ಮತ್ತಾಯ 10:2 - ದೇವ್ನಿ ಖ್ಹಾಚಿ ವಚನ್

² ಯೋ ಭಾರಜ಼ಣ ಅಪೊಸ್ತಲರ‍್ನು ನಾಮ್ ಕೆಹುಕತೊ: ಪಹಿಲೊ ಪೇತ್ರ ಕರಿ ಬೋಲೈಲಿದೋತೆ ಸೀಮೋನ, ಇನೊ ಭೈ ಅಂದ್ರೆಯ, ಜೆಬೆದಾಯನೊ ಛಿಯ್ಯೊ ಯಾಕೋಬ ಅಜು಼ ಇನೊ ಭೈ ಯೋಹಾನ.

ಮತ್ತಾಯ 10:2 ပူးပေါင်းရင်းမြစ်များ

ಮತ್ತಾಯ 17:1

ಛೊ಼ ದನ್ನ ಬಾದ್‌ಮ ಯೇಸುನೆ ಪೇತ್ರ, ಯಾಕೋಬ ಅಜು಼ ಇನೊ ಭೈ ಯೋಹಾನ್ನ ಬುಲೈಲಿನ್, ಏಕ್‌ ಊಚಾ಼ ಪಹಡ್‌ಪರ್ ಗಯೊ. ಹಿಜ್ಜಾ಼ ಇವ್ಣುನ ಮ್ಹೆಂದಿನ್ ಕೋಣ್‌ಬಿ ಕೋ ಥೂನಿ.

ಮತ್ತಾಯ 20:20

ತದೆ ಜೆಬೆದಾಯನಿ ಬಾವಣ್‍ ಇನ ಭೇ ಪರ್ಖ್ಹಾ ಲಡ್ಕಾನ ಜೋ಼ಡೆ ಯೇಸುಕನ ಐನ್, ಇನಖ್ಹಾಮ್ಣೆ ಆಡ್‍ಪಡಿನ್, ಮಾರಿ ಏಕ್‌ ಬಿಂತಿನ ಚ಼ಲೈದೇಣು ಕರಿ ಬೋಲಿಲಿದಿ.

ಮತ್ತಾಯ 26:37

ಅಮ್ ಬೋಲಿನ್, ಪೇತ್ರ ಅಜು಼ ಜೆಬೆದಾಯನ ಛಿಯ್ಯಾವ್‍ನ ಇನಜೋ಼ಡೆ ಬುಲೈಲಿ ಗಯೊ. ತದೆ ಯೇಸುನ ಘಣು ಘಬ್ರಾವ್‍ಣಿ ಹುಯು ಅಜು಼ ಯೋ ದುಖ್‌ಥಿ ಭರೈಗೊ.

ಮತ್ತಾಯ 4:18

ಯೇಸು ಗಲಿಲಾಯ ದರ‍್ಯಾವ್ನ ಕನಾರೆಕರಿ ವಳ್ಯೊಜಾ಼ತೊಥೊ. ತದೆ, ಬೇ ಭೈಯೇ ಜಾ಼ಳು ನಾಖುಕರ್ತಥಾತೆ ದೇಖ್ಯೊ. ಇವ್ಣೆ ಕೋಣ್‌ಕತೊ, ಪೇತ್ರ ಕರಿ ಬೋಲೈಲಿದೋತೆ ಸೀಮೋನ, ಅಜು಼ ಇನೊ ಭೈ ಅಂದ್ರೆಯನ ದೇಖ್ಯೊ. ಅವ್ಣೆ, ಮಾಛ಼್ಲ ಖ್ಹಾವಾಳ ಹುಯಿರ‍್ಹಾಥ.

