ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:11 - ದೇವ್ನಿ ಖ್ಹಾಚಿ ವಚನ್

¹¹ ಅದ್ಮಿನಿ ಭೀಡ್ ಅನ ಖ್ಹಮ್‌ಜಿನ್‌, ಯೇಸುನ ಪೀಠೆ ಗಯು ಯೇಸುನೆ ಇವ್ಣುನ ಬುಲೈಲಿನ್, ಇವ್ಣುನ ದೇವ್ನಿ ರಾಜ್ಯನಿ ಬಾರೇಮ ಬೋಲ್ಯೊ. ಅಜು಼ ಕಿನ-ಕಿನ ರೋಗ್‌ಥಿ ಅಛ್ಛು಼ ಹೋಣುಥೂಕಿ ಇವ್ಣುನ ಅಛ್ಛು಼ ಕರ‍್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:11 ပူးပေါင်းရင်းမြစ်များ

ಮತ್ತಾಯ 12:15

ಯೇಸುನೆ ಇನಿ ವಿರೋದ್ ಇವ್ಣೆ ಸೋಚುಕರಾತೆ ಇನ ಮಾಲುಮ್‌ ಕರಿಲೀನ್, ಹಿಜ್ಜಾ಼ಥೊ ಚ಼ಲೆಗಯೊ; ಮೋಟಿ ಭೀಡ್ ಇನ ಪೀಠೆ ಗಯು. ಅರಾಮ್‌ಕೊಂತೆ ಖ್ಹಾರಾವ್‌ನ ಇನೆ ಅಛ್ಛು಼ ಕರ‍್ಯೊ.

ಮತ್ತಾಯ 14:14

ಯೇಸು ಡೋಣ್‌ಮಾಥು ಭಾರ್‌ ಆಯಿನ್, ಅದ್ಮಿನಿ ಘಣಿ ಮೋಟಿ ಭೀಡ್‌ಣ ದೇಖಿನ್‌, ಇವ್ಣಾಪರ್ ಗೋರ್‌ಖೈನ್, ರೋಗ್‌ಮ ರ‍್ಹವಾಳಾನ ಖ್ಹಾರು ಅಛ್ಛು಼ ಕರ‍್ಯೊ.

ಮತ್ತಾಯ 21:31

ಇವ್ಣ ಭೇಮ ಬಾನಿ ಮರ್ಜಿನಿಘೋಣಿ ಚಾ಼ಲಿಲಿದುತೆ ಕೋಣ್?” ಕರಿ ಪುಛಾ಼ವ್‌ತಾನ, ಇವ್ಣೆ, “ಮೋಟೊ ಛಿಯ್ಯೋಸ್” ಕರಿ ಬೋಲ್ಯು. ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್: ಶುಂಕ ಮಾಂಗವಾಳು ಅಜು಼ ಶೂಳೆ ತಯೇಡ ಖ್ಹಾರಿ ತುಮಾರೇಥಿ ಅಗಾಡಿ ದೇವ್ನಿ ರಾಜ್ಯಮ ಜಾ಼ಶೆ.

ಮತ್ತಾಯ 21:43

ಇನಖ್ಹಾಜೇಸ್ ಮೇ ತುಮೂನ ಬೋಲುಸ್ಕಿ: ದೇವ್ನಿ ರಾಜ್ಯನ ತುಮಾರಕಂಥು ಕಾಡಿಲೀನ್, ದೇವ್ನಿ ಮರ್ಜಿನಿಘೋಣಿ ಚಾ಼ಲಾಸ್ತೆ ಅದ್ಮಿನ ದೆವಾವ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:53

ಯೋ ಭುಕ್ಯಾವ್‌ನ ಮಿಝ಼್‌ವಾನ್ ಖಡಾಯೊ, ಕತೋಬಿ ಧನ್‌-ದೌಲತ್‌ವಾಳಾನ ಖಾಲಿ ಹಾತೆ ಮೋಕ್ಲಿದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:31

ಅನ ಖ್ಹಮ್‌ಜಿನ್‌ ಯೇಸುನೆ ಇವ್ಣುನ, “ಅಛ್ಛು಼ರ‍್ಹಾವಾಳನ ವೈದ್ಯನಿ ಜ಼ರೂರತ್ ಕೋ ಪಡಾನಿ, ಕತೋಬಿ ರೋಗ್‌ರಾಯಮ ರ‍್ಹಾವಾಳನ ವೈದ್ಯ ಹೋಣು ಪಡಾಸ್‌” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:1

