ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:1 - ದೇವ್ನಿ ಖ್ಹಾಚಿ ವಚನ್

¹ ಯೇಸುನೆ ಭಾರ ಜ಼ಣ ಅಪೊಸ್ತಲರ‍್ನ ಏಕ್‌ದಮ್ ಬುಲೈನ್, ಇವ್ಣುನ ಭೂತ್‌ಖ್ಹಾರು ಕಾಡಾನ ಅಜು಼ ರೋಗ್-ರಾಯೊ ಅಛ್ಛು಼ಕರಾನ ಶಕತ್‍ ಅಜು಼ ಅದಿಕಾರ್ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:1 ပူးပေါင်းရင်းမြစ်များ

ಮತ್ತಾಯ 16:19

ಸೊರ್ಗಾನು ರಾಜ್ಯನು ಬೀಗಾನ ಖ್ಹಾರು ಮೇ ತುನ ದಿಶ್; ಧರ್ತಿಪರ್ ತೂ ಶಾತ್ ಭಾಂದೀಶ್‌ಕಿ, ಯೋ ಸೊರ್ಗಾಮಾಬಿ ಭಂದಾವ್‌ಶೆ, ಅಜು಼ ಧರ್ತಿಪರ್ ತೂ ಶಾತ್ ಛೋ಼ಡಿಶ್‌ಕಿ, ಯೋ ಸೊರ್ಗಾಮಾಬಿ ಛೋ಼ಡಾವ್‌ಶೆ” ಕರಿ ಬೋಲ್ಯೊ.

ಮತ್ತಾಯ 4:24

ಇನಿ ಬಾರೇಮಾನಿ ಖಬರ್ ಸಿರಿಯ ದೇಖ್ಹ್‌ ಅಖ್ಖುಸ್ ಫೈಲಿಗಯು. ತದೆ ಆದ್ಮಿಖ್ಹಾರು ರೋಗ್‌ಮ ರ‍್ಹವಾಳನ ಯೇಸುಕನ ಲಾಯು, ಇವ್ಣಾಮ ಕೈಯೆಕ್ಕಿ ತರ‍್ಹಾನು ರೋಗ್‌-ರಾಯಥಿ ತರಪ್‌ಡುಕರ್ತುಥೂತೆ ಅಜು಼ ಭೂತ್‌ ಧರಿರಾಖ್ಯುಥೂತೆ, ಮಿರ್‌ಘಿ ಥೂತೆ ಅಜು಼ ಲಕ್‍ವೊ ಮಾರಿರಾಖ್ಯುಥೂತೆ ಇವ್ಣ ಅಖ್ಖಾನ ಇನಕನ ಲಾಯು. ಯೇಸುನೆ ಇವ್ಣ ಖ್ಹಾರಸ್ನ ಅಛ್ಛು಼ ಕರ‍್ಯೊ.

ಮತ್ತಾಯ 8:9

ಮೇಬಿ ಬಿಜೇಕ್ ಅದಿಕಾರ್‌ನ ಹಾತ್‍ಹೇಟ್ ರ‍್ಹವಾಳೊ, ಮಾರ ಅದೀನ್‌ಮಾಬಿ ಸಿಪಾಯಿಖ್ಹಾರು ಛಾ಼. ಮೇ ಇವ್ಣಾಮ ಏಕ್‌ ಜ಼ಣಾನ ‘ಜಾ಼’ ಕರಿ ಬೋಲ್ಯೊತೊ ಜಾ಼ಸ್‌; ಬಿಜ್ಜೇಕ್‌ ಜ಼ಣಾನ, ‘ಆವ್’ ಕರಿ ಬೋಲ್ಯೋತೊ, ಆವಸ್; ಮಾರ ಆಳ್‌ನ, ‘ಅಮ್ನು-ಅಮ್ನು ಕರ್‌’ ಕರಿ ಬೋಲ್ಯೋತೊ, ಯೋ ಕರಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:1

ಅನ ಬಾದ್‌ಮ ಯೇಸು ಪ್ರಭು ಬಿಜೂ಼ಬಿ ಬೇ ಉಪ್ಪರ್ ಖ್ಹಡ್‌ತೀನಿಖ್ಹ್ ಜ಼ಣಾನ ಚೂ಼ಣಿನ್, ಬೆಬ್ಬೆ ಜ಼ಣ ಕರೀನ್, ಯೋ ಜಾ಼ವ್ಣುಕರಿ ಥೋತೆ ಹರೇಕ್ ಗಾಮ್‌ನ ಅಜು಼ ಝ಼ಗೋನ ಇನೇಥಿ ಅಗಾಡಿ ಇವ್ಣುನ ಮೋಕ್‌ಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:19