ಮತ್ತಾಯ 4:21

ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಬಿಜೂ಼ ಬೇ ಭೈಯೇನ ದೇಖ್ಯೊ, ಇವ್ಣೆ ಕೋಣ್‌ಕತೊ, ಜೆಬೆದಾಯನೊ ಛಿಯ್ಯೊ ಯಾಕೋಬನಾಬಿ ಅಜು಼ ಇನೊ ನ್ಹಾನೊ ಭೈ ಯೋಹಾನ್ನ ದೇಖ್ಯೊ. ಇವ್ಣೆ ಡೋಣ್‌ಮ ಜಾ಼ಳಾನ ಬರೋಬರ್ ಕರುಕರ್ತಥ. ಯೇಸುನೆ ಇವ್ಣುನಾಬಿ ಬುಲಾಯೊ.

ಮಾರ್ಕ 1:29

ಬಾದ್‌ಮ ಇವ್ಣೆ ಸಬಾಮಂದಿರ್‌ಥ ನಿಕ್ಳಿನ್‌ ಯಾಕೋಬಬಿ ಯೋಹಾನ್ನ ಜೋ಼ಡೆ ಸೀಮೋನ್‍ಬಿ ಅಂದ್ರೆಯನ ಘರ್‌ಕನ ಗಯ.

ಮಾರ್ಕ 13:3

ಬಾದ್‌ಮ ಯೇಸು ಆಲಿವ್‌ ಪಹಾಡ್‌ಪರ್ ದೇವ್ನಿ ಮೋಟಿ ಮಂದಿರ್‌ ಭಣಿ ಮ್ಹೋಡು ಕರೀನ್ ಬೆಠೋಥೊ. ತದೆ ಪೇತ್ರ, ಯಾಕೋಬ್, ಯೋಹಾನ ಅಜು಼ ಅಂದ್ರೆಯ ಯೇಸು ಎಕ್ಲೊ ರ‍್ಹವಾನಿ ವಖ್ಹತ್‌ಮ ಇನಾಕನ ಆಯ.

ಮಾರ್ಕ 6:30

ಬಾದ್‌ಮ ಅಪೊಸ್ತಲರ್ ಖ್ಹಾರು ಯೇಸುಕನ ಪಾಛು಼ಫರಿ ಐನ್ ಮಳ್ಯು. ತದೆ ಇವ್ಣೆ ಅದ್ಮಿಮ ಕರ‍್ಯುತೆ ಅಜು಼ ಬೋಲಿದಿದೂತೆ ಖ್ಹಾರಸ್ನ ಯೇಸುನ ಖ್ಹಾಮ್ಣೆ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:49

ಅನಖ್ಹಾಜೆಸ್ ದೇವ್ನಿ ಗ್ಯಾನ್ ಬೋಲಸ್ಕಿ, “ಮೇ ಇವ್ಣಾಕನ ಪ್ರವಾದಿಯೇನಾಬಿ, ಅಪೊಸ್ತಲರ್‌ನಾಬಿ ಮೋಕ್ಲೀಶ್, ಇವ್ಣಾಮ ಥೋಡ ಜ಼ಣಾನ ಮಾರಿನಾಕ್‌ಶೆ ಅಜು಼ ಥೋಡ ಜ಼ಣಾನ ಖ್ಹತಾವ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:14

ವಖ್ಹತ್ ಆವಾದಿನ್, ಯೇಸು ಇನ ಭಾರ ಅಪೊಸ್ತಲರ‍್ನ ಜೋ಼ಡೆ ಖಾಣನ ಬೇಶಿಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:8

ಯೇಸುನೆ ಪೇತ್ರ ಅಜು಼ ಯೋಹಾನ್ನ, “ತುಮೆ ಜೈ಼ನ್‌, ಅಪ್ಣಖ್ಹಾಜೆ ಪಸ್ಕಾನು ಖಾಣನ ಖ್ಹವಾರೊ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:10

ಸೀಮೋನ್ನ ಜೋ಼ಡ್‍ವಾಳ ಹುಯಿರ‍್ಹಾಥಾತೆ ಜೆಬೆದಾಯನ ಛಿಯ್ಯಾ ಯಾಕೋಬ ಅಜು಼ ಯೋಹಾನನೆಬಿ ಇಮ್ಮಸ್ ಆಶ್ಚರ್ಯಖಾದು. ತದೆ ಯೇಸುನೆ ಸೀಮೋನ್ನ, “ಡರ್‌ನಕೊ, ಆಜ಼್‌ಥು ತೂ ಅದ್ಮಿನ ಖ್ಹಾವಾನು ಕಾಮ್ ಕರೀಶ್!” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:10