ಅನ ಬಾದ್‌ಮ ಯೇಸು ಖ್ಹಾರ ಖ್ಹಯೇರ್‌ಮ ಅಜು಼ ಗಾಮ್ಮಾಕರಿ ಫರ್ತೊಹುಯಿನ್, ದೇವ್ನಿ ರಾಜ್ಯನಿ ಅಛ್ಛಿ ಖಬರ್‌ನ ಬೋಲ್ತೊನಿಕ್‌ಳ್ಯೊ. ಭಾರ ಜ಼ಣ ಶಿಷ್ಯರ್‌ಬಿ ಇನಜೋ಼ಡೆ ಥಾ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:10

ಯೇಸುನೆ, “ದೇವ್ನಿ ರಾಜ್ಯನಿ ಖ್ಹಾಚ಼ನ ಮಾಲುಮ್ ಕರಿಲ್ಯವಾನಿ ಗ್ಯಾನ್ ತುಮೂನ ದೆವೈರ‍್ಹೂಸ್. ಕತೋಬಿ ಬಿಜಾ಼ಖ್ಹಾರ ಅದ್ಮಿನ ಡೋಳ ರ‍್ಹಯುತೋಬಿ ದೆಖಾವ್ಣುನಾತೆ, ಅಜು಼ ಕಾನ್‌ ರ‍್ಹಯುತೋಬಿ ಖ್ಹಮ್‌ಜಾ಼ವ್ಣುನಾತೆ ಇಮ್‌ ಮತ್ಲಬ್‌ನಿ ಖೇಣಿಯೇಥಿ ಬೋಲುಸ್” ಕರಿ ಜವಾಬ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:10

ಅಪೊಸ್ತಲರ್ ಖ್ಹಾರು ಪಾಛು಼ಫರಿ ಐನ್, ಇವ್ಣೆ ಕರ‍್ಯುತೆ ಅಖ್ಖಾನ ಯೇಸುನ ಖ್ಹಾಮ್ಣೆ ಬೋಲ್ಯು. ತದೆ ಯೇಸುನೆ ಇವ್ಣುನ ಅಲಕ್ ಕಾಡಿಲೀನ್, ಇನಜೋ಼ಡೆ ಬೆತ್ಸಾಯಿದ ಕರಿ ಗಾಮ್‌ನ ಬುಲೈಲಿ ಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:12

ದನ್ ಡುಬಾಲಗ್ಯೋಥೊ, ತದೆ ಯೋ ಭಾರ ಜ಼ಣ ಶಿಷ್ಯರ್‌ ಯೇಸುಕನ ಐನ್, “ಆ ಅದ್ಮಿನಿ ಝೂ಼ಂಡ್‌ನ ಮೋಕ್ಲಿದೆ, ಅವ್ಣೆ ಅಶ್‌ಪಿಶ್‌ ಛಾ಼ತೆ ಖ್ಹಾರ ಗಾಂಬ್‌ಡಿಮ ಜೈ಼ನ್, ಖಾವಾನ ಖಾಣು, ಖ್ಹುವ್ವಾನ ಝ಼ಗೋನ ಢೂಂಡಿಲ್ಯವಾದೆ. ಶನಕತೊ ಆ ಉಜ್ಜಾ಼ಡಿ ಝ಼ಗೊ” ಕರಿ ಬೋಲ್ಯ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:2

ಅಜು಼ ದೇವ್ನಿ ರಾಜ್ಯನಿ ಬಾರೇಮ ಬೋಲಿವತಾಳಾನ ಅಜು಼ ರೋಗಿನ ಅಛ್ಛು಼ ಕರಾನ ಇವ್ಣುನ ಮೋಕ್‌ಲ್ಯೊ.

ಯೋಹಾನ 4:34

ಯೇಸು ಇವ್ಣುನ ಬೋಲ್ಯೋಕಿ ಮಾರು ಖಾಣು ಶಾತ್‌ಕತೊ ಕೋಣ್ ಮನ ಮೊಕ್‍ಲ್ಯೊಕೀ ಇವ್ಣಿ ಆಖ್ಹ್‌ನ ಪೂರ ಕರಾನುಸ್ ಹುಯಿರುಸ್. ಅಜು಼ ಮನ ದಿದೂತೆ ಯೊ ಕಾಮ್ನ ಪೂರ ಕರ‍್ನು

ಯೋಹಾನ 6:37

ಬಾ ಮನ ದೇಸ್ತೆ ಇವ್ಣೆ ಖ್ಹಾರು ಮಾರಕನ ಆವ್‌ಶೆ, ಅಜು಼ ಮಾರಕನ ಆವಾಳಾನ ಪಾಛು಼ಮೇ ಧಕೇಲಿಶ್‌ ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:31

