ಮತ್ತಾಯ 14:3 - ದೇವ್ನಿ ಖ್ಹಾಚಿ ವಚನ್

³ ಹೆರೋದನೆ ಹೆರೋದ್ಯನಖ್ಹಾಜೆ ಯೋಹಾನ್ನ ಧರೈನ್, ಭಂದೈನ್, ಜೇಲ್‌ಮ ಕೋಂಡಿ ಘಲಾಯೋಥೊ. ಆ ಹೆರೋದ್ಯ ಹೆರೋದನೊ ಮೋಟೊ ಭೈ ಫಿಲಿಪ್ಫನಿ ಬಾವಣ್‍ ಹುಯಿರ‍್ಹೀಥಿ.

ಮತ್ತಾಯ 14:3 ပူးပေါင်းရင်းမြစ်များ

ಮತ್ತಾಯ 11:2

ಬ್ಯಾಪ್ತಿಸ್ಮ ದೆವಾಳೊ ಯೋಹಾನನೆ, ಕ್ರಿಸ್ತ ಕರುಕರ್ತೊಥೋತೆ ಕಾಮ್ ಖ್ಹಾರಾನಿ ಬಾರೇಮ ಜೇಲ್‌ಮ ಖ್ಹಮ್‌ಜಿನ್‌, ಇನ ಶಿಷ್ಯರ್‌ಮ ಥೋಡ ಜ಼ಣಾನ ಇನಾಕನ ಮೋಕ್‌ಲ್ಯೊ.

ಮತ್ತಾಯ 14:6

ಹೆರೋದನೊ ಪೈದಾಖ್ಹ್‌ನೊ ದನ್ಮ, ಹೆರೋದ್ಯನಿ ಛೋ಼ರಿ ಹೆರೋದ ಅಜು಼ ಇನ ಮೆಹೆಮಾನ್ನ ಖ್ಹಾಮ್ಣೆ ನಾಚಿನ್ ವತಾಳಿ. ಅನೇಥಿ ಹೆರೋದನ ಘಣು ಖ್ಹುಶಿ ಹುಯು.

ಮತ್ತಾಯ 4:12

ಯೋಹಾನನ ಜೇಲ್‌ಮ ಕೋಂಡಿನ್‌ ಘಾಲಿದಿದು ಕರಿ ಯೇಸುನೆ ಖ್ಹಮ್‌ಜಿನ್‌, ಯೋ ಝ಼ಗೋನ ಮ್ಹೆಂದಿನ್, ಗಲಿಲಾಯ ತಬರ್‌ಖಾನ ಚ಼ಲೆಗಯೊ.

ಮಾರ್ಕ 6:14

ಅಜು಼ ಹೆರೋದ ರಾಜಾ಼ನೆ ಯೇಸುನಿ ಬಾರೇಮ ಖ್ಹಮ್‌ಜೊ಼, ಶನಕತೊ ಯೇಸುನು ನಾಮ್ ಖ್ಹಾರಿ ಬಾಜು಼ಮ ಫೈಲಿಗಯುಥು. ಥೋಡು ಅದ್ಮಿ ಯೇಸುನಿ ಬಾರೇಮ, “ಬ್ಯಾಪ್ತಿಸ್ಮದ್ಯವಾಳೊ ಯೋಹಾನಸ್‌ ಪಾಛೊ಼ ಜಿವ್ತೊಹುಯಿನ್ ಐರ‍್ಹೋಸ್! ಇನಖ್ಹಾಜೇಸ್ ಮೋಟು ಅದ್ಭುತ್ ಕರಾನು ಶಕತ್ ಯೇಸುಮ ಛಾ಼ತೆ” ಕರಿ ಬೋಲ್ತುಥು.

