ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:44 - ದೇವ್ನಿ ಖ್ಹಾಚಿ ವಚನ್

⁴⁴ ತದೆ ಯೋ ತಯೇಡ ಝೂ಼ಂಡ್‌ಮ ಯೇಸುನ ಪೀಠೇಥು ಐನ್, ಇನ ಲುಂಗ್ಡಾನ ಕನಾರೀನ ಛೀಮಿ. ಛೀಮ್‌ತಾಸ್ನ ಇನ ಲ್ಹೋಯಿ ಝ಼ರಾನು ಭೀರಿಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:44 ပူးပေါင်းရင်းမြစ်များ

ಮತ್ತಾಯ 20:34

ತದೆ ಯೇಸುನೆ ಇವ್ಣಾಪರ್ ಗೋರ್‌ಖೈನ್, ಇವ್ಣ ಡೋಳಾನ ಛೀಮ್ಯೊ. ತದ್‌ನು ತದ್ದೇಸ್ ಇವ್ಣ ಡೋಳಾ ಐಗಯ, ಅಜು಼ ಇವ್ಣೆ ಇನ ಪೀಠೆ ಗಯ.

ಮತ್ತಾಯ 8:3

ಯೇಸುನೆ ಹಾತ್‌ ಖ್ಹಾಮ್ಣೆ ಕರೀನ್, ಇನ ಛೀಮಿನ್‌, “ಮನ ಮನ್ ಛಾ಼, ಶುದ್ದಿ ಹೂ” ಕರಿ ಬೋಲ್ಯೊ. ತದ್‌ನು-ತದ್ದೇಸ್ ಯೋ ಅದ್ಮಿನ ಖೋಡ್‍ ಅಛ್ಛು಼ ಹುಯಿಗಯು.

ಮತ್ತಾಯ 9:20

ಭಾರ ವರಖ್ಹ್‌ಥು ಮುಟ್ನು ರೋಗ್‌ಥೀತೆ ಏಕ್‌ ತಯೇಡ ಥಿ ಯೋ ಯೇಸುನ ಪೀಠೇಥಿ ಆಯಿನ್, ಇನ ಝ಼ಗ್ಗಾನು ಕನಾರಿನ ಛೀಮಿ.

ಮಾರ್ಕ 6:56

ಅಜು಼ ಯೇಸು ಖೆವ ಖ್ಹಯೇರ್‌ಮಾಬಿ, ಖೆವ ಗಾಮ್ಮಾಬಿ ನಾತೊ ಖೆವ ಖೇತರ್‌ಮಾಬಿ ಕತೊ ಕಿಜ಼್ಜಾ-ಕಿಜ಼್ಜಾ ಗಯೋಕಿ ಹಿಜ಼್ಜಾವಾಳು ರೋಗ್‌ರ‍್ಹವಾಳನ ಭಾರ್‌ ಬಜಾ಼ರ್‌ನಿ ಝ಼ಗೊ ಮ್ಹೇಲಿನ್ ಯೇಸುನ, “ತಾರು ಲುಂಗ್ಡಾನು ಕೋಣೊತೋಬಿ ಛೀಮಾನ ಮ್ಹೇಲಿದೆ” ಕರಿ ಇನ ಗಿಂಗೈಲಿದು. ಅಜು಼ ಇನ ಕೋಣ್-ಕೋಣ್ ಛೀಮ್ಯೂಕಿ ಇವ್ಣ ಖ್ಹಾರಾನೊ ರೋಗ್‌ ಅಛ್ಛು಼ ಹುಯಿಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:13

ಇನಾಪರ್ ಇನೊ ಹಾತ್‌ ಮ್ಹೇಲ್ಯೊ, ಮ್ಹೇಲ್‌ತಾಸ್‌ನ ಯೋ ಉಭು ಭೀರಿಗೈ ಅಜು಼ ಇನೆ ದೇವ್ನ ಸ್ತುತಿ ಕರಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:38

