ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:29 - ದೇವ್ನಿ ಖ್ಹಾಚಿ ವಚನ್

²⁹ ಶನಕತೊ, “ಆ ಅದ್ಮಿನ ಮ್ಹೆಂದಿನ್ ಜಾ಼!” ಕರಿ ಯೇಸುನೆ ಯೋ ಭೂತ್‌ನ ಹುಕುಮ್‌ ದಿದೋಥೊ. ಘಣಿ ಹಲ್ಲ ಯೋ ಭೂತ್‌ ಇನ ಧರ್ತುಥು, ಎತ್ರೇಸ್ ಕಾಹೆತೆ ಯೋ ಅದ್ಮಿನ ಕೋಂಡಿಘಾಲಿನ್, ಹಾತ್-ಗೋಡಾನ ಖ್ಹಂಕಳ್‌ಥಿ ಭಾಂದ್ಯುತೋಬಿ, ಯೋ ಖ್ಹಂಕ್‌ಳಿನ ತೋಡಿ ನಾಕ್ತೋಥೊ ಅಜು಼ ಯೋ ಭೂತ್ ಇನ ಉಜ್ಜಾ಼ಡಿ ಝ಼ಗೋಮ ನಖ್ಹಾಡ್‌ತೂಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:29 ပူးပေါင်းရင်းမြစ်များ

ಮಾರ್ಕ 5:8

ಶನಕತೊ, “ಏ ಭೂತ್‌, ಅನ ಮ್ಹೆಂದಿನ್ ಭಾರ್‌ ನಿಕಳ್” ಕರಿ ಯೇಸುನೆ ಅಗಾಡಿಸ್ ಬೋಲಿರಾಖ್ಯೊಥೊ, ಇನಾಖ್ಹಾಜೆ ಇನೆ ಇಮ್‌ ಬೋಲ್ಯುತೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:28

ಇನೆ ಯೇಸುನ ದೇಖಿನ್ ಬಳೇಳಿನ್‌, ಇನಖ್ಹಾಮ್ಣೆ ಪಡೀನ್, ಚೋ಼ರ್ ಆವಾಜ಼್‌ಥಿ, “ಪರಮಂಡಲ್‌ನೊ ದೇವ್ನ ಛಿಯ್ಯಾ, ಯೇಸು! ಮಾರೇಥಿ ತುನ ಶಾತ್‌ ಛಾ಼? ಮನ ಖ್ಹತೈಶ್‌ ನಕೊ ಕರಿ ತುನ ಗಿಂಗಾವುಸ್” ಕರಿ ಬೋಲಿಲಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:30

ಯೇಸುನೆ ಇನ, “ತಾರು ನಾಮ್ ಶಾತ್?” ಕರಿ ಪುಛಾ಼ವಖ್ಹತರ್, ಇನೆ, “ಮಾರು ನಾಮ್ ಝೂ಼ಂಡ್‌” ಕರಿ ಜವಾಬ್‌ ದಿದೊ. ಶನಕತೊ ಇನ ಘಣು ಭೂತ್ ಧರಿರಾಖ್ಯುಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:39

ಅನ ಭೂತ್ ಧರಾಸ್, ಧರ್‌ತಾಸ್‌ನ ಆ ಬಳೆಳಾಲಗಸ್, ಮ್ಹೋಡವಾಟೆ ಜ಼ಲ್‌ಭು ನಿಕ್ಳಾ ಏತ್ರೆ ಅನ ಧಡಾಶ ಮರಾವಸ್, ಅಜು಼ ಘಣು ಖ್ಹತೈನ್, ಝ಼ಗ್‌ದಾಶೆ ಯೋ ಭೂತ್ ಅನ ಮ್ಹೇಲಾಕೊಯ್ನಿ!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:42

ಯೋ ಛೋ಼ಕ್ರು ಆವ್‍ಕರಾನಿ ವಖ್ಹತ್‌ಮ, ಯೋ ಭೂತ್‌ ಇನ ಜ಼ಮೀನ್‌ಪರ್ ರಡ್‌ಕೈನ್‌, ಘಣು ಧಡಾಶ ಮರಾಯು. ಕತೋಬಿ ಯೇಸುನೆ ಯೋ ಭೂತ್‌ನ ಗುರ್‌ಕೈನ್, ಯೋ ಛೋ಼ಕ್ರಾನ ಅಛ್ಛು಼ ಕರೀನ್, ಇನ ಬಾನ ಹಾತ್‌ಮ ದಿದೊ.