ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:6 - ದೇವ್ನಿ ಖ್ಹಾಚಿ ವಚನ್

⁶ ಬಿಜೇಕ್ ಸಬ್ಬತ್‌ ದನ್ನೆ ಯೇಸು ಸಬೆ ಭರಾವಾನು ಮಂದಿರ್‌ಮ ಜೈ಼ನ್, ವಚನ್ ಬೋಲಿ ದೆವ್‍ಕರ್ತೋಥೊ. ಖಾವೊ ಹಾತ್‌ ಝೂ಼ಟೊ ಪಡೆಹುಯೊ ಏಕ್‌ ಜ಼ಣೊ ಹಿಜ್ಜಾ಼ ಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:6 ပူးပေါင်းရင်းမြစ်များ

ಮತ್ತಾಯ 4:23

ಬಾದ್‌ಮ ಯೇಸು ಗಲಿಲಾಯ ಅಖ್ಖೂಸ್ ಫರೀನ್, ಹಿಜ್ಜಾ಼ನು ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ದೇವ್ನಿ ರಾಜ್ಯನಿ ಬಾರೇಮನು ಅಛ್ಛಿ ಖಬರ್‌ನ ಬೋಲ್ತೊಹುಯಿನ್‌, ಅದ್ಮಿಮ ಥೂತೆ ಖ್ಹಾರೀಸ್‍ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:10

ಏಕ್‌ ದನ್ನೆ ಸಬ್ಬತ್‌ಮ ಯೇಸು ಸಬೆ ಭರಾವಾನು ಮಂದಿರ್‌ಮ ವಚನ್ ಬೋಲಿದೆವ್‍ಕರ್ತೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:3

ತದೆ ಯೇಸುನೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್‌ನ, “ಅಪ್ಣಿ ಖಾನುಲ್‌ಮ ಸಬ್ಬತ್‌ ದನ್ಮ ಅಛ್ಛು಼ ಕರಾನು ಬರಾಬರ್‌ಕಿ ಕೊಯ್ನಿ”? ಕರಿ ಪುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:16

ಯೇಸು ಯೋ ಪಳ್ಯೋತೆ ಗಾಮ್‍ ಹುಯಿರ‍್ಹೂತೆ ನಜ಼ರೇತ್‌ನ ಆಯೊ. ಯೋ ಕರ್ತೊಥೋತೆ ಇಮ್ಮಸ್, ಸಬ್ಬತ್‌ ದನ್ಮ ಸಬೆ ಭರಾವಾನು ಮಂದಿರ್‌ಮ ಜೈ಼ನ್, ಪಢಾನಖ್ಹಾಜೆ ಉಠಿ ಭಿಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:31

ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನು ಕಪೆರ್ನೌಮ್ ಕರಿ ಗಾಮ್‌ನ ಗಯೊ. ಹಿಜ್ಜಾ಼ ಸಬ್ಬತ್‌ ದನ್ನೆ ಇವ್ಣುನ ವಚನ್‍ ಬೋಲಿದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:1

ಸಬ್ಬತ್‌ ದನ್ಮ ಯೇಸು ಅನಾಜ಼್ ಪಿಕಿಹುಯು ಖೇತರ್‌ಮಾಕರಿ ಚಾ಼ಲಿ ಒಳೆಜಾ಼ತೊಥೊ. ತದೆ ಇನ ಶಿಷ್ಯರ್‌ನೆ ಬುಟ್ಟಾ ತೋಡಿನ್, ಹಾತ್‌ಮ ಮಖ್ಹ್‌ಳಿನ್ ಖಾವಾಲಗ್ಯಾಥ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:5

ಅಜು಼ ಯೇಸುನೆ, “ಅದ್ಮಿನೊ ಛಿಯ್ಯೊ ಸಬ್ಬತ್‌ ದನ್ನ ಪ್ರಭು ಹುಯಿರ‍್ಹೋಸ್” ಕರಿ ಬೋಲ್ಯೊ.

ಯೋಹಾನ 5:3

ಯೋ ಛ಼ತ್‌ಕನ ರೋಗ್‌ರಾಯೊ ರ‍್ಹವಾಳು ಘಣು ಅದ್ಮಿ ಪಡ್ಯುರ‍್ಹೇತೂಥು. ಇವ್ಣಾಮ ಕಾಣು, ಲಂಗ್ಡು, ಅಜು಼ ಲಕ್‍ವೊ ಮಾರ‍್ಯುಹುಯು ಥೂ.ಇವ್ಣೆ ಪಾಣಿ ಕದೆ ಹಲ್‍ಶೇಸ್‍ಕರಿ ಟಿವಯ್ ರ‍್ಹೇತುಥು.

ಯೋಹಾನ 9:16

ಫರಿಸಾಯರ್‌ಮ ಥೋಡಾನೆ, “ಆ ಅದ್ಮಿ ದೇವ್‍ಥಿ ಆಯೊಹುಯೊ ಕಾಹೆ, ಶನಕತೊ ಅನೆ ಸಬ್ಬತ್‌ದನ್ನು ಪಾಲನ್‍ ಕೊ ಕರಾನಿ” ಕರಿ ಬೋಲ್ಯು. ಬಿಜು಼ ಥೋಡಾನೆ, “ಖಿವು ಪಾಪಿ ಅಮ್ನಿ ಅದ್ಭುತ್ ಕಾಮ್‌ಖ್ಹಾರು ಕರಾಸ್?” ಕರಿ ಬೋಲ್ಯು. ಅಮ್ ಇವ್ಣ-ಇವ್ಣಾಸ್‍ಮ ಬೇ ಭಾಗ್‌ ಹುಯಿಗಯು.