ಹಂದೇಖೊ, ಖ್ಹಾಪ್‌ಪರ್‌ಬಿ, ವಿಛ್ಛಿಪರ್‌ಬಿ ಚಾ಼ಲಾನ ಅಜು಼ ದುಶ್‌ಮನ್ನಿ ಖ್ಹಾರೀಸ್‍ ಶಕತ್ನ ಹರಾವನ ಮೇ ತುಮೂನ ಅದಿಕಾರ್ ದೀರಾಖ್ಯೊಸ್. ಕೆಹೂಬಿ ತುಮೂನ ಖರಾಬ್ ಕೋ ಕರ್‌ಶೇನಿ.

ಯೋಹಾನ 14:12

ಮೇ ತುಮೂನ ಖ್ಹಾಚ ಬೋಲುಸ್, ಮನ ನಂಬವಾಳೊ ಮೇ ಕರ‍್ಯೊತೆ ಕಾಮ್ನಖ್ಹಾರು ಯೋಬಿ ಕರ್ಶೆ, ಎತ್ರೇಸ್ ಕಾಹೆತೆ ಇನೇಥಿ ಮಹಾನ್ ಕಾಮ್ನ ಖ್ಹಾರು ಕರ್ಶೆ, ಶನಕತೊ ಮೇ ಬಾಕನ ವಳ್ಯೊಜ಼ವುಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:8

ಕತೋಬಿ ಪವಿತ್ರಾತ್ಮ ತುಮಾರಪರ್ ಆಯಿಗೋತೊ, ತುಮೆ ಶಕತ್‍ಲೀನ್ ಯೆರೂಸಲೇಮ್ಮಾಬಿ ಯೂದಾಯಮಬಿ, ಸಮಾರ್ಯ ತಬರ್‌ಖಾಮಾಬಿ ಅಜು಼ ಜಗತ್ನ ಕಡೆಷಿ ಲಗೂಬಿ ಮನ ಸಾಕ್ಷಿಹುಯಿರಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:16

ತುಮೆ ಶಾತ್‌ ದೇಖ್ಯಕಿ ಅಜು಼ ತುಮೆ ಶಾತ್ ಖ್ಹಮ್‍ಜ್ಯಾಕಿ ಯೋ ಅಖ್ಖು ಇನ ನಾಮ್‍ಥೀಸ್ ಹುಯಿರುಸ್. ಯೊ ಲಂಗ್‍ಡಾನೆ ಯೇಸುನ ಉಪ್ಪರ್ ರಾಖಿರಾಖ್ಯೊತೆ ವಿಶ್ವಾಸ್‌ಥೀಸ್ ಇನ ಅಛ್ಛು಼ ಹುಯುತೆ ಅನಅಖ್ಖು ತುಮೆ ದೇಖಿರಾಖ್ಯಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:30

ತಾರ ಹಾತ್ನ ಭಡಾಯೋತೊ, ತಾರ ಸೇವಕ್, ತಾರಿ ವಚನ್ನ ಹಿಮ್ಮಥ್ಥಿ ಬೋಲಾನಿತರ ರಕ್ಷಕ್ ಯೇಸುನ ನಾಮ್‍ಥಿ ಪವಿತ್ರ ಕಾಮ್ ಕರಾನ, ರೋಗ್‌ವಾಳನ ಗುಣ್‌ಕರಾನಖ್ಹಾಜೆ,ಅಶ್ಚರ್ಯ ಅದ್ಭುತ್‌ಕಾಮ್‌ ಕರಾನ ತಾರೊಹಾತ್‌ ಫೈಲಾವ್‌”.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:34

ಪೇತ್ರನೆ ಯೋ ಅದ್ಮಿನ, “ಐನೇಯ,ಯೇಸು ಕ್ರಿಸ್ತಾಸ್ ತುನ ಅಛ್ಛು಼ ಕರುಕರಸ್. ಉಟ್ ತಾರ ಬಿಛಾ಼ವ್ಣನ ತೂಸ್ ಬಿಚೈ಼ಲೇ” ಕರಿ ಬೋಲ್ಯೊ. ತುರಂತ್ ಯೋ ಉಠಿನಿಕ್‍ಳ್ಯೊ.