ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:51 - ದೇವ್ನಿ ಖ್ಹಾಚಿ ವಚನ್

⁵¹ ಯೇಸು ಪರ್‌ಲೋಕ್‌ಮ ಪಡೈಲೆವಾನಿ ವಖ್ಹತ್ ಖನ್ನೆ ಆವಲಗಿಥೀತೆ ಇನಖ್ಹಾಜೆ, ಯೋ ಯೆರೂಸಲೇಮ್‌ನ ಜಾ಼ವಾನಟೇಕೆ ಘಟ್‌ಜಾನ್ ಕರಿಲೀನ್,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:51 ပူးပေါင်းရင်းမြစ်များ

ಮಾರ್ಕ 16:19

ಯೇಸು ಪ್ರಭುನೆ ಇವ್ಣ ಜೋ಼ಡೆ ಆ ಖ್ಹಾರು ಬೋಲಿನ್ ಹುಯಿಜಾ಼ವಾನ ಬಾದ್‌ಮ ಇಮ್ಮಸ್ ಸೊರ್ಗಮ ಪಡೈಗಯೊ ಅಜು಼ ಯೇಸು ದೇವ್ನ ಖಾವಿ ಬಾಜು಼ಮ ಬೇಶಿಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:50

ಕತೋಬಿ, ಮನ ಬಿಜೇಕ್ ತರ‍್ಹಾನು ಬ್ಯಾಪ್ತಿಸ್ಮ ಏಕ್‌ ಮಳ್‌ಣು. ಯೋ ಮಳಾತೋಡಿ, ಮೇ ಘಣಿ ಖ್ಹತಾಪ್ಣಿಮ ಛೂ಼.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:22

ಯೇಸು ಹರೇಕ್ ಖ್ಹಯೇರ್‌ಮ ಅಜು಼ ಗಾಮ್ಮ ವಚನ್ ಬೋಲಿದೇತೊಹುಯಿನ್‌, ಯೆರೂಸಲೇಮ್‌ ಭಣಿ ವಳ್ಯೊಜಾ಼ತೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:11

ಯೇಸು ಯೆರೂಸಲೇಮ್‌ ಭಣಿ ಒಳೆಜಾ಼ತೊಥೋತೆ ತದೆ, ಗಲಿಲಾಯ ಅಜು಼ ಸಮಾರ್ಯ ತಬರ್‌ಖಾನು ಇಚ಼್‌ಮಾನಿ ವಾಟೆಕರಿ ಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:31

ಯೇಸುನೆ ಇನ ಭಾರ ಜ಼ಣ ಶಿಷ್ಯರ್‌ನ ಎಕಾಡಿ ಬುಲೈಲಿನ್, “ಖ್ಹಮ್‌ಜೊ಼! ಅಪ್ಣೆ ಯೆರೂಸಲೇಮ್‌ನ ವಳ್ಯಾಜಯ್ಯೇಸ್‌, ಅದ್ಮಿನೊ ಛಿಯ್ಯಾನಿ ಬಾರೇಮ ಪ್ರವಾದಿಯೇನೆ ಲೀಖಿರಾಖ್ಯುತೆ ಇಮ್ಮಸ್, ಹಿಜ್ಜಾ಼ ಚಾ಼ಲ್‌ಷೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:11

ಇವ್ಣೆ ಆ ವಾತೆಖ್ಹಾರಿ ಖ್ಹಮ್‌ಜು಼ಕರಾನಿ ವಖ್ಹತ್‌ಮ, ಯೇಸು ಯೋ ಯೆರೂಸಲೇಮ್‌ನ ಖನ್ನೆಸ್‌ ಪೋಚಿಗಯೊಥೋತೆ ಇನಖ್ಹಾಜೆ, ಅಜು಼ ಅದ್ಮಿಖ್ಹಾರು ದೇವ್ನಿ ರಾಜ್ಯ ಒಗ್ಗಿಸ್‌ಮ ದೆಖಾವ್‌ಶೆ ಕರಿ ಸೋಚ್ಯೂತೆ ಇನಖ್ಹಾಜೆ, ಯೇಸುನೆ ಬಿಜ್ಜೇಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:28