ಮಾರ್ಕ 6:17

ಹೆರೋದನೆ, ಇನೆ ರಾಖಿರಾಖ್ಯೊಥೋತೆ ಹೆರೋದ್ಯನಖ್ಹಾಜೆ ಯೋಹಾನ್ನ ಧರೈನ್, ಇನ ಜೇಲ್‌ಮ ಕೋಂಡಿ ಘಲೈರಾಖ್ಯೊಥೊ. ಯೋ ಹೆರೋದ್ಯ ಹೆರೋದನೊ ಭೈ ಫಿಲಿಪ್ಫನಿ ಬಾವಣ್‍.

ಮಾರ್ಕ 6:19

ಅನಖ್ಹಾಜೆ ಹೆರೋದ್ಯಬಿ ಯೋಹಾನಪರ್ ದಾವೊ ರಾಖಿನ್, ಇನ ಮರೈನಾಕ್ಣು ಕರಿ ಕೆತ್ರು ಕರಿತೋಬಿ ಇನೊ ಹಾತ್‌ ಕೋ ಹುಯುನಿ.

ಮಾರ್ಕ 6:22

ತದೆ ಹೆರೋದ್ಯನಿ ಛೋ಼ರಿ ಮಹಿ ಅಯಿನ್ ಖೇಲಿನ್, ಹೆರೋದನಾಬಿ ಇನ ಜೋ಼ಡ್ಮ ಖಾಣನ ಬೆಠುಥೂತೆ ಖ್ಹಾರಾವ್‌ನ ಖ್ಹುಶಿಕರಿ. ತದೆ ರಾಜಾ಼ನೆ ಯೋ ಛೋ಼ಕ್ರಿನ, “ತುನ ಶಾತ್‌ ಹೋಣು ಬೋಲ್?‌ ತುನ ಶಾತ್ ಹೋಣುಕತೋಬಿ ದೆವುಸ್” ಕರಿ ಬೋಲ್ಯೊ.

ಮಾರ್ಕ 8:15

ಯೇಸುನೆ ಇವ್ಣುನ, “ಜ಼ತನ್, ಫರಿಸಾಯರ್‌ನುಬಿ ಹೆರೋದನು ಶೋಡ ನಾಖ್ಯುಹುಯು ಆಟಾನಿ ಬಾರೇಮ ಬರೋಬರ್‌ಥಿ ದೇಖಿಲೆವೊ” ಕರಿ ಘಣು ಝೇತೈನ್‌ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:1

ಯೋಸ್ ವಖ್ಹತ್‌ಮ, ಹಿಜ್ಜಾ಼ ಥೂತೆ ಥೋಡು ಜ಼ಣು, ಪಿಲಾತನೆ ಗಲಿಲಾಯವಾಳನು ಲ್ಹೋಯಿನ, ಇವ್ಣೆ ದೇವ್ನ ಬಲಿದಿದೂತೆ ಲ್ಹೋಯಿನ ಜೋ಼ಡೆ ಮಳಾಯೋತೆ ಬಾರೇಮ ಯೇಸುನ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:31

ಯೋಸ್ ವಖ್ಹತ್‌ಮ ಥೋಡು ಜ಼ಣು ಫರಿಸಾಯರ್ ಯೇಸುಕನ ಐನ್, ತೂ ಹಜ್ಜಾಥೊ ಚ಼ಲ್ಯೊಜಾ಼! ಹೆರೋದ ತುನ ಮಾರಿನಾಕ್ಣು ಕರಿ ಛಾ಼” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:11

ಹೆರೋದ ಅಜು಼ ಇನು ಸಿಪಾಯಿಖ್ಹಾರು ಯೇಸುನಿ ಛಿಂಘಾವ್ಣಿ ಕರೀನ್, ನಕ್ಲೆ ಕಾಡ್ಯು. ಅಜು಼ ಘಣು ಅಛ್ಛು಼ ಝ಼ಗ್ಗಾನ ಫೇರೈನ್, ಪಾಛು಼ ಪಿಲಾತಕನ ಮೋಕ್ಲಿದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:7