ಅಪೊಸ್ತಲರ್ ಖ್ಹಾರು ಪಾಛು಼ಫರಿ ಐನ್, ಇವ್ಣೆ ಕರ‍್ಯುತೆ ಅಖ್ಖಾನ ಯೇಸುನ ಖ್ಹಾಮ್ಣೆ ಬೋಲ್ಯು. ತದೆ ಯೇಸುನೆ ಇವ್ಣುನ ಅಲಕ್ ಕಾಡಿಲೀನ್, ಇನಜೋ಼ಡೆ ಬೆತ್ಸಾಯಿದ ಕರಿ ಗಾಮ್‌ನ ಬುಲೈಲಿ ಗಯೊ.

ಯೋಹಾನ 12:22

ಫಿಲಿಪ್ಪನೆ ಜೈ಼ನ್‌, ಅಂದ್ರೆಯನ ಆ ಬಾರೇಮ ಬೋಲ್ಯೊ, ತದೆ ಫಿಲಿಪ್ಪ ಅಜು಼ ಅಂದ್ರೆಯ ಭೇಜ಼ಣನೆ ಯೇಸುನ ಬೋಲ್ಯ.

ಯೋಹಾನ 13:23

ಶಿಷ್ಯರ್‌ಮ ಯೇಸುನೊ ಪ್ಯಾರ್‌ನೊ ಶಿಷ್ಯ ಏಕ್‌ ಥೊ, ಯೊ ಇನ ಚಿಕೈನ್‌ ಬೆಠೋಥೊ.

ಯೋಹಾನ 20:2

ತದೆ ಇನೆ ಸೀಮೋನ್‌ ಪೇತ್ರ ಅಜು಼ ಯೇಸುನೊ ಪ್ಯಾರ್‌ನೊ ಬಿಜ್ಜೇಕ್‌ ಶಿಷ್ಯಕನ ಮಿಲೈಜೈ಼ನ್‌, ಇನೆ ಇವ್ಣುನ, “ಪ್ರಭುನ ಮಖ್ಹಾಣ್ಯನಿ ಘವಿನ ಮಹಿಥು ಪಳ್ಳಿಜೈ಼ನ್‌, ಕಿಜ್ಜಾ಼ ಮ್ಹೇಲಿರಾಖ್ಯುಸ್ಕಿ, ಹಮೂನ ಮಾಲುಮ್‌ ಕೊಯ್ನಿ!” ಕರಿ ಬೋಲಿ.

ಯೋಹಾನ 21:2

ಸೀಮೋನ್‌ ಪೇತ್ರಬಿ, ದಿದುಮಕರಿ ತೋಮಾಬಿ, ನತಾನಿಯೇಲ್‌ ಆ ಗಲಿಲಾಯನು ಕಾನಾ ಕರಿ ಗಾಮ್‌ವಾಳೊ, ಜೆಬೆದಾಯನ ಛಿಯ್ಯಾ, ಅಜು಼ ಯೇಸುನ ಬಿಜ಼ ಬೇ ಶಿಷ್ಯರ್‌ ಥಾ.

ಯೋಹಾನ 21:20

ಪೇತ್ರ ಪೀಠೆ ಫರಿ ದೇಖಿನ್‌, ಯೇಸುನೊ ಪ್ಯಾರ್‌ನೊ ಶಿಷ್ಯ ಇವ್ಣ ಪೀಠೆ ವಳ್ಯಾವಾತೆ ದೇಖ್ಯೊ.ರಾತ್ಮ ಖಾಣು ಖಾವಾನಿ ವಖ್ಹತ್‌ಮ ಯೇಸುನಿ ಛಾ಼ತಿಕನ ಝು಼ಕಿನ್‌, “ಪ್ರಭು, ತುನ ಧೋಕೇಥಿ ಧರಿದಿಶ್ಶೆತೆ ಕೋಣ್?” ಕರಿ ಪುಛಾ಼ಯೋತೆ ಯೋಸ್‌ ಶಿಷ್ಯ.

