ಮತ್ತಾಯ 15:9 - ದೇವ್ನಿ ಖ್ಹಾಚಿ ವಚನ್

⁹ ಅದ್ಮಿನ ಖ್ಹೂಜ಼್‌ನಿತರ ಶಿಕಾಡ್ತು ಆಯೂತೆ ಇನಾಸ್ ದೇವ್ನಿ ಹುಕುಮ್‌ನಿಘೋಣಿ ಬೋಲಿಶಿಕಾಡವಾಳ ಅವ್ಣೆ ಮನ ಆರಾದನೆ ಕರಾನು ಕಾಮ್ನಕೊಯ್ನಿ.

ಮತ್ತಾಯ 15:9 ပူးပေါင်းရင်းမြစ်များ

ಮತ್ತಾಯ 15:10

ಅನಕೇಡೆಥು ಯೇಸುನೆ ಅದ್ಮಿನಿ ಝೂಂಡ್‌ನ ಖನ್ನೆ ಬುಲೈನ್ ಇವ್ಣುನ, ಕಾನ್‌ ದೀನ್, “ಖ್ಹಮ್‌ಜೊ಼, ಅಜು಼ ಮಾಲುಮ್‌ ಕರಿಲೆವೊ!

ಮಾರ್ಕ 7:7

ಅದ್ಮಿನ ಖ್ಹೂಜ಼್‌ನಿತರ ಶಿಕಾಡ್ತು ಆಯೂತೆ ಇನಾಸ್ ದೇವ್ನಿ ಹುಕುಮ್‌ನಿಘೋಣಿ! ಬೋಲಿಶಿಕಾಡವಾಳ ಅವ್ಣೆ ಮಾರ ಖ್ಹಾಮೆ ಆರಾದನೆ ಕರಾನು ಕಾಮ್ನಕೊಯ್ನಿ’ ಕರಿ ಯೋ ವಾತೆ ಹುಯಿರ‍್ಹೀಸ್!

1 ಕೊರಿಂಥ 15:2

ಮೇ ಬೋಲ್ಯೊತೆ ಆ ಸುವಾರ್ತೆನ ತುಮೆ ಘಟ್‍ಥಿ ಧರಿಲಿದಾತೊ ತುಮೂನ ರಕ್ಷಣೆ ಉಷೆ. ನತರ್‌ತೊ ತುಮಾರಿ ವಿಶ್ವಾಸ್ ಬೇಕಾರ್ ಹುಯಿಜಾ಼ಶೆ.

1 ತಿಮೊ 1:4

ಕೊಂತೆ ಖೇಣಿನಾಬಿ, ಅಜು಼ ಆಗೆಪೀಛೆಕೊಂತೆ ಖಾನ್‌ದಾನೇನಿ ಬಾರೇಮಬಿ ಬೋಲಾನು ಮ್ಹೆಲಿದೇವೊ. ಯೋ ಹುವಾನುಕೊಂತೆ ವಾದ ವಿವಾದ್ನ ಉಠಾಡುಕರಸ್‌ ಪಣ್ಕಿ ಅಪ್ಣೆ ದೇವ್ನಿ ಖ್ಹೂಜ಼್‌ನಿತರ ಕರುಕರ‍್ಯೆಕೊಯ್ನಿ. ಯೋ ವಿಶ್ವಾಸ್‍ಥಿ ಖಲಿ ಹುವಾನು ಹುಯಿರ‍್ಹುಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:14

ಅಜು಼ ಯೆಹೂದ್ಯರ್‌ನ ಕೊಂತೆಖೇಣೀಥಿ, ಅಜು಼ ಖ್ಹಾಚಿನ ಮಾನಿಲೆಯಿಕೊಂತೆ ಅದ್ಮಿ ಖ್ಹಾರಾನಿ ಹುಕುಮ್‌ ಭಣಿ ಧ್ಯಾನ್ ನಕೊ ದೀಶ್.

ಇಬ್ರಿ 13:9

ಹರೇಕ್ ಥರಾನು ಅಲಕ್ ಅಲಕ್ ಜ಼ಣಾನಿ ವಾತ್ಮ ಖ್ಹಪ್‌ಡಿನಾಜಾ಼ವ್ಣುತೆ ಬರಬರ‍್ನಿ ವಾಟ್ಮಚಾ಼ಲೊ. ಶನಕತೊ ದೇವ್ನಿ ವಾರ್‌ಖ್ಹೇಥಿ ದಿಲ್ನ ಘಟ್ ಕರಿಲ್ಯಾವನು ಅಛ್ಛು಼. ಖಾಣಾನಿ ಜಿನಖ್ಹ್‌ನಿ ಬಾರೇನು ನಿಯಮ್‌ಖ್ಹಾರು ಪಾಡಿ ಚಾ಼ಲವಾಳಥಿ ಶನು ಫಾಯಿದೊಬಿ ಕೊಹುವಾನಿ.

ಯಾಕೋಬ 2:20

ಅಲಾ ಬಿಣ್‍ಅಕ್ಲಿ! ಕಾಮ್‍ಕೊಂತೆ ವಿಶ್ವಾಸ್ ಫಾಯಿದೊಕೊಂತೆ ಕರಿ ತುನ ವತಾಳ್‍ನುಕಿ ಶು?

ಪ್ರಕಾಶಿತ್ 22:18

ಆ ಪುಸ್ತಕ್‌ಮ ಲೀಖೈರ‍್ಹೂತೆ ಪ್ರವಾದನೆನು ವಚನ್‌ಖ್ಹಾರು ಖ್ಹಮ್‌ಜಾ಼ತೆ ಹರೇಕ್ ಜ಼ಣಾನಾಬಿ ಮೇ ಬೋಲಾನಿ ಸಾಕ್ಷಿ ಶಾತ್‌ಕತೊ, “ಕೋಣ್‌ತೋಬಿ ಅನಾಮ ಶಾತ್ತೋಬಿ ಮಳಾಯೊತೊ, ದೇವ್ ಇವ್ಣಪರ್ ಆ ಪುಸ್ತಕ್‌ಮ ಲೀಖೈರ‍್ಹುತೆ ಖ್ಹತಾಪ್ಣಿಖ್ಹಾರು ಆವಾನಿತರ ಕರ್ಶೆ.