ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:8 - ದೇವ್ನಿ ಖ್ಹಾಚಿ ವಚನ್

⁸ ಅಜು಼ ಥೋಡು ಜ಼ಣು ಎಲೀಯ ಅಪ್ಣ ಇಚ಼್‌ಮ ಐರ‍್ಹೋಸ್ ಕರಿ, ಬಿಜು಼ ಥೋಡು ಜ಼ಣು ಜೂ಼ನ ಹಗಾಮ್‍ನೊ ಪ್ರವಾದೀಮ ಏಕ್‌ ಜ಼ಣೊ ಜಿವ್ತೊಹುಯಿನ್ ಉಠಿ ಐರ‍್ಹೋಸ್ ಕರಿ ಬೋಲಿಲೆವ್‍ಕರ್ತೂಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:8 ပူးပေါင်းရင်းမြစ်များ

ಮತ್ತಾಯ 16:14

ಇವ್ಣೆ ಇನ, “ಥೋಡು ಜ಼ಣು ತುನ, ‘ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ’ ಕರಿ ಬೋಲಾಸ್, ಬಿಜು಼ ಥೋಡು ಜ಼ಣು, ‘ಎಲೀಯ’ ಕರಿ ಬೋಲಾಸ್, ಅಜು಼ ಥೋಡು ಜ಼ಣು, ಯೆರೆಮೀಯ ನತರ್‌ಕಿ ಪ್ರವಾದೀಮ ಏಕ್‌ ಜ಼ಣೊ’ ಕರಿ ಬೋಲಾಸ್” ಕರಿ ಜವಾಬ್‌ ದಿದಾ.

ಮತ್ತಾಯ 17:10

ತದೆ ಶಿಷ್ಯರ್‌ನೆ ಯೇಸುನ, “ಕ್ರಿಸ್ತ ಆವಾನಿ ಅಗಾಡಿ ಎಲೀಯ ಆವ್ಣುಕರಿ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ ಬೋಲಾಸ್ತೆ ಶನ?” ಕರಿ ಪುಛಾ಼ಯ.

ಮಾರ್ಕ 6:15

ಥೋಡು ಜ಼ಣು, “ಯೋ ಎಲೀಯ” ಕರಿ, ಬಿಜು಼ ಥೋಡು ಜ಼ಣು, “ಘಣ ವರಖ್ಹ್‌ನ ಪೀಠೆ ಥೂತೆ ಪ್ರವಾದೀನಿ ಘೋಣಿ ಆಬಿ ಏಕ್‌ ಪ್ರವಾದಿ ಹುಯಿರ‍್ಹೋಸ್’ ಕರಿ ಬೋಲ್ಯು.

ಮಾರ್ಕ 8:28

ತದೆ ಇವ್ಣೆ, “ಥೋಡು ಜ಼ಣು ತುನ, ‘ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ’ ಕರಿ ಬೋಲಾಸ್, ಥೋಡು ಜ಼ಣು ತೂ ‘ಎಲೀಯ’ ಕರಿ ಬೋಲಾಸ್, ಅಜು಼ ಥೋಡು ಜ಼ಣು, ‘ತೂ ಪ್ರವಾದೀಮ ಏಕ್‌ ಜ಼ಣೊ ಹುಯಿರ‍್ಹೋಸ್’ ಕರಿ ಬೋಲಾಸ್” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:19

ತದೆ ಶಿಷ್ಯರ್‌ನೆ, “ಥೋಡು ಅದ್ಮಿ ತುನ ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ ಕರಿ ಬೋಲಾಸ್, ಅಜು಼ ಥೋಡು ಜ಼ಣು ಎಲೀಯ ಕರಿ ಬೋಲಾಸ್, ಅಜು಼ ಥೋಡು ಜ಼ಣು ಜೂ಼ನ ಹಗಾಮ್‍ನೊ ಪ್ರವಾದೀಮ ಏಕ್‌ ಜ಼ಣೊ ಜಿವ್ತೊಹುಯಿನ್ ಐರ‍್ಹೋಸ್ ಕರಿ ಬೋಲಾಸ್” ಕರಿ ಜವಾಬ್‌ ದಿದಾ.

ಯೋಹಾನ 1:21

ಇಮ್‌ರ‍್ಹಯುತೊ, “ತೂ ಎಲೀಯಕಿ‍ ಶು? ಕರಿ ಇವ್ಣೆ ಬೋಲಖ್ಹತರ್, ತದೆ ಯೋಹಾನನೆ ‘ಕಾಹೆ’ ಕರಿ ಬೋಲ್ಯೊ. “ತೂ ಆವ್ಣುಥೂತೆ ಪ್ರವಾದಿ ಕಾಹೆಕಿ ಶು?” ಕರಿ ಪಾಛೊ಼ ಬೋಲಖ್ಹತರ್, “ಮೆ ಕಾಹೆ” ಕರಿ ಇನೆ ಫರಿನ್ ಬೋಲ್ಯೊ.