ಯೋಹಾನ 21:24

ಆ ಖ್ಹಾರಿ ಬಾರೇಮ ಲೀಖಿನ್, ಅನಿ ಬಾರೇಮ ಸಾಕ್ಷಿ ಬೋಲವಾಳೊ ಶಿಷ್ಯ ಆಸ್. ಯೋ ಬೋಲ್ಯೋತೆ ಖ್ಹಾಚ಼ಸ್ ಕರಿ ಹಮೂನ ಮಾಲುಮ್‌.

ಯೋಹಾನ 6:67

ತದೆ ಯೇಸುನೆ ಇನ ಭಾರ ಶಿಷ್ಯರ್‌ನ, “ತುಮೇಬಿ ಚ಼ಲಜಾ಼ವ್ಣು ಕರಿ ಛಾ಼ಕಿ ಶು?” ಕರಿ ಪುಛಾ಼ಯೊ.

ಯೋಹಾನ 6:70

ತದೆ ಯೇಸುನೆ, “ತುಮುನ ಭಾರ ಜ಼ಣಾನ ಮೇ ಚೂ಼ಣಿನ್ ಕಾಡ್ಯೊಕೊಯ್ನಿಕಿ ಶು? ರ‍್ಹಯುತೋಬಿ ತುಮಾರಾಮ ಏಕ್‌ ಜ಼ಣೊ ಶೈತಾನ್ ಹುಯಿರ‍್ಹೋಸ್” ಕರಿ ಜವಾಬ್‌ ದಿದೊ.

ಯೋಹಾನ 6:71

ಯೇಸುನೆ ಸೀಮೋನ್ ಇಸ್ಕರಿಯೋತನೊ ಛಿಯ್ಯೊ ಹುಯಿರೋತೆ ಯೂದನಿ ಬಾರೇಮ ಆ ವಾತೆ ಬೋಲ್ಯೋತೆ. ಯೂದ ಭಾರ ಜ಼ಣ ಶಿಷ್ಯರ್‌ಮ ಏಕ್‍ಜ಼ಣೊ ಹುಯಿರೋಥೊ, ಯೇಸುನ ದೋಕೇಥಿ ಧರಿದೆವಾಳೊ ಯೋಸ್.

ಯೋಹಾನ 6:8

ತದೆ ಯೇಸುನೊ ಬಿಜೇಕ್ ಜ಼ಣೊ ಶಿಷ್ಯ ಹುಯಿರ‍್ಹೊಥೋತೆ, ಸೀಮೋನ್‌ ಪೇತ್ರನೊ ಭೈ ಅಂದ್ರೆಯನೆ,

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:13

ತದೆ ಇವ್ಣೆ ಖ್ಹಯೇರ್‌ಮ ಗಯ ಇವ್ಣೆಥೂತೆ ಘರ್‌ನ ಉಪ್ಲಿಬಾಜುಮ ಗಯ; ಇವ್ಣೆ ಕೋಣ್ ಕೋಣ್‌ಕತೊ, ಪೇತ್ರ, ಯೋಹಾನ. ಯಾಕೋಬ, ಅಂದ್ರೆಯ, ಫಿಲಿಪ್ಪ, ಅಜು಼ ತೋಮ, ಬಾರ್ತೊಲೊಮಾಯ, ಮತ್ತಾಯ, ಅಜು಼ ಅಲ್ಫಾಯನೊ ಛಿಯ್ಯೊ ಯಾಕೋಬ, ಜಾ಼ತ್ನೊಅಭಿಮಾನಿ ಕರಿ ಬೋಲೈಲಿದೋತೆ ಸೀಮೋನ ಅಜು಼ ಯಾಕೋಬನೊ ಛಿಯ್ಯೊ ಯೂದ ಇವ್ಣೆ ಖ್ಹಾರು ಹಿಜ್ಜಾ಼ ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:26