ಆ ಖ್ಹಾರು ಬೋಲಾನ ಬಾದ್‌ಮ, ಯೇಸು ಇವ್ಣೇಥಿ ಖ್ಹಾಮ್ಣೆ-ಖ್ಹಾಮ್ಣೆ ಚಾ಼ಲಿನ್, ಯೆರೂಸಲೇಮ್‌ ಭಣಿಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:51

ಆಶೀರ್ವಾದ್‌ ಕರುಕರಾನಿ ವಖ್ಹತ್‌ಮ, ಯೋ ಇವ್ಣುನ ಮ್ಹೆಂದಿನ್, ಸೊರ್ಗಮ ಪಡೈಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:57

ಇವ್ಣೆ ವಾಟ್‌ಪರ್ ಜಾ಼ತುರ‍್ಹವಾನಿ ವಖ್ಹತ್‌ಮ, ಕೋಣ್ಕಿ ಏಕ್‌ ಜ಼ಣು ಯೇಸುನ, “ತು ಕಿಜ್ಗಾ಼ ಗಯೊತೋಬಿ ಮೇ ತಾರ ಪೀಠೇಸ್ ಆವ್‌ಸ್” ಕರಿ ಬೋಲ್ಯೊ.

ಯೋಹಾನ 13:1

ಪಸ್ಕ ಪುಜಾ಼ನ ಅಗಾಡಿ ಯೇಸು ಆ ಜಗತ್ನ ಮ್ಹೇಲಿನ್, ಬಾಕನ ಜಾ಼ವಾನಿ ವಖ್ಹತ್ ಐಗೈ ಕರಿ ಮಾಲುಮ್ ಕರೀನ್, ಆ ಜಗತ್‌ಮ ಛಾ಼ತೆ ಇನು ಕರಿ ಥೂತೆ ಯೋ ಖ್ಹರಾನ ಹಮೇಶ ಪ್ಯಾರ್ ಕರ‍್ಯೊ ಅಜು಼ ಖರ್ತಿಲಗೂಬಿ ಪ್ಯಾರ್ ಕರ್ತೊಸ್ ಆಯೊ.

ಯೋಹಾನ 16:28

ಮೇ ಬಾಕಂಥೊ ಜಗತ್ನ ಆಯೊ; ಹಮ್ಕೆ ಆ ಜಗತ್ನ ಮ್ಹೆಂದಿನ್, ಬಾಕನ ವಳ್ಯೊಜ಼ವುಸ್‌” ಕರಿ ಬೋಲ್ಯೊ.

ಯೋಹಾನ 16:5

ಕತೋಬಿ ಹಮ್ಕೆ, ಮೇ ಮನ ಮೋಕ್‌ಲ್ಯೊತೆ ಇನಾಕನ ವಳ್ಯೊಜ಼ವುಸ್‌, ತೋಬಿ ತೂ ಕಿಜ್ಗಾ಼ ವಳ್ಯೊಜಾ಼ಸ್‌? ಕರಿ ತುಮಾರಾಮ ಏಕ್‌ನೇಬಿ ಮನ ಪುಛಾ಼ಯಕೊಯ್ನಿ.

ಯೋಹಾನ 17:11

ಅನಪಾರ್ ಮೇ ಜಗತ್‌ಮ ಕೋರ‍್ಹಿಶ್‍ನಿ. ಇವ್ಣೆತೋಬಿ ಜಗತ್‌ಮ ರ‍್ಹಿಶೆ. ಮೇ ತಾರಾಕನ ಆವ್‌ಸ್. ಪರಿಶುದ್ ಹುಯಿರೋತೆ ಬಾ, ಅಪ್ಣೆ ಏಕ್‍ಹುಯಿರಾತೆ ತಿಮ್ ಅವ್ಣೇಬಿ ಏಕ್‍ಹುಯಿರ‍್ಯವಾದೆಕರಿ, ತುನೆ ಮನ ದಿದೊತೆ ತಾರ ನಾಮ್‍ಥಿ ಇವ್ಣುನ ಜ಼ತನ್ ರಾಕ್.

