ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:15 - ದೇವ್ನಿ ಖ್ಹಾಚಿ ವಚನ್

¹⁵ ಪಲ್‍ವಾಯಿಹುಯಿ ಜ಼ಮೀನ್‌ಪರ್‌ ಪಡ್ಯುಹುಯು ದಾಣೊ ಕತೊ ದೇವ್ನಿವಚನ್ನ ಖ್ಹಮ್‌ಜಿನ್‌, ಖ್ಹಾಚು಼ ಅಜು಼ ಅಛ಼್ಛ ಮನ್‌ಮ ಇನ ರಾಖಿನ್, ಇವ್ಣೆ ಖ್ಹಮಾಳಿನ್ ಫಲ್ ದೇಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:15 ပူးပေါင်းရင်းမြစ်များ

ಮತ್ತಾಯ 24:13

ಕತೋಬಿ ಖ್ಹರ್ತಿತೋಡಿ ಖ್ಹಮಾಳಿಲ್ಯವಾಳಾನ ರಕ್ಷಣೆ ಲಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:28

ತದೆ ಯೇಸುನೆ, “ಇನೇಥಿಬಿ, ದೇವ್ನಿ ವಚನ್ನ ಖ್ಹಮ್‌ಜೀನ್‌, ಇನ ಪಾಡಿಚಾ಼ಲವಾಳುಸ್‌ ಧನ್ಯರ್ ಹುಯಿರ‍್ಹುಸ್‍” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:45

ಅಛ್ಛು಼ ಅದ್ಮಿ ಇನ ಮನ್‌ಮ ಜ಼ಮಕರಿರಾಖ್ಯೂತೆ ಅಛ್ಛಿ ಕಣ್ಗಿಮಾಥು ಅಛ್ಛಾ಼ನ ಭಾರ್‌ ಕಾಡಸ್‌; ಕತೋಬಿ ಖರಾಬ್ ಅದ್ಮಿ ಇನ ಮನ್‌ಮ ಜ಼ಮಕರಿರಾಖ್ಯೂತೆ ಖರಾಬ್ ಕಣ್ಗಿಮಾಥು ಖರಾಬ್‌ನ ಭಾರ್ ಕಾಡಸ್‌. ಮನ್‌ಮ ಶಾತ್‌ ಛಾ಼ಕಿ ಯೋಸ್‌ ಮ್ಹೋಡವಾಟೆ ನಿಕ್ಳಸ್‌.‌

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:14

ಕಾಟಾನ ಝಿಕ್ರಾನು ಝ಼ಗೋಪರ್ ಪಡ್ಯಾತೆ ಪಂಡಾ ಕೆಹುಕತೊ, ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮ್‌ಜಾ಼ಸ್‌, ಕತೋಬಿ ಆ ಜಿವ್ಣಾನಿ ಪಶ್ತಾವ್ಣಿ, ಧನ್‌-ದೌಲತ್‌ನಿ ಭೋಗ್‌ಮ ಡುಬಿಜೈನ್, ಇವ್ಣು ಫಲ್ ಕೋದೇಯ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:16

ಕೆಹು ಅದ್ಮಿಬಿ ದೀವೊ ಲಗಾಡಿನ್, ಹಂಡ್ಕಾನ ಹೇಟ್‌ ರ‍್ಹವೊ ನತರ್‌ಕಿ ಪಲಂಗ್‌ನ ಹೇಟ್ ರ‍್ಹವೊ ಲಪಾಡಿನ್ ಮ್ಹೇಲಾಕೊಯ್ನಿ. ಘರ್‌ಮ ಆವಾಳಾನ ಉಜಾ಼ಳು ದೆಖಾವಾನಿಘೋಣಿ, ದೀವೊ ಮ್ಹೇಲಾನಿ ಖಂಬಾಪರ್‌ ಮ್ಹೇಲಾಸ್.

ಯೋಹಾನ 14:15

ತುಮೆ ಮನ ಪ್ಯಾರ್‌ಕರವಾಳ ರ‍್ಹಯಾತೊ, ಮಾರಿ ಹುಕುಮ್‌ನ ಪಾಡಿ ಚಾ಼ಲ್‌ಶು.