ತದೆ ಇವ್ಣಖ್ಹಾಜೆ ಚಿಟ್ಟಿನಾಖ್ಯು, ಇನಾಮ ಮತ್ತೀಯನು ನಾಮ್ ಪಡಾಯು.ತದೆ ಘ್ಯಾರಜ಼ಣ ಅಪೊಸ್ತಲರ‍್ನಿ ಜೋ಼ಡ್ಮಯೊ ಮಳಿಗೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:2

ಯೋಹಾನನೊ ಭೈಥೋತೆ ಯಾಕೋಬನ ತಲ್ವಾರ್‌ಥಿ ಮರೈನಾಖ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:1

ಏಕ್‍ದನ್ ಪೇತ್ರಬಿ ಯೋಹಾನ ಧೊಪಾರ‍್ನ ತೀನ್ ಘಂಟಾನ ಚಾ಼ಲ್ತಿಥೀತೆ ಪ್ರಾರ್ಥನೆನಖ್ಹಾಜೆ ದೇವ್ನಿಮಂದಿರ್‌ನ ಗಯ.

1 ಕೊರಿಂಥ 15:7

ಇನಕೇಡೆಥು ಯೋ ಯಾಕೋಬ್‌ನಾಬಿ ಇನಪಾರ್ ಬಿಜೇಕ್ ವಖ್ಹತ್ ಖ್ಹಾರಸ್ ಅಪೊಸ್ತಲರ್‌ನಾಬಿ ದೆಖಾಯೊ.

ಎಫೆಸ 4:11

ಯೊ ಹೈರೋತೆ ಇನಾಮ್ನ ದ್ಯವಾಳೊಬಿ ಹುಯಿರ‍್ಹೊಸ್ ಕತೊ ಯೊ ಥೋಡಜ಼ಣಾನ ಅಪೊಸ್ತಲರ್ ಕರಿಬಿ, ಥೋಡಾನ ಪ್ರವಾದಿಕರಿಬಿ, ಥೋಡಜ಼ಣಾನ ಸುವಾರ್ತೆ ಬೋಲವಾಳುಕರಿಬಿ, ಥೋಡಜ಼ಣಾನ ಸಬಾಪಾಲಕರ್ ಕರಿಬಿ, ಶಿಕಾಡವಾಳೊ ಕರಿಬಿ ನೆಮಿಸಾಯೊ.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.

1 ಪೇತ್ರ 1:1

ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೇತ್ರನೆ ಪೊಂತ, ಗಲಾತ್ಯ, ಕಪ್ಪದೋಕ್ಯ ಏಷ್ಯಾ ಬಿಥೂನ್ಯ ಕರಿ ತಬರ್‌ಖಾಮ ಛಿಡ್‍ಕೈಗಾತೆ ಪರೈದೇಖ್ಹ್‌ಮ ಜಿವ್‌ಕರಾತೆ ದೇವ್ನ ಅದ್ಮಿವ್‍ನ ಕತೊ,

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

2 ಯೋಹಾ 1:1

ಸಬೇನೊ ಶಾಣಾವ್‍ಮಾಥೊ ಏಕ್‍ಜ಼ಣೊ ಹುಯಿರ‍್ಹೋತೆ ಮೆ ದೇವ್ನೆ ಚೂ಼ಣಿರಾಖ್ಯುತೆ ಖ್ಹಾಚ ಪ್ಯಾರ್‌ನಿ ಭೇನೆನಾಬಿ ಇನ ಲಡ್ಕಾನಾಬಿ ಲೀಖುಕರುಸ್ತೆ ಶಾತ್‍ಕತೊ;

