45 ಕತೋಬಿ ಇನ ಶಿಷ್ಯರ್ನೆ ಅನಿ ಮತ್ಲಬ್ನ ಪರ್ಖ್ಯುಕೊಯ್ನಿ. ಯೋ ವಾತೆ ಇವ್ಣೇಥಿ ಲಪೈರ್ಹೀಥೀತೆ ಇನಖ್ಹಾಜೆ, ಇವ್ಣೆ ಮಾಲುಮ್ ಕರ್ಯುಕೊಯ್ನಿ. ಅಜು಼ ಅನಿ ಬಾರೇಮ ಯೇಸುನ ಬೋಲಾನ ಡರಿಗಯು.
ಕತೋಬಿ ಅನಾಮ ಏಕ್ ವಾತೇನಾಬಿ ಶಿಷ್ಯರ್ ಪರ್ಖ್ಯುಕೊಯ್ನಿ; ಶನಕತೊ ಆ ವಾತೆನಿ ಮತ್ಲಬ್ನ ಇವ್ಣೇಥಿ ಲಪೈರ್ಹೂಥು, ಅಜು಼ ಯೇಸು ಶನಿ ಬಾರೇಮ ಬೋಲುಕರಾಸ್ ಕರಿ ಇವ್ಣುನ ಮಾಲುಮ್ಪಡ್ಯು ಕೊಯ್ನಿ.
ಯೇಸುನ ಶಿಷ್ಯರ್ನ ಯೋ ವಖ್ಹತ್ಮ ಆ ಮಾಲುಮ್ ಕೋ ಪಡ್ಯುನಿ; ಕತೋಬಿ ಯೇಸು ಮಹಿಮೆನು ಪದವಿಮ ಆವಾನ ಬಾದ್ಮ, ಆ ಇನಿ ಬಾರೇಮಸ್ ಲೀಖೈರ್ಹೂಸ್ತೆ ಕರಿ, ಅಜು಼ ಅಪ್ಣೆ ಆ ಖ್ಹಾರಾನ ಯೇಸುನಖ್ಹಾಜೆ ಕರ್ಯಾ ಕರಿ ಇವ್ಣ ಯಾದ್ಮ ಆಯು.
ಕತೋಬಿ ಇನೆ ಬೋಲ್ಯೋತೆ ಜ಼ವಾಬ್ನ ಇವ್ಣೆ ಮಾಲುಮ್ ಕರ್ಯುಕೊಯ್ನಿ.
ಕತೋಬಿ ಇವ್ಣೆ ಯೋ ವಾತೆನ ಪರ್ಖ್ಯುಕೊಯ್ನಿ, ಅಜು಼ ಇನಿ ಬಾರೇಮ ಯೇಸುನ ಪುಛಾ಼ವನಾಬಿ ಡರಿಗಯು.
ತೋಮನೆ ಯೇಸುನ “ಪ್ರಭು, ತೂ ವಳ್ಯೊಜಾ಼ಸ್ತೆ ಕಿಜ್ಗಾ಼ ಕರಿ ಹಮೂನ ಮಾಲುಮ್ ಕೊಯ್ನಿ, ಅಮ್ ರ್ಹವಾಪರ್ ಯೋ ಮಾರಗ್ ಹಮೂನ ಕಿಮ್ ಮಾಲುಮ್ ಪಡ್ಶೆ?” ಕರಿ ಬೋಲ್ಯೊ.
ತದೆ ಅದ್ಮಿನಿ ಭೀಡ್ನೆ, “ಕ್ರಿಸ್ತ ಹರ್ಹಮೇಶ ಜಿವ್ತೊ ರ್ಹಿಶೆ’ ಕರಿ ಧರ್ಮಶಾಸ್ತ್ರಮ ಬೋಲಾಸ್ನಿ? ಇಮ್ಕತೊ, ‘ಅದ್ಮಿನೊ ಛಿಯ್ಯೊ ಉಪ್ಪರ್ ಪಡೈಜಾ಼ಶೆ’ ಕರಿ ತೂ ಬೋಲಾಸ್ತೆ ಕಿಮ್? ಯೋ ಅದ್ಮಿನೊ ಛಿಯ್ಯೊ ಕೋಣ್?” ಕರಿ ಪುಛಾ಼ಯು.
ಇವ್ಣೆ ಯೋ ವಾತೆನ ಮಾನಿಗಯು, ಕತೋಬಿ, “ಮರಿನ್ ಜಿವ್ತೊಹುಯಿನ್ ಉಠಾನು ಕತೊ ಶಾತ್?” ಕರಿ ಇವ್ಣ-ಇವ್ಣ ಮಹಿಸ್ ವಾತೆ ಬೋಲಾಲಗ್ಯ.
ತದೆ ಪೇತ್ರನೆ ಯೇಸುನ, ಏಕಾಡಿ ಬುಲೈಲಿಜೈ಼ನ್, ಪ್ರಭು, ದೇವ್ ತೂ ಇಮ್ ನಕೋಸ್ ಬೋಲ್! ತುನ ಇಮ್ ನಾಸ್ ಹೋಣು!” ಕರಿ ಬೋಲಿನ್, ಇನ ಜಿದ್ಕರ್ಯೊ.
ಶಿಷ್ಯರ್ಮ ಕೋಣ್ ಮೋಟೊ ಕರಿ ಬೋಲಾನಿ ಬಾರೇಮ ವಾತೆ ನಿಕ್ಳಾಲಗಿ.
ಶಿಷ್ಯರ್ ಖ್ಹಾರು ಎಕ್ಕದಮ್ ಗಲಿಲಾಯಮ ಆವಾದಿನ್, ಯೇಸುನೆ ಇವ್ಣುನ, “ಅದ್ಮಿನ ಛಿಯ್ಯಾನ ಅದ್ಮಿಖ್ಹಾರಾನ ಹಾತ್ಮ ದೆವೈಜಾಶೆ.
ತದೆ ಶಿಷ್ಯರ್, “ಕೋಣ್ತೋಬಿ ಇನ ಪಹಿಲೇಸ್ ಖಾಣು ಲೈನ್ ದಿದುಕಿ ಶುಕಿ?” ಕರಿ ಇವ್ಣ-ಇವ್ಣಾಸ್ಮ ಪುಛಾ಼ವಲಗ್ಯಾ.