ಯೋಹಾನ 15:10

ಮೇ ಮಾರ ಬಾನಿ ಹುಕುಮ್‌ನ ಪಾಡಿ ಚಾ಼ಲಿನ್, ಇನಿ ಲಾಡ್ಮ ಛೂ಼ತೆ ಇಮ್ಮಸ್, ತುಮೆ ಮಾರಿ ಹುಕುಮ್‌ನ ಪಾಡಿ ಚಾ಼ಲ್ಯಾತೊ, ಮಾರಿ ಲಾಡ್ಮ ಏಕ್‌ ಹುಯಿರ‍್ಹೀಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7

ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:22

ಕತೋಬಿ ಹಮ್ಕೆ ತುಮೆ ಪಾಪ್‌ಥಿ ಛುಟ್ಕಾರ್ ಲ್ಯವಾಳಹುಯಿನ್, ದೇವ್ನ ಗುಲಾಮ್‌ ಹುಯಿರಾಸ್. ತುಮೂನ ಮಳಾನು ಫಾಯಿದೊ ಪರಿಶುದ್ ಭಣಿ ಲೀಜಾ಼ಸ್ ಇನು ಫಲ್ ಹಮೇಶಾನಿ ಜಿ಼ಂದ್‌ಗಿ ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:18

ಮಾರಾಮ, ಕತೊ ಶರೀರ್‌ನ ಅಧೀನ್ ಸ್ವಭಾವ್‍ಥಿ ಅಛ್ಛು಼ಶಾತ್‍ಬಿ ಜಿವ್‍ಕರಾಕೊಯ್ನಿ ಕರಿ ಮಾಲುಮ್‌ಛಾ಼. ಶನಕತೊ ಅಛ಼್ಛು ಕರ್ನುಕರಿ ಬೋಲಾನು ದಿಲ್‍ ಮಾರಾಮ ರ‍್ಹಯುತೋಬಿ ಇನ ಕರಾನ ಮನ ಕೊಹೋಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:4

ಇನಖ್ಹಾಜೆ ಮಾರ ಭೈಯೇ ಭೇನೇವೊ,ಧರ್ಮಶಾಸ್ತ್ರನಿ ಬಾರೇಮ ಬೋಲ್ನುಕತೊ ತುಮೇಬಿ ಕ್ರಿಸ್ತಾನು ಶರೀರ್‌ಮ ಭಾಗ್‌ ಹುಯಿರ‍್ಹಾಸ್ತೆಖ್ಹಾಜೆ ತುಮೇಬಿ ಮರಿರ‍್ಹಾಸ್ ಅಜು಼ ಹಮ್ಕೆ ಮರ‍್ಯಹುಯಮಾಥು ಜಿವ್ತೊಹುಯಿನ್ ಉಠ್ಯೊತೆ ಇನ ಮಳ್ಯಹುಯ ಹುಯಿರಾಸ್. ಅಮ್ ಅಪ್ಣೆ ದೇವ್ನಿ ಸೇವೆಮ ಫಾಯಿದೊ ಹುಯೆಜಾ಼ಯ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:25

ಕತೋಬಿ ಅಪ್ಣೆ ಬಿಜೂ಼ಬಿ ದೆಖವ್‍ಕರಾಕೊಂತೆ ಇನಖ್ಹಾಜೆ ಭರೋಖ್ಹೊ ರ‍್ಹವಾನು ರ‍್ಹಯೂತೊ ಅಪ್ಣೆ ಇನಖ್ಹಾಜೆ ಖ್ಹಮಾಳಿನ್ ಟಿವೈರ‍್ಹಿಶು.

1 ಕೊರಿಂಥ 7:19

ಖ್ಹತ್ನ ಕರಾವನುಕಿ ನತರ್ ಖ್ಹತ್ನ ಕರಾವ್ಣುಕರಿ ಯೋಸ್ ಮುಖ್ಯ ಕಾಹೆ. ದೇವ್ನು ಹುಕುಮ್‌ನ ಪಾಡಿನ್ ಚಾ಼ಲನೂಸ್ ಮುಖ್ಯ ಹುಯಿರ‍್ಹುಸ್.

ಎಫೆಸ 2:8

ವಿಶ್ವಾಸ್‌ನಿ ಕೃಪೆಥಿಸ್ ತುಮೆ ರಕ್ಷಣೆ ಲೀರಾಖವಾಳ ಹುಯಿರ‍್ಹಾಸ್. ಆ ಬಚಾ಼ವ್ಣಿ ಅಪ್ಣಕಾಮ್ನು ಫಲ್‌ಕಾಹೆ, ಯೊ ದೇವ್‌ನು ಧರಮಸ್.

