ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44 - ದೇವ್ನಿ ಖ್ಹಾಚಿ ವಚನ್

⁴⁴ ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44 ပူးပေါင်းရင်းမြစ်များ

ಮತ್ತಾಯ 1:22

ಪ್ರಭುನೆ ಪ್ರವಾದಿಯೇನ ಮ್ಹೋಡವಾಟೆ ಬೋಲಾಯೋತೆ ವಾತೆ ಖ್ಹಾರು ಚಾ಼ಲಾನಟೇಕೆ, ಆ ಖ್ಹಾರು ಚಾ಼ಲ್ಯುತೆ.

ಮತ್ತಾಯ 16:21

ತಪ್‌ಥೊ ಯೇಸು, “ಮೇ ಯೆರೂಸಲೇಮ್‌ನ ಜೈ಼ನ್‌, ಹಿಜ್ಜಾ಼ ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ, ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇಥಿ ಘಣು ಲತಾಡ ಖ್ಹಮಾಳ್‌ಣು ಅಜು಼ ಇವ್ಣೆ ಇನ ಮರ್‌ನಾಕ್‌ಶೆ; ಕತೋಬಿ ತೀನ್ ದನ್‌ಕೇಡೆ ಮೇ ಪಾಛೊ಼ ಜಿವ್ತೊಹುಯಿನ್, ಉಠೀನ್ ಆಯಿಶ್” ಕರಿ ಶಿಷ್ಯರ್‌ನ ಬೋಲಾನ ಶುರು ಕರ‍್ಯೊ.

ಮತ್ತಾಯ 26:54

ಕತೋಬಿ ಇಮ್‌ ಮೋಕ್‌ಲ್ಯೋತೊ, ಮನ ಅಮ್ನು ಖ್ಹಾರು ಹೋಣು ಕರಿ ವಚನ್‌ಮ ಬೋಲೈತೆ ವಾತೆ ಕಿಮ್ ಚಾ಼ಲ್‌ಷೆ?” ಕರಿ ಬೋಲ್ಯೊ.

ಮತ್ತಾಯ 26:56

ಕತೋಬಿ ಪ್ರವಾದಿ ಖ್ಹಾರು ಲೀಖ್ಯೂತೆ ವಚನ್ ಪೂರಹುವಾನ ಟೇಕೆ ಅಮ್ ಹುಯು” ಕರಿ ಬೋಲ್ಯೊ. ತದೆ ತಮಾಮ್‌ ಶಿಷ್ಯರ್‌ ಇನ ಮ್ಹೆಂದಿನ್, ನಾಶಿ ಚ಼ಲೇಗಯ.

ಮಾರ್ಕ 9:31

ಶನಕತೊ ಯೇಸು ಇನ ಶಿಷ್ಯರ್‌ನ ಬೋಲಿ ದೇತೊಹುಯಿನ್, “ಅದ್ಮಿನ ಛಿಯ್ಯಾನ, ಇನ ಮಾರಿನಾಖವಾಳಾನ ಹಾತ್‌ಮ ದೆವೈಜಾಶೆ, ಇವ್ಣೆ ಇನ ಮಾರಿನಾಕ್‌ಶೆ. ಕತೋಬಿ ಮರೀನ್ ತೀನ್ ರೋಜ಼್ ಕೇಡೆ, ಯೋ ಪಾಛೊ಼ ಜಿವ್ತೊ ಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:22

ಶನಕತೊ ಲೀಖೈರ‍್ಹೂತೆ ಖ್ಹಾರು ಚಾ಼ಲಾನಖ್ಹಾಜೆ, ಯೋ ದನ್ ಖ್ಹಾರು ನಿಶತ್‌ನೊ ದನ್ ಹುಯಿರ‍್ಹಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:37

ಶನಕತೊ, ಪ್ರವಾದಿಖ್ಹಾರು ಮಾರಿ ಬಾರೇಮ ಲೀಖೈರ‍್ಹೂತೆ ಇಮ್‌, ಅಪರಾದಿಮ ಏಕ್‌ ಜ಼ಣಾನಿಮತ್ ಮನ ಸೋಚ್ಯು, ಕರಿ ಬೋಲಾನು ಚಾ಼ಲ್ನುತೆ, ಇನಖ್ಹಾಜೆ ಯೋ ಪೂರ ಹುವಾನ ಆಯು.‌

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:46

ಅಜು಼ ಇವ್ಣುನ, ಕ್ರಿಸ್ತ ಖ್ಹತಾಪ್ಣಿ ಖೈನ್, ಮರಿನ್‌, ತೀನ್ನೊ ದನ್ಮ ಉಠಿ ಆವ್ಣು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:22