ಯೋಹಾನ 6:62

ಏಕ್‌ ಬಾರ್ ತುಮೆ, ಅದ್ಮಿನೊ ಛಿಯ್ಯಾನ ಪಹಿಲೆ ಕಿಜ್ಜಾ಼ಥೋಕಿ ಹಿಜ಼್ಜ ಜಾ಼ಶೇತೆ ಇನ ದೇಖ್ಯಾತೊ ತುಮೆ ಶಾತ್‌ ಕರ್‌ ಶು?

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:2

ಇನೆ ಪರಲೋಕ್‌ನ ಜಾ಼ವಾಲಗು ಇನು ಅಪೊಸ್ತಲರ‍್ನ ಚೂ಼ಣಾಯಹುಯ ಪವಿತ್ರಾತ್ಮನಿ ಶಕಥ್ಥಿ ಶಿಕಾಡ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:9

ಆ ವಾತೆ ಅಪೊಸ್ತಲರ‍್ನ ಬೋಲಿಹುಯಿಗು ತದೆ ಇವ್ಣೆ ದೇಖುಕರ್ತಥಾತೆ ತದೇಸ್‌ ಯೋ ಸೊರ್ಗಮ ಪಡೈಗಯೊ. ವಾದ್‌ಳು ಮೂಚಿನಾಖಿದಿದೂತೆ ಇನಖ್ಹಾಜೆ ಯೇಸುನ ಇವ್ಣೆ ದೆಖಾನ ಕೊಹುಯುನಿ.

ಎಫೆಸ 1:20

ಇನಿ ಮಹಿಮೇನಿ ಶಕಥ್ಥಿಸ್ ಕ್ರಿಸ್ತನ ಮರಣ್‌ಥು ಉಠಾಡಿನ್, ಹರೇಕ್ ರಾಜ್ಯ, ಅಧಿಕಾರ್, ರಾಜ಼್‌ಭಾರ್ ಚ಼ಲಾವವಾಳನ ಸೊರ್ಗಾಮ ಇನ ಖ್ಹಾವಿಬಾಜು಼ಮ ಬೆಖ್ಹಾಡಿಲಿದೊ.

ಫಿಲಿಪ್ಪಿ 3:14

ಕ್ರಿಸ್ತ ಯೇಸುಮ ದೇವ್ನ ಮಹಾನ್ ಬುಲಾವ್ಣಿಖ್ಹಾಜೆ ಇನಾಮ್ನ ಲೇವ್ಣುಕರಿ ಶುಶತ್ ಭಾಂದಿನ್ ನಾಖ್ಹುಕರೂಸ್.

1 ತಿಮೊ 3:16

ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.

ಇಬ್ರಿ 12:2

ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.

ಇಬ್ರಿ 6:20

ಹಿಜ್ಜಾ಼ ಯೇಸು ಹರ್‌ಹಗಾಮ್‌ಬಿ ಮೆಲ್ಕಿಜೆದೇಕ್‌ನಿ ಘೋಣಿನೊ ಮಹಾಯಾಜಕ್ ಹುಯಿನ್, ಅಪ್ಣಖ್ಹಾಜೆ ಪಹಿಲೆಥೂಸ್ ನಿಕ್ಳಿನ್ ಯೋ ಸನ್ನಿಧಿಮ ಜೈ಼ರ‍್ಹೋಸ್.

1 ಪೇತ್ರ 3:22

ಹಮ್ಕೆ ಯೇಸು ಪರ್‌ಲೋಕ್ನ ಜೈ಼ನ್ ದೇವ್ನ ಖಾವಿಬಾಜು಼ಮ ಬೇಠೋಸ್. ಖ್ಹಾರುಸ್ ದೇವ್‌ದೂತರ್‌ಬಿ ಪರಲೋಕ್ನು ಅದಿಕಾರಿಖ್ಹಾರು ಅಜು಼ ಶಕತ್‍ಖ್ಹಾರನ ಉಪ್ಪರ್ ಯೊ ರಾಜ಼್‌ಭಾರ್ ಚ಼ಲವ್‍ಕರಸ್.