3 ಯೋಹಾ 1:1

ಸಬೇನೊ ಶಾಣಾವ್‌ಮ ಏಕ್‍ಜ಼ಣೊ ಹುಯಿರೋತೆ ಮೆ, ಖ್ಹಾಚಮಾಬಿ ಪ್ಯಾರ್ ಕರುಸ್ತೆ ಮಾರೊ ಪ್ಯಾರ‍್ನೊ ಗಾಯನ ಲೀಖುಕರುಸ್ತೆ ಶಾತ್‌ಕತೊ,

ಪ್ರಕಾಶಿತ್ 1:1

ಯೇಸು ಕ್ರಿಸ್ತನಿ ಪ್ರಕಾಶಿತ್ ವಚನ್ ಒಗ್ಗಿಸ್‌ಮ ಚಾ಼ಲ್ನುತೆ ಬಾರೇಮ ಯೋ ಇನ ದಾಸಖ್ಹಾರನ ವತಾಳನಖ್ಹಾಜೆ ಆ ಖ್ಹಾರು ದೇವ್‍ಥಿ ದೆವಾಯುತೆ. ಯೇಸು ಇನ ದೂತನ ಮೋಕ್ಲಿನ್ ಇನೇಥಿ ಆ ಖ್ಹಾರಿವಾತ್ನ ಯೋಹಾನ ಮಾಲುಮ್‌ ಕರಾಯೊ.

ಪ್ರಕಾಶಿತ್ 1:9

ಯೋಹಾನಕರಿ ಮೆ ಕ್ರಿಸ್ತಮ ತುಮಾರೊ ಭೈ ಹುಯಿರೋಸ್. ಅಪ್ಣೆ ಹಿಡಿಕ್ ಯೇಸುನಖ್ಹಾಜೆ ಖ್ಹತಾಪ್ಣಿಮಾಬಿ,ರಾಜ್ಯಮಾಬಿ, ಖ್ಹಮಾಳಮಾಬಿ ವಾಟೊಲೀರಾಖ್ಯಸ್, ಮೆ ದೇವ್ನಿ ಸಮಾಚಾರ್‌ನಾಬಿ ಯೇಸುನಿ ಬಾರೇಮ ಸಾಕ್ಷಿ ದ್ಯವಾನಖ್ಹಾಜೆ ಪತ್ಮೋಸ್ ಟಾಪಾಮ ಥೊ.

ಪ್ರಕಾಶಿತ್ 18:20

ಸೊರ್ಗಾಮ ರ‍್ಹವಾಳ ಅದ್ಮಿವೊ, ಅಪೊಸ್ತಲ ಖ್ಹಾರಾವೊ಼, ಪ್ರವಾದಿಖ್ಹಾರವೊ಼, ಯೊ ಹುಯಿರ‍್ಹೀತೆನ ಇನಖ್ಹಾಜೆ ಖುಷಿ ಕರೊ. ಶನಕತೊ ಆ ಹೈರಿತೆ ತುಮುನ ಠಗಾಯ್ತೆ ಇನಖ್ಹಾಜೆ ದೇವ್ನೆ ಇನ ಬರೋಬರ್‌ಥೀಸ್‌ ತೀರ್ಪ್‌ ಕರ‍್ಯೊ.

ಪ್ರಕಾಶಿತ್ 22:8

ಯೋಹಾನಕರಿ ಮೇಸ್ ಆ ಅಖ್ಖಿ ವಾತೆನ ಖ್ಹಮ್‌ಜೊಹುಯೊಬಿ ದೇಖ್ಯೊಹುಯೋಬಿ ಹುಯಿರ‍್ಹೋಸ್. ಮೆ ಅಖ್ಖೀಸ್ ವಾತೆವ್‌ನ ಖ್ಹಮ್‌ಜಿನ್‌ ದೇಖಾಮ, ಆ ಬಾರೆವ್‌ಮ ಮನ ವತಾಳ್ಯೊತೆ ದೇವ್‌ದೂತನ ಖ್ಹಲಾಮ್ ಕರ್ನುಕರಿ ಇನ ಪಗ್‍ಪರ್ ಪಡ್ಯೊ.