ಮತ್ತಾಯ 13:52 - ದೇವ್ನಿ ಖ್ಹಾಚಿ ವಚನ್

⁵² ತದೆ ಯೇಸುನೆ ಇನ ಶಿಷ್ಯರ್‌ನ, “ಅಮ್‌ಕತೊ, ಸೊರ್ಗ ರಾಜ್ಯನು ಶಿಷ್ಯರ್‌ ಬಣ್ಯೂತೆ ಹರೇಕ್ ಮೋಶೆನಿ ವಚನ್‍ ಶಿಕಾಡವಾಳು ಶಾಸ್ತ್ರಿಯೆ, ಘರ್‌ನೊ ಯಜಮಾನ್ನಿಘೋಣಿ ಹುಯಿರ‍್ಹೂಸ್, ಯೋ ಯಜಮಾನ್ ಇನ ಘರ್‌ನಿ ಕಣ್ಗಿಮ ಜ಼ಮ ಕರಿರಾಖ್ಯೋತೆ ನವು ಅಜು಼ ಜೂ಼ನ ರಾಛಾ಼ನಖ್ಹಾರು ಭಾರ್‌ ಕಾಡಸ್‌” ಕರಿ ಬೋಲ್ಯೊ.

ಮತ್ತಾಯ 13:52 ပူးပေါင်းရင်းမြစ်များ

ಮತ್ತಾಯ 12:35

ಏಕ್‌ ಅಛ್ಛು಼ ಅದ್ಮಿ ಇನಿ ಕಣ್ಗಿಮಾಥು ಅಛ಼್ಛು ರಾಛ಼ವ್‍ನ ಭಾರ್ ಕಾಡಸ್‌; ಏಕ್‌ ಖರಾಬ್ ಅದ್ಮಿ ಇನು ಖರಾಬ್ ಕಣ್ಗಿಮಾಥು ಖರಾಬ್ ರಾಛ಼ವ್‍ನ ಭಾರ್‌ಕಾಡಸ್‌.

ಮತ್ತಾಯ 13:51

ಯೇಸುನೆ ಇನ ಶಿಷ್ಯರ್‌ನ, “ಆ ಖ್ಹಾರಿ ವಾತೆನಿ ಮತ್‌ಲಬ್ ತುಮೂನ ಮಾಲುಮ್‌ಪಡ್ಯುಕಿ ಶು?” ಕರಿ ಪುಛಾ಼ಯೊ. ಇವ್ಣೆ, “ಓಹೊ” ಕರಿ ಜವಾಬ್‌ ದಿದಾ.

ಮತ್ತಾಯ 13:53

ಯೇಸು ಆ ಮತ್ಲಬ್‌ನಿ ಖೇಣಿಯೇನ ಬೋಲಾನ ಬಾದ್‌ಮ, ಹಿಜ್ಜಾ಼ಥೊ ನಿಕ್ಳಿನ್,

ಮತ್ತಾಯ 23:34

ಇನಖ್ಹಾಜೇಸ್ ಮೇ ಬೋಲುಸ್ಕಿ, ಮೇ ತುಮಾರಕನ ಪ್ರವಾದಿಯೇನಾಬಿ, ಗ್ಯಾನಿ ಅದ್ಮಿಖ್ಹಾರಾನಾಬಿ ಅಜು಼ ಬೋದಕರ್‌ ಖ್ಹಾರಾನ ಮೋಕ್ಲೀಶ್; ತುಮೆ ಇವ್ಣಾಮ ಥೋಡಾನ ಮಾರಿನಾಕ್‌ಶು, ಅಜು಼ ಥೋಡಾನ ಶಿಲ್‌ಬೇಪರ್ ನಾಕ್‌ಶು ಅಜು಼ ಬಿಜು಼ ಥೋಡಾನ ತುಮಾರಿ ಸಬೆ ಭರಾವಾನು ಮಂದಿರ್‌ಮ ಖ್ಹಾರು ಕೊಳ್ಡೇಥಿ ಮಾರಿನ್ ಗಾಮ್‌ಥು-ಗಾಮ್‍ ನಖ್ಹಾಡಿಲಿಜಾ಼ಶು.

ಮತ್ತಾಯ 28:19

ಇನಖ್ಹಾಜೆ ತುಮೆ ಜೈ಼ನ್, ಖ್ಹಾರ ದೇಖ್ಹ್‌ಮ ಛಾ಼ತೆ ಅಲಕ್ ಅಲಕ್ ವಾತೆ ಬೋಲಾವಳು ಅದ್ಮಿ ಖ್ಹಾರಾನ ಮಾರ ಶಿಷ್ಯರ್‌ ಬಣಾವೊ: ಇವ್ಣುನ ಬಾ, ಛಿಯ್ಯೊ ಅಜು಼ ಪವಿತ್ರಾತ್ಮನ ನಾಮ್‌ಪರ್‌ ಬ್ಯಾಪ್ತಿಸ್ಮ ದೆವೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:49

ಅನಖ್ಹಾಜೆಸ್ ದೇವ್ನಿ ಗ್ಯಾನ್ ಬೋಲಸ್ಕಿ, “ಮೇ ಇವ್ಣಾಕನ ಪ್ರವಾದಿಯೇನಾಬಿ, ಅಪೊಸ್ತಲರ್‌ನಾಬಿ ಮೋಕ್ಲೀಶ್, ಇವ್ಣಾಮ ಥೋಡ ಜ಼ಣಾನ ಮಾರಿನಾಕ್‌ಶೆ ಅಜು಼ ಥೋಡ ಜ಼ಣಾನ ಖ್ಹತಾವ್‌ಶೆ.

