ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:18 - ದೇವ್ನಿ ಖ್ಹಾಚಿ ವಚನ್

¹⁸ ಯೇಸು ಬೋಲಾತೆ ವಚನ್ನ ಖ್ಹಮ್‌ಜಾ಼ನ, ಅಜು಼ ರೋಗ್‌-ರಾಯೊ ಅಛ್ಛು಼ ಕರೈಲ್ಯವಾನಟೇಕೆ ಯೋ ಅದ್ಮಿಖ್ಹಾರು ಐರ‍್ಹುಥು. ಭೂತ್‌ ಧರಿರಾಖ್ಯುಹುಯು ಅದ್ಮಿ ಖ್ಹಾರುಬಿ ಆಯು, ಇವ್ಣಾಮಬಿ ಅಛ್ಛು಼ ಹುಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:18 ပူးပေါင်းရင်းမြစ်များ

ಮತ್ತಾಯ 15:22

ಯೋ ಮುಲಕ್‌ಮ ರ‍್ಹೇತಿಥೀತೆ ಕಾನಾನ್‌ವಾಳಿ ಏಕ್‌ ತಯೇಡ ಇನಾಕನ ಆಯಿನ್, “ದಾವೀದ್‌ನ ಛಿಯ್ಯಾ! ಪ್ರಭು, ಮಾರಪರ್ ಗೋರ್‌ ಕರ್‌! ಮಾರಿ ಛೋ಼ರಿಮ ಭೂತ್ ಛಾ಼ ಅಜು಼ ಘಣಿ ಖರಾಬ್ ಹಾಲ್‌ಮ ಯೋ ಛಾ಼” ಕರಿ ಚಿಕ್ರಿನ್ ಬೋಲಿ.

ಮತ್ತಾಯ 17:15

“ಪ್ರಭು, ಮಾರ ಛಿಯ್ಯಾನ ಗೋರ್‌ ಕರ್‌! ಇನ ಮಿರ್‌ಘಿ ಲಾಗಿರ‍್ಹೂಸ್, ಇನೇಥಿ ಯೋ ಘಣು ತರಪ್‌ಡುಕರಾಸ್. ಯೋ ತದೆ-ತದೆ ಆಗ್‌ಮಾಬಿ ಪಾಣಿಮಾಬಿ ಪಡ್‌ತೊರ‍್ಹೇಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:17

ಅನ ಬಾದ್‌ಮ ಯೇಸುನೆ ಇನ ಅಪೊಸ್ತಲರ‍್ನ ಜೋ಼ಡೆ ಪಹಾಡ್ ಉತ್ರಿ ಹೇಟ್‌ ಆಯಿನ್, ಇನ ಬಿಜಾ಼ಖ್ಹಾರ ಶಿಷ್ಯರ್‌ನಿ ಮೋಟಿ ಝೂ಼ಂಡ್‌ನ ಜೋ಼ಡೆ ಶದ್ದರ್ ಜ಼ಮೀನ್‌ಪರ್ ಭೀರಿಗಯೊ. ಯೂದಾಯ ತಬರ್‌ಖಾಥು, ಯೆರೂಸಲೇಮ್‌ ಖ್ಹಯೇರ್‌ಭಣಿಥುಬಿ, ದರ‍್ಯಾವ್‍ನ ಖನ್ನೆ ಛಾ಼ತೆ ತೂರ್ ಅಜು಼ ಸೀದೋನ್ ಖ್ಹಯೇರ್‌ಥು ಆಯುಹುಯು ಅದ್ಮಿನಿ ಮೋಟಿ ಭೀಡ್ ಹಿಜ್ಜಾ಼ ಥೂ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:19

ಅದ್ಮಿಖ್ಹಾರು ಯೇಸುನ ಛೀಮ್‌ಣು ಕರಿ ಕರ‍್ಯು, ಶನಕತೊ ಇನಾಮಾಥಿ ಶಕತ್‍ ನಿಕ್ಳಿನ್ ಖ್ಹಾರಾವ್‌ನ ಅಛ್ಛು಼ ಕರುಕರ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:16

ಯೆರೂಸಲೇಮ್ನ ಅಶ್‌ಪಿಶ್‍ ಖ್ಹಾರಗಾಮ್‍ನು ಅದ್ಮಿ ಆವ್ತುಥು. ಇವ್ಣೆ ರೋಗ್‍ವಾಳನಾಬಿ ಭೂತ್‌ ಧರಿರಾಖವಾಳನಾಬಿ ಢೊಯಿಲೀನ್ ಆವ್ತುಥು.ಆ ಅಖ್ಖೂಸ್‌ಜ಼ಣು ಗುಣ್‌ಹೋತುಥು.