ಅನ ಬಾದ್‌ಮ ಯೇಸುನೆ ಇವ್ಣುನ, “ಅದ್ಮಿನೊ ಛಿಯ್ಯೊ ಘಣು ಲತಾಡ ಪಡ್ನು, ಯೆಹೂದ್ಯರ್‌ನು ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ ಅಜು಼ ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೇಥಿ ಧಕೇಲೈಜಾ಼ಶೆ, ಅಜು಼ ಇನ ಮಾರಿನಾಕ್‌ಶೆ, ಕತೋಬಿ ತೀನ್ ದನ್ನ ಬಾದ್‌ಮ, ಯೋ ಜಿವ್ತೊಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:44

“ಮೇ ಬೋಲುಕರುಸ್ತೆ ವಾತೇನ ಭೈಕ್‌ಶು ನಕೊ; ಅದ್ಮಿನ ಛಿಯ್ಯಾನ ಅದ್ಮಿಖ್ಹಾರಾನ ಹಾತ್‌ಮ ದೆವೈಜಾಶೆ”

ಯೋಹಾನ 3:14

ಮೋಶೆನೆ ಉಜ್ಜಾ಼ಡಿ ಝ಼ಗೋಪರ್‌ ತಾಂಬಾನು ಖ್ಹಾಪ್‍ನ ಊಚ಼ ಖಂಬಾಪರ್‌ ಮ್ಹೇಲ್ಯೋತೆ ಇಮ್ಮಸ್, ಅದ್ಮಿನೊ ಛಿಯ್ಯಾನಾಬಿ ಊಚು಼ ಪಾಡ್ನು.

ಯೋಹಾನ 5:39

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಯೋಹಾನ 5:46

ತುಮೆ ಖ್ಹಾಚಮಾಬಿ ಮೋಶೆನಿ ವಾತೆನಪರ್ ವಿಶ್ವಾಸ್ ಕರಾನು ರ‍್ಹಿಯಿತೊ, ಮಾರಪರ್‌ಬಿ ಭರೋಖ್ಹೊ ಕರ‍್ಯಾಹೋತ್‌. ಶನಕತೊ ಇನೆ ಮಾರಿ ಬಾರೇಮ ಲೀಖಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:33

ತುಮೆ ಇವ್ಣ ಖಾನ್‍ದಾನ್‍ವಾಳ ಹುಯಿರ‍್ಹಾಸ್. ದೇವ್ ಯೇಸುನ ಮರ‍್ಯಹುಯಮಾಥು ಜೂತೊಕರೀನ್ ಉಠಾಡಾಥಿ ಯೋ ವಾಗ್ದಾನ್ನ ಅಪ್ಣಖ್ಹಾಜೆ ಚ಼ಲೈರಾಖ್ಯೊಸ್. ಅನಿ ಬಾರೇಮ ಬೇನಿ ಕೀರ್ತನೇಮ ಅಮ್ ಲೀಖೈರ‍್ಹುಸ್. ‘ತೂ ಮಾರೊ ಛಿಯ್ಯೊ ಹಮ್ಕೇಸ್ ಮೇ ತುನ ಬಾ ಹುಯಿರ‍್ಹೊಸ್.’

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:40

ಇನಖ್ಹಾಜೆ ಪ್ರವಾದಿಖ್ಹಾರನ ದಪ್ತರ್‌ಮ ಬೋಲೈರ‍್ಹುತೆ ತುಮೂನ ನಾಚಾ಼ಲ್ನು ತಿಮ್ ದೇಖಿಲೇವೊ. ಯೋ ಶಾತ್‍ಕತೊ;

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:27

ಶನಕತೊ ತೂ ಮಾರ ಜಾನ್ನಆತ್ಮನ ಪಾತಾಳ್ಮ ಮ್ಹೇಲಿಶ್ ಕೊಯ್ನಿ. ತಾರ ಪ್ಯಾರ್‌ನ ಅದ್ಮಿನ ಪಾತಾಳ್ಮ ಖ್ಹಡ್ವಾನ ಮ್ಹೇಲಿಶ್‍ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:18

ಕ್ರಿಸ್ತಯೇಸು ಲತಾಡ ಲಿಶೆ ಕರಿ ದೇವ್ನೆ ಪ್ರವಾದಿಖ್ಹಾರಥಿ ಅಗಾಡಿಸ್ ಬೋಲಾಯೋತೆ ವಾತೆ ಅಮ್ನಿ ಪರಕ್ಮ ಚಾ಼ಲಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:37

ಯೋ ಮೋಶೆನೇಸ್, ದೇವ್ನೆ ಮನ ಉಠಾಡಾನಿ ತರಸ್ ತುಮಾರ ಅದ್ಮಿಮಾಸ್‌ ಏಕ್‌ ಪ್ರವಾದಿನ ತುಮಾರಮಸ್ ಉಠಾಡ್‌ಶೆ, ಕರಿ ಇಸ್ರಾಯೇಲ್‌ನ ಅದ್ಮಿಖ್ಹಾರಾನ ಬೋಲ್ಯೊ.

