26 ಅದ್ಮಿಖ್ಹಾರು ತುಮೂನ ಖ್ಹರಾಯೂತೊ, ತುಮಾರಿ ಹಾಲ್ನ ಶಾತ್ ಬೋಲು! ಇವ್ಣ ಗುರುಗುರಬ್ಲ್ಯನೇಬಿ ಝೂ಼ಟಪ್ರವಾದಿ ಖ್ಹಾರಾನ ಇಮ್ಮಸ್ ಖ್ಹರಾಯು.
ಝೂ಼ಟ ಪ್ರವಾದಿಯೇನಿ ಬಾರೇಮ ಹೊಷಾರ್ಥಿ ರ್ಹವೊ; ಇವ್ಣೆ ಮೇಂಢಾನು ಪೇರ್ವಾಖ್ಹ್ನ ಘಾಲಿಲೀನ್ ತುಮಾರಕನ ಆವ್ಶೆ, ಕತೋಬಿ ಮಹಿ ದೇಖ್ಯುತೊ ಇವ್ಣೆ ಖ್ಹಾಚಮಾಬಿ ಝಂಜೋ಼ಡಿ ಖವಾಳ ಜ಼ರಕ್ನಿಘೋಣಿ ಹುಯಿರ್ಹೂಸ್.
ಹಮ್ಕೆ ಪೇಟ್ ಭರೈರ್ಹುತೆ ತುಮಾರಿ ಹಾಲ್ನ ಶಾತ್ ಬೋಲು! ತುಮೆ ಭುಕ್ಯು ರ್ಹಿಶು! ಹಮ್ಕೆ ಹಾಖ್ಹವಾಳ ತುಮಾರಿ ಹಾಲ್ನ ಶಾತ್ ಬೋಲು; ತುಮೆ ಕುರ್ಲ್ಹಾವ್ಶು ಅಜು಼ ರೊವ್ಶು!
ತುಮೆ ಆ ಜಗತ್ವಾಳ ಹುಯಿರ್ಹಾಹೋತ್ತೊ, ಆ ಜಗತ್ವಾಳು ತುಮೆ ಇವ್ಣ ಭಣಿವಾಳ ಕರಿ ಪ್ಯಾರ್ ಕರ್ಯುಹೊತ್. ಕತೋಬಿ ತುಮೆ ಜಗತ್ ಭಣಿವಾಳ ಕಾಹೆತೆ ಇನಖ್ಹಾಜೆ, ಅಜು಼ ಮೇ ತುಮೂನ ಜಗತ್ಮಾಥು ಚೂ಼ಣಿನ್ ಕಾಡಿರಾಖ್ಯೋಸ್ತೆ ಇನಖ್ಹಾಜೆ, ಆ ಜಗತ್ ತುಮಾರಪರ್ ವಹೇರ್ ಕರಾಸ್.
ಆ ಜಗತ್ ತುಮೂನ ವಹೇರ್ ಕರಾನ ಕೊ ಹೊಯ್ನಿ, ಕತೋಬಿ ಮೇ ಇನಿ ಕಾಮ್ ಅಖ್ಖಾನ ಖರಾಬ್ ಕರಿ ಸಾಕ್ಷಿಬೋಲುಸ್ತೆ ಇನಖ್ಹಾಜೆ ಯೋ ಮನ ವಹೇರ್ ಕರಾಸ್.
ಎಥ್ರಾನು ಅದ್ಮೆವ್ನ ಅಪ್ಣೊ ಪ್ರಭು ಕ್ರಿಸ್ತನಿ ಸೇವೆ ಕರಾನು ಮ್ಹೇಲಿನ್ ಇವ್ಣ ಪೇಟ್ನಿ ಸೇವೆಕರವಾಳ ಹುಯಿರ್ಹೇಸ್. ಮಿಠ್ಠಿ ಅಜು಼ ಕವ್ಳಿ ವಾತೇಥಿ ಶೇದೇವ್ ಅದ್ಮಿವ್ನ ದಿಲ್ನ ಠಗಾವವಾಳು ಹುಯಿರ್ಹುಸ್.
ವಿಶ್ವಾಸ್ಕೊಂತೆ ಅದ್ಮಿವೊ, ಜಗತ್ನಿ ಜೋ಼ಡ್ಮ ದೋಸ್ತಿಕರಾನು ದೇವ್ನ ವಹೇರ್ ಕರಾನು ಕರಿ ತುಮುನ ಮಾಲುಮ್ ಕೊಯ್ನಿಕಿ ಶು? ಇನಖ್ಹಾಜೆ ಜಗತ್ನ ದೋಸ್ತಿಹುಯಿರ್ಹೆವುಸ್ ಕರಿ ಬೋಲಿಲ್ಯಾವಾಳೊ ಇನುಯೋಸ್ ದೇವ್ನ ವಿರೋದಿ ಬಣೈಲೆಸ್.