38 ಯೇಸು ಜಾ಼ವಾನಿ ವಖ್ಹತ್ಮ, ಭೂತ್ಖ್ಹಾರು ನಿಕ್ಳಿಗಯೂತೆ ಯೋ ಅದ್ಮಿ ಯೇಸುನ, “ಮೇಬಿ, ತಾರ ಕೇಡೆಸ್ ರ್ಹವುಸ್” ಕರಿ ಯೇಸುನ ಗಿಂಗೈಲಿದೊ.
ಆ ಭೇನ ಇಚ಼್ಮ ಖ್ಹಪ್ಡಿರ್ಹೋಸ್, ಹಜ್ಜಾ಼ಥು ನಿಕ್ಳಿನ್ ಕ್ರಿಸ್ತ ಯೇಸುನಿ ಜೋ಼ಡ್ಮ ರ್ಹೇವ್ಣುಕರಿ ಬೋಲಾನುಸ್ ಮಾರಿ ಆಖ್ಹ್ ಹುಯಿರ್ಹೀಸ್, ಯೊ ಘಣು ಅಛ್ಛು಼ಸ್ ಹುಯಿರ್ಹುಸ್.
ಗೆರಸೇನವಾಳನು ತಬರ್ಖಾನು ಖ್ಹಾರಾನ ಘಣು ಡರ್ಲಾಗ್ಯೂತೆ ಇನಖ್ಹಾಜೆ, ಇವ್ಣೆ ಯೇಸುನ, “ತೂ ಹಮೂನ ಮ್ಹೆಂದಿನ್ ಜಾ಼” ಕರಿ ಬೋಲಿಲಿದು. ಇನಖ್ಹಾಜೆ ಯೇಸು ಡೋಣ್ಣಾ ಚ಼ಢೀನ್, ಪಾಛು಼ ಫರಿ ಚ಼ಲೆಗಯೊ.
ಇನೆ ಯೇಸುನ ದೇಖಿನ್ ಬಳೇಳಿನ್, ಇನಖ್ಹಾಮ್ಣೆ ಪಡೀನ್, ಚೋ಼ರ್ ಆವಾಜ಼್ಥಿ, “ಪರಮಂಡಲ್ನೊ ದೇವ್ನ ಛಿಯ್ಯಾ, ಯೇಸು! ಮಾರೇಥಿ ತುನ ಶಾತ್ ಛಾ಼? ಮನ ಖ್ಹತೈಶ್ ನಕೊ ಕರಿ ತುನ ಗಿಂಗಾವುಸ್” ಕರಿ ಬೋಲಿಲಿದೊ.
ಇನಿ ಬಾರೇಮಾನಿ ಖಬರ್ ಸಿರಿಯ ದೇಖ್ಹ್ ಅಖ್ಖುಸ್ ಫೈಲಿಗಯು. ತದೆ ಆದ್ಮಿಖ್ಹಾರು ರೋಗ್ಮ ರ್ಹವಾಳನ ಯೇಸುಕನ ಲಾಯು, ಇವ್ಣಾಮ ಕೈಯೆಕ್ಕಿ ತರ್ಹಾನು ರೋಗ್-ರಾಯಥಿ ತರಪ್ಡುಕರ್ತುಥೂತೆ ಅಜು಼ ಭೂತ್ ಧರಿರಾಖ್ಯುಥೂತೆ, ಮಿರ್ಘಿ ಥೂತೆ ಅಜು಼ ಲಕ್ವೊ ಮಾರಿರಾಖ್ಯುಥೂತೆ ಇವ್ಣ ಅಖ್ಖಾನ ಇನಕನ ಲಾಯು. ಯೇಸುನೆ ಇವ್ಣ ಖ್ಹಾರಸ್ನ ಅಛ್ಛು಼ ಕರ್ಯೊ.
ಕತೋಬಿ ಯೇಸುನೆ ಇನ, “ತೂ ಪಾಛೊ಼ ತಾರ ಘರೆ ಜಾ಼ ಅಜು಼ ದೇವ್ನೆ ತಾರಖ್ಹಾಜೆ ಶಶ್ಶಾತ್ ಕರ್ಯೊ ಕರಿ ಬೋಲ್” ಕರಿ ಬೋಲಿನ್ ಮೋಕ್ಲಿದಿದೊ. ಯೋ ಅದ್ಮಿ ಹಿಜ್ಜಾ಼ಥು ಚ಼ಲ್ಯೂಜೈ಼ನ್, ಯೇಸುನೆ ಇನ ಶಶ್ಶಾತ್ ಕರ್ಯೊ ಕರಿ ಯೋ ಗಾಮ್ಮಾಕರಿ ಬೋಲ್ತುನಿಕ್ಳ್ಯು