ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:8 - ದೇವ್ನಿ ಖ್ಹಾಚಿ ವಚನ್

⁸ ಮೇಬಿ ಬೀಜಾ಼ನ ಹಾತ್‍ಹೇಟ್ ಕಾಮ್ ಕರಾವಾಳೊ ಹುಯಿರ‍್ಹೋಸ್. ಮಾರ ಹಾತ್‌ಹೇಟ್ ಸಿಪಾಯಿಖ್ಹಾರು ಛಾ಼. ಮೇ ಇವ್ಣಾಮ ಏಕ್‌ ಜ಼ಣಾನ ಜಾ಼ ಕರಿ ಬೋಲ್ಯೊತೊ ಯೋ ಜಾ಼ಸ್‌, ಬಿಜ್ಜೇಕ್‌ ಜ಼ಣಾನ ಆವ್ಣುಕರಿ ಬೋಲ್ಯೋತೊ ಆವಸ್. ಮಾರ ಆಳ್‌ನ ಅಮ್ನು-ಅಮ್ನು ಕಾಮ್ ಕರ್‌ ಕರಿ ಬೋಲ್ಯೋತೊ ಯೋ ಕರಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:8 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:7

ಅತ್ರೇಸ್ ಕಾಹೆತೆ ತಾರಕನ ಆವಾನಾಬಿ ಮೇ ಲ್ಹಾಯೇಕ್‌ನೊ ಕಾಹೆ. ಕತೋಬಿ ತೂ ಖಲಿ ಏಕ್‌ ವಾತೆ ಬೋಲ್ಯೋತೊ ಬಶ್‌ ಮಾರ ಸೇವಕ್‌ನ ಅಛ್ಛು಼ ಉಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:9

ಆ ವಾತೆನ ಖ್ಹಮ್‌ಜಿನ್‌ ಯೇಸುನೆ ಇನಿ ಬಾರೇಮ ಆಶ್ಚರ್ಯಖೈನ್, ಇನ ಪೀಠೆ ವಳ್ಯಾವ್‌ತುಥೂತೆ ಝೂ಼ಂಡ್‌ಣ ಫರಿ ದೇಖಿನ್‌, “ಮೇ ತುಮೂನ ಬೋಲುಸ್ಕಿ, ಮೇ ಅತ್ರೆ ಮೋಟಿ ವಿಶ್ವಾಸ್‌ನ ಇಸ್ರಾಯೇಲ್‌ ಆದ್ಮಿಮಾಬಿ ಕೋ ದೇಖ್ಯೋನಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:17

ತದೆ ಪೌಲನೆ ಏಕ್‌ ಖ್ಹೋಶಿಪಾಯಿನ ಮೋಟಾನ ಬುಲೈನ್, “ಆ ಜ಼ವಾನಿ ಛೋ಼ಕ್ರಾನ ಸೇನಾಧಿಪತಿಕನ ಬುಲೈಲಿನ್ ಜಾ಼. ಯೋ ಇನ ಖ್ಹಮ್‍ಜಾ಼ಡಾನಿ ಏಕ್‌ ವಾತ್ ಛಾ಼” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:23

ಇನಪಾರ್ ಖ್ಹೋಶಿಪಾಯಿನ ಮೋಟಾನೆ ಬೇಜ಼ಣ ಸೇನಾಧಿಕಾರಿನ ಬುಲೈನ್ ಇವ್ಣುನ, “ಆ ರಾತ್ ನೌಘಂಟಾನ ಕೈಸರೈ ಖ್ಹಯೇರ‍್ನ ಜಾ಼ವಾನ ಬೇಖ್ಹೋ ಶಿಪಾಯಿನಾಬಿ, ಖ್ಹಡ್‌ತೀನಿಖ್ಹ್‌ ಅದ್ಮಿ ಘೋಡಾಚ಼ಲಾವಳನಾಬಿ, ಬೇಖ್ಹೊ ಅದ್ಮಿ ಭಾಲವಳಾನಾಬಿ, ತಯಾರ್‌ಕರೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:26

“ಮಹಾಪ್ರಭು ಹುಯಿರೋತೆ ರಾಜ್ಯಪಾಲ್ ಫೇಲಿಕ್ಸ್‌ನ ಕ್ಲೌದ್ಯ ಲುಸಿಯಸ್‍ನಿ ಖ್ಹಲಾಮ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:31

ಶಿಪಾಯಿಖ್ಹಾರು ಇವ್ಣುನ ಹುಕುಮ್ ಹುಯುತೆ ತಿಮ್ಮಸ್ ಪೌಲನ ಇವ್ಣಿಜೋ಼ಡೆ ರಾತೋರಾತ್ ಬುಲೈಲಿನ್ ಅಂತಿಪತ್ರಿಕರಿ ಗಾಮ್‌ನ ಬುಲೈಲೀಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:23

ಇನಕೇಡೆಥು ಪೌಲನ ಕಾವ್ಲಿಮ ರಾಖೇಜಾ಼ಯ್‌, ಕತೋಬಿ ಇನ ಶಾತ್ಬಿ ಅಡ್ಡಿ ನಾಕರ‍್ನು, ಇನ ದೇಖಿಲ್ಯವಾಳು ಇನ ಖ್ಹದ್ದರ್‌ಕರೀನ್ ಆಡು ಶಾತ್ಬಿ ನಾಕರ‍್ನುಕರಿ ಖ್ಹೋಶಿಪಾಯಿನ ಮೋಟಾನೆ ಹುಕುಮ್‌ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:26

ಕತೋಬಿ ಅನಿ ವಾತೆನಿ ಬಾರೇಮ ಕೈಸರೈನ ಲೀಖಾನ, ಬರಾಬರ್‌ನು ಅಪರಾದ್ ಶಾತ್ಬಿ ಮನ ಕೊದೆಖಾವನಿ, ಇನಖ್ಹಾಜೆ ಮೇ ಅನ ತುಮಾರ ಖ್ಹಾರಾನ ಖ್ಹಾಮ್ಣೇಬಿ ವಿಶೇಷ್‌ಥಿ ಛಾ಼ತೆ ರಾಜ಼ ಅಗ್ರಿಪ್ಪನ ಖ್ಹಾಮ್ಣೆ ಲೈರಾಖ್ಯೊಸ್. ಇನಖ್ಹಾಜೆ ತುಮೆ ಅನ ವಿಚಾರ್‌ಕರೀನ್ ಅನಿ ಬಾರೇಮ ಇನ ಲೀಖಾನ ಶನಿತೋಬಿ ವಾತೆ ದಿಶುಕರಿ ಬೋಲಿನ್ ಟಿವೈರ‍್ಹೋಸ್.

ಕೊಲೊಸ್ಸೆ 3:22

ಚಾ಼ಕ್ರಿ ಕರಾವಾಳವೊ ತುಮಾರೊ ಜಗತ್‌ನು ಯಜಮಾನ್ ಯೋ ದೇಖುಕರಾನಿ ವಖ್ಹತ್ ಖಲಿ ವಿಧೇಯ ಹುಯಿನ್ ಚಾ಼ಕ್ರಿ ಕರಾವಾಳ ನಾರ‍್ಹೇವ್ಣುತೆ ಪ್ರಭುನ ಡರ್‌ಭಕ್ತಿನ ದಿಲ್‌ವಾಳ ಹುಯಿನ್ ಕಾಮ್‍ಕರೊ.