ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:41 - ದೇವ್ನಿ ಖ್ಹಾಚಿ ವಚನ್

⁴¹ ಭೂತ್‌ಖ್ಹಾರು ಜಿನುಕು, “ತೂ ದೇವ್‌ನೊ ಛಿಯ್ಯೊ” ಕರಿ ಬಳೆಳ್ಹಾಟ್ ಮ್ಹೇಲ್ತುಹುಯಿನ್, ಕೈಯೆಕ್ಕಿ ಅದ್ಮಿನ ಮಹಿತು ನಿಕ್ಳಿಗಯು. ಯೋ ಕ್ರಿಸ್ತ ಕರಿ ಭೂತ್‌ ಖ್ಹಾರಾನ ಮಾಲುಮ್‍ಥೂತೆ ಇನಟೇಕೆ, ಯೇಸುನೆ ಇವ್ಣುನ ವಾತೆ ನಾ ಬೋಲ್‌ನು ಕರಿ ಹುಕುಮ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:41 ပူးပေါင်းရင်းမြစ်များ

ಮತ್ತಾಯ 26:63

ಕತೋಬಿ ಯೇಸು ಖ್ಹೊಪ್ ಥೊ. ತದೆ ಮಹಾಯಾಜಕ್‌ನೆ ಪಾಛೊ಼, “ತುನ ಜಿವ್ತೊ ದೇವ್ನ ನಾಮ್‌ಪರ್‌ ಆಣ್‍ಲೀನ್, ಪುಛಾ಼ವುಸ್, ತೂ ದೇವ್‌ನೊ ಛಿಯ್ಯೊ ಕ್ರಿಸ್ತಸ್‌ಕಿಶು? ಹಮೂನ ಬೋಲ್” ಕರಿ ಬೋಲ್ಯೊ.

ಮತ್ತಾಯ 4:3

ತದೆ ಶೈತಾನ್‍ ಯೇಸುಕನ ಆಯಿನ್, “ತೂ ದೇವ್‌ನೊ ಛಿಯ್ಯೊ ಉಶೇತೊ, ಆ ಬಂಡಾವ್‍ನ ರೋಟೊ ಹುವಾನಿಘೊಣಿ ಹುಕುಮ್‌ ದೇ” ಕರಿ ಬೋಲ್ಯೊ.

ಮತ್ತಾಯ 8:16

ಖ್ಹಾಂಜ಼್ ಹುವ್ವಾದೀನ್, ಭೂತ್‌ ಧರಿರಾಖ್ಯುಥೂತೆ ಘಣ ಅದ್ಮಿನ ಯೇಸುಕನ ಬುಲೈಲಾಯು; ಯೇಸುನೆ ಖಲಿ ವಾತೆಥೀಸ್‌ ಭೂತ್‌ಖ್ಹಾರು ಕಾಡ್ಯೊ ಅಜು಼ ರೋಗ್‌ಮ ಥೂತೆ ಖ್ಹಾರಾನ ಅಛ್ಛು಼ ಕರ‍್ಯೊ.

ಮತ್ತಾಯ 8:29

ತದೇಸ್‌ ಇವ್ಣೆ, “ದೇವ್ನ ಛಿಯ್ಯಾ, ಹಮಾರೇಥಿ ತುನ ಶಾತ್‌ ಛಾ಼? ವಖ್ಹತ್ ಆವಾನ ಆಗಾಡಿಸ್‌ ಹಮೂನ ನಿಶತ್ ದ್ಯಾವಾನ ಐರ‍್ಹೋಸ್ಕಿ ಶು?” ಕರಿ ಚಿಕ್ರಿನ್ ಬೋಲ್ಯೊ.

ಮತ್ತಾಯ 8:4

ತದೆ ಯೇಸುನೆ ಇನ, “ಖ್ಹಮಜ಼್! ಕಿನಾಬಿ ನಕೊ ಬೋಲೀಶ್‌; ಕತೋಬಿ ಯಾಜಕಕನ ಜೈ಼ನ್ ತಾರು ಆಂಗ್‌ತನ್‌ ವತಾಳಿನ್ ಮೋಶೇನೆ ನೇಮ್‌ಶಾಯೋತೆ ಕಾಣ್ಕೆನ ದೇ; ಅನೇಥಿ ಅದ್ಮಿಖ್ಹಾರಾಮ ತುನ ಅಛ್ಛು಼ ಹುಯಿಗಯು ಕರಿ ಸಬೂತ್ ರ‍್ಹಿಶೆ” ಕರಿ ಬೋಲ್ಯೊ.