ಯೇಸು ಹೆರೋದ ಅದಿಕಾರ್ ಚ಼ಲಾವ್‍ಕರಾಸ್ತೆ ಗಾಮ್‌ವಾಳೊ, ಕರಿ ಪಿಲಾತನ ಮಾಲುಮ್ ಪಡ್‌ತಾನ, ಯೇಸುನ ಹೆರೋದಕನ ಮೋಕ್‌ಲ್ಯೊ, ಯೋ ದನ್ಮ ಹೆರೋದ ಯೆರೂಸಲೇಮ್ಮಾಸ್ ಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:1

ತಿಬೇರಿಯಸ್ ಕೈಸರ್ ಅದಿಕಾರ್ ಚ಼ಲಾವ್‍ ಕರ್ತೊಥೋತೆ ಪಂಧ್ರಾನೆ ವರಖ್ಹ್‌ಮ, ಪೊಂತ್ಯ ಪಿಲಾತ ಯೂದಾಯ ತಬರ್‌ಖಾನೊ ರಾಜ್ಯಪಾಲ್ ಹುಯಿರ‍್ಹೋಥೊ, ಹೆರೋದ ಗಲಿಲಾಯ ತಬರ್‌ಖಾನ ಚ಼ಲಾವವಾಳೊ ಹುಯಿರೋಥೊ ಅಜು಼ ಇನೊ ನ್ಹಾನೊ ಭೈ ಫಿಲಿಪ್ಪ ಇತುರಾಯ ಅಜು಼ ತ್ರಕೋನಿತಿ ಕರಿ ಮುಲಕ್ನ ಚ಼ಲಾವ್‍ಕರ್ತೋಥೊ. ಲೂಸನ್ಯ ಅಬಿಲೇನೆ ಮುಲಕ್ನ ಚ಼ಲಾವ್‍ಕರ್ತೊಥೋತೆ ವಖ್ಹತ್‌ಮ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:3

ಹೆರೋದನು ಘರ್‌ಭಾರ್‌ನು ಇಶಾಬ್ ದೆವಾಳೊ ಹುಯಿರ‍್ಹೊಥೋತೆ ಕೂಜನಿ ಬಾಯ್ಕೊ ಯೋಹಾನ್ನ, ಸುಸನ್ನ ಅಜು಼ ಕೈಯೆಕ್ಕಿ ಬಿಜಿ ತಯೇಡಾಬಿ ಥಿ. ಅವ್ಣೆ ಇವ್ಣು ಶೊಂತ್ ಪೈಶಾಥಿ ಯೇಸುನಿ ಅಜು಼ ಇನ ಶಿಷ್ಯರ್‌ನಿ ಚಾ಼ಕ್ರಿ ಕರ್ತಿಥಿಯೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:1

ಯೋ ವೇಳ್ಮ ರಾಜ಼ ಹುಯಿರೊಥೋತೆ ಹೆರೋದನೆ ಸಬೆವಾಳಾಮ ಥೋಡಜ಼ಣಾನ ಖ್ಹತಾಪ್ಣಿ ದ್ಯಾವಲಗ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:27

ಯೋ ವಾಥ್ಥಿಸ್ ಹೆರೋದಬಿ ಪೊಂತ್ಯ ಪಿಲಾತಬಿ, ತೂ ಅಬಿಷೇಕ್ ಕರ‍್ಯೊತೆ ತಾರೊ ಪವಿತ್ರ ಸೇವಕ್ ಹುಯಿರೋತೆ ಯೇಸುನ ವಿರೋದ್ ಯೆಹೂದ್ಯರ್‌ಕಾಹೆತೆ ಖ್ಹಾರು ಅಜು಼ ಇಸ್ರಾಯೇಲ್‌ನು ಅದ್ಮಿಖ್ಹಾರು ಒಟ್‍ ಹುಯಿನ್ ಭರೈರ‍್ಹೂಥು.