ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:34 - ದೇವ್ನಿ ಖ್ಹಾಚಿ ವಚನ್

³⁴ ಅದ್ಮಿನೊ ಛಿಯ್ಯೊ ಆಯೊ, ಯೋ ಖಾಣುಪಾಣಿ ಲ್ಯವಾಳೊ ಹುಯಿರೋಸ್. ‘ತುಮೆ ಬೋಲೊಸ್ಕಿ, ದೇಖೋಲೊ, ಆ ಅದ್ಮಿ ಖಾಣನು ಮರ್‌ತೇಲ್‌ ಅಜು಼ ಪೀಕುಡ್ಕ, ಪಾಪಿಬಿ ಖರಾಬ್ ಅದ್ಮಿನೊ ದೋಸ್ತಿ” ಕರಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:34 ပူးပေါင်းရင်းမြစ်များ

ಮತ್ತಾಯ 11:19

ಅದ್ಮಿನೊ ಛಿಯ್ಯೊ ಆಯೊ, ಯೋ ಖಾಣುಪಾಣಿ ಲ್ಯವಾಳೊ ಹುಯಿರ‍್ಹೊಥೊ. ಅದ್ಮಿಖ್ಹಾರು ಇನ, ‘ಆ ಅದ್ಮಿ ಖಾಣನು ಮರ್‌ತೇಲ್‌ ಅಜು಼ ಪೀಕುಡ್ಕ ಹುಯಿರ‍್ಹೋಸ್! ಶುಂಕ ಮಾಂಗವಾಳನೊ ಅಜು಼ ಪಾಪಿ ಖ್ಹಾರಾನೊ ದೋಸ್ತ್’ ಕರಿ ಬೋಲಾಸ್, ಕತೋಬಿ ದೇವ್ನಿ ಗ್ಯಾನ್ ಖ್ಹಾಚಿಸ್ ಕರಿ ಬೋಲಾನು ಇನ ಕಾಮ್‌ಥೀಸ್‌ ಮಾಲುಮ್‌ ಪಡಾಸ್‌” ಕರಿ ಬೋಲ್ಯೊ.

ಮತ್ತಾಯ 5:46

ತುಮೂನ ಪ್ಯಾರ್ ಕರಾವಾಳನಾಸ್‌ ತುಮೆ ಪ್ಯಾರ್ ವತಾಳ್ಯಾತೊ ದೇವ್ ತುಮೂನ ಶನ ಇನಾಮ್ ದಿಶೆ? ಶುಂಕವಶೂಲ್‍ ಕರವಾಳುಬಿ ಅಮ್ಮಸ್ ಕರಾಸ್ನಿ!

ಮತ್ತಾಯ 9:11

ಫರಿಸಾಯರ್‌ನೆ ಅನದೇಖಿನ್‌, ಯೇಸುನ ಶಿಷ್ಯರ್‌ನ, “ತುಮಾರೊ ಗುರು ಶುಂಕ ಮಾಂಗವಾಳನ ಅಜು಼ ಪಾಪಿ ಖ್ಹಾರಾನ ಜೋ಼ಡೆ ಶನ ಖಾಣುಖಾಸ್ತೆ?” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:37

ಯೇಸುನೆ ವಾತೆ ಬೋಲಿನ್ ಖತಮ್ ಕರಾನ ಬಾದ್‌ಮ, ಫರಿಸಾಯರ್‌ವಾಳೊ ಏಕ್‌ ಜ಼ಣಾನೆ ಯೇಸುನ ಖಾಣನ ಬುಲಾಯೊ. ತದೆ ಯೇಸು ಇನ ಘರ್‌ನ ಮಹಿ ಜೈ಼ನ್‌, ಖಾಣನ ಬೇಶಿಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:1

ಏಕ್‌ಹಲ್ಲ ಸಬ್ಬತ್‌ ದನ್ನೆ ಯೇಸು ಫರಿಸಾಯರ್‌ನು ಮೋಟಾವ್‍ಮ ಏಕ್‌ ಜ಼ಣಾನ ಘರೆ ಖಾಣನ ಗಯೊ. ಹಿಜ್ಜಾ಼ನು ಅದ್ಮಿಖ್ಹಾರು ಯೇಸುನ ನಿಘಾ ಲಗಾಡಿನ್ ದೇಖುಕರ್ತುಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:2