ಇಬ್ರಿ 10:1

ಧರ್ಮಶಾಸ್ತ್ರ ಅಗಾಡಿ ಆವ್ಣುತೆ ಅಛ್ಛಿ ವಾತ್ನಿ ಛಾ಼ಯ ಪಣ್ಕಿ ಯೋ ಇನು ಖ್ಹಾಚು಼ ರೂಪ್‍ಕಾಹೆ. ಇನಖ್ಹಾಜೆ ಯೋ ಧರ್ಮಶಾಸ್ತ್ರ ಹರೇಕ್ ವರಖ್ಹ್‌ ಕದೇಬಿ ಎಕ್ಕಸ್ ಥರಾನು ಬಲಿನ ಛ಼ಡೈನ್ ದೇವ್‌ಕನ ಆವಾಳಾನ ಕದೇಬಿ ಭರ್‌ಪೂರ್‌ ಕರ್ಶೆ ಕೊಯ್ನಿ.

ಇಬ್ರಿ 3:5

ಮೋಶೆ ದೇವ್ನ ಘರ್‌ಮ ವಿಶ್ವಾಸ್‌ನೊ ಸೇವಕ್ ಹುಯಿರ‍್ಹೊಥೊ. ಇನೆ ಖ್ಹಾಮ್ಣೆ ಬೋಲಾವನಿ ಬಾರೇಮ ಸಾಕ್ಷಿ ಹುಯಿರ‍್ಹೊಥೊ.

ಇಬ್ರಿ 7:1

ಆ ಮೆಲ್ಕಿಜೆದೇಕ್ ಸಾಲೇಮ್‌ನೊ ರಾಜ಼ ಅಜು಼ ಘಣೊಊಚೊ಼ ಹುಯಿರ‍್ಹವವಾಳೊ ದೇವ್‌ನೊ ಯಾಜಕಬಿ ಹುಯಿರ‍್ಹೊಥೊ. ಅನೆ ರಾಜ಼ವ್ನ ಸಂಹಾರ್ ಕರೀನ್ ಪಾಛೊ಼ ವಳ್ಯವ್ತೊಥೊತೆ ಅಬ್ರಹಾಮ್‌ನ ಮ್ಹೋರೆಹುಯಿನ್ ಇನ ಆಶೀರ್ವಾದ್‌ ಕರ‍್ಯೊ.

ಇಬ್ರಿ 9:8

ಆ ಡೇರಾನು ಪಹಿಲು ಭಾಗ್‌ ಅಜೂ಼ಬಿ ರ‍್ಹಾವಾಲಗು ಘಣು ಪರಿಶುಧ್ ಝ಼ಗೊನ ಜಾ಼ವನು ಮಾರಗ್ ಹಮ್ಕೆಲಗು ದೆಖಾಯುಕೊಯ್ನಿ. ಕರಿಬೋಲಾನು ಪವಿತ್ರಾತ್ಮ ಬೋಲಿವತಾಳಸ್.

1 ಪೇತ್ರ 1:11

ಇವ್ಣಾಮಥೂತೆ ಕ್ರಿಸ್ತನು ಆತ್ಮ ಕ್ರಿಸ್ತನ ಆವ್ಣುತೆ ವದೇಖ್ಹ್‌ ಅಖ್ಖಾನಾಬಿ, ಯೋ ಅಖ್ಖಾನವಾರ್ ಉಷೇತೆ ಮಹಿಮೆನಾಬಿ, ಪಹಿಲೇಸ್ ಖ್ಹಮ್‌ಜಾ಼ಡಾದೀನ್ ದೇವ್ ಖೆವ ಹಗಾಮ್ನ ನತರ್ ಕೆಥ್ರಾನ ಹಗಾಮ್ನ ವತಾಳ್‌ಶೇಕರಿ ಬೋಲಾನು ಇವ್ಣೆ ಪರ್ಖಿನ್ ದೇಖ್ಯು.

ಪ್ರಕಾಶಿತ್ 19:10

ತದೆ ಮೇ ಇನ ಆರಾದನೆ ಕರ್ನುಕರಿ ಇನ ಪಗ್‍ಪರ್ ಅಡ್‌ಪಡ್ಯೊ. ಕತೋಬಿ ದೇವ್ನ ದೂತಾನೆ, ಮನ ಅಮ್ ಆರಾದನೆ ನಕೊಕರ್. ಯೇಸುನ ಖ್ಹಾಚ಼ನ ಲೀರಾಖ್ಯಾಸ್ತೆ ತಾರಿನಿತರಾಬಿ ತಾರ ಭೈಯೇನಿತರಬಿ ಮೇಬಿ ಏಕ್‌ ಚಾ಼ಕ್ರಿವಾಳೊ. ಇನಖ್ಹಾಜೆ ದೇವ್ನ ಆರಾದನೆಕರ್, ಯೇಸುನಿ ಸಾಕ್ಷಿಸ್‌ ಪ್ರವಾದನೆನು ಆತ್ಮಕರಿ ಬೋಲ್ಯೊ.