ತದೆ ಇನೆ ಘಣುಭಾಲಿಥಿ ಅಜು಼ ಖಿವಿ ಅಡ್ಡಿಕೊಂತೆ; ದೇವ್ನು ರಾಜ್ಯನಿ ಬಾರೇಮ ಉಪದೇಶ್ ಕರ್ತೊಹುಯಿನ್ ಪ್ರಭು ಯೇಸುಕ್ರಿಸ್ತನಿ ಬಾರೇನಿ ವಾತೇನ ಬೋಧನೆ ಕರ್ತೊರ‍್ಹಿಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:14

ಕತೋಬಿ ಪ್ರಭುಮ ವಿಶ್ವಾಸ್ ನಾರ‍್ಹಯುತೊ ಇನ ನಾಮ್ನ ಬೋಲಿಲ್ಯವಾನುಬಿ ಕಿಮ್? ಇವ್ಣೆ ಸಂದೇಶ್ ಖ್ಹಮ್‍ಜ್ಯುನಾತೊ ಇನಾಪರ್ ವಿಶ್ವಾಸ್ ಕರಾನುಬಿ ಕಿಮ್? ಬೋಲವಾಳೊ ನಾರ‍್ಹಯೊತೊ ಇವ್ಣೆ ಖ್ಹಮ್‍ಜಾ಼ನು ಕಿಮ್? ಸುವಾರ್ತೆನ ಫೈಲಾವಾಳೊ ನಾಮೋಕ್‌ಲಾಯೊತೊ ಬೋಲಾನುಬಿ ಕಿಮ್?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:17

ಇನಖ್ಹಾಜೆ, ಬೋಲಾತೆ ಸುವಾರ್ತೆನ ಖ್ಹಮ್‍ಜಾ಼ಥಿ ವಿಶ್ವಾಸ್ ಆವಸ್, ಯೋ ಖಿವುಕತೊ ಕ್ರಿಸ್ತನಿ ಬಾರೇನಿ ವಚನ್‍ ಹುಯಿರ‍್ಹಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:3

ಶನಕತೊ ಪವಿತ್ರ ದಪ್ತರ್‌ಮ ಬೋಲಾತೆ ತಿಮ್ ತುನ ಚಿಂಗಾವವಾಳನಿ ಚಿಂಘಾವ್ಣಿ ಮಾರಪರ್ ಆಯು ಕರಿ ಕ್ರಿಸ್ತ ಜಿನುಬಿ ಇನು ಯೊ ಖ್ಹರೈಲಿದೊಕೊಯ್ನಿ.

2 ತಿಮೊ 4:2

ದೇವ್ನಿ ಸುವಾರ್ತೆ ಅದ್ಮಿವೋನ ಅಛ್ಛಿ ವಖ್ಹತ್‌ಮ ಖಬರ್ ವಖ್ಹತ್‌ಮ ಬೋಲಿದೆ. ಅದ್ಮಿಖ್ಹಾರು ಕರ್ನುತೆ ಇನ ಇವ್ಣುನ ಬೋಲಿದೆ. ಇವ್ಣೆ ಗಲತ್‌ ಕರಾನಿ ವಖ್ಹ್‌ತೆ ಯೋ ಇನ ಒತಾಳ್, ಇವ್ಣುನ ಗುರ್‌ಕಾವ್, ಹುಮ್ಮಖ್ಹ್‌ರ‍್ಹಿನ್ ಘಣು ಖ್ಹಮಾಳಿರ‍್ಹೀನ್‌ ಅಜು಼ ಹೊಷಾರ್‌ಥಿ ಕರ್‌.

ಇಬ್ರಿ 4:16

ಇನಖ್ಹಾಜೆ ಅಪ್ಣೆ ಬರಾಬರ್‌ನಿ ವೇಳ್ಮ ಗೋರ್‌ನ ಲಿಲ್ಯಾವನಖ್ಹಾಜೆ ಇನಿ ವಾರ್‌ಖ್ಹೇಥಿ ಅಪ್ಣುನ ಬರಾಬರ್‌ನಿ ವೇಳ್ಮ ಮದತ್ನಖ್ಹಾಜೆ ಹಿಮ್ಮಥ್ಥಿ ಇನಿ ಕೃಪಾಸನ್ನ ಖ್ಹಾಮ್ಣೆ ಅಯ್ಯೆ.