ಅನ ದೇಖಿನ್ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೇನೆ, “ಆ ಪಾಪಿ ಖ್ಹಾರಾನ ಜೋ಼ಡೆ ಮಳಿನ್, ಇವ್ಣ ಜೋ಼ಡೆ ಖಾಣು ಖಾಸ್ನಿ” ಕರಿ ಯೇಸುಪರ್ ಮಶ್ಲಾ ಮಾರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:7

ಅನ ದೇಖಿನ್‌ ಅದ್ಮಿಖ್ಹಾರು, “ಯೇಸು ಪಾಪಿನ ಘರ್‌ಮ ಮೆಹಮಾನ್ ಹುಯಿನ್ ವಳ್ಯೊಜಾ಼ಸ್‌” ಕರಿ ಭಣ್‌ಕ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:29

ಬಾದ್‌ಮ ಲೇವಿನೆ ಇನ ಘರ್‌ಮ ಯೇಸುನಖ್ಹಾಜೆ, ಏಕ್‌ ಮೋಟಿ ಮಿಝ಼್‌ವಾನ್ ಪಿಕಾಯೊ. ಹಿಜ್ಜಾ಼ ಶುಂಕ ವಶೂಲ್ ಕರಾವಾಳು ಅಜು಼ ಬಿಜು಼ ಅದ್ಮಿಖ್ಹಾರು ಝೂ಼ಂಡ್‌ ಭರೈನ್ ಇವ್ಣ ಜೋ಼ಡೆ ಖಾಣನ ಬೆಠೂಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:33

ಕಿಮ್‌ಕತೊ, ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ ಆಯೊ, ಯೋ ರೋಟೊ ಖಾತೋಥೊಕೊಯ್ನಿ ಅಜು಼ ದ್ರಾಕ್ಷಿನು ರಖ್ಹ್‌ ಪೀತೋಥೊಕೊಯ್ನಿ, ತುಮೆ ಇನ ಭೂತ್‌ ಧರಿರಾಖ್ಯುಸ್ ಕರಿ ಬೋಲೋಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:35

ಕತೋಬಿ ದೇವ್ನಿ ಗ್ಯಾನ್‌ತೊ ಖ್ಹಾಚಸ್‌ಕರಿ, ಇನ ಮಾನಿಲ್ಯಾವಾಳಥೀಸ್ ಮಾಲುಮ್‌ಪಡಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:36

ಫರಿಸಾಯರ್‌ಮ ಏಕ್‌ ಜ಼ಣಾನೆ, ಯೇಸುನ ಖಾಣನ ಆವ್ಣುಕರಿ ಬೋಲಿಲಿದೊ. ಇನಾಖ್ಹಾಜೆ ಯೇಸು ಇನ ಘರೆ ಜೈ಼ನ್ ಖಾಣು ಖಾವಾನ ಬೇಶಿಗಯೊ.

ಯೋಹಾನ 12:2

ಯೇಸುನಖ್ಹಾಜೆ ಹಿಜ್ಜಾ಼ ಖಾಣು ತೈಯಾರ್ ಕರಿರಾಖ್ಯುಥು, ಮಾರ್ಥ ಖಾಣು ನಾಖಿನ್ ದೇವ್‌ಕರ್ತೀಥಿ, ಯೇಸುನ ಜೋ಼ಡೆ ಖಾಣನ ಬೆಠುಥೂತೆ ಇವ್ಣಾಮ ಲಾಜ಼ರ್‌ಬಿ ಏಕ್‌ ಜ಼ಣೊ.

ಯೋಹಾನ 2:2

ಯೇಸುನ ಅಜು಼ ಇನ ಶಿಷ್ಯರ್‌ನಾಬಿ ವ್ಯಹಾನ ಬುಲೈರಾಖ್ಯುಥು.