ಯೋ ಯೇಸುನ ಪೀಠೆ ಇನ ಗೋಡಾಕನ ಭೀರಿನ್, ರೊವ್‌ತಿಹುಯಿನ್, ಇನ ಗೋಡಾನ ಆಂಝೇ಼ಖ್ಹು ಭಿಜೈ಼ನ್, ಬಾದ್‌ಮ ಇನ ಮುಡ್‌ಕ್ಯಾನ ಕೇಖ್ಹ್‌ಥಿ ಯೇಸುನ ಗೋಡ ನೂಛಿ ಅಜು಼ ಇನ ಗೋಡಾನ ಬುಚ್ಚಾ಼ ದೀನ್, ಯೋ ವಾನು ತೇಲ್ನ ಇನ ಗೋಡಾಪರ್ ನಾಖಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:43

ಯೋ ಭೀಡ್‌ಮ ಭಾರ ವರಖ್ಹ್‌ಥು, ಮುಟ್ನು ರೋಗ್‌ಥೀತೆ ಏಕ್‌ ತಯೇಡ ಥಿ. ಯೋ ಇನಾಕನ ಥೂತೆಖ್ಹಾರುಸ್ ಖರ್ಚಿ ಕರಿತೋಬಿ, ಕೋಣ್‌ಬಿ ಇನ ಅಛ್ಛು಼ ಕೊಕರ‍್ಯುನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:45

ತದೆ ಯೇಸುನೆ, “ಮನ ಛೀಮ್ಯೂತೆ ಕೋಣ್?” ಕರಿ ಪುಛಾ಼ಯೊ. ತಮಾಮ್‌ ಅದ್ಮಿನೆ ‘ಮೇ ಕಾಹೆ, ಮೇ ಕಾಹೆ’ ಕರಿ ಬೋಲ್ತಾನ, ಪೇತ್ರನೆ ಯೇಸುನ, “ಗುರು, ಅದ್ಮಿನಿ ಭೀಡ್ ತಾರ ಅಶ್‌ಪಿಶ್‍ ಭರೈನ್, ತಾರಪರ್ ಪಡುಕರಾಸ್‌ನಿ” ಕರಿ ಬೋಲ್ಯೊ

ಯೋಹಾನ 5:13

ಕತೋಬಿ ಯೋ ಅಛ್ಛು಼ ಹುಯೂತೆ ಅದ್ಮಿನ ಯೇಸು ಕೋಣ್ ಕರಿ ಮಾಲುಮ್‌ ಕೋ ಥೂನಿ. ಯೋ ಝ಼ಗೋಪರ್‌ ಅದ್ಮಿನಿ ಭೀಡ್ ಥೀತೆ ಇನಖ್ಹಾಜೆ ಯೇಸು ಹಿಜ್ಜಾ಼ಥೊ ಪಿಷ್‌ಲಿ ಚ಼ಲೆಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:12

ಇನಖ್ಹಾಜೆ ಅದ್ಮಿಖ್ಹಾರು, ಇನ ಹಾತ್ಮನು ಚೌ಼ಕೊ ಅಜು಼ ಆಂಗ್‍ಪರ‍್ನು ಪಿಛೋ಼ಡಿಬಿ ಪಳ್ಳಿಜೈ಼ನ್‌ ರೋಗ್‌ವಾಳನ ಉಪ್ಪರ್ ನಾಖ್ಯುತೊ ಇವ್ಣು ರೋಗ್‍ಅಖ್ಖು ಪರಿಹಾರ್‌ಹುಯಿನ್ ಅಜು಼ ಭೂತ್‌ಖ್ಹಾರು ನಾಶಿ ಜ಼ವ್‍ಕರ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:15

ಅಮ್‍ ರ‍್ಹವಾನಿ ವೇಳ್ಮ ಅದ್ಮಿಖ್ಹಾರು ರೋಗ್‌ವಾಳನ ಡೋಲಿಪರ್‌ ಪಾಡಿಲೀನ್ ಪೇತ್ರ ಆವಾನಿ ವಾಟ್‌ಪರ್ ಲಯಿನ್, ರೋಗ್‌ವಾಳನ ಉಪ್ಪರ್ ಇನಿ ಛಾ಼ಳಿಪಡಾದೆ ಕರಿ ವಾಟ್‌ಪರ್ ಮ್ಹೆಲ್ತುಥು. ಪೇತ್ರನಿ ಛಾ಼ಳಿ ಪಡಿತೋಬಷ್ ಕರಿ ಅದ್ಮಿಖ್ಹಾರಾನೆ ಸೋಚಿಲಿದು.