ಮತ್ತಾಯ 16:6 - ದೇವ್ನಿ ಖ್ಹಾಚಿ ವಚನ್

⁶ ಯೇಸುನೆ ಇವ್ಣುನ, “ಜ಼ತನ್ ರ‍್ಹವೊ! ಫರಿಸಾಯರ್ ಅಜು಼ ಸದ್ದುಕಾಯವಾಳನು ಶೋಡ ನಾಖ್ಯುಹುಯು ಆಟಾನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಬೋಲ್ಯೊ.

ಮತ್ತಾಯ 16:6 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:1

ಎತ್ರಾಸ್‌ಮ ಹಜಾ಼ರೊ ಅದ್ಮಿನಿ ಭೀಡ್ ಉಪ್ರಾಥಾಳಿ ಪಡ್ತುಹುಯಿನ್‍, ಎಕ್ಟು ಹುಯು. ತದೆ ಯೇಸುನೆ ಪಹಿಲೆ ಇನ ಶಿಷ್ಯರ್‌ನ, “ಫರಿಸಾಯನು ಶೋಡನು ಆಟಾನಿ ಬಾರೇಮ ಕತೊ, ಇವ್ಣೆ ಠಗಾವನಿ ಬಾರೇಮ ಜ಼ತನ್‌ಥಿ ರ‍್ಹವೊ,

ಗಲಾತ್ಯ 5:9

ದರಾಖ್ಹು ಶೋಡ ಬಶ್‌ ಪೂರ ಘೂಂದಹುಯ ಆಟನಸ್ ಫುಲೈನಾಖಸ್.

ಮಾರ್ಕ 8:15

ಯೇಸುನೆ ಇವ್ಣುನ, “ಜ಼ತನ್, ಫರಿಸಾಯರ್‌ನುಬಿ ಹೆರೋದನು ಶೋಡ ನಾಖ್ಯುಹುಯು ಆಟಾನಿ ಬಾರೇಮ ಬರೋಬರ್‌ಥಿ ದೇಖಿಲೆವೊ” ಕರಿ ಘಣು ಝೇತೈನ್‌ ಬೋಲ್ಯೊ.

ಮತ್ತಾಯ 16:12

ತದೆ ಇನ ಶಿಷ್ಯರ್‌ನೆ ರೋಟಾಮ ನಾಖಾತೆ ಶೋಡಾನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಕಾಹೆ ಯೇಸುನೆ ಅಪ್ಣುನ ಬೋಲ್ಯೊತೆ, ಫರಿಸಾಯರ್ ಅಜು಼ ಸದ್ದುಕಾಯವಾಳು ಬೋಲಿ ಶಿಕಾಡಸ್ತೆ ಇನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಇನೆ ಬೋಲ್ಯೊತೆ ಕರಿ ಇವ್ಣೆ ಮಾಲುಮ್ ಕರಿಲಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:15

ಅಜು಼ ಹಿಜ಼್ಜಾಥೂತೆ ಖ್ಹಾರುಸ್‌ ಅದ್ಮಿನ, “ಜ಼ತನ್‌ಥಿ ರ‍್ಹವೊ ಅಜು಼ ಹರೇಕ್ ತರ‍್ಹಾನು ಲಾಲಚ್‌ಥಿ ದೂರ್ ರ‍್ಹವಾನಿಮತ್ ತುಮಾರು ತುಮೆ ಬರಾಬರ್‌ಥಿ ದೇಖಿಲೆವೊ. ಶನಕತೊ ಏಕ್‌ ಜ಼ಣಾನ ಕೆತ್ರು ಧನ್‌-ದೌಲತ್ ರ‍್ಹಯುತೋಬಿ, ಯೋ ದೌಲತ್‌ ಇನ ಜಾನ್ನ ಆಧಾರ್ ಕೋ ಹುವಾನಿ.

ಮತ್ತಾಯ 3:7

ಕತೋಬಿ ಫರಿಸಾಯರ್‌ವಾಳಮ ಅಜು಼ ಸದ್ದುಕಾಯವಾಳಮ ಕೈಯೆಕ್ಕಿ ಜ಼ಣು ಇನಾಕನ ಬ್ಯಾಪ್ತಿಸ್ಮ ಕರೈಲೆವಾನ ಆವ್‍ಕರಾತೆ ದೇಖಿನ್‌, ಯೋಹಾನನೆ ಇವ್ಣುನ, “ಅಲಾ ಖ್ಹಾಪ್‌ನಿ ಪಿಳ್ಗಿವಾಳವೊ! ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದೇಥಿ ತುಮೆ ಬಚಿಜಾ಼ಶು ಕರಿ, ತುಮೂನ ಬೋಲ್ಯುತೆ ಕೋಣ್?

ಮತ್ತಾಯ 16:1

ಫರಿಸಾಯರ್ ಅಜು಼ ಸದ್ದುಕಾಯವಾಳು ಯೇಸುನ ಖ್ಹಪ್‌ಡಾವ್ಣು ಕರಿ ಇನಾಕನ ಐನ್, ತೂ ಆಬ್‍ಥೊ ಆಯೊಹುಯೊ ಕರಿ ವತಾಳನಖ್ಹಾಜೆ ಹಮೂನ ಏಕ್‌ ಅದ್ಭುತ್ ಕರಿನ್ ವತಾಳ್ ಕರಿ ಬೋಲ್ಯು.

ಮತ್ತಾಯ 16:5

ಯೇಸು ಅಜು಼ ಇನ ಶಿಷ್ಯರ್‌ ದರ‍್ಯಾವ್‍ನಿ ಪಾರ್ಲಿ ಬಾಜೂ಼ಮ ಗಯ, ತದೆ ಶಿಷ್ಯರ್‌ನೆ ರೋಟ ಪಳ್ಳಿಜಾ಼ವಾನು ಭೈಕಿಗಯಾಥಾ.

ಮತ್ತಾಯ 16:7

ತದೆ ಇವ್ಣೆ, “ಅಪ್ಣೆ ರೋಟಾ ಲಾಯಕೊಂತೆ ಇನಖ್ಹಾಜೆ ಅಮ್ ಬೋಲ್ಯೊಕಿ ಶುಕಿ” ಕರಿ ಇವ್ಣ-ಇವ್ಣಾಮ ಬೋಲಿಲಿದು.

ಮತ್ತಾಯ 16:11

ಮೇ ರೋಟಾನಿ ಬಾರೇಮ ವಾತೆ ಬೋಲ್ಯೋತೆ ಕಾಹೆ ಕರಿ ತುಮೂನ ಮಾಲುಮ್ ಪಡ್ಯುಕೊಯ್ನಿತೆ ಕಿಮ್? ಜ಼ತನ್! ಫರಿಸಾಯರ್ ಅಜು಼ ಸದ್ದುಕಾಯವಾಳನು ಶೋಡಾ ಪಡ್ಯುಹುಯು ಆಟಾನಿ ಬಾರೇಮ ಹೊಷಾರ್‌ಥಿ ರ‍್ಹವೊ” ಕರಿ ಬೋಲ್ಯೊ.

ಯೋಹಾನ 4:33

ತದೆ ಶಿಷ್ಯರ್‌, “ಕೋಣ್‌ತೋಬಿ ಇನ ಪಹಿಲೇಸ್ ಖಾಣು ಲೈನ್‌ ದಿದುಕಿ ಶುಕಿ?” ಕರಿ ಇವ್ಣ-ಇವ್ಣಾಸ್‍ಮ ಪುಛಾ಼ವಲಗ್ಯಾ.