39 ಅನ ಭೂತ್ ಧರಾಸ್, ಧರ್ತಾಸ್ನ ಆ ಬಳೆಳಾಲಗಸ್, ಮ್ಹೋಡವಾಟೆ ಜ಼ಲ್ಭು ನಿಕ್ಳಾ ಏತ್ರೆ ಅನ ಧಡಾಶ ಮರಾವಸ್, ಅಜು಼ ಘಣು ಖ್ಹತೈನ್, ಝ಼ಗ್ದಾಶೆ ಯೋ ಭೂತ್ ಅನ ಮ್ಹೇಲಾಕೊಯ್ನಿ!
ಯೋ ಭೂತ್ ಕದೆ ಇನಾಪರ್ ಆಯುತೋಬಿ, ಇನ ಹೇಟ್ ರಡ್ಕೈದೇಸ್, ಬಿಜು಼ ಯೋ ಮ್ಹೋಡಾವಾಟೆ ಜ಼ಲ್ಭು ಕಾಡ್ತೊಹುಯಿನ್, ಕರ್-ಕರ್ ದಾತ್ ಚಾ಼ವ್ತೊಹುಯಿನ್ ಅಕ್ಡೈಜಾ಼ಸ್. ಇನಾಮಾಥು ಯೋ ಭೂತ್ನ ಕಾಡೊ ಕರಿ ತಾರ ಶಿಷ್ಯರ್ನ ಬೋಲಿಲಿದೊ, ಕತೋಬಿ ಇವ್ಣ ಹಾತೆ ಕೋಹುಯುನಿ” ಕರಿ ಬೋಲ್ಯು.
ಇವ್ಣೆ ಇನ ಯೇಸುಕನ ಬುಲೈಲಾಯು. ಯೇಸುನ ದೇಕ್ತಾಸ್ನ, ಯೋ ಭೂತ್ ಯೋ ಛೋ಼ಕ್ರಾನ ಧಡಾಶ ಮರಾವಲಗ್ಯು, ಯೋ ಛೋ಼ಕ್ರು ಜ಼ಮೀನ್ಪರ್ ಪಡೀನ್ ಮ್ಹೋಡಾವಾಟೆ ಜ಼ಲ್ಭು ಕಾಡ್ತುಹುಯಿನ್ ತರಪ್ಢಾಲಗ್ಯು.
ತದೆ ಯೋ ಭೂತ್ ಚಿಕ್ರಾಣ್ ಮ್ಹೇಲಿನ್, ಯೋ ಛೋ಼ಕ್ರಾನ ಧಡಾಶ ಮರೈನ್, ಇನ ಮಹಿತು ಭಾರ್ ನಿಕ್ಳಿಗಯು. ತದೆ ಯೋ ಛೋ಼ಕ್ರು ಮರ್ಯಾಹುಯಾನಿಘೋಣಿ ಪಡ್ಯುಥೂತೆ ದೇಖಿನ್ ಘಣ ಅದ್ಮಿನೆ, “ಆ ಮರಿಗಯು!” ಕರಿ ಬೋಲ್ಯು.
ತದೆ ಯೇಸುನೆ ಯೋ ಭೂತ್ನ ಗುರ್ಕೈನ್, “ಖ್ಹೊಪ್ರ್ಹೆ! ಅನ ಮ್ಹೆಂದಿನ್ ಭಾರ್ನಿಕಳ್” ಕರಿ ಬೋಲ್ಯೊ. ಯೋ ಭೂತ್ನೆ ಯೋ ಅದ್ಮಿನ ಇವ್ಣ ಖ್ಹಾಮ್ಣೆ ಹೇಟ್ ರಡ್ಕೈನ್, ಇನ ಶನೂಸ್ ಟಚ಼್ಕೊ ದಿದುಕೊಂತೆ ಮ್ಹೆಂದಿನ್ ಚ಼ಲಿಗಯು.
ಶನಕತೊ, “ಆ ಅದ್ಮಿನ ಮ್ಹೆಂದಿನ್ ಜಾ಼!” ಕರಿ ಯೇಸುನೆ ಯೋ ಭೂತ್ನ ಹುಕುಮ್ ದಿದೋಥೊ. ಘಣಿ ಹಲ್ಲ ಯೋ ಭೂತ್ ಇನ ಧರ್ತುಥು, ಎತ್ರೇಸ್ ಕಾಹೆತೆ ಯೋ ಅದ್ಮಿನ ಕೋಂಡಿಘಾಲಿನ್, ಹಾತ್-ಗೋಡಾನ ಖ್ಹಂಕಳ್ಥಿ ಭಾಂದ್ಯುತೋಬಿ, ಯೋ ಖ್ಹಂಕ್ಳಿನ ತೋಡಿ ನಾಕ್ತೋಥೊ ಅಜು಼ ಯೋ ಭೂತ್ ಇನ ಉಜ್ಜಾ಼ಡಿ ಝ಼ಗೋಮ ನಖ್ಹಾಡ್ತೂಥು.
ಯೋ ಭೀಡ್ಮಾಥು ಏಕ್ಜ಼ಣಾನೆ, “ಗುರು, ಮಾರ ಛಿಯ್ಯಾನ ದೇಕ್ಕರಿ, ತುನ ಗಿಂಗಾವುಸ್. ಮನ ಆ ಎಕ್ಕಸ್ ಛಿಯ್ಯೊ ಛಾ಼ತೆ.
ಯೋ ಭೂತ್ನ ಕಾಡೊ ಕರಿ, ತಾರ ಶಿಷ್ಯರ್ನ ಗಿಂಗೈಲಿದೊ. ಕತೋಬಿ ಇವ್ಣ ಹಾತೆ ಕೋ ಹುಯೋನಿ” ಕರಿ ಚಿಕ್ರಿನ್ ಯೇಸುನ ಬೋಲ್ಯೊ.
ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್ನ ಕರಾನ ದೇಖೊಸ್. ಯೋ ಶುರುವಾತ್ಥೋಸ್ ಖೂನಿಹುಯಿರ್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್ಮ ಆದತ್ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ್ಹೋಸ್.
ಅಛ್ಛಿಖ್ಹೂಜ಼್ವಾಳನ ಹುಯಿರ್ಹೆವೊ ಅಜು಼ ಜ಼ತನ್ಥಿ ರ್ಹವೊ. ತುಮಾರೊ ವಿರೋದಿ ಹುಯಿರ್ಹೋತೆ ಶೈತಾನ್, ಘಲಾರತೆ ಶುಂಭಾನಿತರ ಕಿನ ಚೀರಿಖಾವ್ಣು ಕರಿ ಢೂಂಡ್ತೊ ಚಾ಼ಲ್ಯೊಫಂಡಾಸ್.
ಪಾತಾಳ್ನೊ ಮುಖ್ಯ ಹುಯಿರ್ಹೋತೆ ದೂತಾಸ್ ಯೋ ಚಿಡ್ಡಾವ್ನ ರಾಜ಼ ಹುಯಿರೋಥೊ. ಇನ ಹಿಬ್ರು ವಾತೇಮ ಅಬದ್ದೋನ್ ಕರೀಬಿ, ಗ್ರೀಕ್ ಬೋಲಿಮ ಅಪೊಲ್ಲುವೋನ ಕರೀಬಿ ನಾಮ್ಥು.