ಯೋಹಾನ 13:34

ಹಮ್ಕೆ ಮೇ ತುಮೂನ ಏಕ್‌ ನವಿ ಹುಕುಮ್‌ ದೆವುಸ್ ತುಮೆ ಏಕ್‌ಥಿ-ಏಕ್‌ ಲಾಡ್‌ ಕರೊ. ಮೇ ತುಮೂನ ಲಾಡ್‌ ಕರ‍್ಯೊತೆ ತಿಮ್ಮಸ್, ತುಮೇಬಿ ಏಕ್‌ಥಿ-ಏಕ್‌ ಲಾಡ್‌ ಕರ್ನುಸ್‍ಕರ‍್ನು.

2 ಕೊರಿಂಥ 6:10

ದುಖ್‌ಲ್ಯವಾಳ ರ‍್ಹಿಯಾತೋಬಿ ಸೇವೆಮ ಕದೇಬಿ ಹಾಶಿಖ್ಹುಶಾಲಿಥಿ ರ‍್ಹವಾಳ ಹುಯಿರ‍್ಹಾಸ್, ಗರೀಬ್‍ರ‍್ಹಿಯತೋಬಿ ಕೈಏಕ್ ಜ಼ಣನ ವಿಶ್ವಾಸ್‌ಮ ಧನ್‍ದೌಲತ್‌ವಾಳ ಕರೀನ್ ಬಣೈರಾಖ್ಯಾಸ್; ಶಾತ್‍ಬಿಕೊಂತೆ ರ‍್ಹಿಯತೋಬಿ ಅಖ್ಖಾನ ಲೀರಾಖವಾಳ ಹುಯಿರ‍್ಹಾಸ್.

ಎಫೆಸ 3:4

ಅಜು಼ ಮೆ ಲೀಖಿರಾಖ್ಯೊಸ್ತೆ ಇನ ತುಮೆ ಬರಾಬರ್‌ಥಿ ಫಡೀನ್ ದೇಖ್ಯಾತೊ ಮಾರಮ ಕ್ರಿಸ್ತನಿ ಬಾರೇನು ಮಾಯ್ನನ ತುಮೇಬಿ ಮಾಲುಮ್ ಕರ‍್ಲಿಶು.

ಎಫೆಸ 3:8

ಅಖ್ಖಾಸ್ ದೇವ್ನ ಅದ್ಮಿಮ ಕಮ್‍ಶಿಲ್ ರ‍್ಹಿಯೊತೋಬಿ ದೇವ್ನೆ ಕ್ರಿಸ್ತನು ವಾರ್‌ಖ್ಹಾನಿ ಸುವಾರ್ತೆನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೋಲಿ ವತಾಳನಖ್ಹಾಜೆ ವಖ್ಹತ್‌ನ ಮನ ದೀರಾಖ್ಯೊಸ್.

ಕೊಲೊಸ್ಸೆ 1:7

ಅನ ತುಮೆ ಹಮಾರ ಜೋ಼ಡ್ಮ ಪ್ಯಾರ್‌ನೊ ಸೇವಕ್ ಹುಯಿರ‍್ಹೋತೆ ಎಪಫ್ರಥಿ ಶಿಕಿಲಿದ. ಯೋ ತುಮಾರ ಖ್ಹಾಜೆ ಕ್ರಿಸ್ತನೊ ವಿಶ್ವಾಸ್‌ವಾಳೊ ಸೇವಕ್ ಹುಯಿರ‍್ಹೋಸ್.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

1 ತಿಮೊ 3:6

ಯೋ ನವೇಥಿ ದೇವ್ನ ನಂಬ್ಯೂತೆ ಅದ್ಮಿ ನಾ ಹುಯಿರ‍್ಹೇಣು, ನವೇಥಿ ನಂಬವಾಳಾನ ಸಬೆ ಚ಼ಲಾವಾನು ಕಾಮ್ ದಿದಾತೊ, ಇನಾಮ ಹಂಕಾರ್ ಐನ್, ಶೈತಾನ್ನ ಹುಯೂತೆ ಇಮ್ನಿ ದಂಡನೆ ಇನಾಬಿ ಹುಯಿಜಾ಼ಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:9

ಯೊ ಇನಿ ಭರೋಖ್ಹಾನಿ ಸಂದೇಶ್ನ ಘಟ್ ಧರಿಲ್ಯವಾಳೊ ಹುಯಿರ‍್ಹೇಣು, ಅನಿ ಬಾರೇಮ ಇನ ಬೋಲೈರ‍್ಹುಸ್. ಇನಖ್ಹಾಜೇಥಿ ಯೊ ಅದ್ಮಿ ಖ್ಹಾಚಿ ಬೋಲಿದೇತೊಹುಯಿನ್ ಭಾಲಿ ದ್ಯವಾಳೊ ಹುಯಿರ‍್ಹೇಣು. ಹಮೆ ಬೋಲೇತೆ ಖ್ಹಾಚಾ಼ನ ವಿಶ್ವಾಸ್‍ಥಿ ಪಾಲನ್‍ ಕರ‍್ನು. ಯೊ ಖ್ಹಾಚಾಥಿಬಿ ಲ್ಹಾಯೇಕ್‌ನಿ ಉಪದೇಶ್‌ಥಿ ಯೊ ಅದ್ಮಿನ ಮದತ್ ಕರಾವಾಳೊ ಹುಯಿರ‍್ಹೇಣು.