್ರಾಶಿ ವಿಶ್ವಾಸ್‌ವಾಳ, ಹಮ್ಕೆರ‍್ಹೀನ್‌ ಕಾಲ್‌ ಚು಼ಲ್ಹಾಮ ಬಳಿಜಾ಼ವಾನ ಜ಼ಂಗ್‌ಳಿ ಘಾಖ್ಹ್‌ನ ದೇವ್ ಅಮ್ ಪೇರ‍್ಹಾಯೋತೊ, ಅನೇಥಿಬಿ ಜಾ಼ಖ್ಹತ್ ತುಮೂನ ಹೋಡಾವ್‌ಶೆ, ಫೇರಾವ್‌ಶೆ ಕೊಯ್ನಿಕಿಶು?

ಮತ್ತಾಯ 8:26

ಯೇಸುನೆ, “ತುಮೆ ಶನ ಡರೋಸ್ತೆ? ತುಮೂನ ಕಮ್‍ವಿಶ್ವಾಸ್ ಛಾ಼!” ಕರಿ ಬೋಲಿನ್, ಉಠೀನ್‌ ವಹಿರನಾಬಿ, ದರ‍್ಯಾವ್ನ ಗುರ್‌ಕಾಯೊ, ತದೆ ಖ್ಹಾರೂಸ್ ಖ್ಹೊಪೊ ಪಡಿಗಯು.

ಮಾರ್ಕ 16:14

ಬಾದ್‌ಮ ಗ್ಯಾರ‍್ಹ ಜ಼ಣ ಶಿಷ್ಯರ್‌ ಭರೈನ್ ಖಾಣು ಖವ಼್‌ಕರ್ತಥಾತೆ ತದೆ ಯೇಸು ಇವ್ಣುನಾಬಿ ದೆಖಾಯೊ. ಯೋ ಜಿವ್ತೊ ಹುಯಿನ್ ಉಠಾನ ಬಾದ್‌ಮ, ಇನ ದೇಖಾವಾಳನಿ ವಾತೆನ ಇವ್ಣೆ ನಂಬ್ಯುಕೊಂತೆ ಇನಾಖ್ಹಾಜೆ ಯೇಸುನೆ, ಇವ್ಣುನ ವಿಶ್ವಾಸ್‍ಕೊಂತೆ ಅಜು಼ ಇವ್ಣ ಬಂಡಾನ ದಿಲ್‌ನಖ್ಹಾಜೆ ಇವ್ಣುನ ಗುರ್‌ಕಾಯೊ.

ಯೋಹಾನ 16:30

ತುನ ಖ್ಹಾರುಸ್‌ ವಾತೆ ಮಾಲುಮ್‌ ಕರಿ,ಹಮೂನ ಮಾಲುಮ್. ಅಜು಼ ತುನ ಕೋಣ್‌ಬಿ ಪುಛಾ಼ವಾನಿ ಜ಼ರೂರತ್ ಕೊಯ್ನಿ ಅನೇಥಿ ತೂ ದೇವ್‌ಕಂಥೊ ಆಯೊಹುಯೊ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯ.

ಇಬ್ರಿ 4:13

ಇನಿ ನಜ಼ರ‍್ಮ ಓಠೆ ಹುಯಿರ‍್ಹುತೆ ಖಿವಿ ಉಬ್‍ಜಾ಼ವ್ಣಿಬಿ ಕೊಯ್ನಿ. ಇನ ಡೋಳೇಥಿ ಲಪಿಹುಯು ಖಿವೂಬಿ ಕೊಯ್ನಿ. ಇನ ಡೋಳಾಮ ಅಖ್ಖೂಬಿ ಖುಲಮ್‌ಖುಲ್ಲ ಛಾ಼. ಅಜು಼ ಎಥ್ರಾನವಾಳನ ಅಪ್ಣೆ ಗಣ್ತಿ ದೇವ್ಣುಪಡಾಸ್.

ಪ್ರಕಾಶಿತ್ 2:23

ಯೋ ಹುಯಿರೀತೆ ಇನ ಲಡ್ಕಾವ್‍ನ ಮಾರಿನಾಖಿಶ್‌. ತದೆ ಮೆ ಅದ್ಮಿ ಖ್ಹಾರನ ದಿಲ್ನ ಮಹಿ ತರೀಪ್ಷ ಕರಾವಾಳೊ ಕರಿ ಖ್ಹಾರಿ ಸಬೇವ್‌ನ ಮಾಲುಮ್‌ ಪಡ್‌ಶೆ. ತುಮಾರಮ ಹರೇಕ್‌ನಾಬಿ ಇವ್ಣ ಇವ್ಣ ಕಾಮ್ ಕಿಮ್ಕಿ ತಿಮ್ಮಸ್ ಪ್ರತಿಫಲ್ ದಿಶ್.