ಫಿಲಿಪ್ಪಿ 1:11

ಯೇಸು ಕ್ರಿಸ್ತಮ ಛಾ಼ತೆ ಅಛ್ಛು಼ಗುಣ್‌ನ ಭರೈರ‍್ಹವಾಳ ಹುಯಿನ್ ರ‍್ಹೇವ್ಣುಕರಿ ದೇವ್ನ ಮಹಿಮೆ ಅಜು಼ ದನ್ಯವಾದ್‌ನ ದೇವ್ಣುಕರಿ ಬಿಂತಿಕರಿಲೇವುಸ್.

ಕೊಲೊಸ್ಸೆ 1:10

ಪ್ರಭುನ ಪಸಂದ್ ಹುವಾನಿ ಪರಕ್ಮ ಖ್ಹಾರಿಸ್ ತರಾಮ ತುಮೆ ಲ್ಹಾಯೇಕ್ ಹುಯಿನ್ ಜಿವ್ಣುಕರ‍್ನು ಕರೀಬಿ ಹರೇಕ್‍ಥರಾನು ಅಛ಼್ಛುಕಾಮ್ನ ಕರ್ತುಹುಯಿನ್ ದೇವ್ನಿ ಅಕ್ಕಲ್‌ಮ ಭಡ್ತುಜಾ಼ವ್ಣು ಕರಿ,

ಕೊಲೊಸ್ಸೆ 1:6

ತುಮೆ ಖ್ಹಾಚಾಮ ದೇವ್ನಿ ವಾರ್‌ಖ್ಹಾನ ಖ್ಹಮ್‌ಜಿನ್‌ ಮಾಲುಮ್ ಕರಿರಾಖ್ಯಾತೆ ದನ್‌ಥು ತುಮಾರಕನ ಆಯುತೆ ಯೋ ಸುವಾರ್ತೆನ ಜಗತ್‌ಮಖ್ಹಾರು ಫಲ್‍ದಿದೂತೆ ತಿಮ್ಮಸ್ ತುಮಾರಮಾಬಿ ಫಲ್‍ದೀನ್‍ ಭಢುಕರಸ್.

ಇಬ್ರಿ 10:36

ತುಮೆ ದೇವ್ನಿ ಮರ್ಜಿನ ಚ಼ಲೈಹುಯಿಗುತೆ ತದೆ ವಾಗ್ದಾನ್ನ ಲೀಲೇವ್ಣುಕತೊ ತುಮೆ ಖ್ಹಮಾಳಿನ್ ರ‍್ಹೇವ್ಣು.

ಇಬ್ರಿ 2:1

ಇನಖ್ಹಾಜೆ ಅಪ್ಣೆ ಖ್ಹಮ್‍ಜ್ಯಾತೆ ಬಾರೇನು ನಾ ಛು಼ಕಿಜಾ಼ವ್ಣುತೆ ಯೊ ಅಖ್ಖಾನ ಜಾ಼ಖ್ಹತ್ ಧ್ಯಾನ್ ದ್ಯಾವಾಳ ಹುಯಿರ‍್ಹೇಣು.

ಯಾಕೋಬ 1:4

ಯೋ ಖ್ಹಮಾಳಾನು ತುಮಾರಮ ಭರ್‌ಪೂರ್‌ ಹುವಾದೆ. ತದೆತುಮೆ ಮೈಲಾ ಕಾಹೆತೇಬಿ, ಖ್ಹಾರಿ ಅಛ್ಛಿಗುಣ್‍ಮ ಪೂರಾಬಿ, ಅಜು಼ ಶನಾಮಬಿ ಕಮ್ ನಾರ‍್ಹವಾಳು ಹುಯಿರ‍್ಹಿಶು.

1 ಯೋಹಾನ 2:3

ಅಪ್ಣೆ ಇನಿ ಹುಕುಮ್‌ನ ವಿಧೇಯ ಹುಯಿನ್ ಚಾ಼ಲಿಲ್ಯವಾನುಸ್ ಅಪ್ಣೆ ಇನ ಮಾಲುಮ್ ಕರಿಲಿದಾಕರಿ ಖ್ಹಮ್‍ಜಿಲಿಯೇಸ್.