ಮಾರ್ಕ 1:25

ಯೇಸುನೆ ಯೋ ಭೂತ್‌ನ ಗುರ್‌ಕೈನ್, “ಖ್ಹೊಪ್‌ರ‍್ಹೆ, ಅನ ಮ್ಹೆಂದಿನ್ ಭಾರ್‌ನಿಕಳ್‌” ಕರಿ ಬೋಲ್ಯೊ.

ಮಾರ್ಕ 1:32

ದನ್ ಡುಬಾನ ಬಾದ್‌ಮ ಖ್ಹಾಂಜ಼್‍ನು, ಅದ್ಮಿಖ್ಹಾರು ರೋಗ್‌ಮ ರ‍್ಹವಾಳ ಖ್ಹಾರಾನ ಅಜು಼ ಭೂತ್ ಧರಿರಾಖವಾಳ ಖ್ಹಾರಾನ ಯೇಸುಕನ ಲೀನ್ ಆಯು.

ಮಾರ್ಕ 1:34

ತದೆ ಯೇಸು ಖ್ಹಾರಿ ತರ‍್ಹಾನು ರೋಗ್‍ವಾಳ ಘಣ ಅದ್ಮಿನ ಅಛ್ಛು಼ ಕರ‍್ಯೊ. ಅಜು಼ ಘಣು ಭೂತ್ ಖ್ಹಾರು ಕಾಡ್ಯೊ, ಯೋ ಭೂತ್ ಖ್ಹಾರಾನ ಯೇಸು ಕೋಣ್‌ಕರಿ ಮಾಲುಮ್ ಥು, ಇನಾಖ್ಹಾಜೆ ಯೋ ಭೂತ್ ಖ್ಹಾರಾನ ವಾತ್ ಬೋಲಾದಿದೊಕೊಯ್ನಿ.

ಮಾರ್ಕ 3:11

ಅಜು಼ ಭೂತ್ ಧರೀರಾಖ್ಯುಹುಯು ಅದ್ಮಿಖ್ಹಾರು ಯೇಸುನ ದೇಖಾತೋಡಿ ಇನ ಗೋಡಾಪರ್ ಪಡ್‌ತೂಥು; ಇವ್ಣಮಾನು ಭೂತ್‌ಖ್ಹಾರು, “ತೂ ದೇವ್‌ನೊ ಛಿಯ್ಯೊ!” ಕರಿ ಚಿಕರ್ತುಥು”.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:39

ತದೆ ಯೇಸುನೆ ಇನಾಕನ ಜೈ಼ನ್ ಭೀರಿನ್, ಇನ ಮ್ಹೆಂದಿನ್ ಜಾ಼ವಾನಿ ಘೋಣಿ ಯೋ ತಾವ್‌ನ ಹುಕುಮ್‌ ದೇತಾಖ್ಹತರ್‌, ತಾವ್ ಉತ್ರಿಗಯೊ. ತದ್‌ನು ತದ್ದೇಸ್ ಯೋ ಉಠೀನ್ ಇವ್ಣಿ ಸೇವಾ-ಚಾ಼ಕ್ರಿ ಕರಿ.

ಯೋಹಾನ 20:31

ಕತೋಬಿ ಯೇಸುಸ್‌ ಕ್ರಿಸ್ತ ಕರೀಬಿ, ದೇವ್‌ನೊ ಛಿಯ್ಯೊ ಕರೀಬಿ ತುಮೆ ನಂಬಿನ್, ಇನ ನಾಮ್‍ಥಿ ತುಮೂನ ಜಾನ್‌ ಮಳಾದೆ ಕರಿ ಅತ್ರುಖ್ಹಾರು ಲೀಖೈರ‍್ಹುಸ್.

ಯಾಕೋಬ 2:19

ದೇವ್ ಎಕ್ಕಸ್‍ಜ಼ಣೊ ಕರಿ ಯೋ ವಿಶ್ವಾಸ್ ಕರಸ್, ಯೋ ಅಛ್ಛು಼ಸ್‍. ಕತೋಬಿ ಶೈತಾನ್‍ಬಿ ಇಮ್ಮಸ್ ವಿಶ್ವಾಸ್ ಕರೀನ್ ಡರ್‌ಥಿ ಕಾಪಸ್.