ಮತ್ತಾಯ 10:18 - ದೇವ್ನಿ ಖ್ಹಾಚಿ ವಚನ್

¹⁸ ಮಾರಖ್ಹಾಜೆ ತುಮೂನ ಅದಿಕಾರಿ ಅಜು಼ ರಾಜಾ಼ವ್‌ನ ಖ್ಹಾಮ್ಣೆ ಲೀಜಾ಼ಶೆ; ಅಮ್ ಇವ್ಣುನಾಬಿ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿವೋನಾಬಿ ತುಮೆ ಸಬೂತ್ ಹುಯಿರ‍್ಹಿಶು.

ಮತ್ತಾಯ 10:18 ပူးပေါင်းရင်းမြစ်များ

ಮತ್ತಾಯ 10:17

ಅದ್ಮಿನಿ ಬಾರೇಮ ಜ಼ತನ್ ರ‍್ಹವೊ, ಶನಕತೊ ಇವ್ಣೆ ತುಮೂನ ಧರೀನ್, ನ್ಯಾವ್ ಕರಾನಿ ಸಭೆಮ ಖೇಚಿಲಿಜಾ಼ಶೆ, ಅಜು಼ ಇವ್ಣಿ ಸಬೆ ಭರಾವಾನು ಮಂದಿರ್‌ಮ ತುಮೂನ ಕೊಳ್ಡೇಥಿ ಮಾರ್‌ಶೆ.

ಮತ್ತಾಯ 10:19

ಇವ್ಣೆ ತುಮೂನ ಧರಿದ್ಯವಾನಿ ವಖ್ಹತ್‌ಮ, ತುಮೆ ಶಾತ್‌ ವಾತೆ ಬೋಲ್‌ನು, ಕಿಮ್ ವಾತೆ ಬೋಲ್ನುಕರಿ ಸೋಚೊ ನಕೊ; ತುಮೆ ಶಾತ್‌ ಬೋಲ್ನುಕರಿ ಯೋ ವಖ್ಹತ್ ಆವಾದಿನ್, ತುಮೂನ ದೆವಾವ್‌ಶೆ.

ಮತ್ತಾಯ 8:4

ತದೆ ಯೇಸುನೆ ಇನ, “ಖ್ಹಮಜ಼್! ಕಿನಾಬಿ ನಕೊ ಬೋಲೀಶ್‌; ಕತೋಬಿ ಯಾಜಕಕನ ಜೈ಼ನ್ ತಾರು ಆಂಗ್‌ತನ್‌ ವತಾಳಿನ್ ಮೋಶೇನೆ ನೇಮ್‌ಶಾಯೋತೆ ಕಾಣ್ಕೆನ ದೇ; ಅನೇಥಿ ಅದ್ಮಿಖ್ಹಾರಾಮ ತುನ ಅಛ್ಛು಼ ಹುಯಿಗಯು ಕರಿ ಸಬೂತ್ ರ‍್ಹಿಶೆ” ಕರಿ ಬೋಲ್ಯೊ.

ಮಾರ್ಕ 13:9

ಕತೋಬಿ ತುಮೆ ತುಮಾರಿ ಬಾರೇಮ ಹೊಷಾರ್‌ಥಿ ದೇಖಿಲೆವ್ಣು. ತುಮೂನ ಧರೀನ್ ನ್ಯಾವ್ ಕರಾನಿ ಸಭೆಮ ಖೇಚಿಲಿಜಾ಼ಶೆ. ತುಮುನ ಸಬೆ ಭರಾವಾನು ಮಂದಿರ್‌ಮ ಮಾರ್‌ಶೆ; ಮಾರಖ್ಹಾಜೆ ತುಮೆ ರಾಜ಼್‌ಭಾರ್‌ ದೇಖಿಲೆವಾಳಾನ ಖ್ಹಾಮ್ಣೆಬಿ ಅಜು಼ ರಾಜಾ಼ನ ಖ್ಹಾಮ್ಣೆ ಸಾಕ್ಷಿಕರಿನ್ ಭೀರಾಕ್‌ಶೆ.

2 ತಿಮೊ 1:8

ಅನಖ್ಹಾಜೆ ಅಪ್ಣೊ ಪ್ರಭುನಿ ಬಾರೇಮ ಸಾಕ್ಷಿ ಬೋಲಾನ, ಕ್ರಿಸ್ತನಖ್ಹಾಜೆ ಜೇಲ್‌ಮ ಛೂ಼ತೆ ಮಾರಿಬಾರೇಮ ಖ್ಹರ್‌ಮೈಶ್ ನಕೊ.ತುನ ಹೋಣುತೆ ಶಕತ್ನ ದೇವಸ್ ದಿಶೆ. ಇನ ಬದಲ್ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ ಮಾರ ಜೋ಼ಡೆ ಲತಾಡ ಪಡ್.

ಪ್ರಕಾಶಿತ್ 1:9

ಯೋಹಾನಕರಿ ಮೆ ಕ್ರಿಸ್ತಮ ತುಮಾರೊ ಭೈ ಹುಯಿರೋಸ್. ಅಪ್ಣೆ ಹಿಡಿಕ್ ಯೇಸುನಖ್ಹಾಜೆ ಖ್ಹತಾಪ್ಣಿಮಾಬಿ,ರಾಜ್ಯಮಾಬಿ, ಖ್ಹಮಾಳಮಾಬಿ ವಾಟೊಲೀರಾಖ್ಯಸ್, ಮೆ ದೇವ್ನಿ ಸಮಾಚಾರ್‌ನಾಬಿ ಯೇಸುನಿ ಬಾರೇಮ ಸಾಕ್ಷಿ ದ್ಯವಾನಖ್ಹಾಜೆ ಪತ್ಮೋಸ್ ಟಾಪಾಮ ಥೊ.

ಪ್ರಕಾಶಿತ್ 11:7

ಕತೋಬಿ ಆ ಬೇಜ಼ಣ ಇವ್ಣಿ ಸಾಕ್ಷಿಯೆವ್‌ನ ಬೋಲಿ ಖತಮ್ ಕರಾದಿನ್,ಪಾತಾಳ್‌ಥೊ ಆವ್‌ಶೇತೆ ಜಾನ್ವರ್‌ ಅವ್ಣುನ ಜಂಗ್‌ಮ ಹರೈನ್ ಮಾರಿನಾಕ್‌ಶೆ.

ಪ್ರಕಾಶಿತ್ 6:9

ಇನೆ ಪಾಚ಼್‌ನ ಮುದ್ರಾನ ಫೋಡಾನಿವಖ್ಹ್‌ತೆ; ದೇವ್ನ ವಚನ್ನಖ್ಹಾಜೇಥಿಬಿ, ಇವ್ಣುನ ರ‍್ಹವಾನು ಬರೋಬರ್‌ನಿ ಸಾಕ್ಷಿನ ಖ್ಹಾಜೇಥಿಬಿ, ಮರಾವಳನು ಆತ್ಮಖ್ಹಾರು, ಬಲಿಪೀಠ್‌ನ ಹೇಟ್ ರ‍್ಹವಾನು ದೇಖ್ಯೊ.